| Library / Tipiṭaka / তিপিটক • Tipiṭaka / চূল়ৰগ্গ-অট্ঠকথা • Cūḷavagga-aṭṭhakathā |
সমোধানপরিৰাসকথা
Samodhānaparivāsakathā
১২৫. ততো পরং পক্খপটিচ্ছন্নায আপত্তিযা অন্তোপরিৰাসতো পট্ঠায পঞ্চাহপটিচ্ছন্নায অন্তরাপত্তিযা ৰসেন সমোধানপরিৰাসো চ, সমোধানমানত্তঞ্চ দস্সিতং। এত্থ চ মানত্তচারিকমানত্তারহকালেপি আপন্নায আপত্তিযা মূলাযপটিকস্সনে কতে মানত্তচিণ্ণদিৰসাপি পরিৰাসপরিৰুত্থদিৰসাপি সব্বে মক্খিতাৰ হোন্তি। কস্মা? যস্মা পটিচ্ছন্না অন্তরাপত্তি। তেনেৰ ৰুত্তং – ‘‘মূলায পটিকস্সিত্ৰা পুরিমায আপত্তিযা সমোধানপরিৰাসং দত্ৰা ছারত্তং মানত্তং দেতূ’’তি। ততো পরং সব্বা অন্তরাপত্তিযো যোজেত্ৰা অব্ভানকম্মং দস্সেত্ৰা সুক্কৰিস্সট্ঠিৰত্থু নিট্ঠাপিতং।
125. Tato paraṃ pakkhapaṭicchannāya āpattiyā antoparivāsato paṭṭhāya pañcāhapaṭicchannāya antarāpattiyā vasena samodhānaparivāso ca, samodhānamānattañca dassitaṃ. Ettha ca mānattacārikamānattārahakālepi āpannāya āpattiyā mūlāyapaṭikassane kate mānattaciṇṇadivasāpi parivāsaparivutthadivasāpi sabbe makkhitāva honti. Kasmā? Yasmā paṭicchannā antarāpatti. Teneva vuttaṃ – ‘‘mūlāya paṭikassitvā purimāya āpattiyā samodhānaparivāsaṃ datvā chārattaṃ mānattaṃ detū’’ti. Tato paraṃ sabbā antarāpattiyo yojetvā abbhānakammaṃ dassetvā sukkavissaṭṭhivatthu niṭṭhāpitaṃ.
সমোধানপরিৰাসকথা নিট্ঠিতা।
Samodhānaparivāsakathā niṭṭhitā.
সুক্কৰিস্সট্ঠিকথা চ নিট্ঠিতা।
Sukkavissaṭṭhikathā ca niṭṭhitā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / চূল়ৰগ্গপাল়ি • Cūḷavaggapāḷi / সমোধানপরিৰাসো • Samodhānaparivāso
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / সমোধানপরিৰাসকথাৰণ্ণনা • Samodhānaparivāsakathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / সমোধানপরিৰাসকথা • Samodhānaparivāsakathā
