| Library / Tipiṭaka / তিপিটক • Tipiṭaka / পঞ্চপকরণ-অট্ঠকথা • Pañcapakaraṇa-aṭṭhakathā |
৬. সম্মুতিঞাণকথাৰণ্ণনা
6. Sammutiñāṇakathāvaṇṇanā
৪৩৪-৪৩৫. ইদানি সম্মুতিঞাণকথা নাম হোতি। তত্থ সম্মুতিসচ্চং পরমত্থসচ্চন্তি দ্ৰে সচ্চানি। যে পন এৰং ৰিভাগং অকত্ৰা সচ্চন্তি ৰচনসামঞ্ঞেন সম্মুতিঞাণম্পি ‘‘সচ্চারম্মণমেৰা’’তি ৰদন্তি, সেয্যথাপি অন্ধকা; তে অযুত্তৰাদিনোতি তেসং ৰাদৰিসোধনত্থং অযং কথা আরদ্ধা। তত্থ ন ৰত্তব্বন্তি পুচ্ছা পরৰাদিস্স, পরমত্থসচ্চং সন্ধায পটিঞ্ঞা সকৰাদিস্স। সম্মুতিসচ্চম্হীতি সম্মুতিং অনুপৰিট্ঠে সচ্চম্হি। পচ্চত্তে ৰা ভুম্মৰচনং, সম্মুতিসচ্চন্তি অত্থো। সম্মুতিঞাণং সচ্চারম্মণঞ্ঞেৰাতি পুচ্ছা সকৰাদিস্স, পটিঞ্ঞা ইতরস্স। ততো নং ‘‘যদি তং অৰিসেসেন সচ্চারম্মণঞ্ঞেৰ, তেন ঞাণেন দুক্খপরিঞ্ঞাদীনি করেয্যা’’তি চোদেতুং তেন ঞাণেনাতিআদিমাহ।
434-435. Idāni sammutiñāṇakathā nāma hoti. Tattha sammutisaccaṃ paramatthasaccanti dve saccāni. Ye pana evaṃ vibhāgaṃ akatvā saccanti vacanasāmaññena sammutiñāṇampi ‘‘saccārammaṇamevā’’ti vadanti, seyyathāpi andhakā; te ayuttavādinoti tesaṃ vādavisodhanatthaṃ ayaṃ kathā āraddhā. Tattha na vattabbanti pucchā paravādissa, paramatthasaccaṃ sandhāya paṭiññā sakavādissa. Sammutisaccamhīti sammutiṃ anupaviṭṭhe saccamhi. Paccatte vā bhummavacanaṃ, sammutisaccanti attho. Sammutiñāṇaṃ saccārammaṇaññevāti pucchā sakavādissa, paṭiññā itarassa. Tato naṃ ‘‘yadi taṃ avisesena saccārammaṇaññeva, tena ñāṇena dukkhapariññādīni kareyyā’’ti codetuṃ tena ñāṇenātiādimāha.
সম্মুতিঞাণকথাৰণ্ণনা।
Sammutiñāṇakathāvaṇṇanā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / (৪৮) ৬. সম্মুতিঞাণকথা • (48) 6. Sammutiñāṇakathā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ৬. সম্মুতিঞাণকথাৰণ্ণনা • 6. Sammutiñāṇakathāvaṇṇanā
