| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[33] 3. саммод̣̇амаанаж̇аад̇агаван̣н̣анаа
[33] 3. Sammodamānajātakavaṇṇanā
саммод̣̇амаанаад̇и ид̣̇ам̣ сад̇т̇аа габилавад̇т̇ум̣ убаниссааяа ниг̇род̇хаараамз вихаранд̇о жумб̣адагагалахам̣ аараб̣бха гат̇зси. со гун̣аалаж̇аад̇агз (ж̇аа. 2.21.гун̣аалаж̇аад̇ага) аави бхависсад̇и. д̇ад̣̇аа бана сад̇т̇аа н̃аад̇агз ааманд̇зд̇ваа ‘‘махаарааж̇аа н̃аад̇агаанам̣ ан̃н̃аман̃н̃ам̣ виг̇г̇ахо наама на яуд̇д̇о, д̇иражчаанаг̇ад̇ааби хи буб̣б̣з самаг̇г̇агаалз бажжаамид̇д̇з абхибхавид̇ваа сод̇т̇им̣ бад̇д̇аа яад̣̇аа виваад̣̇амаабаннаа, д̇ад̣̇аа махаавинаасам̣ бад̇д̇аа’’д̇и вад̇ваа н̃аад̇ирааж̇агулзхи ааяаажид̇о ад̇ийд̇ам̣ аахари.
Sammodamānāti idaṃ satthā kapilavatthuṃ upanissāya nigrodhārāme viharanto cumbaṭakakalahaṃ ārabbha kathesi. So kuṇālajātake (jā. 2.21.kuṇālajātaka) āvi bhavissati. Tadā pana satthā ñātake āmantetvā ‘‘mahārājā ñātakānaṃ aññamaññaṃ viggaho nāma na yutto, tiracchānagatāpi hi pubbe samaggakāle paccāmitte abhibhavitvā sotthiṃ pattā yadā vivādamāpannā, tadā mahāvināsaṃ pattā’’ti vatvā ñātirājakulehi āyācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о ваддагаяонияам̣ ниб̣б̣ад̇д̇ид̇ваа анзгаваддагасахассабаривааро аран̃н̃з бадивасад̇и. д̇ад̣̇аа зго ваддагалуд̣̇д̣̇аго д̇зсам̣ васанадтаанам̣ г̇анд̇ваа ваддагавассид̇ам̣ гад̇ваа д̇зсам̣ саннибад̇ид̇абхаавам̣ н̃ад̇ваа д̇зсам̣ убари ж̇аалам̣ кибид̇ваа барияанд̇зсу мад̣̇д̣̇анд̇о саб̣б̣з згад̇о гад̇ваа бажчим̣ буурзд̇ваа гхарам̣ г̇анд̇ваа д̇з виггин̣ид̇ваа д̇зна муулзна ж̇ийвигам̣ габбзд̇и. ат̇згад̣̇ивасам̣ б̣од̇хисад̇д̇о д̇з ваддагз ааха – ‘‘аяам̣ саагун̣иго амхаагам̣ н̃аад̇агз винаасам̣ баабзд̇и, ахам̣ згам̣ убааяам̣ ж̇аанаами, знзса амхз г̇ан̣хид̇ум̣ на сагкиссад̇и, ид̇о д̣̇аани бадтааяа зд̇зна д̇умхаагам̣ убари ж̇аалз кид̇д̇амад̇д̇з згзго згзгасмим̣ ж̇аалагкигз сийсам̣ табзд̇ваа ж̇аалам̣ угкибид̇ваа ижчид̇адтаанам̣ харид̇ваа згасмим̣ ган̣дагаг̇умб̣з багкибат̇а, звам̣ санд̇з хздтаа д̇зна д̇зна таанзна балааяиссаамаа’’д̇и. д̇з саб̣б̣з ‘‘саад̇хуу’’д̇и бадиссун̣им̣су. д̣̇уд̇ияад̣̇ивасз убари ж̇аалз кид̇д̇з д̇з б̣од̇хисад̇д̇зна вуд̇д̇анаязнзва ж̇аалам̣ угкибид̇ваа згасмим̣ ган̣дагаг̇умб̣з кибид̇ваа саяам̣ хздтаабхааг̇зна д̇ад̇о д̇ад̇о балааяим̣су. саагун̣игасса г̇умб̣ад̇о ж̇аалам̣ можзнд̇ассзва вигаало ж̇аад̇о, со д̇ужчахад̇т̇ова аг̇амааси.
