| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
6. саммуд̇ин̃аан̣агат̇ааван̣н̣анаа
6. Sammutiñāṇakathāvaṇṇanā
434-435. ид̣̇аани саммуд̇ин̃аан̣агат̇аа наама ход̇и. д̇ад̇т̇а саммуд̇исажжам̣ барамад̇т̇асажжанд̇и д̣̇вз сажжаани. яз бана звам̣ вибхааг̇ам̣ агад̇ваа сажжанд̇и важанасааман̃н̃зна саммуд̇ин̃аан̣амби ‘‘сажжаарамман̣амзваа’’д̇и вад̣̇анд̇и, сзяяат̇ааби анд̇хагаа; д̇з аяуд̇д̇аваад̣̇инод̇и д̇зсам̣ ваад̣̇ависод̇ханад̇т̇ам̣ аяам̣ гат̇аа аарад̣̇д̇хаа. д̇ад̇т̇а на вад̇д̇аб̣б̣анд̇и бужчаа бараваад̣̇исса, барамад̇т̇асажжам̣ санд̇хааяа бадин̃н̃аа сагаваад̣̇исса. саммуд̇исажжамхийд̇и саммуд̇им̣ анубавидтз сажжамхи. бажжад̇д̇з ваа бхуммаважанам̣, саммуд̇исажжанд̇и ад̇т̇о. саммуд̇ин̃аан̣ам̣ сажжаарамман̣ан̃н̃зваад̇и бужчаа сагаваад̣̇исса, бадин̃н̃аа ид̇арасса. д̇ад̇о нам̣ ‘‘яад̣̇и д̇ам̣ ависзсзна сажжаарамман̣ан̃н̃зва, д̇зна н̃аан̣зна д̣̇угкабарин̃н̃аад̣̇ийни гарзяяаа’’д̇и жод̣̇зд̇ум̣ д̇зна н̃аан̣знаад̇иаад̣̇имааха.
434-435. Idāni sammutiñāṇakathā nāma hoti. Tattha sammutisaccaṃ paramatthasaccanti dve saccāni. Ye pana evaṃ vibhāgaṃ akatvā saccanti vacanasāmaññena sammutiñāṇampi ‘‘saccārammaṇamevā’’ti vadanti, seyyathāpi andhakā; te ayuttavādinoti tesaṃ vādavisodhanatthaṃ ayaṃ kathā āraddhā. Tattha na vattabbanti pucchā paravādissa, paramatthasaccaṃ sandhāya paṭiññā sakavādissa. Sammutisaccamhīti sammutiṃ anupaviṭṭhe saccamhi. Paccatte vā bhummavacanaṃ, sammutisaccanti attho. Sammutiñāṇaṃ saccārammaṇaññevāti pucchā sakavādissa, paṭiññā itarassa. Tato naṃ ‘‘yadi taṃ avisesena saccārammaṇaññeva, tena ñāṇena dukkhapariññādīni kareyyā’’ti codetuṃ tena ñāṇenātiādimāha.
саммуд̇ин̃аан̣агат̇ааван̣н̣анаа.
Sammutiñāṇakathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (48) 6. саммуд̇ин̃аан̣агат̇аа • (48) 6. Sammutiñāṇakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 6. саммуд̇ин̃аан̣агат̇ааван̣н̣анаа • 6. Sammutiñāṇakathāvaṇṇanā
