| Library / Tipiṭaka / តិបិដក • Tipiṭaka / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) |
៥. ចូឡវគ្គោ
5. Cūḷavaggo
១. សម្មុខីភាវសុត្តវណ្ណនា
1. Sammukhībhāvasuttavaṇṇanā
៤១. បញ្ចមស្ស បឋមេ សម្មុខីភាវាតិ សម្មុខីភាវេន, វិជ្ជមានតាយាតិ អត្ថោ។ បសវតីតិ បដិលភតិ។ សទ្ធាយ សម្មុខីភាវាតិ យទិ ហិ សទ្ធា ន ភវេយ្យ, ទេយ្យធម្មោ ន ភវេយ្យ, ទក្ខិណេយ្យសង្ខាតា បដិគ្គាហកបុគ្គលា ន ភវេយ្យុំ, កថំ បុញ្ញកម្មំ ករេយ្យ។ តេសំ បន សម្មុខីភាវេន សក្កា កាតុន្តិ តស្មា ‘‘សទ្ធាយ សម្មុខីភាវា’’តិអាទិមាហ។ ឯត្ថ ច ទ្វេ ធម្មា សុលភា ទេយ្យធម្មា ចេវ ទក្ខិណេយ្យា ច, សទ្ធា បន ទុល្លភា។ បុថុជ្ជនស្ស ហិ សទ្ធា អថាវរា បទវារេន នានា ហោតិ, តេនេវ មហាមោគ្គល្លានសទិសោបិ អគ្គសាវកោ បាដិភោគោ ភវិតុំ អសក្កោន្តោ អាហ – ‘‘ទ្វិន្នំ ខោ តេ អហំ, អាវុសោ, ធម្មានំ បាដិភោគោ ភោគានញ្ច ជីវិតស្ស ច, សទ្ធាយ បន ត្វំយេវ បាដិភោគោ’’តិ (ឧទា. ១៨)។
41. Pañcamassa paṭhame sammukhībhāvāti sammukhībhāvena, vijjamānatāyāti attho. Pasavatīti paṭilabhati. Saddhāya sammukhībhāvāti yadi hi saddhā na bhaveyya, deyyadhammo na bhaveyya, dakkhiṇeyyasaṅkhātā paṭiggāhakapuggalā na bhaveyyuṃ, kathaṃ puññakammaṃ kareyya. Tesaṃ pana sammukhībhāvena sakkā kātunti tasmā ‘‘saddhāya sammukhībhāvā’’tiādimāha. Ettha ca dve dhammā sulabhā deyyadhammā ceva dakkhiṇeyyā ca, saddhā pana dullabhā. Puthujjanassa hi saddhā athāvarā padavārena nānā hoti, teneva mahāmoggallānasadisopi aggasāvako pāṭibhogo bhavituṃ asakkonto āha – ‘‘dvinnaṃ kho te ahaṃ, āvuso, dhammānaṃ pāṭibhogo bhogānañca jīvitassa ca, saddhāya pana tvaṃyeva pāṭibhogo’’ti (udā. 18).
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ១. សម្មុខីភាវសុត្តំ • 1. Sammukhībhāvasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ១. សម្មុខីភាវសុត្តវណ្ណនា • 1. Sammukhībhāvasuttavaṇṇanā