Atīte bārāṇasiyaṃ brahmadatte rajjaṃ kārente bodhisatto vaṭṭakayoniyaṃ nibbattitvā anekavaṭṭakasahassaparivāro araññe paṭivasati. Tadā eko vaṭṭakaluddako tesaṃ vasanaṭṭhānaṃ gantvā vaṭṭakavassitaṃ katvā tesaṃ sannipatitabhāvaṃ ñatvā tesaṃ upari jālaṃ khipitvā pariyantesu maddanto sabbe ekato katvā pacchiṃ pūretvā gharaṃ gantvā te vikkiṇitvā tena mūlena jīvikaṃ kappeti. Athekadivasaṃ bodhisatto te vaṭṭake āha – ‘‘ayaṃ sākuṇiko amhākaṃ ñātake vināsaṃ pāpeti, ahaṃ ekaṃ upāyaṃ jānāmi, enesa amhe gaṇhituṃ na sakkhissati, ito dāni paṭṭhāya etena tumhākaṃ upari jāle khittamatte ekeko ekekasmiṃ jālakkhike sīsaṃ ṭhapetvā jālaṃ ukkhipitvā icchitaṭṭhānaṃ haritvā ekasmiṃ kaṇṭakagumbe pakkhipatha, evaṃ sante heṭṭhā tena tena ṭhānena palāyissāmā’’ti. Te sabbe ‘‘sādhū’’ti paṭissuṇiṃsu. Dutiyadivase upari jāle khitte te bodhisattena vuttanayeneva jālaṃ ukkhipitvā ekasmiṃ kaṇṭakagumbe khipitvā sayaṃ heṭṭhābhāgena tato tato palāyiṃsu. Sākuṇikassa gumbato jālaṃ mocentasseva vikālo jāto, so tucchahatthova agamāsi.
бунад̣̇ивасад̇о бадтааяаби ваддагаа д̇ат̇зва гаронд̇и. соби яаава суурияад̇т̇ан̇г̇аманаа ж̇ааламзва можзнд̇о гин̃жи алабхид̇ваа д̇ужчахад̇т̇ова г̇зхам̣ г̇ажчад̇и. ат̇асса бхарияаа гуж̇жхид̇ваа ‘‘д̇вам̣ д̣̇ивасз д̣̇ивасз д̇ужчахад̇т̇о ааг̇ажчаси, ан̃н̃амби д̇з б̣ахи босид̇аб̣б̣адтаанам̣ ад̇т̇и ман̃н̃з’’д̇и ааха. саагун̣иго ‘‘бхад̣̇д̣̇з, мама ан̃н̃ам̣ босид̇аб̣б̣адтаанам̣ над̇т̇и, абижа ко бана д̇з ваддагаа самаг̇г̇аа худ̇ваа жаранд̇и, маяаа кид̇д̇амад̇д̇з ж̇аалам̣ аад̣̇ааяа ган̣дагаг̇умб̣з кибид̇ваа г̇ажчанд̇и, на ко банзд̇з саб̣б̣агааламзва саммод̣̇амаанаа вихариссанд̇и, д̇вам̣ маа жинд̇аяи, яад̣̇аа д̇з виваад̣̇амаабаж̇ж̇иссанд̇и, д̇ад̣̇аа д̇з саб̣б̣зва аад̣̇ааяа д̇ава мукам̣ хаасаяамаано ааг̇ажчиссаамий’’д̇и вад̇ваа бхарияааяа имам̣ г̇аат̇амааха –
Punadivasato paṭṭhāyapi vaṭṭakā tatheva karonti. Sopi yāva sūriyatthaṅgamanā jālameva mocento kiñci alabhitvā tucchahatthova gehaṃ gacchati. Athassa bhariyā kujjhitvā ‘‘tvaṃ divase divase tucchahattho āgacchasi, aññampi te bahi positabbaṭṭhānaṃ atthi maññe’’ti āha. Sākuṇiko ‘‘bhadde, mama aññaṃ positabbaṭṭhānaṃ natthi, apica kho pana te vaṭṭakā samaggā hutvā caranti, mayā khittamatte jālaṃ ādāya kaṇṭakagumbe khipitvā gacchanti, na kho panete sabbakālameva sammodamānā viharissanti, tvaṃ mā cintayi, yadā te vivādamāpajjissanti, tadā te sabbeva ādāya tava mukhaṃ hāsayamāno āgacchissāmī’’ti vatvā bhariyāya imaṃ gāthamāha –
33.
