| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੪. ਸਮਥਕ੍ਖਨ੍ਧਕਂ
4. Samathakkhandhakaṃ
੧. ਸਮ੍ਮੁਖਾવਿਨਯਕਥਾ
1. Sammukhāvinayakathā
੧੮੬-੭. ਸਮਥਕ੍ਖਨ੍ਧਕੇ ਏવਮਤ੍ਥੋ વੇਦਿਤਬ੍ਬੋਤਿ ਯੋਜਨਾ। ਛ ਮਾਤਿਕਾਪਦਾਨੀਤਿ વਾਕ੍ਯਮ੍ਪਿ ਸਮਾਸੋਪਿ ਯੁਤ੍ਤੋਯੇવ। ਤਤ੍ਥ ਸਮਾਸੋ ਪਨ ਅਸਮਾਹਾਰਦਿਗੁਯੇવ। ‘‘ਨਿਕ੍ਖਿਪਿਤ੍વਾ’’ਤਿ ਪਦਂ ‘‘વੁਤ੍ਤੋ’’ਤਿ ਪਦੇ ਪੁਬ੍ਬਕਾਲਕਿਰਿਯਾવਿਸੇਸਨਂ, ਤੁਲ੍ਯਤ੍ਥੋ વਾ। વਿਤ੍ਥਾਰੋਤਿ વਿਭਙ੍ਗੋ। ਤਤ੍ਥਾਤਿ વਿਭਙ੍ਗੇ। ਸਞ੍ਞਾਪੇਤੀਤਿ ਏਤ੍ਥ ਸਞ੍ਞਂ ਕਤ੍વਾ ਜਾਨਾਪੇਤੀਤਿ ਅਤ੍ਥਂ ਪਟਿਕ੍ਖਿਪਨ੍ਤੋ ਆਹ ‘‘ਪਰਿਤੋਸੇਤ੍વਾ ਜਾਨਾਪੇਤੀ’’ਤਿ। ਇਮਿਨਾ ਸਂਪੁਬ੍ਬੋ ਞਾਧਾਤੁ ਪਰਿਤੋਸਨਤ੍ਥਂ ਅਨ੍ਤੋਕਤ੍વਾ ਅવਬੋਧਨਤ੍ਥੋ ਹੋਤੀਤਿ ਦਸ੍ਸੇਤਿ। ਕਾਰਣਪਤਿਰੂਪਕਾਨੀਤਿ ਕਾਰਣਸ੍ਸ ਪਟਿਭਾਗਾਨਿ। ਨਿਜ੍ਝਾਪੇਤੀਤਿ ਏਤ੍ਥ ਝੇਧਾਤੁ ਓਲੋਕਨਤ੍ਥੋਤਿ ਆਹ ‘‘ਓਲੋਕੇਤੀ’’ਤਿ। ਯਥਾਤਿ ਯੇਨਾਕਾਰੇਨ, ਕਰਿਯਮਾਨੇਤਿ ਸਮ੍ਬਨ੍ਧੋ। ਸੋਤਿ ਧਮ੍ਮવਾਦੀ। ਪਰਤੋਪਿ ਏਸੇવ ਨਯੋ। ‘‘ਪੁਨਪ੍ਪੁਨ’’ਨ੍ਤਿ ਇਮਿਨਾ ਅਨੁਪੇਕ੍ਖਤੀਤਿ ਏਤ੍ਥ ਅਨੁਸਦ੍ਦੋ ਨ ਉਪਚ੍ਛਿਨ੍ਨਤ੍ਥੋਤਿ ਦਸ੍ਸੇਤਿ। ਪੇਕ੍ਖਤਿ ਅਨੁਪੇਕ੍ਖਤੀਤਿ ਏਤ੍ਥ ਇਕ੍ਖਧਾਤੁ ‘‘ਦਸ੍ਸੇਤਿ ਅਨੁਦਸ੍ਸੇਤੀ’’ਤਿ ਏਤ੍ਥ ਦਿਸਧਾਤੁਯਾ ਸਦਿਸਤ੍ਥੋਤਿ ਆਹ ‘‘ਦਸ੍ਸੇਤਿ…ਪੇ॰… ਪਰਿਯਾਯવਚਨਾਨੀ’’ਤਿ। ਤੇਸਞ੍ਞੇવਾਤਿ ‘‘ਪੇਕ੍ਖਤਿ ਅਨੁਪੇਕ੍ਖਤੀ’’ਤਿ ਪਦਾਨਞ੍ਞੇવ। ਪਰਿਯਾਯવਚਨਾਨੀਤਿ વੇવਚਨਸਦ੍ਦਾ ਅਤ੍ਥੇ ਪਰਿਬ੍ਯਤ੍ਤਿਂ ਅਯਨ੍ਤਿ ਗਚ੍ਛਨ੍ਤਿ ਇਮੇਹੀਤਿ ਪਰਿਯਾਯਾਨਿ, ਤਾਨਿਯੇવ વਚਨਾਨਿ ਪਰਿਯਾਯવਚਨਾਨਿ। ਸੋਤਿ ਅਧਮ੍ਮવਾਦੀ। ਮੋਹੇਤ੍વਾਤਿ ਧਮ੍ਮવਾਦੀਪੁਗ੍ਗਲਾਦਿਂ ਮੋਹਾਪੇਤ੍વਾ।
186-7. Samathakkhandhake evamattho veditabboti yojanā. Cha mātikāpadānīti vākyampi samāsopi yuttoyeva. Tattha samāso pana asamāhāradiguyeva. ‘‘Nikkhipitvā’’ti padaṃ ‘‘vutto’’ti pade pubbakālakiriyāvisesanaṃ, tulyattho vā. Vitthāroti vibhaṅgo. Tatthāti vibhaṅge. Saññāpetīti ettha saññaṃ katvā jānāpetīti