| Library / Tipiṭaka / ತಿಪಿಟಕ • Tipiṭaka / ಪರಿವಾರಪಾಳಿ • Parivārapāḷi |
೧೭. ಸಮ್ಮತಿವಾರೋ
17. Sammativāro
೩೦೭. ವಿವಾದಾಧಿಕರಣಂ ಕತಿಹಿ ಸಮಥೇಹಿ ಸಮ್ಮತಿ? ಅನುವಾದಾಧಿಕರಣಂ ಕತಿಹಿ ಸಮಥೇಹಿ ಸಮ್ಮತಿ? ಆಪತ್ತಾಧಿಕರಣಂ ಕತಿಹಿ ಸಮಥೇಹಿ ಸಮ್ಮತಿ? ಕಿಚ್ಚಾಧಿಕರಣಂ ಕತಿಹಿ ಸಮಥೇಹಿ ಸಮ್ಮತಿ?
307. Vivādādhikaraṇaṃ katihi samathehi sammati? Anuvādādhikaraṇaṃ katihi samathehi sammati? Āpattādhikaraṇaṃ katihi samathehi sammati? Kiccādhikaraṇaṃ katihi samathehi sammati?
1 ವಿವಾದಾಧಿಕರಣಂ ದ್ವೀಹಿ ಸಮಥೇಹಿ ಸಮ್ಮತಿ – ಸಮ್ಮುಖಾವಿನಯೇನ ಚ ಯೇಭುಯ್ಯಸಿಕಾಯ ಚ।
2 Vivādādhikaraṇaṃ dvīhi samathehi sammati – sammukhāvinayena ca yebhuyyasikāya ca.
3 ಅನುವಾದಾಧಿಕರಣಂ ಚತೂಹಿ ಸಮಥೇಹಿ ಸಮ್ಮತಿ – ಸಮ್ಮುಖಾವಿನಯೇನ ಚ ಸತಿವಿನಯೇನ ಚ ಅಮೂಳ್ಹವಿನಯೇನ ಚ ತಸ್ಸಪಾಪಿಯಸಿಕಾಯ ಚ।
4 Anuvādādhikaraṇaṃ catūhi samathehi sammati – sammukhāvinayena ca sativinayena ca amūḷhavinayena ca tassapāpiyasikāya ca.
5 ಆಪತ್ತಾಧಿಕರಣಂ ತೀಹಿ ಸಮಥೇಹಿ ಸಮ್ಮತಿ – ಸಮ್ಮುಖಾವಿನಯೇನ ಚ ಪಟಿಞ್ಞಾತಕರಣೇನ ಚ ತಿಣವತ್ಥಾರಕೇನ ಚ।
6 Āpattādhikaraṇaṃ tīhi samathehi sammati – sammukhāvinayena ca paṭiññātakaraṇena ca tiṇavatthārakena ca.
7 ಕಿಚ್ಚಾಧಿಕರಣಂ ಏಕೇನ ಸಮಥೇನ ಸಮ್ಮತಿ – ಸಮ್ಮುಖಾವಿನಯೇನ।
8 Kiccādhikaraṇaṃ ekena samathena sammati – sammukhāvinayena.
ವಿವಾದಾಧಿಕರಣಞ್ಚ ಅನುವಾದಾಧಿಕರಣಞ್ಚ ಕತಿಹಿ ಸಮಥೇಹಿ ಸಮ್ಮನ್ತಿ? ವಿವಾದಾಧಿಕರಣಞ್ಚ ಅನುವಾದಾಧಿಕರಣಞ್ಚ ಪಞ್ಚಹಿ ಸಮಥೇಹಿ ಸಮ್ಮನ್ತಿ – ಸಮ್ಮುಖಾವಿನಯೇನ ಚ ಯೇಭುಯ್ಯಸಿಕಾಯ ಚ ಸತಿವಿನಯೇನ ಚ ಅಮೂಳ್ಹವಿನಯೇನ ಚ ತಸ್ಸಪಾಪಿಯಸಿಕಾಯ ಚ।
Vivādādhikaraṇañca anuvādādhikaraṇañca katihi samathehi sammanti? Vivādādhikaraṇañca anuvādādhikaraṇañca pañcahi samathehi sammanti – sammukhāvinayena ca yebhuyyasikāya ca sativinayena ca amūḷhavinayena ca tassapāpiyasikāya ca.
