| Library / Tipiṭaka / ਤਿਪਿਟਕ • Tipiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi |
੯. ਅਧਿਕਰਣવੂਪਸਮਨਸਮਥੋ
9. Adhikaraṇavūpasamanasamatho
ਸਮ੍ਮੁਖਾવਿਨਯੋ
Sammukhāvinayo
੨੨੮. 1 ‘‘વਿવਾਦਾਧਿਕਰਣਂ ਕਤਿਹਿ ਸਮਥੇਹਿ ਸਮ੍ਮਤਿ? વਿવਾਦਾਧਿਕਰਣਂ ਦ੍વੀਹਿ ਸਮਥੇਹਿ ਸਮ੍ਮਤਿ – ਸਮ੍ਮੁਖਾવਿਨਯੇਨ ਚ, ਯੇਭੁਯ੍ਯਸਿਕਾਯ ਚ। ਸਿਯਾ વਿવਾਦਾਧਿਕਰਣਂ ਏਕਂ ਸਮਥਂ ਅਨਾਗਮ੍ਮ ਯੇਭੁਯ੍ਯਸਿਕਂ, ਏਕੇਨ ਸਮਥੇਨ ਸਮੇਯ੍ਯ – ਸਮ੍ਮੁਖਾવਿਨਯੇਨਾਤਿ? ਸਿਯਾਤਿਸ੍ਸ વਚਨੀਯਂ। ਯਥਾ ਕਥਂ વਿਯ? ਇਧ ਪਨ, ਭਿਕ੍ਖવੇ, ਭਿਕ੍ਖੂ વਿવਦਨ੍ਤਿ – ਧਮ੍ਮੋਤਿ વਾ ਅਧਮ੍ਮੋਤਿ વਾ, વਿਨਯੋਤਿ વਾ ਅવਿਨਯੋਤਿ વਾ, ਭਾਸਿਤਂ ਲਪਿਤਂ ਤਥਾਗਤੇਨਾਤਿ વਾ ਅਭਾਸਿਤਂ ਅਲਪਿਤਂ ਤਥਾਗਤੇਨਾਤਿ વਾ, ਆਚਿਣ੍ਣਂ ਤਥਾਗਤੇਨਾਤਿ વਾ ਅਨਾਚਿਣ੍ਣਂ ਤਥਾਗਤੇਨਾਤਿ વਾ, ਪਞ੍ਞਤ੍ਤਂ ਤਥਾਗਤੇਨਾਤਿ વਾ ਅਪਞ੍ਞਤ੍ਤਂ ਤਥਾਗਤੇਨਾਤਿ વਾ, ਆਪਤ੍ਤੀਤਿ વਾ ਅਨਾਪਤ੍ਤੀਤਿ વਾ, ਲਹੁਕਾ ਆਪਤ੍ਤੀਤਿ વਾ ਗਰੁਕਾ ਆਪਤ੍ਤੀਤਿ વਾ, ਸਾવਸੇਸਾ ਆਪਤ੍ਤੀਤਿ વਾ ਅਨવਸੇਸਾ ਆਪਤ੍ਤੀਤਿ વਾ, ਦੁਟ੍ਠੁਲ੍ਲਾ ਆਪਤ੍ਤੀਤਿ વਾ ਅਦੁਟ੍ਠੁਲ੍ਲਾ ਆਪਤ੍ਤੀਤਿ વਾ।
228.2 ‘‘Vivādādhikaraṇaṃ katihi samathehi sammati? Vivādādhikaraṇaṃ dvīhi samathehi sammati – sammukhāvinayena ca, yebhuyyasikāya ca. Siyā vivādādhikaraṇaṃ ekaṃ samathaṃ anāgamma yebhuyyasikaṃ, ekena samathena sameyya – sammukhāvinayenāti? Siyātissa vacanīyaṃ. Yathā kathaṃ viya? Idha pana, bhikkhave, bhikkhū vivadanti – dhammoti vā adhammoti vā, vinayoti vā avinayoti vā, bhāsitaṃ lapitaṃ tathāgatenāti vā abhāsitaṃ alapitaṃ tathāgatenāti vā, āciṇṇaṃ tathāgatenāti vā anāciṇṇaṃ tathāgatenāti vā, paññattaṃ tathāgatenāti vā apaññattaṃ tathāgatenāti vā, āpattīti vā anāpattīti vā, lahukā āpattīti vā garukā āpattīti vā, sāvasesā āpattīti vā anavasesā āpattīti vā, duṭṭhullā āpattīti vā aduṭṭhullā āpattīti vā.
‘‘ਤੇ ਚੇ, ਭਿਕ੍ਖવੇ, ਭਿਕ੍ਖੂ ਸਕ੍ਕੋਨ੍ਤਿ ਤਂ ਅਧਿਕਰਣਂ વੂਪਸਮੇਤੁਂ, ਇਦਂ વੁਚ੍ਚਤਿ, ਭਿਕ੍ਖવੇ, ਅਧਿਕਰਣਂ વੂਪਸਨ੍ਤਂ। ਕੇਨ વੂਪਸਨ੍ਤਂ? ਸਮ੍ਮੁਖਾવਿਨਯੇਨ। ਕਿਞ੍ਚ ਤਤ੍ਥ ਸਮ੍ਮੁਖਾવਿਨਯਸ੍ਮਿਂ? ਸਙ੍ਘਸਮ੍ਮੁਖਤਾ, ਧਮ੍ਮਸਮ੍ਮੁਖਤਾ, વਿਨਯਸਮ੍ਮੁਖਤਾ, ਪੁਗ੍ਗਲਸਮ੍ਮੁਖਤਾ। ਕਾ ਚ ਤਤ੍ਥ ਸਙ੍ਘਸਮ੍ਮੁਖਤਾ? ਯਾવਤਿਕਾ ਭਿਕ੍ਖੂ ਕਮ੍ਮਪ੍ਪਤ੍ਤਾ ਤੇ ਆਗਤਾ ਹੋਨ੍ਤਿ, ਛਨ੍ਦਾਰਹਾਨਂ ਛਨ੍ਦੋ ਆਹਟੋ ਹੋਤਿ, ਸਮ੍ਮੁਖੀਭੂਤਾ ਨ ਪਟਿਕ੍ਕੋਸਨ੍ਤਿ – ਅਯਂ ਤਤ੍ਥ ਸਙ੍ਘਸਮ੍ਮੁਖਤਾ। ਕਾ ਚ ਤਤ੍ਥ ਧਮ੍ਮਸਮ੍ਮੁਖਤਾ, વਿਨਯਸਮ੍ਮੁਖਤਾ ? ਯੇਨ ਧਮ੍ਮੇਨ ਯੇਨ વਿਨਯੇਨ ਯੇਨ ਸਤ੍ਥੁਸਾਸਨੇਨ ਤਂ ਅਧਿਕਰਣਂ વੂਪਸਮ੍ਮਤਿ – ਅਯਂ ਤਤ੍ਥ ਧਮ੍ਮਸਮ੍ਮੁਖਤਾ, વਿਨਯਸਮ੍ਮੁਖਤਾ। ਕਾ ਚ ਤਤ੍ਥ ਪੁਗ੍ਗਲਸਮ੍ਮੁਖਤਾ? ਯੋ ਚ વਿવਦਤਿ, ਯੇਨ ਚ વਿવਦਤਿ, ਉਭੋ ਅਤ੍ਥਪਚ੍ਚਤ੍ਥਿਕਾ ਸਮ੍ਮੁਖੀਭੂਤਾ ਹੋਨ੍ਤਿ – ਅਯਂ ਤਤ੍ਥ ਪੁਗ੍ਗਲਸਮ੍ਮੁਖਤਾ। ਏવਂ વੂਪਸਨ੍ਤਂ ਚੇ, ਭਿਕ੍ਖવੇ, ਅਧਿਕਰਣਂ ਕਾਰਕੋ ਉਕ੍ਕੋਟੇਤਿ, ਉਕ੍ਕੋਟਨਕਂ ਪਾਚਿਤ੍ਤਿਯਂ; ਛਨ੍ਦਦਾਯਕੋ ਖੀਯਤਿ, ਖੀਯਨਕਂ ਪਾਚਿਤ੍ਤਿਯਂ।
‘‘Te ce, bhikkhave, bhikkhū sakkonti taṃ adhikaraṇaṃ vūpasametuṃ, idaṃ vuccati, bhikkhave, adhikaraṇaṃ vūpasantaṃ. Kena vūpasantaṃ? Sammukhāvinayena. Kiñca tattha sammukhāvinayasmiṃ? Saṅghasammukhatā, dhammasammukhatā, vinayasammukhatā, puggalasammukhatā. Kā ca tattha saṅghasammukhatā? Yāvatikā bhikkhū kammappattā te āgatā honti, chandārahānaṃ chando āhaṭo hoti, sammukhībhūtā na paṭikkosanti – ayaṃ tattha saṅghasammukhatā. Kā ca tattha dhammasammukhatā, vinayasammukhatā ? Yena dhammena yena vinayena yena satthusāsanena taṃ adhikaraṇaṃ vūpasammati – ayaṃ tattha dhammasammukhatā, vinayasammukhatā. Kā ca tattha puggalasammukhatā? Yo ca vivadati, yena ca vivadati, ubho atthapaccatthikā sammukhībhūtā honti – ayaṃ tattha puggalasammukhatā. Evaṃ vūpasantaṃ ce, bhikkhave, adhikaraṇaṃ kārako ukkoṭeti, ukkoṭanakaṃ pācittiyaṃ; chandadāyako khīyati, khīyanakaṃ pācittiyaṃ.
੨੨੯. ‘‘ਤੇ ਚੇ, ਭਿਕ੍ਖવੇ, ਭਿਕ੍ਖੂ ਨ ਸਕ੍ਕੋਨ੍ਤਿ ਤਂ ਅਧਿਕਰਣਂ ਤਸ੍ਮਿਂ ਆવਾਸੇ વੂਪਸਮੇਤੁਂ, ਤੇਹਿ, ਭਿਕ੍ਖવੇ, ਭਿਕ੍ਖੂਹਿ, ਯਸ੍ਮਿਂ ਆવਾਸੇ ਸਮ੍ਬਹੁਲਾ 3 ਭਿਕ੍ਖੂ, ਸੋ ਆવਾਸੋ ਗਨ੍ਤਬ੍ਬੋ। ਤੇ ਚੇ, ਭਿਕ੍ਖવੇ, ਭਿਕ੍ਖੂ ਤਂ ਆવਾਸਂ ਗਚ੍ਛਨ੍ਤਾ ਅਨ੍ਤਰਾਮਗ੍ਗੇ ਸਕ੍ਕੋਨ੍ਤਿ ਤਂ ਅਧਿਕਰਣਂ વੂਪਸਮੇਤੁਂ, ਇਦਂ વੁਚ੍ਚਤਿ, ਭਿਕ੍ਖવੇ, ਅਧਿਕਰਣਂ વੂਪਸਨ੍ਤਂ। ਕੇਨ વੂਪਸਨ੍ਤਂ? ਸਮ੍ਮੁਖਾવਿਨਯੇਨ । ਕਿਞ੍ਚ ਤਤ੍ਥ ਸਮ੍ਮੁਖਾવਿਨਯਸ੍ਮਿਂ? ਸਙ੍ਘਸਮ੍ਮੁਖਤਾ, ਧਮ੍ਮਸਮ੍ਮੁਖਤਾ, વਿਨਯਸਮ੍ਮੁਖਤਾ, ਪੁਗ੍ਗਲਸਮ੍ਮੁਖਤਾ। ਕਾ ਚ ਤਤ੍ਥ ਸਙ੍ਘਸਮ੍ਮੁਖਤਾ? ਯਾવਤਿਕਾ ਭਿਕ੍ਖੂ ਕਮ੍ਮਪ੍ਪਤ੍ਤਾ ਤੇ ਆਗਤਾ ਹੋਨ੍ਤਿ, ਛਨ੍ਦਾਰਹਾਨਂ ਛਨ੍ਦੋ ਆਹਟੋ ਹੋਤਿ, ਸਮ੍ਮੁਖੀਭੂਤਾ ਨ ਪਟਿਕ੍ਕੋਸਨ੍ਤਿ – ਅਯਂ ਤਤ੍ਥ ਸਙ੍ਘਸਮ੍ਮੁਖਤਾ। ਕਾ ਚ ਤਤ੍ਥ ਧਮ੍ਮਸਮ੍ਮੁਖਤਾ, વਿਨਯਸਮ੍ਮੁਖਤਾ? ਯੇਨ ਧਮ੍ਮੇਨ ਯੇਨ વਿਨਯੇਨ ਯੇਨ ਸਤ੍ਥੁਸਾਸਨੇਨ ਤਂ ਅਧਿਕਰਣਂ વੂਪਸਮ੍ਮਤਿ – ਅਯਂ ਤਤ੍ਥ ਧਮ੍ਮਸਮ੍ਮੁਖਤਾ, વਿਨਯਸਮ੍ਮੁਖਤਾ। ਕਾ ਚ ਤਤ੍ਥ ਪੁਗ੍ਗਲਸਮ੍ਮੁਖਤਾ? ਯੋ ਚ વਿવਦਤਿ, ਯੇਨ ਚ વਿવਦਤਿ, ਉਭੋ ਅਤ੍ਥਪਚ੍ਚਤ੍ਥਿਕਾ ਸਮ੍ਮੁਖੀਭੂਤਾ ਹੋਨ੍ਤਿ – ਅਯਂ ਤਤ੍ਥ ਪੁਗ੍ਗਲਸਮ੍ਮੁਖਤਾ। ਏવਂ વੂਪਸਨ੍ਤਂ ਚੇ, ਭਿਕ੍ਖવੇ, ਅਧਿਕਰਣਂ ਕਾਰਕੋ ਉਕ੍ਕੋਟੇਤਿ, ਉਕ੍ਕੋਟਨਕਂ ਪਾਚਿਤ੍ਤਿਯਂ; ਛਨ੍ਦਦਾਯਕੋ ਖੀਯਤਿ, ਖੀਯਨਕਂ ਪਾਚਿਤ੍ਤਿਯਂ।
229. ‘‘Te ce, bhikkhave, bhikkhū na sakkonti taṃ adhikaraṇaṃ tasmiṃ āvāse vūpasametuṃ, tehi, bhikkhave, bhikkhūhi, yasmiṃ āvāse sambahulā 4 bhikkhū, so āvāso gantabbo. Te ce, bhikkhave, bhikkhū taṃ āvāsaṃ gacchantā antarāmagge sakkonti taṃ adhikaraṇaṃ vūpasametuṃ, idaṃ vuccati, bhikkhave, adhikaraṇaṃ vūpasantaṃ. Kena vūpasantaṃ? Sammukhāvinayena . Kiñca tattha sammukhāvinayasmiṃ? Saṅghasammukhatā, dhammasammukhatā, vinayasammukhatā, puggalasammukhatā. Kā ca tattha saṅghasammukhatā? Yāvatikā bhikkhū kammappattā te āgatā honti, chandārahānaṃ chando āhaṭo hoti, sammukhībhūtā na paṭikkosanti – ayaṃ tattha saṅghasammukhatā. Kā ca tattha dhammasammukhatā, vinayasammukhatā? Yena dhammena yena vinayena yena satthusāsanena taṃ adhikaraṇaṃ vūpasammati – ayaṃ tattha dhammasammukhatā, vinayasammukhatā. Kā ca tattha puggalasammukhatā? Yo ca vivadati, yena ca vivadati, ubho atthapaccatthikā sammukhībhūtā honti – ayaṃ tattha puggalasammukhatā. Evaṃ vūpasantaṃ ce, bhikkhave, adhikaraṇaṃ kārako ukkoṭeti, ukkoṭanakaṃ pācittiyaṃ; chandadāyako khīyati, khīyanakaṃ pācittiyaṃ.
੨੩੦. ‘‘ਤੇ ਚੇ, ਭਿਕ੍ਖવੇ, ਭਿਕ੍ਖੂ ਤਂ ਆવਾਸਂ ਆਗਚ੍ਛਨ੍ਤਾ ਅਨ੍ਤਰਾਮਗ੍ਗੇ ਨ ਸਕ੍ਕੋਨ੍ਤਿ ਤਂ ਅਧਿਕਰਣਂ વੂਪਸਮੇਤੁਂ, ਤੇਹਿ, ਭਿਕ੍ਖવੇ, ਭਿਕ੍ਖੂਹਿ, ਤਂ ਆવਾਸਂ ਗਨ੍ਤ੍વਾ ਆવਾਸਿਕਾ ਭਿਕ੍ਖੂ ਏવਮਸ੍ਸੁ વਚਨੀਯਾ – ‘ਇਦਂ ਖੋ, ਆવੁਸੋ, ਅਧਿਕਰਣਂ ਏવਂ ਜਾਤਂ, ਏવਂ ਸਮੁਪ੍ਪਨ੍ਨਂ; ਸਾਧਾਯਸ੍ਮਨ੍ਤਾ ਇਮਂ ਅਧਿਕਰਣਂ વੂਪਸਮੇਨ੍ਤੁ ਧਮ੍ਮੇਨ વਿਨਯੇਨ ਸਤ੍ਥੁਸਾਸਨੇਨ, ਯਥਯਿਦਂ ਅਧਿਕਰਣਂ ਸੁવੂਪਸਨ੍ਤਂ ਅਸ੍ਸਾ’ਤਿ।
230. ‘‘Te ce, bhikkhave, bhikkhū taṃ āvāsaṃ āgacchantā antarāmagge na sakkonti taṃ adhikaraṇaṃ vūpasametuṃ, tehi, bhikkhave, bhikkhūhi, taṃ āvāsaṃ gantvā āvāsikā bhikkhū evamassu vacanīyā – ‘idaṃ kho, āvuso, adhikaraṇaṃ evaṃ jātaṃ, evaṃ samuppannaṃ; sādhāyasmantā imaṃ adhikaraṇaṃ vūpasamentu dhammena vinayena satthusāsanena, yathayidaṃ adhikaraṇaṃ suvūpasantaṃ assā’ti.
‘‘ਸਚੇ , ਭਿਕ੍ਖવੇ, ਆવਾਸਿਕਾ ਭਿਕ੍ਖੂ વੁਡ੍ਢਤਰਾ ਹੋਨ੍ਤਿ, ਆਗਨ੍ਤੁਕਾ ਭਿਕ੍ਖੂ ਨવਕਤਰਾ, ਤੇਹਿ, ਭਿਕ੍ਖવੇ, ਆવਾਸਿਕੇਹਿ ਭਿਕ੍ਖੂਹਿ ਆਗਨ੍ਤੁਕਾ ਭਿਕ੍ਖੂ ਏવਮਸ੍ਸੁ વਚਨੀਯਾ – ‘ਇਙ੍ਘ ਤੁਮ੍ਹੇ, ਆਯਸ੍ਮਨ੍ਤੋ, ਮੁਹੁਤ੍ਤਂ ਏਕਮਨ੍ਤਂ ਹੋਥ, ਯਾવ ਮਯਂ ਮਨ੍ਤੇਮਾ’ਤਿ। ਸਚੇ ਪਨ, ਭਿਕ੍ਖવੇ, ਆવਾਸਿਕਾ ਭਿਕ੍ਖੂ ਨવਕਤਰਾ ਹੋਨ੍ਤਿ, ਆਗਨ੍ਤੁਕਾ ਭਿਕ੍ਖੂ વੁਡ੍ਢਤਰਾ, ਤੇਹਿ, ਭਿਕ੍ਖવੇ, ਆવਾਸਿਕੇਹਿ ਭਿਕ੍ਖੂਹਿ ਆਗਨ੍ਤੁਕਾ ਭਿਕ੍ਖੂ ਏવਮਸ੍ਸੁ વਚਨੀਯਾ – ‘ਤੇਨ ਹਿ ਤੁਮ੍ਹੇ, ਆਯਸ੍ਮਨ੍ਤੋ, ਮੁਹੁਤ੍ਤਂ ਇਧੇવ ਤਾવ ਹੋਥ, ਯਾવ ਮਯਂ ਮਨ੍ਤੇਮਾ’ਤਿ।
‘‘Sace , bhikkhave, āvāsikā bhikkhū vuḍḍhatarā honti, āgantukā bhikkhū navakatarā, tehi, bhikkhave, āvāsikehi bhikkhūhi āgantukā bhikkhū evamassu vacanīyā – ‘iṅgha tumhe, āyasmanto, muhuttaṃ ekamantaṃ hotha, yāva mayaṃ mantemā’ti. Sace pana, bhikkhave, āvāsikā bhikkhū navakatarā honti, āgantukā bhikkhū vuḍḍhatarā, tehi, bhikkhave, āvāsikehi bhikkhūhi āgantukā bhikkhū evamassu vacanīyā – ‘tena hi tumhe, āyasmanto, muhuttaṃ idheva tāva hotha, yāva mayaṃ mantemā’ti.
‘‘ਸਚੇ ਪਨ, ਭਿਕ੍ਖવੇ, ਆવਾਸਿਕਾਨਂ ਭਿਕ੍ਖੂਨਂ ਮਨ੍ਤਯਮਾਨਾਨਂ ਏવਂ ਹੋਤਿ – ‘ਨ ਮਯਂ ਸਕ੍ਕੋਮ ਇਮਂ ਅਧਿਕਰਣਂ વੂਪਸਮੇਤੁਂ ਧਮ੍ਮੇਨ વਿਨਯੇਨ ਸਤ੍ਥੁਸਾਸਨੇਨਾ’ਤਿ, ਨ ਤਂ ਅਧਿਕਰਣਂ ਆવਾਸਿਕੇਹਿ ਭਿਕ੍ਖੂਹਿ ਸਮ੍ਪਟਿਚ੍ਛਿਤਬ੍ਬਂ। ਸਚੇ ਪਨ, ਭਿਕ੍ਖવੇ, ਆવਾਸਿਕਾਨਂ ਭਿਕ੍ਖੂਨਂ ਮਨ੍ਤਯਮਾਨਾਨਂ ਏવਂ ਹੋਤਿ – ‘ਸਕ੍ਕੋਮ ਮਯਂ ਇਮਂ ਅਧਿਕਰਣਂ વੂਪਸਮੇਤੁਂ ਧਮ੍ਮੇਨ વਿਨਯੇਨ ਸਤ੍ਥੁਸਾਸਨੇਨਾ’ਤਿ, ਤੇਹਿ, ਭਿਕ੍ਖવੇ, ਆવਾਸਿਕੇਹਿ ਭਿਕ੍ਖੂਹਿ ਆਗਨ੍ਤੁਕਾ ਭਿਕ੍ਖੂ ਏવਮਸ੍ਸੁ વਚਨੀਯਾ – ‘ਸਚੇ ਤੁਮ੍ਹੇ, ਆਯਸ੍ਮਨ੍ਤੋ, ਅਮ੍ਹਾਕਂ ਇਮਂ ਅਧਿਕਰਣਂ ਯਥਾਜਾਤਂ ਯਥਾਸਮੁਪ੍ਪਨ੍ਨਂ ਆਰੋਚੇਸ੍ਸਥ, ਯਥਾ ਚ ਮਯਂ ਇਮਂ ਅਧਿਕਰਣਂ વੂਪਸਮੇਸ੍ਸਾਮ ਧਮ੍ਮੇਨ વਿਨਯੇਨ ਸਤ੍ਥੁਸਾਸਨੇਨ ਤਥਾ ਸੁવੂਪਸਨ੍ਤਂ ਭવਿਸ੍ਸਤਿ। ਏવਂ ਮਯਂ ਇਮਂ ਅਧਿਕਰਣਂ ਸਮ੍ਪਟਿਚ੍ਛਿਸ੍ਸਾਮ। ਨੋ ਚੇ ਤੁਮ੍ਹੇ, ਆਯਸ੍ਮਨ੍ਤੋ, ਅਮ੍ਹਾਕਂ ਇਮਂ ਅਧਿਕਰਣਂ ਯਥਾਜਾਤਂ ਯਥਾਸਮੁਪ੍ਪਨ੍ਨਂ ਆਰੋਚੇਸ੍ਸਥ, ਯਥਾ ਚ ਮਯਂ ਇਮਂ ਅਧਿਕਰਣਂ વੂਪਸਮੇਸ੍ਸਾਮ ਧਮ੍ਮੇਨ વਿਨਯੇਨ ਸਤ੍ਥੁਸਾਸਨੇਨ ਤਥਾ ਨ ਸੁવੂਪਸਨ੍ਤਂ ਭવਿਸ੍ਸਤਿ, ਨ ਮਯਂ ਇਮਂ ਅਧਿਕਰਣਂ ਸਮ੍ਪਟਿਚ੍ਛਿਸ੍ਸਾਮਾ’ਤਿ। ਏવਂ ਸੁਪਰਿਗ੍ਗਹਿਤਂ ਖੋ, ਭਿਕ੍ਖવੇ, ਕਤ੍વਾ ਆવਾਸਿਕੇਹਿ ਭਿਕ੍ਖੂਹਿ ਤਂ ਅਧਿਕਰਣਂ ਸਮ੍ਪਟਿਚ੍ਛਿਤਬ੍ਬਂ।
‘‘Sace pana, bhikkhave, āvāsikānaṃ bhikkhūnaṃ mantayamānānaṃ evaṃ hoti – ‘na mayaṃ sakkoma imaṃ adhikaraṇaṃ vūpasametuṃ dhammena vinayena satthusāsanenā’ti, na taṃ adhikaraṇaṃ āvāsikehi bhikkhūhi sampaṭicchitabbaṃ. Sace pana, bhikkhave, āvāsikānaṃ bhikkhūnaṃ mantayamānānaṃ evaṃ hoti – ‘sakkoma mayaṃ imaṃ adhikaraṇaṃ vūpasametuṃ dhammena vinayena satthusāsanenā’ti, tehi, bhikkhave, āvāsikehi bhikkhūhi āgantukā bhikkhū evamassu vacanīyā – ‘sace tumhe, āyasmanto, amhākaṃ imaṃ adhikaraṇaṃ yathājātaṃ yathāsamuppannaṃ ārocessatha, yathā ca mayaṃ imaṃ adhikaraṇaṃ vūpasamessāma dhammena vinayena satthusāsanena tathā suvūpasantaṃ bhavissati. Evaṃ mayaṃ imaṃ adhikaraṇaṃ sampaṭicchissāma. No ce tumhe, āyasmanto, amhākaṃ imaṃ adhikaraṇaṃ yathājātaṃ yathāsamuppannaṃ ārocessatha, yathā ca mayaṃ imaṃ adhikaraṇaṃ vūpasamessāma dhammena vinayena satthusāsanena tathā na suvūpasantaṃ bhavissati, na mayaṃ imaṃ adhikaraṇaṃ sampaṭicchissāmā’ti. Evaṃ supariggahitaṃ kho, bhikkhave, katvā āvāsikehi bhikkhūhi taṃ adhikaraṇaṃ sampaṭicchitabbaṃ.
‘‘ਤੇਹਿ, ਭਿਕ੍ਖવੇ, ਆਗਨ੍ਤੁਕੇਹਿ ਭਿਕ੍ਖੂਹਿ ਆવਾਸਿਕਾ ਭਿਕ੍ਖੂ ਏવਮਸ੍ਸੁ વਚਨੀਯਾ – ‘ਯਥਾਜਾਤਂ ਯਥਾਸਮੁਪ੍ਪਨ੍ਨਂ ਮਯਂ ਇਮਂ ਅਧਿਕਰਣਂ ਆਯਸ੍ਮਨ੍ਤਾਨਂ ਆਰੋਚੇਸ੍ਸਾਮ। ਸਚੇ ਆਯਸ੍ਮਨ੍ਤਾ ਸਕ੍ਕੋਨ੍ਤਿ ਏਤ੍ਤਕੇਨ વਾ ਏਤ੍ਤਕੇਨ વਾ ਅਨ੍ਤਰੇਨ ਇਮਂ ਅਧਿਕਰਣਂ વੂਪਸਮੇਤੁਂ ਧਮ੍ਮੇਨ વਿਨਯੇਨ ਸਤ੍ਥੁਸਾਸਨੇਨ ਤਥਾ ਸੁવੂਪਸਨ੍ਤਂ ਭવਿਸ੍ਸਤਿ। ਏવਂ ਮਯਂ ਇਮਂ ਅਧਿਕਰਣਂ ਆਯਸ੍ਮਨ੍ਤਾਨਂ ਨਿਯ੍ਯਾਦੇਸ੍ਸਾਮ। ਨੋ ਚੇ ਆਯਸ੍ਮਨ੍ਤਾ ਸਕ੍ਕੋਨ੍ਤਿ ਏਤ੍ਤਕੇਨ વਾ ਏਤ੍ਤਕੇਨ વਾ ਅਨ੍ਤਰੇਨ ਇਮਂ ਅਧਿਕਰਣਂ વੂਪਸਮੇਤੁਂ ਧਮ੍ਮੇਨ વਿਨਯੇਨ ਸਤ੍ਥੁਸਾਸਨੇਨ ਤਥਾ ਨ ਸੁવੂਪਸਨ੍ਤਂ ਭવਿਸ੍ਸਤਿ, ਨ ਮਯਂ ਇਮਂ ਅਧਿਕਰਣਂ ਆਯਸ੍ਮਨ੍ਤਾਨਂ ਨਿਯ੍ਯਾਦੇਸ੍ਸਾਮ । ਮਯਮੇવ ਇਮਸ੍ਸ ਅਧਿਕਰਣਸ੍ਸ ਸਾਮਿਨੋ ਭવਿਸ੍ਸਾਮਾ’ਤਿ। ਏવਂ ਸੁਪਰਿਗ੍ਗਹਿਤਂ ਖੋ, ਭਿਕ੍ਖવੇ, ਕਤ੍વਾ ਆਗਨ੍ਤੁਕੇਹਿ ਭਿਕ੍ਖੂਹਿ ਤਂ ਅਧਿਕਰਣਂ ਆવਾਸਿਕਾਨਂ ਭਿਕ੍ਖੂਨਂ ਨਿਯ੍ਯਾਦੇਤਬ੍ਬਂ।
‘‘Tehi, bhikkhave, āgantukehi bhikkhūhi āvāsikā bhikkhū evamassu vacanīyā – ‘yathājātaṃ yathāsamuppannaṃ mayaṃ imaṃ adhikaraṇaṃ āyasmantānaṃ ārocessāma. Sace āyasmantā sakkonti ettakena vā ettakena vā antarena imaṃ adhikaraṇaṃ vūpasametuṃ dhammena vinayena satthusāsanena tathā suvūpasantaṃ bhavissati. Evaṃ mayaṃ imaṃ adhikaraṇaṃ āyasmantānaṃ niyyādessāma. No ce āyasmantā sakkonti ettakena vā ettakena vā antarena imaṃ adhikaraṇaṃ vūpasametuṃ dhammena vinayena satthusāsanena tathā na suvūpasantaṃ bhavissati, na mayaṃ imaṃ adhikaraṇaṃ āyasmantānaṃ niyyādessāma . Mayameva imassa adhikaraṇassa sāmino bhavissāmā’ti. Evaṃ supariggahitaṃ kho, bhikkhave, katvā āgantukehi bhikkhūhi taṃ adhikaraṇaṃ āvāsikānaṃ bhikkhūnaṃ niyyādetabbaṃ.
‘‘ਤੇ ਚੇ, ਭਿਕ੍ਖવੇ, ਭਿਕ੍ਖੂ ਸਕ੍ਕੋਨ੍ਤਿ ਤਂ ਅਧਿਕਰਣਂ વੂਪਸਮੇਤੁਂ, ਇਦਂ વੁਚ੍ਚਤਿ, ਭਿਕ੍ਖવੇ, ਅਧਿਕਰਣਂ વੂਪਸਨ੍ਤਂ। ਕੇਨ વੂਪਸਨ੍ਤਂ? ਸਮ੍ਮੁਖਾવਿਨਯੇਨ। ਕਿਞ੍ਚ ਤਤ੍ਥ ਸਮ੍ਮੁਖਾવਿਨਯਸ੍ਮਿਂ? ਸਙ੍ਘਸਮ੍ਮੁਖਤਾ, ਧਮ੍ਮਸਮ੍ਮੁਖਤਾ, વਿਨਯਸਮ੍ਮੁਖਤਾ, ਪੁਗ੍ਗਲਸਮ੍ਮੁਖਤਾ…ਪੇ॰… ਏવਂ વੂਪਸਨ੍ਤਂ ਚੇ, ਭਿਕ੍ਖવੇ, ਅਧਿਕਰਣਂ ਕਾਰਕੋ ਉਕ੍ਕੋਟੇਤਿ, ਉਕ੍ਕੋਟਨਕਂ ਪਾਚਿਤ੍ਤਿਯਂ; ਛਨ੍ਦਦਾਯਕੋ ਖੀਯਤਿ, ਖੀਯਨਕਂ ਪਾਚਿਤ੍ਤਿਯਂ।
‘‘Te ce, bhikkhave, bhikkhū sakkonti taṃ adhikaraṇaṃ vūpasametuṃ, idaṃ vuccati, bhikkhave, adhikaraṇaṃ vūpasantaṃ. Kena vūpasantaṃ? Sammukhāvinayena. Kiñca tattha sammukhāvinayasmiṃ? Saṅghasammukhatā, dhammasammukhatā, vinayasammukhatā, puggalasammukhatā…pe… evaṃ vūpasantaṃ ce, bhikkhave, adhikaraṇaṃ kārako ukkoṭeti, ukkoṭanakaṃ pācittiyaṃ; chandadāyako khīyati, khīyanakaṃ pācittiyaṃ.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਚੂਲ਼વਗ੍ਗ-ਅਟ੍ਠਕਥਾ • Cūḷavagga-aṭṭhakathā / ਅਧਿਕਰਣવੂਪਸਮਨਸਮਥਕਥਾ • Adhikaraṇavūpasamanasamathakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਅਧਿਕਰਣવੂਪਸਮਨਸਮਥਕਥਾવਣ੍ਣਨਾ • Adhikaraṇavūpasamanasamathakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਅਧਿਕਰਣਕਥਾવਣ੍ਣਨਾ • Adhikaraṇakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਅਧਿਕਰਣવੂਪਸਮਨਸਮਥਕਥਾਦਿવਣ੍ਣਨਾ • Adhikaraṇavūpasamanasamathakathādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੯. ਅਧਿਕਰਣવੂਪਸਮਨਸਮਥਕਥਾ • 9. Adhikaraṇavūpasamanasamathakathā
