| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) |
5. චූළවග්‌ගො
5. Cūḷavaggo
1. සම්‌මුඛීභාවසුත්‌තවණ්‌ණනා
1. Sammukhībhāvasuttavaṇṇanā
41. පඤ්‌චමස්‌ස පඨමෙ සම්‌මුඛීභාවාති සම්‌මුඛීභාවෙන, විජ්‌ජමානතායාති අත්‌ථො. පසවතීති පටිලභති. සද්‌ධාය සම්‌මුඛීභාවාති යදි හි සද්‌ධා න භවෙය්‍ය, දෙය්‍යධම්‌මො න භවෙය්‍ය, දක්‌ඛිණෙය්‍යසඞ්‌ඛාතා පටිග්‌ගාහකපුග්‌ගලා න භවෙය්‍යුං, කථං පුඤ්‌ඤකම්‌මං කරෙය්‍ය. තෙසං පන සම්‌මුඛීභාවෙන සක්‌කා කාතුන්‌ති තස්‌මා ‘‘සද්‌ධාය සම්‌මුඛීභාවා’’තිආදිමාහ. එත්‌ථ ච ද්‌වෙ ධම්‌මා සුලභා දෙය්‍යධම්‌මා චෙව දක්‌ඛිණෙය්‍යා ච, සද්‌ධා පන දුල්‌ලභා. පුථුජ්‌ජනස්‌ස හි සද්‌ධා අථාවරා පදවාරෙන නානා හොති, තෙනෙව මහාමොග්‌ගල්‌ලානසදිසොපි අග්‌ගසාවකො පාටිභොගො භවිතුං අසක්‌කොන්‌තො ආහ – ‘‘ද්‌වින්‌නං ඛො තෙ අහං, ආවුසො, ධම්‌මානං පාටිභොගො භොගානඤ්‌ච ජීවිතස්‌ස ච, සද්‌ධාය පන ත්‌වංයෙව පාටිභොගො’’ති (උදා. 18).
41. Pañcamassa paṭhame sammukhībhāvāti sammukhībhāvena, vijjamānatāyāti attho. Pasavatīti paṭilabhati. Saddhāya sammukhībhāvāti yadi hi saddhā na bhaveyya, deyyadhammo na bhaveyya, dakkhiṇeyyasaṅkhātā paṭiggāhakapuggalā na bhaveyyuṃ, kathaṃ puññakammaṃ kareyya. Tesaṃ pana sammukhībhāvena sakkā kātunti tasmā ‘‘saddhāya sammukhībhāvā’’tiādimāha. Ettha ca dve dhammā sulabhā deyyadhammā ceva dakkhiṇeyyā ca, saddhā pana dullabhā. Puthujjanassa hi saddhā athāvarā padavārena nānā hoti, teneva mahāmoggallānasadisopi aggasāvako pāṭibhogo bhavituṃ asakkonto āha – ‘‘dvinnaṃ kho te ahaṃ, āvuso, dhammānaṃ pāṭibhogo bhogānañca jīvitassa ca, saddhāya pana tvaṃyeva pāṭibhogo’’ti (udā. 18).
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 1. සම්‌මුඛීභාවසුත්‌තං • 1. Sammukhībhāvasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 1. සම්‌මුඛීභාවසුත්‌තවණ්‌ණනා • 1. Sammukhībhāvasuttavaṇṇanā
