| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
༥. ཙཱུལ༹ཝགྒོ
5. Cūḷavaggo
༡. སམྨུཁཱིབྷཱཝསུཏྟཝཎྞནཱ
1. Sammukhībhāvasuttavaṇṇanā
༤༡. པཉྩམསྶ པཋམེ སམྨུཁཱིབྷཱཝཱཏི སམྨུཁཱིབྷཱཝེན, ཝིཛྫམཱནཏཱཡཱཏི ཨཏྠོ། པསཝཏཱིཏི པཊིལབྷཏི། སདྡྷཱཡ སམྨུཁཱིབྷཱཝཱཏི ཡདི ཧི སདྡྷཱ ན བྷཝེཡྻ, དེཡྻདྷམྨོ ན བྷཝེཡྻ, དཀྑིཎེཡྻསངྑཱཏཱ པཊིགྒཱཧཀཔུགྒལཱ ན བྷཝེཡྻུཾ, ཀཐཾ པུཉྙཀམྨཾ ཀརེཡྻ། ཏེསཾ པན སམྨུཁཱིབྷཱཝེན སཀྐཱ ཀཱཏུནྟི ཏསྨཱ ‘‘སདྡྷཱཡ སམྨུཁཱིབྷཱཝཱ’’ཏིཨཱདིམཱཧ། ཨེཏྠ ཙ དྭེ དྷམྨཱ སུལབྷཱ དེཡྻདྷམྨཱ ཙེཝ དཀྑིཎེཡྻཱ ཙ, སདྡྷཱ པན དུལླབྷཱ། པུཐུཛྫནསྶ ཧི སདྡྷཱ ཨཐཱཝརཱ པདཝཱརེན ནཱནཱ ཧོཏི, ཏེནེཝ མཧཱམོགྒལླཱནསདིསོཔི ཨགྒསཱཝཀོ པཱཊིབྷོགོ བྷཝིཏུཾ ཨསཀྐོནྟོ ཨཱཧ – ‘‘དྭིནྣཾ ཁོ ཏེ ཨཧཾ, ཨཱཝུསོ, དྷམྨཱནཾ པཱཊིབྷོགོ བྷོགཱནཉྩ ཛཱིཝིཏསྶ ཙ, སདྡྷཱཡ པན ཏྭཾཡེཝ པཱཊིབྷོགོ’’ཏི (ཨུདཱ॰ ༡༨)།
41. Pañcamassa paṭhame sammukhībhāvāti sammukhībhāvena, vijjamānatāyāti attho. Pasavatīti paṭilabhati. Saddhāya sammukhībhāvāti yadi hi saddhā na bhaveyya, deyyadhammo na bhaveyya, dakkhiṇeyyasaṅkhātā paṭiggāhakapuggalā na bhaveyyuṃ, kathaṃ puññakammaṃ kareyya. Tesaṃ pana sammukhībhāvena sakkā kātunti tasmā ‘‘saddhāya sammukhībhāvā’’tiādimāha. Ettha ca dve dhammā sulabhā deyyadhammā ceva dakkhiṇeyyā ca, saddhā pana dullabhā. Puthujjanassa hi saddhā athāvarā padavārena nānā hoti, teneva mahāmoggallānasadisopi aggasāvako pāṭibhogo bhavituṃ asakkonto āha – ‘‘dvinnaṃ kho te ahaṃ, āvuso, dhammānaṃ pāṭibhogo bhogānañca jīvitassa ca, saddhāya pana tvaṃyeva pāṭibhogo’’ti (udā. 18).
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༡. སམྨུཁཱིབྷཱཝསུཏྟཾ • 1. Sammukhībhāvasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡. སམྨུཁཱིབྷཱཝསུཏྟཝཎྞནཱ • 1. Sammukhībhāvasuttavaṇṇanā
