| Library / Tipiṭaka / තිපිටක • Tipiṭaka / පරිවාරපාළි • Parivārapāḷi |
17. සම්‌මතිවාරො
17. Sammativāro
307. විවාදාධිකරණං කතිහි සමථෙහි සම්‌මති? අනුවාදාධිකරණං කතිහි සමථෙහි සම්‌මති? ආපත්‌තාධිකරණං කතිහි සමථෙහි සම්‌මති? කිච්‌චාධිකරණං කතිහි සමථෙහි සම්‌මති?
307. Vivādādhikaraṇaṃ katihi samathehi sammati? Anuvādādhikaraṇaṃ katihi samathehi sammati? Āpattādhikaraṇaṃ katihi samathehi sammati? Kiccādhikaraṇaṃ katihi samathehi sammati?
1 විවාදාධිකරණං ද්‌වීහි සමථෙහි සම්‌මති – සම්‌මුඛාවිනයෙන ච යෙභුය්‍යසිකාය ච.
2 Vivādādhikaraṇaṃ dvīhi samathehi sammati – sammukhāvinayena ca yebhuyyasikāya ca.
3 අනුවාදාධිකරණං චතූහි සමථෙහි සම්‌මති – සම්‌මුඛාවිනයෙන ච සතිවිනයෙන ච අමූළ්‌හවිනයෙන ච තස්‌සපාපියසිකාය ච.
4 Anuvādādhikaraṇaṃ catūhi samathehi sammati – sammukhāvinayena ca sativinayena ca amūḷhavinayena ca tassapāpiyasikāya ca.
5 ආපත්‌තාධිකරණං තීහි සමථෙහි සම්‌මති – සම්‌මුඛාවිනයෙන ච පටිඤ්‌ඤාතකරණෙන ච තිණවත්‌ථාරකෙන ච.
6 Āpattādhikaraṇaṃ tīhi samathehi sammati – sammukhāvinayena ca paṭiññātakaraṇena ca tiṇavatthārakena ca.
7 කිච්‌චාධිකරණං එකෙන සමථෙන සම්‌මති – සම්‌මුඛාවිනයෙන.
8 Kiccādhikaraṇaṃ ekena samathena sammati – sammukhāvinayena.
විවාදාධිකරණඤ්‌ච අනුවාදාධිකරණඤ්‌ච කතිහි සමථෙහි සම්‌මන්‌ති? විවාදාධිකරණඤ්‌ච අනුවාදාධිකරණඤ්‌ච පඤ්‌චහි සමථෙහි සම්‌මන්‌ති – සම්‌මුඛාවිනයෙන ච යෙභුය්‍යසිකාය ච සතිවිනයෙන ච අමූළ්‌හවිනයෙන ච තස්‌සපාපියසිකාය ච.
Vivādādhikaraṇañca anuvādādhikaraṇañca katihi samathehi sammanti? Vivādādhikaraṇañca anuvādādhikaraṇañca pañcahi samathehi sammanti – sammukhāvinayena ca yebhuyyasikāya ca sativinayena ca amūḷhavinayena ca tassapāpiyasikāya ca.
විවාදාධිකරණඤ්‌ච ආපත්‌තාධිකරණඤ්‌ච කතිහි සමථෙහි සම්‌මන්‌ති? විවාදාධිකරණඤ්‌ච ආපත්‌තාධිකරණඤ්‌ච චතූහි සමථෙහි සම්‌මන්‌ති – සම්‌මුඛාවිනයෙන ච යෙභුය්‍යසිකාය ච පටිඤ්‌ඤාතකරණෙන ච තිණවත්‌ථාරකෙන ච.
Vivādādhikaraṇañca āpattādhikaraṇañca katihi samathehi sammanti? Vivādādhikaraṇañca āpattādhikaraṇañca catūhi samathehi sammanti – sammukhāvinayena ca yebhuyyasikāya ca paṭiññātakaraṇena ca tiṇavatthārakena ca.