ವಿವಾದಾಧಿಕರಣಞ್ಚ ಆಪತ್ತಾಧಿಕರಣಞ್ಚ ಕತಿಹಿ ಸಮಥೇಹಿ ಸಮ್ಮನ್ತಿ? ವಿವಾದಾಧಿಕರಣಞ್ಚ ಆಪತ್ತಾಧಿಕರಣಞ್ಚ ಚತೂಹಿ ಸಮಥೇಹಿ ಸಮ್ಮನ್ತಿ – ಸಮ್ಮುಖಾವಿನಯೇನ ಚ ಯೇಭುಯ್ಯಸಿಕಾಯ ಚ ಪಟಿಞ್ಞಾತಕರಣೇನ ಚ ತಿಣವತ್ಥಾರಕೇನ ಚ।
Vivādādhikaraṇañca āpattādhikaraṇañca katihi samathehi sammanti? Vivādādhikaraṇañca āpattādhikaraṇañca catūhi samathehi sammanti – sammukhāvinayena ca yebhuyyasikāya ca paṭiññātakaraṇena ca tiṇavatthārakena ca.
ವಿವಾದಾಧಿಕರಣಞ್ಚ ಕಿಚ್ಚಾಧಿಕರಣಞ್ಚ ಕತಿಹಿ ಸಮಥೇಹಿ ಸಮ್ಮನ್ತಿ? ವಿವಾದಾಧಿಕರಣಞ್ಚ ಕಿಚ್ಚಾಧಿಕರಣಞ್ಚ ದ್ವೀಹಿ ಸಮಥೇಹಿ ಸಮ್ಮನ್ತಿ – ಸಮ್ಮುಖಾವಿನಯೇನ ಚ ಯೇಭುಯ್ಯಸಿಕಾಯ ಚ।
Vivādādhikaraṇañca kiccādhikaraṇañca katihi samathehi sammanti? Vivādādhikaraṇañca kiccādhikaraṇañca dvīhi samathehi sammanti – sammukhāvinayena ca yebhuyyasikāya ca.
ಅನುವಾದಾಧಿಕರಣಞ್ಚ ಆಪತ್ತಾಧಿಕರಣಞ್ಚ ಕತಿಹಿ ಸಮಥೇಹಿ ಸಮ್ಮನ್ತಿ? ಅನುವಾದಾಧಿಕರಣಞ್ಚ ಆಪತ್ತಾಧಿಕರಣಞ್ಚ ಛಹಿ ಸಮಥೇಹಿ ಸಮ್ಮನ್ತಿ – ಸಮ್ಮುಖಾವಿನಯೇನ ಚ ಸತಿವಿನಯೇನ ಚ ಅಮೂಳ್ಹವಿನಯೇನ ಚ ಪಟಿಞ್ಞಾತಕರಣೇನ ಚ ತಸ್ಸಪಾಪಿಯಸಿಕಾಯ ಚ ತಿಣವತ್ಥಾರಕೇನ ಚ।
Anuvādādhikaraṇañca āpattādhikaraṇañca katihi samathehi sammanti? Anuvādādhikaraṇañca āpattādhikaraṇañca chahi samathehi sammanti – sammukhāvinayena ca sativinayena ca amūḷhavinayena ca paṭiññātakaraṇena ca tassapāpiyasikāya ca tiṇavatthārakena ca.
ಅನುವಾದಾಧಿಕರಣಞ್ಚ ಕಿಚ್ಚಾಧಿಕರಣಞ್ಚ ಕತಿಹಿ ಸಮಥೇಹಿ ಸಮ್ಮನ್ತಿ? ಅನುವಾದಾಧಿಕರಣಞ್ಚ ಕಿಚ್ಚಾಧಿಕರಣಞ್ಚ ಚತೂಹಿ ಸಮಥೇಹಿ ಸಮ್ಮನ್ತಿ – ಸಮ್ಮುಖಾವಿನಯೇನ ಚ ಸತಿವಿನಯೇನ ಚ ಅಮೂಳ್ಹವಿನಯೇನ ಚ ತಸ್ಸಪಾಪಿಯಸಿಕಾಯ ಚ।
Anuvādādhikaraṇañca kiccādhikaraṇañca katihi samathehi sammanti? Anuvādādhikaraṇañca kiccādhikaraṇañca catūhi samathehi sammanti – sammukhāvinayena ca sativinayena ca amūḷhavinayena ca tassapāpiyasikāya ca.