atthaṃ paṭikkhipanto āha ‘‘paritosetvā jānāpetī’’ti. Iminā saṃpubbo ñādhātu paritosanatthaṃ antokatvā avabodhanattho hotīti dasseti. Kāraṇapatirūpakānīti kāraṇassa paṭibhāgāni. Nijjhāpetīti ettha jhedhātu olokanatthoti āha ‘‘oloketī’’ti. Yathāti yenākārena, kariyamāneti sambandho. Soti dhammavādī. Paratopi eseva nayo. ‘‘Punappuna’’nti iminā anupekkhatīti ettha anusaddo na upacchinnatthoti dasseti. Pekkhati anupekkhatīti ettha ikkhadhātu ‘‘dasseti anudassetī’’ti ettha disadhātuyā sadisatthoti āha ‘‘dasseti…pe… pariyāyavacanānī’’ti. Tesaññevāti ‘‘pekkhati anupekkhatī’’ti padānaññeva. Pariyāyavacanānīti vevacanasaddā atthe paribyattiṃ ayanti gacchanti imehīti pariyāyāni, tāniyeva vacanāni pariyāyavacanāni. Soti adhammavādī. Mohetvāti dhammavādīpuggalādiṃ mohāpetvā.
੧੮੮. ਧਮ੍ਮવਾਦੀ ਪੁਗ੍ਗਲੋ ਦਸ੍ਸੇਤੀਤਿ ਸਮ੍ਬਨ੍ਧੋ। ਅਮੋਹੇਤ੍વਾਤਿ ਅਧਮ੍ਮવਾਦੀਪੁਗ੍ਗਲਾਦਿਂ ਅਮੋਹਾਪੇਤ੍વਾ, ਅવਿਪਰੀਤਂ ਜਾਨਾਪੇਤ੍વਾਤਿ ਅਤ੍ਥੋ।
188. Dhammavādī puggalo dassetīti sambandho. Amohetvāti adhammavādīpuggalādiṃ amohāpetvā, aviparītaṃ jānāpetvāti attho.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi
੧. ਸਮ੍ਮੁਖਾવਿਨਯੋ • 1. Sammukhāvinayo
ਕਣ੍ਹਪਕ੍ਖਨવਕਂ • Kaṇhapakkhanavakaṃ
ਸੁਕ੍ਕਪਕ੍ਖਨવਕਂ • Sukkapakkhanavakaṃ
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਚੂਲ਼વਗ੍ਗ-ਅਟ੍ਠਕਥਾ • Cūḷavagga-aṭṭhakathā / ਸਮ੍ਮੁਖਾવਿਨਯਕਥਾ • Sammukhāvinayakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਸਮ੍ਮੁਖਾવਿਨਯਕਥਾવਣ੍ਣਨਾ • Sammukhāvinayakathāvaṇṇanā
