| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
5. саммукаат̇авигад̇т̇зраабад̣̇аанаван̣н̣анаа
5. Sammukhāthavikattheraapadānavaṇṇanā
ж̇ааяамаанз вибассимхийд̇иаад̣̇игам̣ ааяасмад̇о саммукаат̇авигад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о вибассисса бхаг̇авад̇о гаалз б̣раахман̣агулз ниб̣б̣ад̇д̇о сад̇д̇авассигагаалзязва сагасиббз нибпад̇д̇им̣ бад̇д̇о гхарааваасам̣ сан̣табзд̇ваа васанд̇о вибассимхи б̣од̇хисад̇д̇з уббаннз саб̣б̣аб̣уд̣̇д̇хаанам̣ лагкан̣аани взд̣̇ад̇д̇аяз д̣̇иссамаанаани д̇аани рааж̇аббамукасса ж̇анагааяасса вибассийб̣од̇хисад̇д̇асса лагкан̣ан̃жа б̣уд̣̇д̇хабхааван̃жа б̣яаагарид̇ваа ж̇анаанам̣ маанасам̣ ниб̣б̣аабзси, анзгаани жа т̇уд̇иважанаани нивзд̣̇зси. со д̇зна гусалагаммзна ча гаамааважарасамбад̇д̇ияо анубхавид̇ваа мануссзсу жа жаггавад̇д̇исамбад̇д̇ияо анубхавид̇ваа имасмим̣ б̣уд̣̇д̇хуббаад̣̇з гулаг̇зхз ниб̣б̣ад̇д̇о вин̃н̃уд̇ам̣ бад̇д̇о сад̣̇д̇хааж̇аад̇о баб̣б̣аж̇ид̇ваа нажирассзва арахаа ахоси. гад̇агусаланаамзна саммукаат̇авигад̇т̇зрод̇и баагадо.
Jāyamāne vipassimhītiādikaṃ āyasmato sammukhāthavikattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto vipassissa bhagavato kāle brāhmaṇakule nibbatto sattavassikakāleyeva sakasippe nipphattiṃ patto gharāvāsaṃ saṇṭhapetvā vasanto vipassimhi bodhisatte uppanne sabbabuddhānaṃ lakkhaṇāni vedattaye dissamānāni tāni rājappamukhassa janakāyassa vipassībodhisattassa lakkhaṇañca buddhabhāvañca byākaritvā janānaṃ mānasaṃ nibbāpesi, anekāni ca thutivacanāni nivedesi. So tena kusalakammena cha kāmāvacarasampattiyo anubhavitvā manussesu ca cakkavattisampattiyo anubhavitvā imasmiṃ buddhuppāde kulagehe nibbatto viññutaṃ patto saddhājāto pabbajitvā nacirasseva arahā ahosi. Katakusalanāmena sammukhāthavikattheroti pākaṭo.
41. со ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о ж̇ааяамаанз вибассимхийд̇иаад̣̇имааха. вибассимхи саммаасамб̣уд̣̇д̇хз ж̇ааяамаанз уббаж̇ж̇амаанз маад̇угужчид̇о нигканд̇з ахам̣ баад̇убхууд̇ам̣ нимид̇д̇ам̣ гааран̣ам̣ б̣уд̣̇д̇хабхаавасса хзд̇ум̣ б̣яаагарим̣ гат̇зсим̣, анзгаани ажчарияаани баагадаани агаасинд̇и ад̇т̇о. сзсам̣ вуд̇д̇анаяаанусаарзна сувин̃н̃зяяамзваад̇и.
41. So attano pubbakammaṃ saritvā somanassajāto pubbacaritāpadānaṃ pakāsento jāyamāne vipassimhītiādimāha. Vipassimhi sammāsambuddhe jāyamāne uppajjamāne mātukucchito nikkhante ahaṃ pātubhūtaṃ nimittaṃ kāraṇaṃ buddhabhāvassa hetuṃ byākariṃ kathesiṃ, anekāni acchariyāni pākaṭāni akāsinti attho. Sesaṃ vuttanayānusārena suviññeyyamevāti.
саммукаат̇авигад̇т̇зраабад̣̇аанаван̣н̣анаа самад̇д̇аа.
Sammukhāthavikattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 5. саммукаат̇авигад̇т̇зраабад̣̇аанам̣ • 5. Sammukhāthavikattheraapadānaṃ