විවාදාධිකරණඤ්‌ච කිච්‌චාධිකරණඤ්‌ච කතිහි සමථෙහි සම්‌මන්‌ති? විවාදාධිකරණඤ්‌ච කිච්‌චාධිකරණඤ්‌ච ද්‌වීහි සමථෙහි සම්‌මන්‌ති – සම්‌මුඛාවිනයෙන ච යෙභුය්‍යසිකාය ච.
Vivādādhikaraṇañca kiccādhikaraṇañca katihi samathehi sammanti? Vivādādhikaraṇañca kiccādhikaraṇañca dvīhi samathehi sammanti – sammukhāvinayena ca yebhuyyasikāya ca.
අනුවාදාධිකරණඤ්‌ච ආපත්‌තාධිකරණඤ්‌ච කතිහි සමථෙහි සම්‌මන්‌ති? අනුවාදාධිකරණඤ්‌ච ආපත්‌තාධිකරණඤ්‌ච ඡහි සමථෙහි සම්‌මන්‌ති – සම්‌මුඛාවිනයෙන ච සතිවිනයෙන ච අමූළ්‌හවිනයෙන ච පටිඤ්‌ඤාතකරණෙන ච තස්‌සපාපියසිකාය ච තිණවත්‌ථාරකෙන ච.
Anuvādādhikaraṇañca āpattādhikaraṇañca katihi samathehi sammanti? Anuvādādhikaraṇañca āpattādhikaraṇañca chahi samathehi sammanti – sammukhāvinayena ca sativinayena ca amūḷhavinayena ca paṭiññātakaraṇena ca tassapāpiyasikāya ca tiṇavatthārakena ca.
අනුවාදාධිකරණඤ්‌ච කිච්‌චාධිකරණඤ්‌ච කතිහි සමථෙහි සම්‌මන්‌ති? අනුවාදාධිකරණඤ්‌ච කිච්‌චාධිකරණඤ්‌ච චතූහි සමථෙහි සම්‌මන්‌ති – සම්‌මුඛාවිනයෙන ච සතිවිනයෙන ච අමූළ්‌හවිනයෙන ච තස්‌සපාපියසිකාය ච.
Anuvādādhikaraṇañca kiccādhikaraṇañca katihi samathehi sammanti? Anuvādādhikaraṇañca kiccādhikaraṇañca catūhi samathehi sammanti – sammukhāvinayena ca sativinayena ca amūḷhavinayena ca tassapāpiyasikāya ca.
ආපත්‌තාධිකරණඤ්‌ච කිච්‌චාධිකරණඤ්‌ච කතිහි සමථෙහි සම්‌මන්‌ති? ආපත්‌තාධිකරණඤ්‌ච කිච්‌චාධිකරණඤ්‌ච තීහි සමථෙහි සම්‌මන්‌ති – සම්‌මුඛාවිනයෙන ච පටිඤ්‌ඤාතකරණෙන ච තිණවත්‌ථාරකෙන ච.
Āpattādhikaraṇañca kiccādhikaraṇañca katihi samathehi sammanti? Āpattādhikaraṇañca kiccādhikaraṇañca tīhi samathehi sammanti – sammukhāvinayena ca paṭiññātakaraṇena ca tiṇavatthārakena ca.
විවාදාධිකරණඤ්‌ච අනුවාදාධිකරණඤ්‌ච ආපත්‌තාධිකරණඤ්‌ච කතිහි සමථෙහි සම්‌මන්‌ති? විවාදාධිකරණඤ්‌ච අනුවාදාධිකරණඤ්‌ච ආපත්‌තාධිකරණඤ්‌ච සත්‌තහි සමථෙහි සම්‌මන්‌ති – සම්‌මුඛාවිනයෙන ච යෙභුය්‍යසිකාය ච සතිවිනයෙන ච අමූළ්‌හවිනයෙන ච පටිඤ්‌ඤාතකරණෙන ච තස්‌සපාපියසිකාය ච තිණවත්‌ථාරකෙන ච.
Vivādādhikaraṇañca anuvādādhikaraṇañca āpattādhikaraṇañca katihi samathehi sammanti? Vivādādhikaraṇañca anuvādādhikaraṇañca āpattādhikaraṇañca sattahi samathehi sammanti – sammukhāvinayena ca yebhuyyasikāya ca sativinayena ca amūḷhavinayena ca paṭiññātakaraṇena ca tassapāpiyasikāya ca tiṇavatthārakena ca.
