| Library / Tipiṭaka / ਤਿਪਿਟਕ • Tipiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi |
੧੩. ਤੇਰਸਮવਗ੍ਗੋ
13. Terasamavaggo
(੧੩੧) ੬. ਸਮ੍ਮੁਖੀਭੂਤਕਥਾ
(131) 6. Sammukhībhūtakathā
੬੬੮. ਸਮ੍ਮੁਖੀਭੂਤੋ ਸਂਯੋਜਨਂ ਜਹਤੀਤਿ? ਆਮਨ੍ਤਾ। ਰਤ੍ਤੋ ਰਾਗਂ ਜਹਤਿ, ਦੁਟ੍ਠੋ ਦੋਸਂ ਜਹਤਿ, ਮੂਲ਼੍ਹੋ ਮੋਹਂ ਜਹਤਿ, ਕਿਲਿਟ੍ਠੋ ਕਿਲੇਸੇ ਜਹਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਰਾਗੇਨ ਰਾਗਂ ਜਹਤਿ, ਦੋਸੇਨ ਦੋਸਂ ਜਹਤਿ, ਮੋਹੇਨ ਮੋਹਂ ਜਹਤਿ, ਕਿਲੇਸੇਹਿ ਕਿਲੇਸੇ ਜਹਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
668. Sammukhībhūto saṃyojanaṃ jahatīti? Āmantā. Ratto rāgaṃ jahati, duṭṭho dosaṃ jahati, mūḷho mohaṃ jahati, kiliṭṭho kilese jahatīti? Na hevaṃ vattabbe…pe… rāgena rāgaṃ jahati, dosena dosaṃ jahati, mohena mohaṃ jahati, kilesehi kilese jahatīti? Na hevaṃ vattabbe…pe….
ਰਾਗੋ ਚਿਤ੍ਤਸਮ੍ਪਯੁਤ੍ਤੋ, ਮਗ੍ਗੋ ਚਿਤ੍ਤਸਮ੍ਪਯੁਤ੍ਤੋਤਿ? ਆਮਨ੍ਤਾ। ਦ੍વਿਨ੍ਨਂ ਫਸ੍ਸਾਨਂ…ਪੇ॰… ਦ੍વਿਨ੍ਨਂ ਚਿਤ੍ਤਾਨਂ ਸਮੋਧਾਨਂ ਹੋਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਰਾਗੋ ਅਕੁਸਲੋ, ਮਗ੍ਗੋ ਕੁਸਲੋਤਿ? ਆਮਨ੍ਤਾ। ਕੁਸਲਾਕੁਸਲਾ ਸਾવਜ੍ਜਾਨવਜ੍ਜਾ ਹੀਨਪਣੀਤਾ ਕਣ੍ਹਸੁਕ੍ਕਸਪ੍ਪਟਿਭਾਗਾ ਧਮ੍ਮਾ ਸਮ੍ਮੁਖੀਭਾવਂ ਆਗਚ੍ਛਨ੍ਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Rāgo cittasampayutto, maggo cittasampayuttoti? Āmantā. Dvinnaṃ phassānaṃ…pe… dvinnaṃ cittānaṃ samodhānaṃ hotīti? Na hevaṃ vattabbe…pe… rāgo akusalo, maggo kusaloti? Āmantā. Kusalākusalā sāvajjānavajjā hīnapaṇītā kaṇhasukkasappaṭibhāgā dhammā sammukhībhāvaṃ āgacchantīti? Na hevaṃ vattabbe…pe….
੬੬੯. ਕੁਸਲਾਕੁਸਲਾ…ਪੇ॰… ਸਮ੍ਮੁਖੀਭਾવਂ ਆਗਚ੍ਛਨ੍ਤੀਤਿ? ਆਮਨ੍ਤਾ। ਨਨੁ વੁਤ੍ਤਂ ਭਗવਤਾ – ‘‘ਚਤ੍ਤਾਰਿਮਾਨਿ, ਭਿਕ੍ਖવੇ, ਸੁવਿਦੂਰવਿਦੂਰਾਨਿ! ਕਤਮਾਨਿ ਚਤ੍ਤਾਰਿ? ਨਭਞ੍ਚ, ਭਿਕ੍ਖવੇ, ਪਥવੀ ਚ – ਇਦਂ ਪਠਮਂ ਸੁવਿਦੂਰવਿਦੂਰਂ…ਪੇ॰… ਤਸ੍ਮਾ ਸਤਂ ਧਮ੍ਮੋ ਅਸਬ੍ਭਿ ਆਰਕਾ’’ਤਿ। ਅਤ੍ਥੇવ ਸੁਤ੍ਤਨ੍ਤੋਤਿ? ਆਮਨ੍ਤਾ। ਤੇਨ ਹਿ ਨ વਤ੍ਤਬ੍ਬਂ – ‘‘ਕੁਸਲਾਕੁਸਲਾ…ਪੇ॰… ਸਮ੍ਮੁਖੀਭਾવਂ ਆਗਚ੍ਛਨ੍ਤੀ’’ਤਿ।
669. Kusalākusalā…pe… sammukhībhāvaṃ āgacchantīti? Āmantā. Nanu vuttaṃ bhagavatā – ‘‘cattārimāni, bhikkhave, suvidūravidūrāni! Katamāni cattāri? Nabhañca, bhikkhave, pathavī ca – idaṃ paṭhamaṃ suvidūravidūraṃ…pe… tasmā sataṃ dhammo asabbhi ārakā’’ti. Attheva suttantoti? Āmantā. Tena hi na vattabbaṃ – ‘‘kusalākusalā…pe… sammukhībhāvaṃ āgacchantī’’ti.
