| Library / Tipiṭaka / තිපිටක • Tipiṭaka / චූළවග්‌ග-අට්‌ඨකථා • Cūḷavagga-aṭṭhakathā |
සමොධානපරිවාසකථා
Samodhānaparivāsakathā
125. තතො පරං පක්‌ඛපටිච්‌ඡන්‌නාය ආපත්‌තියා අන්‌තොපරිවාසතො පට්‌ඨාය පඤ්‌චාහපටිච්‌ඡන්‌නාය අන්‌තරාපත්‌තියා වසෙන සමොධානපරිවාසො ච, සමොධානමානත්‌තඤ්‌ච දස්‌සිතං. එත්‌ථ ච මානත්‌තචාරිකමානත්‌තාරහකාලෙපි ආපන්‌නාය ආපත්‌තියා මූලායපටිකස්‌සනෙ කතෙ මානත්‌තචිණ්‌ණදිවසාපි පරිවාසපරිවුත්‌ථදිවසාපි සබ්‌බෙ මක්‌ඛිතාව හොන්‌ති. කස්‌මා? යස්‌මා පටිච්‌ඡන්‌නා අන්‌තරාපත්‌ති. තෙනෙව වුත්‌තං – ‘‘මූලාය පටිකස්‌සිත්‌වා පුරිමාය ආපත්‌තියා සමොධානපරිවාසං දත්‌වා ඡාරත්‌තං මානත්‌තං දෙතූ’’ති. තතො පරං සබ්‌බා අන්‌තරාපත්‌තියො යොජෙත්‌වා අබ්‌භානකම්‌මං දස්‌සෙත්‌වා සුක්‌කවිස්‌සට්‌ඨිවත්‌ථු නිට්‌ඨාපිතං.
125. Tato paraṃ pakkhapaṭicchannāya āpattiyā antoparivāsato paṭṭhāya pañcāhapaṭicchannāya antarāpattiyā vasena samodhānaparivāso ca, samodhānamānattañca dassitaṃ. Ettha ca mānattacārikamānattārahakālepi āpannāya āpattiyā mūlāyapaṭikassane kate mānattaciṇṇadivasāpi parivāsaparivutthadivasāpi sabbe makkhitāva honti. Kasmā? Yasmā paṭicchannā antarāpatti. Teneva vuttaṃ – ‘‘mūlāya paṭikassitvā purimāya āpattiyā samodhānaparivāsaṃ datvā chārattaṃ mānattaṃ detū’’ti. Tato paraṃ sabbā antarāpattiyo yojetvā abbhānakammaṃ dassetvā sukkavissaṭṭhivatthu niṭṭhāpitaṃ.
සමොධානපරිවාසකථා නිට්‌ඨිතා.
Samodhānaparivāsakathā niṭṭhitā.
සුක්‌කවිස්‌සට්‌ඨිකථා ච නිට්‌ඨිතා.
Sukkavissaṭṭhikathā ca niṭṭhitā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / චූළවග්‌ගපාළි • Cūḷavaggapāḷi / සමොධානපරිවාසො • Samodhānaparivāso
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / සමොධානපරිවාසකථාවණ්‌ණනා • Samodhānaparivāsakathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / සමොධානපරිවාසකථා • Samodhānaparivāsakathā
