| Library / Tipiṭaka / д̇ибидага • Tipiṭaka / гат̇аавад̇т̇убаал̣и • Kathāvatthupāḷi |
13. д̇зрасамаваг̇г̇о
13. Terasamavaggo
(131) 6. саммукийбхууд̇агат̇аа
(131) 6. Sammukhībhūtakathā
668. саммукийбхууд̇о сам̣яож̇анам̣ ж̇ахад̇ийд̇и? ааманд̇аа. рад̇д̇о рааг̇ам̣ ж̇ахад̇и, д̣̇удто д̣̇осам̣ ж̇ахад̇и, муул̣хо мохам̣ ж̇ахад̇и, гилидто гилзсз ж̇ахад̇ийд̇и? на хзвам̣ вад̇д̇аб̣б̣з…бз… рааг̇зна рааг̇ам̣ ж̇ахад̇и, д̣̇осзна д̣̇осам̣ ж̇ахад̇и, мохзна мохам̣ ж̇ахад̇и, гилзсзхи гилзсз ж̇ахад̇ийд̇и? на хзвам̣ вад̇д̇аб̣б̣з…бз….
668. Sammukhībhūto saṃyojanaṃ jahatīti? Āmantā. Ratto rāgaṃ jahati, duṭṭho dosaṃ jahati, mūḷho mohaṃ jahati, kiliṭṭho kilese jahatīti? Na hevaṃ vattabbe…pe… rāgena rāgaṃ jahati, dosena dosaṃ jahati, mohena mohaṃ jahati, kilesehi kilese jahatīti? Na hevaṃ vattabbe…pe….
рааг̇о жид̇д̇асамбаяуд̇д̇о, маг̇г̇о жид̇д̇асамбаяуд̇д̇од̇и? ааманд̇аа. д̣̇виннам̣ пассаанам̣…бз… д̣̇виннам̣ жид̇д̇аанам̣ самод̇хаанам̣ ход̇ийд̇и? на хзвам̣ вад̇д̇аб̣б̣з…бз… рааг̇о агусало, маг̇г̇о гусалод̇и? ааманд̇аа. гусалаагусалаа сааваж̇ж̇аанаваж̇ж̇аа хийнабан̣ийд̇аа ган̣хасуггасаббадибхааг̇аа д̇хаммаа саммукийбхаавам̣ ааг̇ажчанд̇ийд̇и? на хзвам̣ вад̇д̇аб̣б̣з…бз….
Rāgo cittasampayutto, maggo cittasampayuttoti? Āmantā. Dvinnaṃ phassānaṃ…pe… dvinnaṃ cittānaṃ samodhānaṃ hotīti? Na hevaṃ vattabbe…pe… rāgo akusalo, maggo kusaloti? Āmantā. Kusalākusalā sāvajjānavajjā hīnapaṇītā kaṇhasukkasappaṭibhāgā dhammā sammukhībhāvaṃ āgacchantīti? Na hevaṃ vattabbe…pe….
669. гусалаагусалаа…бз… саммукийбхаавам̣ ааг̇ажчанд̇ийд̇и? ааманд̇аа. нану вуд̇д̇ам̣ бхаг̇авад̇аа – ‘‘жад̇д̇ааримаани, бхигкавз, сувид̣̇ууравид̣̇уураани! гад̇амаани жад̇д̇аари? набхан̃жа, бхигкавз, бат̇авий жа – ид̣̇ам̣ батамам̣ сувид̣̇ууравид̣̇уурам̣…бз… д̇асмаа сад̇ам̣ д̇хаммо асаб̣бхи аарагаа’’д̇и. ад̇т̇зва суд̇д̇анд̇од̇и? ааманд̇аа. д̇зна хи на вад̇д̇аб̣б̣ам̣ – ‘‘гусалаагусалаа…бз… саммукийбхаавам̣ ааг̇ажчанд̇ий’’д̇и.
669. Kusalākusalā…pe… sammukhībhāvaṃ āgacchantīti? Āmantā. Nanu vuttaṃ bhagavatā – ‘‘cattārimāni, bhikkhave, suvidūravidūrāni! Katamāni cattāri? Nabhañca, bhikkhave, pathavī ca – idaṃ paṭhamaṃ suvidūravidūraṃ…pe… tasmā sataṃ dhammo asabbhi ārakā’’ti. Attheva suttantoti? Āmantā. Tena hi na vattabbaṃ – ‘‘kusalākusalā…pe… sammukhībhāvaṃ āgacchantī’’ti.
саммукийбхууд̇о сам̣яож̇анам̣ ж̇ахад̇ийд̇и? ааманд̇аа. нану вуд̇д̇ам̣ бхаг̇авад̇аа – ‘‘со звам̣ самаахид̇з жид̇д̇з…бз… аасаваанам̣ каяан̃аан̣ааяа жид̇д̇ам̣ абхининнаамзд̇ий’’д̇и! ад̇т̇зва суд̇д̇анд̇од̇и? ааманд̇аа. д̇зна хи на вад̇д̇аб̣б̣ам̣ – ‘‘саммукийбхууд̇о сам̣яож̇анам̣ ж̇ахад̇ий’’д̇и.
Sammukhībhūto saṃyojanaṃ jahatīti? Āmantā. Nanu vuttaṃ bhagavatā – ‘‘so evaṃ samāhite citte…pe… āsavānaṃ khayañāṇāya cittaṃ abhininnāmetī’’ti! Attheva suttantoti? Āmantā. Tena hi na vattabbaṃ – ‘‘sammukhībhūto saṃyojanaṃ jahatī’’ti.
670. на вад̇д̇аб̣б̣ам̣ – ‘‘саммукийбхууд̇о сам̣яож̇анам̣ ж̇ахад̇ий’’д̇и? ааманд̇аа. нану вуд̇д̇ам̣ бхаг̇авад̇аа – ‘‘д̇асса звам̣ ж̇аанад̇о звам̣ бассад̇о гаамаасавааби жид̇д̇ам̣ вимужжад̇и…бз… авиж̇ж̇аасавааби жид̇д̇ам̣ вимужжад̇ий’’д̇и! ад̇т̇зва суд̇д̇анд̇од̇и? ааманд̇аа. д̇зна хи саммукийбхууд̇о сам̣яож̇анам̣ ж̇ахад̇ийд̇и.
670. Na vattabbaṃ – ‘‘sammukhībhūto saṃyojanaṃ jahatī’’ti? Āmantā. Nanu vuttaṃ bhagavatā – ‘‘tassa evaṃ jānato evaṃ passato kāmāsavāpi cittaṃ vimuccati…pe… avijjāsavāpi cittaṃ vimuccatī’’ti! Attheva suttantoti? Āmantā. Tena hi sammukhībhūto saṃyojanaṃ jahatīti.
саммукийбхууд̇агат̇аа нидтид̇аа.
Sammukhībhūtakathā niṭṭhitā.
Related texts:
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 6. саммукийбхууд̇агат̇ааван̣н̣анаа • 6. Sammukhībhūtakathāvaṇṇanā
