| Library / Tipiṭaka / තිපිටක • Tipiṭaka / පඤ්‌චපකරණ-අට්‌ඨකථා • Pañcapakaraṇa-aṭṭhakathā |
6. සම්‌මුතිඤාණකථාවණ්‌ණනා
6. Sammutiñāṇakathāvaṇṇanā
434-435. ඉදානි සම්‌මුතිඤාණකථා නාම හොති. තත්‌ථ සම්‌මුතිසච්‌චං පරමත්‌ථසච්‌චන්‌ති ද්‌වෙ සච්‌චානි. යෙ පන එවං විභාගං අකත්‌වා සච්‌චන්‌ති වචනසාමඤ්‌ඤෙන සම්‌මුතිඤාණම්‌පි ‘‘සච්‌චාරම්‌මණමෙවා’’ති වදන්‌ති, සෙය්‍යථාපි අන්‌ධකා; තෙ අයුත්‌තවාදිනොති තෙසං වාදවිසොධනත්‌ථං අයං කථා ආරද්‌ධා. තත්‌ථ න වත්‌තබ්‌බන්‌ති පුච්‌ඡා පරවාදිස්‌ස, පරමත්‌ථසච්‌චං සන්‌ධාය පටිඤ්‌ඤා සකවාදිස්‌ස. සම්‌මුතිසච්‌චම්‌හීති සම්‌මුතිං අනුපවිට්‌ඨෙ සච්‌චම්‌හි. පච්‌චත්‌තෙ වා භුම්‌මවචනං, සම්‌මුතිසච්‌චන්‌ති අත්‌ථො. සම්‌මුතිඤාණං සච්‌චාරම්‌මණඤ්‌ඤෙවාති පුච්‌ඡා සකවාදිස්‌ස, පටිඤ්‌ඤා ඉතරස්‌ස. තතො නං ‘‘යදි තං අවිසෙසෙන සච්‌චාරම්‌මණඤ්‌ඤෙව, තෙන ඤාණෙන දුක්‌ඛපරිඤ්‌ඤාදීනි කරෙය්‍යා’’ති චොදෙතුං තෙන ඤාණෙනාතිආදිමාහ.
434-435. Idāni sammutiñāṇakathā nāma hoti. Tattha sammutisaccaṃ paramatthasaccanti dve saccāni. Ye pana evaṃ vibhāgaṃ akatvā saccanti vacanasāmaññena sammutiñāṇampi ‘‘saccārammaṇamevā’’ti vadanti, seyyathāpi andhakā; te ayuttavādinoti tesaṃ vādavisodhanatthaṃ ayaṃ kathā āraddhā. Tattha na vattabbanti pucchā paravādissa, paramatthasaccaṃ sandhāya paṭiññā sakavādissa. Sammutisaccamhīti sammutiṃ anupaviṭṭhe saccamhi. Paccatte vā bhummavacanaṃ, sammutisaccanti attho. Sammutiñāṇaṃ saccārammaṇaññevāti pucchā sakavādissa, paṭiññā itarassa. Tato naṃ ‘‘yadi taṃ avisesena saccārammaṇaññeva, tena ñāṇena dukkhapariññādīni kareyyā’’ti codetuṃ tena ñāṇenātiādimāha.
සම්‌මුතිඤාණකථාවණ්‌ණනා.
Sammutiñāṇakathāvaṇṇanā.
Related texts:
තිපිටක (මූල) • Tipiṭaka (Mūla) / අභිධම්‌මපිටක • Abhidhammapiṭaka / කථාවත්‌ථුපාළි • Kathāvatthupāḷi / (48) 6. සම්‌මුතිඤාණකථා • (48) 6. Sammutiñāṇakathā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-මූලටීකා • Pañcapakaraṇa-mūlaṭīkā / 6. සම්‌මුතිඤාණකථාවණ්‌ණනා • 6. Sammutiñāṇakathāvaṇṇanā
