| Library / Tipiṭaka / តិបិដក • Tipiṭaka / បាចិត្យាទិយោជនាបាឡិ • Pācityādiyojanāpāḷi |
៤. សមថក្ខន្ធកំ
4. Samathakkhandhakaṃ
១. សម្មុខាវិនយកថា
1. Sammukhāvinayakathā
១៨៦-៧. សមថក្ខន្ធកេ ឯវមត្ថោ វេទិតព្ពោតិ យោជនា។ ឆ មាតិកាបទានីតិ វាក្យម្បិ សមាសោបិ យុត្តោយេវ។ តត្ថ សមាសោ បន អសមាហារទិគុយេវ។ ‘‘និក្ខិបិត្វា’’តិ បទំ ‘‘វុត្តោ’’តិ បទេ បុព្ពកាលកិរិយាវិសេសនំ, តុល្យត្ថោ វា។ វិត្ថារោតិ វិភង្គោ។ តត្ថាតិ វិភង្គេ។ សញ្ញាបេតីតិ ឯត្ថ សញ្ញំ កត្វា ជានាបេតីតិ អត្ថំ បដិក្ខិបន្តោ អាហ ‘‘បរិតោសេត្វា ជានាបេតី’’តិ។ ឥមិនា សំបុព្ពោ ញាធាតុ បរិតោសនត្ថំ អន្តោកត្វា អវពោធនត្ថោ ហោតីតិ ទស្សេតិ។ ការណបតិរូបកានីតិ ការណស្ស បដិភាគានិ។ និជ្ឈាបេតីតិ ឯត្ថ ឈេធាតុ ឱលោកនត្ថោតិ អាហ ‘‘ឱលោកេតី’’តិ។ យថាតិ យេនាការេន, ករិយមានេតិ សម្ពន្ធោ។ សោតិ ធម្មវាទី។ បរតោបិ ឯសេវ នយោ។ ‘‘បុនប្បុន’’ន្តិ ឥមិនា អនុបេក្ខតីតិ ឯត្ថ អនុសទ្ទោ ន ឧបច្ឆិន្នត្ថោតិ ទស្សេតិ។ បេក្ខតិ អនុបេក្ខតីតិ ឯត្ថ ឥក្ខធាតុ ‘‘ទស្សេតិ អនុទស្សេតី’’តិ ឯត្ថ ទិសធាតុយា សទិសត្ថោតិ អាហ ‘‘ទស្សេតិ…បេ.… បរិយាយវចនានី’’តិ។ តេសញ្ញេវាតិ ‘‘បេក្ខតិ អនុបេក្ខតី’’តិ បទានញ្ញេវ។ បរិយាយវចនានីតិ វេវចនសទ្ទា អត្ថេ បរិព្យត្តិំ អយន្តិ គច្ឆន្តិ ឥមេហីតិ បរិយាយានិ, តានិយេវ វចនានិ បរិយាយវចនានិ។ សោតិ អធម្មវាទី។ មោហេត្វាតិ ធម្មវាទីបុគ្គលាទិំ មោហាបេត្វា។
186-7. Samathakkhandhake evamattho veditabboti yojanā. Cha mātikāpadānīti vākyampi samāsopi yuttoyeva. Tattha samāso pana asamāhāradiguyeva. ‘‘Nikkhipitvā’’ti padaṃ ‘‘vutto’’ti pade pubbakālakiriyāvisesanaṃ, tulyattho vā. Vitthāroti vibhaṅgo. Tatthāti vibhaṅge. Saññāpetīti ettha saññaṃ katvā jānāpetīti atthaṃ paṭikkhipanto āha ‘‘paritosetvā jānāpetī’’ti. Iminā saṃpubbo ñādhātu paritosanatthaṃ antokatvā avabodhanattho hotīti dasseti. Kāraṇapatirūpakānīti kāraṇassa paṭibhāgāni. Nijjhāpetīti ettha jhedhātu olokanatthoti āha ‘‘oloketī’’ti. Yathāti yenākārena, kariyamāneti sambandho. Soti dhammavādī. Paratopi eseva nayo. ‘‘Punappuna’’nti iminā anupekkhatīti ettha anusaddo na upacchinnatthoti dasseti. Pekkhati anupekkhatīti ettha ikkhadhātu ‘‘dasseti anudassetī’’ti ettha disadhātuyā sadisatthoti āha ‘‘dasseti…pe… pariyāyavacanānī’’ti. Tesaññevāti ‘‘pekkhati anupekkhatī’’ti padānaññeva. Pariyāyavacanānīti vevacanasaddā atthe paribyattiṃ ayanti gacchanti imehīti pariyāyāni, tāniyeva vacanāni pariyāyavacanāni. Soti adhammavādī. Mohetvāti dhammavādīpuggalādiṃ mohāpetvā.
១៨៨. ធម្មវាទី បុគ្គលោ ទស្សេតីតិ សម្ពន្ធោ។ អមោហេត្វាតិ អធម្មវាទីបុគ្គលាទិំ អមោហាបេត្វា, អវិបរីតំ ជានាបេត្វាតិ អត្ថោ។
188. Dhammavādī puggalo dassetīti sambandho. Amohetvāti adhammavādīpuggalādiṃ amohāpetvā, aviparītaṃ jānāpetvāti attho.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / ចូឡវគ្គបាឡិ • Cūḷavaggapāḷi
១. សម្មុខាវិនយោ • 1. Sammukhāvinayo
កណ្ហបក្ខនវកំ • Kaṇhapakkhanavakaṃ
សុក្កបក្ខនវកំ • Sukkapakkhanavakaṃ
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / ចូឡវគ្គ-អដ្ឋកថា • Cūḷavagga-aṭṭhakathā / សម្មុខាវិនយកថា • Sammukhāvinayakathā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / សម្មុខាវិនយកថាវណ្ណនា • Sammukhāvinayakathāvaṇṇanā
