| Library / Tipiṭaka / തിപിടക • Tipiṭaka / അങ്ഗുത്തരനികായ • Aṅguttaranikāya |
൧൦. സമ്മാവത്തനസുത്തം
10. Sammāvattanasuttaṃ
൯൦. 1 ‘‘തസ്സപാപിയസികകമ്മകതേന, ഭിക്ഖവേ, ഭിക്ഖുനാ അട്ഠസു ധമ്മേസു സമ്മാ വത്തിതബ്ബം – ന ഉപസമ്പാദേതബ്ബോ, ന നിസ്സയോ ദാതബ്ബോ, ന സാമണേരോ ഉപട്ഠാപേതബ്ബോ, ന ഭിക്ഖുനോവാദകസമ്മുതി സാദിതബ്ബാ, സമ്മതേനപി ഭിക്ഖുനിയോ ന ഓവദിതബ്ബാ, ന കാചി സങ്ഘസമ്മുതി സാദിതബ്ബാ, ന കിസ്മിഞ്ചി പച്ചേകട്ഠാനേ ഠപേതബ്ബോ, ന ച തേന മൂലേന വുട്ഠാപേതബ്ബോ. തസ്സപാപിയസികകമ്മകതേന, ഭിക്ഖവേ, ഭിക്ഖുനാ ഇമേസു അട്ഠസു ധമ്മേസു സമ്മാ വത്തിതബ്ബ’’ന്തി. ദസമം.
90.2 ‘‘Tassapāpiyasikakammakatena, bhikkhave, bhikkhunā aṭṭhasu dhammesu sammā vattitabbaṃ – na upasampādetabbo, na nissayo dātabbo, na sāmaṇero upaṭṭhāpetabbo, na bhikkhunovādakasammuti sāditabbā, sammatenapi bhikkhuniyo na ovaditabbā, na kāci saṅghasammuti sāditabbā, na kismiñci paccekaṭṭhāne ṭhapetabbo, na ca tena mūlena vuṭṭhāpetabbo. Tassapāpiyasikakammakatena, bhikkhave, bhikkhunā imesu aṭṭhasu dhammesu sammā vattitabba’’nti. Dasamaṃ.
സതിവഗ്ഗോ ചതുത്ഥോ.
Sativaggo catuttho.
തസ്സുദ്ദാനം –
Tassuddānaṃ –
സതിപുണ്ണിയമൂലേന , ചോരസമണേന പഞ്ചമം;
Satipuṇṇiyamūlena , corasamaṇena pañcamaṃ;
യസോ പത്തപ്പസാദേന, പടിസാരണീയഞ്ച വത്തനന്തി.
Yaso pattappasādena, paṭisāraṇīyañca vattananti.
Footnotes:
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) / ൧൦. സമ്മാവത്തനസുത്തവണ്ണനാ • 10. Sammāvattanasuttavaṇṇanā
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൧-൧൦. സദ്ധാസുത്താദിവണ്ണനാ • 1-10. Saddhāsuttādivaṇṇanā
