| Library / Tipiṭaka / तिपिटक • Tipiṭaka / अङ्गुत्तरनिकाय (अट्ठकथा) • Aṅguttaranikāya (aṭṭhakathā) |
१. सम्मुतिपेय्यालादिवण्णना
1. Sammutipeyyālādivaṇṇanā
२७२. भत्तुद्देसकादीनं विनिच्छयकथा समन्तपासादिकाय विनयट्ठकथायं (चूळव॰ अट्ठ॰ ३२५) वुत्तनयेन वेदितब्बाति। सम्मतो न पेसेतब्बोति पकतिया सम्मतो ‘‘गच्छ भत्तानि उद्दिसाही’’ति न पेसेतब्बो।
272. Bhattuddesakādīnaṃ vinicchayakathā samantapāsādikāya vinayaṭṭhakathāyaṃ (cūḷava. aṭṭha. 325) vuttanayena veditabbāti. Sammato na pesetabboti pakatiyā sammato ‘‘gaccha bhattāni uddisāhī’’ti na pesetabbo.
२७३-२८५. साटियग्गाहापकोति वस्सिकसाटिकाय गाहापको। पत्तग्गाहापकोति ‘‘यो च तस्सा भिक्खुपरिसाय पत्तपरियन्तो, सो तस्स भिक्खुनो पदातब्बो’’ति एत्थ वुत्तपत्तग्गाहापको।
273-285.Sāṭiyaggāhāpakoti vassikasāṭikāya gāhāpako. Pattaggāhāpakoti ‘‘yo ca tassā bhikkhuparisāya pattapariyanto, so tassa bhikkhuno padātabbo’’ti ettha vuttapattaggāhāpako.
२९३-३०२. आजीवकोति नग्गपरिब्बाजको। निगण्ठोति पुरिमभागप्पटिच्छन्नो। मुण्डसावकोति निगण्ठसावको। जटिलकोति तापसो। परिब्बाजकोति छन्नपरिब्बाजको। मागण्डिकादयोपि तित्थिया एव। एतेसं पन सीलेसु परिपूरकारिताय अभावेन सुक्कपक्खो न गहितो। सेसमेत्थ उत्तानमेवाति।
293-302.Ājīvakoti naggaparibbājako. Nigaṇṭhoti purimabhāgappaṭicchanno. Muṇḍasāvakoti nigaṇṭhasāvako. Jaṭilakoti tāpaso. Paribbājakoti channaparibbājako. Māgaṇḍikādayopi titthiyā eva. Etesaṃ pana sīlesu paripūrakāritāya abhāvena sukkapakkho na gahito. Sesamettha uttānamevāti.
मनोरथपूरणिया अङ्गुत्तरनिकाय-अट्ठकथाय
Manorathapūraṇiyā aṅguttaranikāya-aṭṭhakathāya
पञ्चकनिपातस्स संवण्णना निट्ठिता।
Pañcakanipātassa saṃvaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya
१. भत्तुद्देसकसुत्तं • 1. Bhattuddesakasuttaṃ
२-१४. सेनासनपञ्ञापकसुत्तादितेरसकं • 2-14. Senāsanapaññāpakasuttāditerasakaṃ
८. आजीवकसुत्तं • 8. Ājīvakasuttaṃ
९-१७. निगण्ठसुत्तादिनवकं • 9-17. Nigaṇṭhasuttādinavakaṃ
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / १-१०. पठमदीघचारिकसुत्तादिवण्णना • 1-10. Paṭhamadīghacārikasuttādivaṇṇanā