ಆಪತ್ತಾಧಿಕರಣಞ್ಚ ಕಿಚ್ಚಾಧಿಕರಣಞ್ಚ ಕತಿಹಿ ಸಮಥೇಹಿ ಸಮ್ಮನ್ತಿ? ಆಪತ್ತಾಧಿಕರಣಞ್ಚ ಕಿಚ್ಚಾಧಿಕರಣಞ್ಚ ತೀಹಿ ಸಮಥೇಹಿ ಸಮ್ಮನ್ತಿ – ಸಮ್ಮುಖಾವಿನಯೇನ ಚ ಪಟಿಞ್ಞಾತಕರಣೇನ ಚ ತಿಣವತ್ಥಾರಕೇನ ಚ।
Āpattādhikaraṇañca kiccādhikaraṇañca katihi samathehi sammanti? Āpattādhikaraṇañca kiccādhikaraṇañca tīhi samathehi sammanti – sammukhāvinayena ca paṭiññātakaraṇena ca tiṇavatthārakena ca.
ವಿವಾದಾಧಿಕರಣಞ್ಚ ಅನುವಾದಾಧಿಕರಣಞ್ಚ ಆಪತ್ತಾಧಿಕರಣಞ್ಚ ಕತಿಹಿ ಸಮಥೇಹಿ ಸಮ್ಮನ್ತಿ? ವಿವಾದಾಧಿಕರಣಞ್ಚ ಅನುವಾದಾಧಿಕರಣಞ್ಚ ಆಪತ್ತಾಧಿಕರಣಞ್ಚ ಸತ್ತಹಿ ಸಮಥೇಹಿ ಸಮ್ಮನ್ತಿ – ಸಮ್ಮುಖಾವಿನಯೇನ ಚ ಯೇಭುಯ್ಯಸಿಕಾಯ ಚ ಸತಿವಿನಯೇನ ಚ ಅಮೂಳ್ಹವಿನಯೇನ ಚ ಪಟಿಞ್ಞಾತಕರಣೇನ ಚ ತಸ್ಸಪಾಪಿಯಸಿಕಾಯ ಚ ತಿಣವತ್ಥಾರಕೇನ ಚ।
Vivādādhikaraṇañca anuvādādhikaraṇañca āpattādhikaraṇañca katihi samathehi sammanti? Vivādādhikaraṇañca anuvādādhikaraṇañca āpattādhikaraṇañca sattahi samathehi sammanti – sammukhāvinayena ca yebhuyyasikāya ca sativinayena ca amūḷhavinayena ca paṭiññātakaraṇena ca tassapāpiyasikāya ca tiṇavatthārakena ca.
ವಿವಾದಾಧಿಕರಣಞ್ಚ ಅನುವಾದಾಧಿಕರಣಞ್ಚ ಕಿಚ್ಚಾಧಿಕರಣಞ್ಚ ಕತಿಹಿ ಸಮಥೇಹಿ ಸಮ್ಮನ್ತಿ? ವಿವಾದಾಧಿಕರಣಞ್ಚ ಅನುವಾದಾಧಿಕರಣಞ್ಚ ಕಿಚ್ಚಾಧಿಕರಣಞ್ಚ ಪಞ್ಚಹಿ ಸಮಥೇಹಿ ಸಮ್ಮನ್ತಿ – ಸಮ್ಮುಖಾವಿನಯೇನ ಚ ಯೇಭುಯ್ಯಸಿಕಾಯ ಚ ಸತಿವಿನಯೇನ ಚ ಅಮೂಳ್ಹವಿನಯೇನ ಚ ತಸ್ಸಪಾಪಿಯಸಿಕಾಯ ಚ।
Vivādādhikaraṇañca anuvādādhikaraṇañca kiccādhikaraṇañca katihi samathehi sammanti? Vivādādhikaraṇañca anuvādādhikaraṇañca kiccādhikaraṇañca pañcahi samathehi sammanti – sammukhāvinayena ca yebhuyyasikāya ca sativinayena ca amūḷhavinayena ca tassapāpiyasikāya ca.
