| Library / Tipiṭaka / ཏིཔིཊཀ • Tipiṭaka / ཙཱུལ༹ཝགྒ-ཨཊྛཀཐཱ • Cūḷavagga-aṭṭhakathā |
༤. སམཐཀྑནྡྷཀཾ
4. Samathakkhandhakaṃ
སམྨུཁཱཝིནཡཀཐཱ
Sammukhāvinayakathā
༡༨༦-༡༨༧. སམཐཀྑནྡྷཀེ – ‘‘ཨདྷམྨཝཱདཱི པུགྒལོ’’ཏིཨཱདཱིནི ཚ མཱཏིཀཱཔདཱནི ནིཀྑིཔིཏྭཱ ‘‘ཨདྷམྨཝཱདཱི པུགྒལོ དྷམྨཝཱདིཾ པུགྒལཾ སཉྙཱཔེཏཱི’’ཏིཨཱདིནཱ ནཡེན ཝིཏྠཱརོ ཝུཏྟོ། ཏཏྠ སཉྙཱཔེཏཱིཏི ཀཱརཎཔཏིརཱུཔཀཱནི ཝཏྭཱ པརིཏོསེཏྭཱ ཛཱནཱཔེཏི། ནིཛ྄ཛྷཱཔེཏཱིཏི ཡཐཱ སོ ཏཾ ཨཏྠཾ ནིཛ྄ཛྷཱཡཏི, ཨོལོཀེཏི; ཨེཝཾ ཀརོཏི། པེཀྑཏི ཨནུཔེཀྑཏཱིཏི ཡཐཱ སོ ཏཾ ཨཏྠཾ པེཀྑཏི ཙེཝ པུནཔྤུནཉྩ པེཀྑཏི; ཨེཝཾ ཀརོཏི། དསྶེཏི ཨནུདསྶེཏཱིཏི ཏེསཉྙེཝ པརིཡཱཡཝཙནཱནི། ཨདྷམྨེན ཝཱུཔསམྨཏཱིཏི ཡསྨཱ སོ ཨདྷམྨམེཝ ‘‘ཨཡཾ དྷམྨོ’’ཏིཨཱདིནཱ ནཡེན མོཧེཏྭཱ དསྶེཏི, ཏསྨཱ ཨདྷམྨེན ཝཱུཔསམྨཏི ནཱམ།
186-187. Samathakkhandhake – ‘‘adhammavādī puggalo’’tiādīni cha mātikāpadāni nikkhipitvā ‘‘adhammavādī puggalo dhammavādiṃ puggalaṃ saññāpetī’’tiādinā nayena vitthāro vutto. Tattha saññāpetīti kāraṇapatirūpakāni vatvā paritosetvā jānāpeti. Nijjhāpetīti yathā so taṃ atthaṃ nijjhāyati, oloketi; evaṃ karoti. Pekkhati anupekkhatīti yathā so taṃ atthaṃ pekkhati ceva punappunañca pekkhati; evaṃ karoti. Dasseti anudassetīti tesaññeva pariyāyavacanāni. Adhammena vūpasammatīti yasmā so adhammameva ‘‘ayaṃ dhammo’’tiādinā nayena mohetvā dasseti, tasmā adhammena vūpasammati nāma.
༡༨༨. དྷམྨེན ཝཱུཔསམྨཏཱིཏི ཡསྨཱ དྷམྨཝཱདཱི དྷམྨམེཝ ‘‘ཨཡཾ དྷམྨོ’’ཏིཨཱདིནཱ ནཡེན ཨམོཧེཏྭཱ དསྶེཏི, ཏསྨཱ དྷམྨེན ཝཱུཔསམྨཏི ནཱམ།
188.Dhammena vūpasammatīti yasmā dhammavādī dhammameva ‘‘ayaṃ dhammo’’tiādinā nayena amohetvā dasseti, tasmā dhammena vūpasammati nāma.
སམྨུཁཱཝིནཡཀཐཱ ནིཊྛིཏཱ།
Sammukhāvinayakathā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / ཙཱུལ༹ཝགྒཔཱལི༹ • Cūḷavaggapāḷi
༡. སམྨུཁཱཝིནཡོ • 1. Sammukhāvinayo
ཀཎྷཔཀྑནཝཀཾ • Kaṇhapakkhanavakaṃ
སུཀྐཔཀྑནཝཀཾ • Sukkapakkhanavakaṃ
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / སམྨུཁཱཝིནཡཀཐཱཝཎྞནཱ • Sammukhāvinayakathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / སམྨུཁཱཝིནཡཀཐཱཝཎྞནཱ • Sammukhāvinayakathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༡. སམྨུཁཱཝིནཡཀཐཱ • 1. Sammukhāvinayakathā
