| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
10. සම්‌මාවත්‌තනසුත්‌තං
10. Sammāvattanasuttaṃ
90. 1 ‘‘තස්‌සපාපියසිකකම්‌මකතෙන, භික්‌ඛවෙ, භික්‌ඛුනා අට්‌ඨසු ධම්‌මෙසු සම්‌මා වත්‌තිතබ්‌බං – න උපසම්‌පාදෙතබ්‌බො, න නිස්‌සයො දාතබ්‌බො, න සාමණෙරො උපට්‌ඨාපෙතබ්‌බො, න භික්‌ඛුනොවාදකසම්‌මුති සාදිතබ්‌බා, සම්‌මතෙනපි භික්‌ඛුනියො න ඔවදිතබ්‌බා, න කාචි සඞ්‌ඝසම්‌මුති සාදිතබ්‌බා, න කිස්‌මිඤ්‌චි පච්‌චෙකට්‌ඨානෙ ඨපෙතබ්‌බො, න ච තෙන මූලෙන වුට්‌ඨාපෙතබ්‌බො. තස්‌සපාපියසිකකම්‌මකතෙන, භික්‌ඛවෙ, භික්‌ඛුනා ඉමෙසු අට්‌ඨසු ධම්‌මෙසු සම්‌මා වත්‌තිතබ්‌බ’’න්‌ති. දසමං.
90.2 ‘‘Tassapāpiyasikakammakatena, bhikkhave, bhikkhunā aṭṭhasu dhammesu sammā vattitabbaṃ – na upasampādetabbo, na nissayo dātabbo, na sāmaṇero upaṭṭhāpetabbo, na bhikkhunovādakasammuti sāditabbā, sammatenapi bhikkhuniyo na ovaditabbā, na kāci saṅghasammuti sāditabbā, na kismiñci paccekaṭṭhāne ṭhapetabbo, na ca tena mūlena vuṭṭhāpetabbo. Tassapāpiyasikakammakatena, bhikkhave, bhikkhunā imesu aṭṭhasu dhammesu sammā vattitabba’’nti. Dasamaṃ.
සතිවග්‌ගො චතුත්‌ථො.
Sativaggo catuttho.
තස්‌සුද්‌දානං –
Tassuddānaṃ –
සතිපුණ්‌ණියමූලෙන , චොරසමණෙන පඤ්‌චමං;
Satipuṇṇiyamūlena , corasamaṇena pañcamaṃ;
යසො පත්‌තප්‌පසාදෙන, පටිසාරණීයඤ්‌ච වත්‌තනන්‌ති.
Yaso pattappasādena, paṭisāraṇīyañca vattananti.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 10. සම්‌මාවත්‌තනසුත්‌තවණ්‌ණනා • 10. Sammāvattanasuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 1-10. සද්‌ධාසුත්‌තාදිවණ්‌ණනා • 1-10. Saddhāsuttādivaṇṇanā
