| Library / Tipiṭaka / തിപിടക • Tipiṭaka / ചൂളവഗ്ഗ-അട്ഠകഥാ • Cūḷavagga-aṭṭhakathā |
സമോധാനപരിവാസകഥാ
Samodhānaparivāsakathā
൧൨൫. തതോ പരം പക്ഖപടിച്ഛന്നായ ആപത്തിയാ അന്തോപരിവാസതോ പട്ഠായ പഞ്ചാഹപടിച്ഛന്നായ അന്തരാപത്തിയാ വസേന സമോധാനപരിവാസോ ച, സമോധാനമാനത്തഞ്ച ദസ്സിതം. ഏത്ഥ ച മാനത്തചാരികമാനത്താരഹകാലേപി ആപന്നായ ആപത്തിയാ മൂലായപടികസ്സനേ കതേ മാനത്തചിണ്ണദിവസാപി പരിവാസപരിവുത്ഥദിവസാപി സബ്ബേ മക്ഖിതാവ ഹോന്തി. കസ്മാ? യസ്മാ പടിച്ഛന്നാ അന്തരാപത്തി. തേനേവ വുത്തം – ‘‘മൂലായ പടികസ്സിത്വാ പുരിമായ ആപത്തിയാ സമോധാനപരിവാസം ദത്വാ ഛാരത്തം മാനത്തം ദേതൂ’’തി. തതോ പരം സബ്ബാ അന്തരാപത്തിയോ യോജേത്വാ അബ്ഭാനകമ്മം ദസ്സേത്വാ സുക്കവിസ്സട്ഠിവത്ഥു നിട്ഠാപിതം.
125. Tato paraṃ pakkhapaṭicchannāya āpattiyā antoparivāsato paṭṭhāya pañcāhapaṭicchannāya antarāpattiyā vasena samodhānaparivāso ca, samodhānamānattañca dassitaṃ. Ettha ca mānattacārikamānattārahakālepi āpannāya āpattiyā mūlāyapaṭikassane kate mānattaciṇṇadivasāpi parivāsaparivutthadivasāpi sabbe makkhitāva honti. Kasmā? Yasmā paṭicchannā antarāpatti. Teneva vuttaṃ – ‘‘mūlāya paṭikassitvā purimāya āpattiyā samodhānaparivāsaṃ datvā chārattaṃ mānattaṃ detū’’ti. Tato paraṃ sabbā antarāpattiyo yojetvā abbhānakammaṃ dassetvā sukkavissaṭṭhivatthu niṭṭhāpitaṃ.
സമോധാനപരിവാസകഥാ നിട്ഠിതാ.
Samodhānaparivāsakathā niṭṭhitā.
സുക്കവിസ്സട്ഠികഥാ ച നിട്ഠിതാ.
Sukkavissaṭṭhikathā ca niṭṭhitā.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / ചൂളവഗ്ഗപാളി • Cūḷavaggapāḷi / സമോധാനപരിവാസോ • Samodhānaparivāso
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വിമതിവിനോദനീ-ടീകാ • Vimativinodanī-ṭīkā / സമോധാനപരിവാസകഥാവണ്ണനാ • Samodhānaparivāsakathāvaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / പാചിത്യാദിയോജനാപാളി • Pācityādiyojanāpāḷi / സമോധാനപരിവാസകഥാ • Samodhānaparivāsakathā