ਸਮ੍ਮੁਖੀਭੂਤੋ ਸਂਯੋਜਨਂ ਜਹਤੀਤਿ? ਆਮਨ੍ਤਾ। ਨਨੁ વੁਤ੍ਤਂ ਭਗવਤਾ – ‘‘ਸੋ ਏવਂ ਸਮਾਹਿਤੇ ਚਿਤ੍ਤੇ…ਪੇ॰… ਆਸવਾਨਂ ਖਯਞਾਣਾਯ ਚਿਤ੍ਤਂ ਅਭਿਨਿਨ੍ਨਾਮੇਤੀ’’ਤਿ! ਅਤ੍ਥੇવ ਸੁਤ੍ਤਨ੍ਤੋਤਿ? ਆਮਨ੍ਤਾ। ਤੇਨ ਹਿ ਨ વਤ੍ਤਬ੍ਬਂ – ‘‘ਸਮ੍ਮੁਖੀਭੂਤੋ ਸਂਯੋਜਨਂ ਜਹਤੀ’’ਤਿ।
Sammukhībhūto saṃyojanaṃ jahatīti? Āmantā. Nanu vuttaṃ bhagavatā – ‘‘so evaṃ samāhite citte…pe… āsavānaṃ khayañāṇāya cittaṃ abhininnāmetī’’ti! Attheva suttantoti? Āmantā. Tena hi na vattabbaṃ – ‘‘sammukhībhūto saṃyojanaṃ jahatī’’ti.
੬੭੦. ਨ વਤ੍ਤਬ੍ਬਂ – ‘‘ਸਮ੍ਮੁਖੀਭੂਤੋ ਸਂਯੋਜਨਂ ਜਹਤੀ’’ਤਿ? ਆਮਨ੍ਤਾ। ਨਨੁ વੁਤ੍ਤਂ ਭਗવਤਾ – ‘‘ਤਸ੍ਸ ਏવਂ ਜਾਨਤੋ ਏવਂ ਪਸ੍ਸਤੋ ਕਾਮਾਸવਾਪਿ ਚਿਤ੍ਤਂ વਿਮੁਚ੍ਚਤਿ…ਪੇ॰… ਅવਿਜ੍ਜਾਸવਾਪਿ ਚਿਤ੍ਤਂ વਿਮੁਚ੍ਚਤੀ’’ਤਿ! ਅਤ੍ਥੇવ ਸੁਤ੍ਤਨ੍ਤੋਤਿ? ਆਮਨ੍ਤਾ। ਤੇਨ ਹਿ ਸਮ੍ਮੁਖੀਭੂਤੋ ਸਂਯੋਜਨਂ ਜਹਤੀਤਿ।
670. Na vattabbaṃ – ‘‘sammukhībhūto saṃyojanaṃ jahatī’’ti? Āmantā. Nanu vuttaṃ bhagavatā – ‘‘tassa evaṃ jānato evaṃ passato kāmāsavāpi cittaṃ vimuccati…pe… avijjāsavāpi cittaṃ vimuccatī’’ti! Attheva suttantoti? Āmantā. Tena hi sammukhībhūto saṃyojanaṃ jahatīti.
ਸਮ੍ਮੁਖੀਭੂਤਕਥਾ ਨਿਟ੍ਠਿਤਾ।
Sammukhībhūtakathā niṭṭhitā.
Related texts:
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੬. ਸਮ੍ਮੁਖੀਭੂਤਕਥਾવਣ੍ਣਨਾ • 6. Sammukhībhūtakathāvaṇṇanā