විවාදාධිකරණඤ්‌ච අනුවාදාධිකරණඤ්‌ච කිච්‌චාධිකරණඤ්‌ච කතිහි සමථෙහි සම්‌මන්‌ති? විවාදාධිකරණඤ්‌ච අනුවාදාධිකරණඤ්‌ච කිච්‌චාධිකරණඤ්‌ච පඤ්‌චහි සමථෙහි සම්‌මන්‌ති – සම්‌මුඛාවිනයෙන ච යෙභුය්‍යසිකාය ච සතිවිනයෙන ච අමූළ්‌හවිනයෙන ච තස්‌සපාපියසිකාය ච.
Vivādādhikaraṇañca anuvādādhikaraṇañca kiccādhikaraṇañca katihi samathehi sammanti? Vivādādhikaraṇañca anuvādādhikaraṇañca kiccādhikaraṇañca pañcahi samathehi sammanti – sammukhāvinayena ca yebhuyyasikāya ca sativinayena ca amūḷhavinayena ca tassapāpiyasikāya ca.
අනුවාදාධිකරණඤ්‌ච ආපත්‌තාධිකරණඤ්‌ච කිච්‌චාධිකරණඤ්‌ච කතිහි සමථෙහි සම්‌මන්‌ති? අනුවාදාධිකරණඤ්‌ච ආපත්‌තාධිකරණඤ්‌ච කිච්‌චාධිකරණඤ්‌ච ඡහි සමථෙහි සම්‌මන්‌ති – සම්‌මුඛාවිනයෙන ච සතිවිනයෙන ච අමූළ්‌හවිනයෙන ච පටිඤ්‌ඤාතකරණෙන ච තස්‌සපාපියසිකාය ච තිණවත්‌ථාරකෙන ච.
Anuvādādhikaraṇañca āpattādhikaraṇañca kiccādhikaraṇañca katihi samathehi sammanti? Anuvādādhikaraṇañca āpattādhikaraṇañca kiccādhikaraṇañca chahi samathehi sammanti – sammukhāvinayena ca sativinayena ca amūḷhavinayena ca paṭiññātakaraṇena ca tassapāpiyasikāya ca tiṇavatthārakena ca.
විවාදාධිකරණඤ්‌ච අනුවාදාධිකරණඤ්‌ච ආපත්‌තාධිකරණඤ්‌ච කිච්‌චාධිකරණඤ්‌ච කතිහි සමථෙහි සම්‌මන්‌ති? විවාදාධිකරණඤ්‌ච අනුවාදාධිකරණඤ්‌ච ආපත්‌තාධිකරණඤ්‌ච කිච්‌චාධිකරණඤ්‌ච සත්‌තහි සමථෙහි සම්‌මන්‌ති – සම්‌මුඛාවිනයෙන ච යෙභුය්‍යසිකාය ච සතිවිනයෙන ච අමූළ්‌හවිනයෙන ච පටිඤ්‌ඤාතකරණෙන ච තස්‌සපාපියසිකාය ච තිණවත්‌ථාරකෙන ච.
Vivādādhikaraṇañca anuvādādhikaraṇañca āpattādhikaraṇañca kiccādhikaraṇañca katihi samathehi sammanti? Vivādādhikaraṇañca anuvādādhikaraṇañca āpattādhikaraṇañca kiccādhikaraṇañca sattahi samathehi sammanti – sammukhāvinayena ca yebhuyyasikāya ca sativinayena ca amūḷhavinayena ca paṭiññātakaraṇena ca tassapāpiyasikāya ca tiṇavatthārakena ca.
සම්‌මතිවාරො නිට්‌ඨිතො සත්‌තරසමො.
Sammativāro niṭṭhito sattarasamo.
Footnotes:
Related texts:
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / සංසට්‌ඨවාරාදිවණ්‌ණනා • Saṃsaṭṭhavārādivaṇṇanā
