| Library / Tipiṭaka / তিপিটক • Tipiṭaka / পাচিত্যাদিযোজনাপাল়ি • Pācityādiyojanāpāḷi |
৪. সমথক্খন্ধকং
4. Samathakkhandhakaṃ
১. সম্মুখাৰিনযকথা
1. Sammukhāvinayakathā
১৮৬-৭. সমথক্খন্ধকে এৰমত্থো ৰেদিতব্বোতি যোজনা। ছ মাতিকাপদানীতি ৰাক্যম্পি সমাসোপি যুত্তোযেৰ। তত্থ সমাসো পন অসমাহারদিগুযেৰ। ‘‘নিক্খিপিত্ৰা’’তি পদং ‘‘ৰুত্তো’’তি পদে পুব্বকালকিরিযাৰিসেসনং, তুল্যত্থো ৰা। ৰিত্থারোতি ৰিভঙ্গো। তত্থাতি ৰিভঙ্গে। সঞ্ঞাপেতীতি এত্থ সঞ্ঞং কত্ৰা জানাপেতীতি অত্থং পটিক্খিপন্তো আহ ‘‘পরিতোসেত্ৰা জানাপেতী’’তি। ইমিনা সংপুব্বো ঞাধাতু পরিতোসনত্থং অন্তোকত্ৰা অৰবোধনত্থো হোতীতি দস্সেতি। কারণপতিরূপকানীতি কারণস্স পটিভাগানি। নিজ্ঝাপেতীতি এত্থ ঝেধাতু ওলোকনত্থোতি আহ ‘‘ওলোকেতী’’তি। যথাতি যেনাকারেন, করিযমানেতি সম্বন্ধো। সোতি ধম্মৰাদী। পরতোপি এসেৰ নযো। ‘‘পুনপ্পুন’’ন্তি ইমিনা অনুপেক্খতীতি এত্থ অনুসদ্দো ন উপচ্ছিন্নত্থোতি দস্সেতি। পেক্খতি অনুপেক্খতীতি এত্থ ইক্খধাতু ‘‘দস্সেতি অনুদস্সেতী’’তি এত্থ দিসধাতুযা সদিসত্থোতি আহ ‘‘দস্সেতি…পে॰… পরিযাযৰচনানী’’তি। তেসঞ্ঞেৰাতি ‘‘পেক্খতি অনুপেক্খতী’’তি পদানঞ্ঞেৰ। পরিযাযৰচনানীতি ৰেৰচনসদ্দা অত্থে পরিব্যত্তিং অযন্তি গচ্ছন্তি ইমেহীতি পরিযাযানি, তানিযেৰ ৰচনানি পরিযাযৰচনানি। সোতি অধম্মৰাদী। মোহেত্ৰাতি ধম্মৰাদীপুগ্গলাদিং মোহাপেত্ৰা।
186-7. Samathakkhandhake evamattho veditabboti yojanā. Cha mātikāpadānīti vākyampi samāsopi yuttoyeva. Tattha samāso pana asamāhāradiguyeva. ‘‘Nikkhipitvā’’ti padaṃ ‘‘vutto’’ti pade pubbakālakiriyāvisesanaṃ, tulyattho vā. Vitthāroti vibhaṅgo. Tatthāti vibhaṅge. Saññāpetīti ettha saññaṃ katvā jānāpetīti atthaṃ paṭikkhipanto āha ‘‘paritosetvā jānāpetī’’ti. Iminā saṃpubbo ñādhātu paritosanatthaṃ antokatvā avabodhanattho hotīti dasseti. Kāraṇapatirūpakānīti kāraṇassa paṭibhāgāni. Nijjhāpetīti ettha jhedhātu olokanatthoti āha ‘‘oloketī’’ti. Yathāti yenākārena, kariyamāneti sambandho. Soti dhammavādī. Paratopi eseva nayo. ‘‘Punappuna’’nti iminā anupekkhatīti ettha anusaddo na upacchinnatthoti dasseti. Pekkhati anupekkhatīti ettha ikkhadhātu ‘‘dasseti anudassetī’’ti ettha disadhātuyā sadisatthoti āha ‘‘dasseti…pe… pariyāyavacanānī’’ti. Tesaññevāti ‘‘pekkhati anupekkhatī’’ti padānaññeva. Pariyāyavacanānīti vevacanasaddā atthe paribyattiṃ ayanti gacchanti imehīti pariyāyāni, tāniyeva vacanāni pariyāyavacanāni. Soti adhammavādī. Mohetvāti dhammavādīpuggalādiṃ mohāpetvā.
১৮৮. ধম্মৰাদী পুগ্গলো দস্সেতীতি সম্বন্ধো। অমোহেত্ৰাতি অধম্মৰাদীপুগ্গলাদিং অমোহাপেত্ৰা, অৰিপরীতং জানাপেত্ৰাতি অত্থো।
188. Dhammavādī puggalo dassetīti sambandho. Amohetvāti adhammavādīpuggalādiṃ amohāpetvā, aviparītaṃ jānāpetvāti attho.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / চূল়ৰগ্গপাল়ি • Cūḷavaggapāḷi
১. সম্মুখাৰিনযো • 1. Sammukhāvinayo
কণ্হপক্খনৰকং • Kaṇhapakkhanavakaṃ
সুক্কপক্খনৰকং • Sukkapakkhanavakaṃ
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / চূল়ৰগ্গ-অট্ঠকথা • Cūḷavagga-aṭṭhakathā / সম্মুখাৰিনযকথা • Sammukhāvinayakathā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / সম্মুখাৰিনযকথাৰণ্ণনা • Sammukhāvinayakathāvaṇṇanā
