| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) |
1. සම්‌මුතිපෙය්‍යාලාදිවණ්‌ණනා
1. Sammutipeyyālādivaṇṇanā
272. භත්‌තුද්‌දෙසකාදීනං විනිච්‌ඡයකථා සමන්‌තපාසාදිකාය විනයට්‌ඨකථායං (චූළව. අට්‌ඨ. 325) වුත්‌තනයෙන වෙදිතබ්‌බාති. සම්‌මතො න පෙසෙතබ්‌බොති පකතියා සම්‌මතො ‘‘ගච්‌ඡ භත්‌තානි උද්‌දිසාහී’’ති න පෙසෙතබ්‌බො.
272. Bhattuddesakādīnaṃ vinicchayakathā samantapāsādikāya vinayaṭṭhakathāyaṃ (cūḷava. aṭṭha. 325) vuttanayena veditabbāti. Sammato na pesetabboti pakatiyā sammato ‘‘gaccha bhattāni uddisāhī’’ti na pesetabbo.
273-285. සාටියග්‌ගාහාපකොති වස්‌සිකසාටිකාය ගාහාපකො. පත්‌තග්‌ගාහාපකොති ‘‘යො ච තස්‌සා භික්‌ඛුපරිසාය පත්‌තපරියන්‌තො, සො තස්‌ස භික්‌ඛුනො පදාතබ්‌බො’’ති එත්‌ථ වුත්‌තපත්‌තග්‌ගාහාපකො.
273-285.Sāṭiyaggāhāpakoti vassikasāṭikāya gāhāpako. Pattaggāhāpakoti ‘‘yo ca tassā bhikkhuparisāya pattapariyanto, so tassa bhikkhuno padātabbo’’ti ettha vuttapattaggāhāpako.
293-302. ආජීවකොති නග්‌ගපරිබ්‌බාජකො. නිගණ්‌ඨොති පුරිමභාගප්‌පටිච්‌ඡන්‌නො. මුණ්‌ඩසාවකොති නිගණ්‌ඨසාවකො. ජටිලකොති තාපසො. පරිබ්‌බාජකොති ඡන්‌නපරිබ්‌බාජකො. මාගණ්‌ඩිකාදයොපි තිත්‌ථියා එව. එතෙසං පන සීලෙසු පරිපූරකාරිතාය අභාවෙන සුක්‌කපක්‌ඛො න ගහිතො. සෙසමෙත්‌ථ උත්‌තානමෙවාති.
293-302.Ājīvakoti naggaparibbājako. Nigaṇṭhoti purimabhāgappaṭicchanno. Muṇḍasāvakoti nigaṇṭhasāvako. Jaṭilakoti tāpaso. Paribbājakoti channaparibbājako. Māgaṇḍikādayopi titthiyā eva. Etesaṃ pana sīlesu paripūrakāritāya abhāvena sukkapakkho na gahito. Sesamettha uttānamevāti.
මනොරථපූරණියා අඞ්‌ගුත්‌තරනිකාය-අට්‌ඨකථාය
Manorathapūraṇiyā aṅguttaranikāya-aṭṭhakathāya
පඤ්‌චකනිපාතස්‌ස සංවණ්‌ණනා නිට්‌ඨිතා.
Pañcakanipātassa saṃvaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya
1. භත්‌තුද්‌දෙසකසුත්‌තං • 1. Bhattuddesakasuttaṃ
2-14. සෙනාසනපඤ්‌ඤාපකසුත්‌තාදිතෙරසකං • 2-14. Senāsanapaññāpakasuttāditerasakaṃ
8. ආජීවකසුත්‌තං • 8. Ājīvakasuttaṃ
9-17. නිගණ්‌ඨසුත්‌තාදිනවකං • 9-17. Nigaṇṭhasuttādinavakaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 1-10. පඨමදීඝචාරිකසුත්‌තාදිවණ්‌ණනා • 1-10. Paṭhamadīghacārikasuttādivaṇṇanā