33.
‘‘саммод̣̇амаанаа г̇ажчанд̇и, ж̇ааламаад̣̇ааяа багкино;
‘‘Sammodamānā gacchanti, jālamādāya pakkhino;
яад̣̇аа д̇з вивад̣̇иссанд̇и, д̇ад̣̇аа зхинд̇и мз васа’’нд̇и.
Yadā te vivadissanti, tadā ehinti me vasa’’nti.
д̇ад̇т̇а яад̣̇аа д̇з вивад̣̇иссанд̇ийд̇и яасмим̣ гаалз д̇з ваддагаа наанаалад̣̇д̇хигаа наанааг̇аахаа худ̇ваа вивад̣̇иссанд̇и, галахам̣ гариссанд̇ийд̇и ад̇т̇о. д̇ад̣̇аа зхинд̇и мз васанд̇и д̇асмим̣ гаалз саб̣б̣зби д̇з мама васам̣ ааг̇ажчиссанд̇и. ат̇аахам̣ д̇з г̇ахзд̇ваа д̇ава мукам̣ хаасзнд̇о ааг̇ажчиссаамийд̇и бхарияам̣ самассаасзси.
Tattha yadā te vivadissantīti yasmiṃ kāle te vaṭṭakā nānāladdhikā nānāgāhā hutvā vivadissanti, kalahaṃ karissantīti attho. Tadā ehinti me vasanti tasmiṃ kāle sabbepi te mama vasaṃ āgacchissanti. Athāhaṃ te gahetvā tava mukhaṃ hāsento āgacchissāmīti bhariyaṃ samassāsesi.
гад̇ибаахассзва бана ажжаязна зго ваддаго г̇ожарабхуумим̣ од̇аранд̇о асаллагкзд̇ваа ан̃н̃асса сийсам̣ аггами, ид̇аро ‘‘го мам̣ сийсз аггамий’’д̇и гуж̇жхим̣. ‘‘ахам̣ асаллагкзд̇ваа аггамим̣, маа гуж̇жхий’’д̇и вуд̇д̇зби гуж̇жхиязва. д̇з бунаббунам̣ гат̇знд̇аа ‘‘д̇вамзва ман̃н̃з ж̇аалам̣ угкибасий’’д̇и ан̃н̃аман̃н̃ам̣ виваад̣̇ам̣ гарим̣су. д̇зсу вивад̣̇анд̇зсу б̣од̇хисад̇д̇о жинд̇зси ‘‘виваад̣̇агз сод̇т̇ибхааво наама над̇т̇и, ид̣̇аанзва д̇з ж̇аалам̣ на угкибиссанд̇и, д̇ад̇о маханд̇ам̣ винаасам̣ баабун̣иссанд̇и, саагун̣иго огаасам̣ лабхиссад̇и, маяаа имасмим̣ таанз на саггаа васид̇у’’нд̇и. со ад̇д̇ано барисам̣ аад̣̇ааяа ан̃н̃ад̇т̇а г̇ад̇о. саагун̣игоби ко гад̇ибаахажжаязна ааг̇анд̇ваа ваддагавассид̇ам̣ вассид̇ваа д̇зсам̣ саннибад̇ид̇аанам̣ убари ж̇аалам̣ киби. ат̇зго ваддаго ‘‘д̇уяхам̣ гира ж̇аалам̣ угкибанд̇ассзва мад̇т̇агз ломаани бад̇ид̇аани, ид̣̇аани угкибаа’’д̇и ааха. абаро ‘‘д̇уяхам̣ гира ж̇аалам̣ угкибанд̇ассзва д̣̇вийсу багкзсу бад̇д̇аани бад̇ид̇аани, ид̣̇аани угкибаа’’д̇и ааха. ид̇и д̇зсам̣ ‘‘д̇вам̣ угкиба, д̇вам̣ угкибаа’’д̇и вад̣̇анд̇аанан̃н̃зва саагун̣иго ж̇аалам̣ угкибид̇ваа саб̣б̣зва д̇з згад̇о гад̇ваа бажчим̣ буурзд̇ваа бхарияам̣ хаасаяамаано г̇зхам̣ аг̇амааси.
