| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
4. самат̇агканд̇хагам̣
4. Samathakkhandhakaṃ
1. саммукаавинаяо
1. Sammukhāvinayo
185. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна чаб̣б̣аг̇г̇ияаа бхигкуу асаммукийбхууд̇аанам̣ бхигкуунам̣ гаммаани гаронд̇и – д̇аж̇ж̇анийяамби, нияассамби, баб̣б̣ааж̇анийяамби, бадисааран̣ийяамби, угкзбанийяамби. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама чаб̣б̣аг̇г̇ияаа бхигкуу асаммукийбхууд̇аанам̣ бхигкуунам̣ гаммаани гариссанд̇и – д̇аж̇ж̇анийяамби, нияассамби, баб̣б̣ааж̇анийяамби, бадисааран̣ийяамби, угкзбанийяамбий’’д̇и! ат̇а ко д̇з бхигкуу бхаг̇авад̇о зд̇амад̇т̇ам̣ аарожзсум̣…бз… ‘‘сажжам̣ гира, бхигкавз, чаб̣б̣аг̇г̇ияаа бхигкуу асаммукийбхууд̇аанам̣ бхигкуунам̣ гаммаани гаронд̇и – д̇аж̇ж̇анийяамби, нияассамби, баб̣б̣ааж̇анийяамби, бадисааран̣ийяамби, угкзбанийяамбий’’д̇и? ‘‘сажжам̣ бхаг̇аваа’’д̇и. виг̇арахи б̣уд̣̇д̇хо бхаг̇аваа – ‘‘ананужчавигам̣, бхигкавз, д̇зсам̣ могхабурисаанам̣ анануломигам̣ аббад̇ируубам̣ ассааман̣агам̣ агаббияам̣ агаран̣ийяам̣. гат̇ан̃хи наама д̇з, бхигкавз, могхабурисаа асаммукийбхууд̇аанам̣ бхигкуунам̣ гаммаани гариссанд̇и – д̇аж̇ж̇анийяамби, нияассамби, баб̣б̣ааж̇анийяамби, бадисааран̣ийяамби, угкзбанийяамби! нзд̇ам̣, бхигкавз, аббасаннаанам̣ ваа басаад̣̇ааяа…бз… виг̇арахид̇ваа…бз… д̇хаммим̣ гат̇ам̣ гад̇ваа бхигкуу ааманд̇зси – на, бхигкавз, асаммукийбхууд̇аанам̣ бхигкуунам̣ гаммам̣ гаад̇аб̣б̣ам̣ – д̇аж̇ж̇анийяам̣ ваа, нияассам̣ ваа, баб̣б̣ааж̇анийяам̣ ваа, бадисааран̣ийяам̣ ваа, угкзбанийяам̣ ваа. яо гарзяяа , аабад̇д̇и д̣̇уггадасса.
185. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena chabbaggiyā bhikkhū asammukhībhūtānaṃ bhikkhūnaṃ kammāni karonti – tajjanīyampi, niyassampi, pabbājanīyampi, paṭisāraṇīyampi, ukkhepanīyampi. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma chabbaggiyā bhikkhū asammukhībhūtānaṃ bhikkhūnaṃ kammāni karissanti – tajjanīyampi, niyassampi, pabbājanīyampi, paṭisāraṇīyampi, ukkhepanīyampī’’ti! Atha kho te bhikkhū bhagavato etamatthaṃ ārocesuṃ…pe… ‘‘saccaṃ kira, bhikkhave, chabbaggiyā bhikkhū asammukhībhūtānaṃ bhikkhūnaṃ kammāni karonti – tajjanīyampi, niyassampi, pabbājanīyampi, paṭisāraṇīyampi, ukkhepanīyampī’’ti? ‘‘Saccaṃ bhagavā’’ti. Vigarahi buddho bhagavā – ‘‘ananucchavikaṃ, bhikkhave, tesaṃ moghapurisānaṃ ananulomikaṃ appatirūpaṃ assāmaṇakaṃ akappiyaṃ akaraṇīyaṃ. Kathañhi nāma te, bhikkhave, moghapurisā asammukhībhūtānaṃ bhikkhūnaṃ kammāni karissanti – tajjanīyampi, niyassampi, pabbājanīyampi, paṭisāraṇīyampi, ukkhepanīyampi! Netaṃ, bhikkhave, appasannānaṃ vā pasādāya…pe… vigarahitvā…pe… dhammiṃ kathaṃ katvā bhikkhū āmantesi – na, bhikkhave, asammukhībhūtānaṃ bhikkhūnaṃ kammaṃ kātabbaṃ – tajjanīyaṃ vā, niyassaṃ vā, pabbājanīyaṃ vā, paṭisāraṇīyaṃ vā, ukkhepanīyaṃ vā. Yo kareyya , āpatti dukkaṭassa.
186. ‘‘ад̇хаммаваад̣̇ий буг̇г̇ало ад̇хаммаваад̣̇ий самб̣ахулаа ад̇хаммаваад̣̇ий сан̇гхо. д̇хаммаваад̣̇ий буг̇г̇ало д̇хаммаваад̣̇ий самб̣ахулаа д̇хаммаваад̣̇ий сан̇гхо.
186. ‘‘Adhammavādī puggalo adhammavādī sambahulā adhammavādī saṅgho. Dhammavādī puggalo dhammavādī sambahulā dhammavādī saṅgho.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / саммукаавинаяагат̇аа • Sammukhāvinayakathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / саммукаавинаяагат̇ааван̣н̣анаа • Sammukhāvinayakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 1. саммукаавинаяагат̇аа • 1. Sammukhāvinayakathā
