| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
11. самбагканд̣̇аналагкан̣асад̣̇д̇хаабан̃хо
11. Sampakkhandanalakkhaṇasaddhāpañho
11. ‘‘гат̇ам̣ , бханд̇з, самбагканд̣̇аналагкан̣аа сад̣̇д̇хаа’’д̇и,? ‘‘яат̇аа, махаарааж̇а, яог̇ааважаро ан̃н̃зсам̣ жид̇д̇ам̣ вимуд̇д̇ам̣ бассид̇ваа сод̇аабад̇д̇ипалз ваа сагад̣̇ааг̇аамипалз ваа анааг̇аамипалз ваа арахад̇д̇з ваа самбагканд̣̇ад̇и яог̇ам̣ гарод̇и аббад̇д̇асса бад̇д̇ияаа анад̇хиг̇ад̇асса ад̇хиг̇амааяа асажчигад̇асса сажчигирияааяа. звам̣ ко, махаарааж̇а, самбагканд̣̇аналагкан̣аа сад̣̇д̇хаа’’д̇и.
11. ‘‘Kathaṃ , bhante, sampakkhandanalakkhaṇā saddhā’’ti,? ‘‘Yathā, mahārāja, yogāvacaro aññesaṃ cittaṃ vimuttaṃ passitvā sotāpattiphale vā sakadāgāmiphale vā anāgāmiphale vā arahatte vā sampakkhandati yogaṃ karoti appattassa pattiyā anadhigatassa adhigamāya asacchikatassa sacchikiriyāya. Evaṃ kho, mahārāja, sampakkhandanalakkhaṇā saddhā’’ti.
‘‘обаммам̣ гарохий’’д̇и. ‘‘яат̇аа, махаарааж̇а, убарибаб̣б̣ад̇з махаамзгхо абхиббавассзяяа, д̇ам̣ уд̣̇агам̣ яат̇ааниннам̣ бавад̇д̇амаанам̣ баб̣б̣ад̇аганд̣̇арабад̣̇арасаакаа барибуурзд̇ваа над̣̇им̣ барибуурзяяа, саа убхад̇о гуулаани сам̣виссанд̣̇анд̇ий г̇ажчзяяа, ат̇а махааж̇анагааяо ааг̇анд̇ваа д̇ассаа над̣̇ияаа уд̇д̇аанад̇ам̣ ваа г̇амбхийрад̇ам̣ ваа аж̇аананд̇о бхийд̇о вид̇т̇ад̇о д̇ийрз д̇идтзяяа, ат̇ан̃н̃ад̇аро бурисо ааг̇анд̇ваа ад̇д̇ано т̇ааман̃жа б̣алан̃жа самбассанд̇о г̇аал̣хам̣ гажчам̣ б̣анд̇хид̇ваа багканд̣̇ид̇ваа д̇арзяяа, д̇ам̣ д̇ин̣н̣ам̣ бассид̇ваа махааж̇анагааяоби д̇арзяяа. звамзва ко, махаарааж̇а, яог̇ааважаро ан̃н̃зсам̣ жид̇д̇ам̣ вимуд̇д̇ам̣ бассид̇ваа сод̇аабад̇д̇ипалз ваа сагад̣̇ааг̇аамипалз ваа анааг̇аамипалз ваа арахад̇д̇з ваа самбагканд̣̇ад̇и яог̇ам̣ гарод̇и аббад̇д̇асса бад̇д̇ияаа анад̇хиг̇ад̇асса ад̇хиг̇амааяа асажчигад̇асса сажчигирияааяа. звам̣ ко, махаарааж̇а, самбагканд̣̇аналагкан̣аа сад̣̇д̇хаад̇и. бхаасид̇амбзд̇ам̣, махаарааж̇а, бхаг̇авад̇аа сам̣яуд̇д̇анигааяаварз –
‘‘Opammaṃ karohī’’ti. ‘‘Yathā, mahārāja, uparipabbate mahāmegho abhippavasseyya, taṃ udakaṃ yathāninnaṃ pavattamānaṃ pabbatakandarapadarasākhā paripūretvā nadiṃ paripūreyya, sā ubhato kūlāni saṃvissandantī gaccheyya, atha mahājanakāyo āgantvā tassā nadiyā uttānataṃ vā gambhīrataṃ vā ajānanto bhīto vitthato tīre tiṭṭheyya, athaññataro puriso āgantvā attano thāmañca balañca sampassanto gāḷhaṃ kacchaṃ bandhitvā pakkhanditvā tareyya, taṃ tiṇṇaṃ passitvā mahājanakāyopi tareyya. Evameva kho, mahārāja, yogāvacaro aññesaṃ cittaṃ vimuttaṃ passitvā sotāpattiphale vā sakadāgāmiphale vā anāgāmiphale vā arahatte vā sampakkhandati yogaṃ karoti appattassa pattiyā anadhigatassa adhigamāya asacchikatassa sacchikiriyāya. Evaṃ kho, mahārāja, sampakkhandanalakkhaṇā saddhāti. Bhāsitampetaṃ, mahārāja, bhagavatā saṃyuttanikāyavare –
‘‘‘сад̣̇д̇хааяа д̇арад̇ий огхам̣, аббамаад̣̇зна ан̣н̣авам̣;
‘‘‘Saddhāya taratī oghaṃ, appamādena aṇṇavaṃ;
вийриязна д̣̇угкамажжзд̇и, бан̃н̃ааяа барисуж̇жхад̇ий’’’д̇и 1.
Vīriyena dukkhamacceti, paññāya parisujjhatī’’’ti 2.
‘‘галлоси, бханд̇з нааг̇асзнаа’’д̇и.
‘‘Kallosi, bhante nāgasenā’’ti.
самбагканд̣̇аналагкан̣асад̣̇д̇хаабан̃хо згаад̣̇асамо.
Sampakkhandanalakkhaṇasaddhāpañho ekādasamo.
Footnotes:
