| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
5. சூளவக்³கோ³
5. Cūḷavaggo
1. ஸம்முகீ²பா⁴வஸுத்தவண்ணனா
1. Sammukhībhāvasuttavaṇṇanā
41. பஞ்சமஸ்ஸ பட²மே ஸம்முகீ²பா⁴வாதி ஸம்முகீ²பா⁴வேன, விஜ்ஜமானதாயாதி அத்தோ². பஸவதீதி படிலப⁴தி. ஸத்³தா⁴ய ஸம்முகீ²பா⁴வாதி யதி³ ஹி ஸத்³தா⁴ ந ப⁴வெய்ய, தெ³ய்யத⁴ம்மோ ந ப⁴வெய்ய, த³க்கி²ணெய்யஸங்கா²தா படிக்³கா³ஹகபுக்³க³லா ந ப⁴வெய்யுங், கத²ங் புஞ்ஞகம்மங் கரெய்ய. தேஸங் பன ஸம்முகீ²பா⁴வேன ஸக்கா காதுந்தி தஸ்மா ‘‘ஸத்³தா⁴ய ஸம்முகீ²பா⁴வா’’திஆதி³மாஹ. எத்த² ச த்³வே த⁴ம்மா ஸுலபா⁴ தெ³ய்யத⁴ம்மா சேவ த³க்கி²ணெய்யா ச, ஸத்³தா⁴ பன து³ல்லபா⁴. புது²ஜ்ஜனஸ்ஸ ஹி ஸத்³தா⁴ அதா²வரா பத³வாரேன நானா ஹோதி, தேனேவ மஹாமொக்³க³ல்லானஸதி³ஸோபி அக்³க³ஸாவகோ பாடிபோ⁴கோ³ ப⁴விதுங் அஸக்கொந்தோ ஆஹ – ‘‘த்³வின்னங் கோ² தே அஹங், ஆவுஸோ, த⁴ம்மானங் பாடிபோ⁴கோ³ போ⁴கா³னஞ்ச ஜீவிதஸ்ஸ ச, ஸத்³தா⁴ய பன த்வங்யேவ பாடிபோ⁴கோ³’’தி (உதா³॰ 18).
41. Pañcamassa paṭhame sammukhībhāvāti sammukhībhāvena, vijjamānatāyāti attho. Pasavatīti paṭilabhati. Saddhāya sammukhībhāvāti yadi hi saddhā na bhaveyya, deyyadhammo na bhaveyya, dakkhiṇeyyasaṅkhātā paṭiggāhakapuggalā na bhaveyyuṃ, kathaṃ puññakammaṃ kareyya. Tesaṃ pana sammukhībhāvena sakkā kātunti tasmā ‘‘saddhāya sammukhībhāvā’’tiādimāha. Ettha ca dve dhammā sulabhā deyyadhammā ceva dakkhiṇeyyā ca, saddhā pana dullabhā. Puthujjanassa hi saddhā athāvarā padavārena nānā hoti, teneva mahāmoggallānasadisopi aggasāvako pāṭibhogo bhavituṃ asakkonto āha – ‘‘dvinnaṃ kho te ahaṃ, āvuso, dhammānaṃ pāṭibhogo bhogānañca jīvitassa ca, saddhāya pana tvaṃyeva pāṭibhogo’’ti (udā. 18).
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 1. ஸம்முகீ²பா⁴வஸுத்தங் • 1. Sammukhībhāvasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1. ஸம்முகீ²பா⁴வஸுத்தவண்ணனா • 1. Sammukhībhāvasuttavaṇṇanā