ಅನುವಾದಾಧಿಕರಣಞ್ಚ ಆಪತ್ತಾಧಿಕರಣಞ್ಚ ಕಿಚ್ಚಾಧಿಕರಣಞ್ಚ ಕತಿಹಿ ಸಮಥೇಹಿ ಸಮ್ಮನ್ತಿ? ಅನುವಾದಾಧಿಕರಣಞ್ಚ ಆಪತ್ತಾಧಿಕರಣಞ್ಚ ಕಿಚ್ಚಾಧಿಕರಣಞ್ಚ ಛಹಿ ಸಮಥೇಹಿ ಸಮ್ಮನ್ತಿ – ಸಮ್ಮುಖಾವಿನಯೇನ ಚ ಸತಿವಿನಯೇನ ಚ ಅಮೂಳ್ಹವಿನಯೇನ ಚ ಪಟಿಞ್ಞಾತಕರಣೇನ ಚ ತಸ್ಸಪಾಪಿಯಸಿಕಾಯ ಚ ತಿಣವತ್ಥಾರಕೇನ ಚ।
Anuvādādhikaraṇañca āpattādhikaraṇañca kiccādhikaraṇañca katihi samathehi sammanti? Anuvādādhikaraṇañca āpattādhikaraṇañca kiccādhikaraṇañca chahi samathehi sammanti – sammukhāvinayena ca sativinayena ca amūḷhavinayena ca paṭiññātakaraṇena ca tassapāpiyasikāya ca tiṇavatthārakena ca.
ವಿವಾದಾಧಿಕರಣಞ್ಚ ಅನುವಾದಾಧಿಕರಣಞ್ಚ ಆಪತ್ತಾಧಿಕರಣಞ್ಚ ಕಿಚ್ಚಾಧಿಕರಣಞ್ಚ ಕತಿಹಿ ಸಮಥೇಹಿ ಸಮ್ಮನ್ತಿ? ವಿವಾದಾಧಿಕರಣಞ್ಚ ಅನುವಾದಾಧಿಕರಣಞ್ಚ ಆಪತ್ತಾಧಿಕರಣಞ್ಚ ಕಿಚ್ಚಾಧಿಕರಣಞ್ಚ ಸತ್ತಹಿ ಸಮಥೇಹಿ ಸಮ್ಮನ್ತಿ – ಸಮ್ಮುಖಾವಿನಯೇನ ಚ ಯೇಭುಯ್ಯಸಿಕಾಯ ಚ ಸತಿವಿನಯೇನ ಚ ಅಮೂಳ್ಹವಿನಯೇನ ಚ ಪಟಿಞ್ಞಾತಕರಣೇನ ಚ ತಸ್ಸಪಾಪಿಯಸಿಕಾಯ ಚ ತಿಣವತ್ಥಾರಕೇನ ಚ।
Vivādādhikaraṇañca anuvādādhikaraṇañca āpattādhikaraṇañca kiccādhikaraṇañca katihi samathehi sammanti? Vivādādhikaraṇañca anuvādādhikaraṇañca āpattādhikaraṇañca kiccādhikaraṇañca sattahi samathehi sammanti – sammukhāvinayena ca yebhuyyasikāya ca sativinayena ca amūḷhavinayena ca paṭiññātakaraṇena ca tassapāpiyasikāya ca tiṇavatthārakena ca.
ಸಮ್ಮತಿವಾರೋ ನಿಟ್ಠಿತೋ ಸತ್ತರಸಮೋ।
Sammativāro niṭṭhito sattarasamo.
Footnotes:
Related texts:
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಿಮತಿವಿನೋದನೀ-ಟೀಕಾ • Vimativinodanī-ṭīkā / ಸಂಸಟ್ಠವಾರಾದಿವಣ್ಣನಾ • Saṃsaṭṭhavārādivaṇṇanā
