| Library / Tipiṭaka / တိပိဋက • Tipiṭaka / စူဠဝဂ္ဂ-အဋ္ဌကထာ • Cūḷavagga-aṭṭhakathā |
သမောဓာနပရိဝာသကထာ
Samodhānaparivāsakathā
၁၂၅. တတော ပရံ ပက္ခပဋိစ္ဆန္နာယ အာပတ္တိယာ အန္တောပရိဝာသတော ပဋ္ဌာယ ပဉ္စာဟပဋိစ္ဆန္နာယ အန္တရာပတ္တိယာ ဝသေန သမောဓာနပရိဝာသော စ, သမောဓာနမာနတ္တဉ္စ ဒသ္သိတံ။ ဧတ္ထ စ မာနတ္တစာရိကမာနတ္တာရဟကာလေပိ အာပန္နာယ အာပတ္တိယာ မူလာယပဋိကသ္သနေ ကတေ မာနတ္တစိဏ္ဏဒိဝသာပိ ပရိဝာသပရိဝုတ္ထဒိဝသာပိ သဗ္ဗေ မက္ခိတာဝ ဟောန္တိ။ ကသ္မာ? ယသ္မာ ပဋိစ္ဆန္နာ အန္တရာပတ္တိ။ တေနေဝ ဝုတ္တံ – ‘‘မူလာယ ပဋိကသ္သိတ္ဝာ ပုရိမာယ အာပတ္တိယာ သမောဓာနပရိဝာသံ ဒတ္ဝာ ဆာရတ္တံ မာနတ္တံ ဒေတူ’’တိ။ တတော ပရံ သဗ္ဗာ အန္တရာပတ္တိယော ယောဇေတ္ဝာ အဗ္ဘာနကမ္မံ ဒသ္သေတ္ဝာ သုက္ကဝိသ္သဋ္ဌိဝတ္ထု နိဋ္ဌာပိတံ။
125. Tato paraṃ pakkhapaṭicchannāya āpattiyā antoparivāsato paṭṭhāya pañcāhapaṭicchannāya antarāpattiyā vasena samodhānaparivāso ca, samodhānamānattañca dassitaṃ. Ettha ca mānattacārikamānattārahakālepi āpannāya āpattiyā mūlāyapaṭikassane kate mānattaciṇṇadivasāpi parivāsaparivutthadivasāpi sabbe makkhitāva honti. Kasmā? Yasmā paṭicchannā antarāpatti. Teneva vuttaṃ – ‘‘mūlāya paṭikassitvā purimāya āpattiyā samodhānaparivāsaṃ datvā chārattaṃ mānattaṃ detū’’ti. Tato paraṃ sabbā antarāpattiyo yojetvā abbhānakammaṃ dassetvā sukkavissaṭṭhivatthu niṭṭhāpitaṃ.
သမောဓာနပရိဝာသကထာ နိဋ္ဌိတာ။
Samodhānaparivāsakathā niṭṭhitā.
သုက္ကဝိသ္သဋ္ဌိကထာ စ နိဋ္ဌိတာ။
Sukkavissaṭṭhikathā ca niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / စူဠဝဂ္ဂပာဠိ • Cūḷavaggapāḷi / သမောဓာနပရိဝာသော • Samodhānaparivāso
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / သမောဓာနပရိဝာသကထာဝဏ္ဏနာ • Samodhānaparivāsakathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / သမောဓာနပရိဝာသကထာ • Samodhānaparivāsakathā
