| Library / Tipiṭaka / திபிடக • Tipiṭaka / அபதா³ன-அட்ட²கதா² • Apadāna-aṭṭhakathā |
5. ஸம்முகா²த²விகத்தே²ரஅபதா³னவண்ணனா
5. Sammukhāthavikattheraapadānavaṇṇanā
ஜாயமானே விபஸ்ஸிம்ஹீதிஆதி³கங் ஆயஸ்மதோ ஸம்முகா²த²விகத்தே²ரஸ்ஸ அபதா³னங். அயம்பி புரிமபு³த்³தே⁴ஸு கதாதி⁴காரோ தத்த² தத்த² ப⁴வே விவட்டூபனிஸ்ஸயானி புஞ்ஞானி உபசினந்தோ விபஸ்ஸிஸ்ஸ ப⁴க³வதோ காலே ப்³ராஹ்மணகுலே நிப்³ப³த்தோ ஸத்தவஸ்ஸிககாலேயேவ ஸகஸிப்பே நிப்ப²த்திங் பத்தோ க⁴ராவாஸங் ஸண்ட²பெத்வா வஸந்தோ விபஸ்ஸிம்ஹி போ³தி⁴ஸத்தே உப்பன்னே ஸப்³ப³பு³த்³தா⁴னங் லக்க²ணானி வேத³த்தயே தி³ஸ்ஸமானானி தானி ராஜப்பமுக²ஸ்ஸ ஜனகாயஸ்ஸ விபஸ்ஸீபோ³தி⁴ஸத்தஸ்ஸ லக்க²ணஞ்ச பு³த்³த⁴பா⁴வஞ்ச ப்³யாகரித்வா ஜனானங் மானஸங் நிப்³பா³பேஸி, அனேகானி ச து²திவசனானி நிவேதே³ஸி. ஸோ தேன குஸலகம்மேன ச² காமாவசரஸம்பத்தியோ அனுப⁴வித்வா மனுஸ்ஸேஸு ச சக்கவத்திஸம்பத்தியோ அனுப⁴வித்வா இமஸ்மிங் பு³த்³து⁴ப்பாதே³ குலகே³ஹே நிப்³ப³த்தோ விஞ்ஞுதங் பத்தோ ஸத்³தா⁴ஜாதோ பப்³ப³ஜித்வா நசிரஸ்ஸேவ அரஹா அஹோஸி. கதகுஸலனாமேன ஸம்முகா²த²விகத்தே²ரோதி பாகடோ.
Jāyamāne vipassimhītiādikaṃ āyasmato sammukhāthavikattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto vipassissa bhagavato kāle brāhmaṇakule nibbatto sattavassikakāleyeva sakasippe nipphattiṃ patto gharāvāsaṃ saṇṭhapetvā vasanto vipassimhi bodhisatte uppanne sabbabuddhānaṃ lakkhaṇāni vedattaye dissamānāni tāni rājappamukhassa janakāyassa vipassībodhisattassa lakkhaṇañca buddhabhāvañca byākaritvā janānaṃ mānasaṃ nibbāpesi, anekāni ca thutivacanāni nivedesi. So tena kusalakammena cha kāmāvacarasampattiyo anubhavitvā manussesu ca cakkavattisampattiyo anubhavitvā imasmiṃ buddhuppāde kulagehe nibbatto viññutaṃ patto saddhājāto pabbajitvā nacirasseva arahā ahosi. Katakusalanāmena sammukhāthavikattheroti pākaṭo.
41. ஸோ அத்தனோ புப்³ப³கம்மங் ஸரித்வா ஸோமனஸ்ஸஜாதோ புப்³ப³சரிதாபதா³னங் பகாஸெந்தோ ஜாயமானே விபஸ்ஸிம்ஹீதிஆதி³மாஹ. விபஸ்ஸிம்ஹி ஸம்மாஸம்பு³த்³தே⁴ ஜாயமானே உப்பஜ்ஜமானே மாதுகுச்சி²தோ நிக்க²ந்தே அஹங் பாதுபூ⁴தங் நிமித்தங் காரணங் பு³த்³த⁴பா⁴வஸ்ஸ ஹேதுங் ப்³யாகரிங் கதே²ஸிங், அனேகானி அச்ச²ரியானி பாகடானி அகாஸிந்தி அத்தோ². ஸேஸங் வுத்தனயானுஸாரேன ஸுவிஞ்ஞெய்யமேவாதி.
41. So attano pubbakammaṃ saritvā somanassajāto pubbacaritāpadānaṃ pakāsento jāyamāne vipassimhītiādimāha. Vipassimhi sammāsambuddhe jāyamāne uppajjamāne mātukucchito nikkhante ahaṃ pātubhūtaṃ nimittaṃ kāraṇaṃ buddhabhāvassa hetuṃ byākariṃ kathesiṃ, anekāni acchariyāni pākaṭāni akāsinti attho. Sesaṃ vuttanayānusārena suviññeyyamevāti.
ஸம்முகா²த²விகத்தே²ரஅபதா³னவண்ணனா ஸமத்தா.
Sammukhāthavikattheraapadānavaṇṇanā samattā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / அபதா³னபாளி • Apadānapāḷi / 5. ஸம்முகா²த²விகத்தே²ரஅபதா³னங் • 5. Sammukhāthavikattheraapadānaṃ