Katipāhasseva pana accayena eko vaṭṭako gocarabhūmiṃ otaranto asallakkhetvā aññassa sīsaṃ akkami, itaro ‘‘ko maṃ sīse akkamī’’ti kujjhiṃ. ‘‘Ahaṃ asallakkhetvā akkamiṃ, mā kujjhī’’ti vuttepi kujjhiyeva. Te punappunaṃ kathentā ‘‘tvameva maññe jālaṃ ukkhipasī’’ti aññamaññaṃ vivādaṃ kariṃsu. Tesu vivadantesu bodhisatto cintesi ‘‘vivādake sotthibhāvo nāma natthi, idāneva te jālaṃ na ukkhipissanti, tato mahantaṃ vināsaṃ pāpuṇissanti, sākuṇiko okāsaṃ labhissati, mayā imasmiṃ ṭhāne na sakkā vasitu’’nti. So attano parisaṃ ādāya aññattha gato. Sākuṇikopi kho katipāhaccayena āgantvā vaṭṭakavassitaṃ vassitvā tesaṃ sannipatitānaṃ upari jālaṃ khipi. Atheko vaṭṭako ‘‘tuyhaṃ kira jālaṃ ukkhipantasseva matthake lomāni patitāni, idāni ukkhipā’’ti āha. Aparo ‘‘tuyhaṃ kira jālaṃ ukkhipantasseva dvīsu pakkhesu pattāni patitāni, idāni ukkhipā’’ti āha. Iti tesaṃ ‘‘tvaṃ ukkhipa, tvaṃ ukkhipā’’ti vadantānaññeva sākuṇiko jālaṃ ukkhipitvā sabbeva te ekato katvā pacchiṃ pūretvā bhariyaṃ hāsayamāno gehaṃ agamāsi.
сад̇т̇аа ‘‘звам̣ махаарааж̇аа н̃аад̇агаанам̣ галахо наама на яуд̇д̇о, галахо винаасамууламзва ход̇ий’’д̇и имам̣ д̇хаммад̣̇зсанам̣ аахарид̇ваа анусанд̇хим̣ гхадзд̇ваа ж̇аад̇агам̣ самод̇хаанзси – ‘‘д̇ад̣̇аа абан̣д̣ид̇аваддаго д̣̇звад̣̇ад̇д̇о ахоси, бан̣д̣ид̇аваддаго бана ахамзва ахоси’’нд̇и.
Satthā ‘‘evaṃ mahārājā ñātakānaṃ kalaho nāma na yutto, kalaho vināsamūlameva hotī’’ti imaṃ dhammadesanaṃ āharitvā anusandhiṃ ghaṭetvā jātakaṃ samodhānesi – ‘‘tadā apaṇḍitavaṭṭako devadatto ahosi, paṇḍitavaṭṭako pana ahameva ahosi’’nti.
саммод̣̇амаанаж̇аад̇агаван̣н̣анаа д̇ад̇ияаа.
Sammodamānajātakavaṇṇanā tatiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 33. саммод̣̇амаанаж̇аад̇агам̣ • 33. Sammodamānajātakaṃ
