| Library / Tipiṭaka / তিপিটক • Tipiṭaka / ইতিৰুত্তকপাল়ি • Itivuttakapāḷi |
১২. সম্পন্নসীলসুত্তং
12. Sampannasīlasuttaṃ
১১১. ৰুত্তঞ্হেতং ভগৰতা, ৰুত্তমরহতাতি মে সুতং –
111. Vuttañhetaṃ bhagavatā, vuttamarahatāti me sutaṃ –
‘‘সম্পন্নসীলা, ভিক্খৰে, ৰিহরথ 1 সম্পন্নপাতিমোক্খা; পাতিমোক্খসংৰরসংৰুতা ৰিহরথ আচারগোচরসম্পন্না অণুমত্তেসু ৰজ্জেসু ভযদস্সাৰিনো; সমাদায সিক্খথ সিক্খাপদেসু।
‘‘Sampannasīlā, bhikkhave, viharatha 2 sampannapātimokkhā; pātimokkhasaṃvarasaṃvutā viharatha ācāragocarasampannā aṇumattesu vajjesu bhayadassāvino; samādāya sikkhatha sikkhāpadesu.
‘‘চরতো চেপি, ভিক্খৰে, ভিক্খুনো 7 ভিজ্ঝা ৰিগতা 8 হোতি, ব্যাপাদো ৰিগতো হোতি 9, থিনমিদ্ধং ৰিগতং হোতি, উদ্ধচ্চকুক্কুচ্চং ৰিগতং হোতি, ৰিচিকিচ্ছা 10 পহীনা হোতি, আরদ্ধং হোতি ৰীরিযং অসল্লীনং, উপট্ঠিতা সতি অসম্মুট্ঠা 11, পস্সদ্ধো কাযো অসারদ্ধো, সমাহিতং চিত্তং একগ্গং । চরম্পি, ভিক্খৰে, ভিক্খু এৰংভূতো আতাপী ওত্তাপী সততং সমিতং আরদ্ধৰীরিযো পহিতত্তোতি ৰুচ্চতি।
‘‘Carato cepi, bhikkhave, bhikkhuno 12 bhijjhā vigatā 13 hoti, byāpādo vigato hoti 14, thinamiddhaṃ vigataṃ hoti, uddhaccakukkuccaṃ vigataṃ hoti, vicikicchā 15 pahīnā hoti, āraddhaṃ hoti vīriyaṃ asallīnaṃ, upaṭṭhitā sati asammuṭṭhā 16, passaddho kāyo asāraddho, samāhitaṃ cittaṃ ekaggaṃ . Carampi, bhikkhave, bhikkhu evaṃbhūto ātāpī ottāpī satataṃ samitaṃ āraddhavīriyo pahitattoti vuccati.
‘‘ঠিতস্স চেপি, ভিক্খৰে, ভিক্খুনো অভিজ্ঝা ৰিগতা হোতি ব্যাপাদো…পে॰… থিনমিদ্ধং… উদ্ধচ্চকুক্কুচ্চং… ৰিচিকিচ্ছা পহীনা হোতি, আরদ্ধং হোতি ৰীরিযং অসল্লীনং , উপট্ঠিতা সতি অসম্মুট্ঠা, পস্সদ্ধো কাযো অসারদ্ধো, সমাহিতং চিত্তং একগ্গং। ঠিতোপি, ভিক্খৰে, ভিক্খু এৰংভূতো আতাপী ওত্তাপী সততং সমিতং আরদ্ধৰীরিযো পহিতত্তোতি ৰুচ্চতি।
‘‘Ṭhitassa cepi, bhikkhave, bhikkhuno abhijjhā vigatā hoti byāpādo…pe… thinamiddhaṃ… uddhaccakukkuccaṃ… vicikicchā pahīnā hoti, āraddhaṃ hoti vīriyaṃ asallīnaṃ , upaṭṭhitā sati asammuṭṭhā, passaddho kāyo asāraddho, samāhitaṃ cittaṃ ekaggaṃ. Ṭhitopi, bhikkhave, bhikkhu evaṃbhūto ātāpī ottāpī satataṃ samitaṃ āraddhavīriyo pahitattoti vuccati.
‘‘নিসিন্নস্স চেপি, ভিক্খৰে, ভিক্খুনো অভিজ্ঝা ৰিগতা হোতি, ব্যাপাদো…পে॰… থিনমিদ্ধং… উদ্ধচ্চকুক্কুচ্চং… ৰিচিকিচ্ছা পহীনা হোতি, আরদ্ধং হোতি ৰীরিযং অসল্লীনং, উপট্ঠিতা সতি অসম্মুট্ঠা, পস্সদ্ধো কাযো অসারদ্ধো, সমাহিতং চিত্তং একগ্গং। নিসিন্নোপি, ভিক্খৰে, ভিক্খু এৰংভূতো আতাপী ওত্তাপী সততং সমিতং আরদ্ধৰীরিযো পহিতত্তোতি ৰুচ্চতি।
‘‘Nisinnassa cepi, bhikkhave, bhikkhuno abhijjhā vigatā hoti, byāpādo…pe… thinamiddhaṃ… uddhaccakukkuccaṃ… vicikicchā pahīnā hoti, āraddhaṃ hoti vīriyaṃ asallīnaṃ, upaṭṭhitā sati asammuṭṭhā, passaddho kāyo asāraddho, samāhitaṃ cittaṃ ekaggaṃ. Nisinnopi, bhikkhave, bhikkhu evaṃbhūto ātāpī ottāpī satataṃ samitaṃ āraddhavīriyo pahitattoti vuccati.
‘‘সযানস্স চেপি , ভিক্খৰে, ভিক্খুনো জাগরস্স অভিজ্ঝা ৰিগতা হোতি ব্যাপাদো…পে॰… থিনমিদ্ধং… উদ্ধচ্চকুক্কুচ্চং… ৰিচিকিচ্ছা পহীনা হোতি, আরদ্ধং হোতি ৰীরিযং অসল্লীনং, উপট্ঠিতা সতি অসম্মুট্ঠা, পস্সদ্ধো কাযো অসারদ্ধো, সমাহিতং চিত্তং একগ্গং। সযানোপি, ভিক্খৰে, ভিক্খু জাগরো এৰংভূতো আতাপী ওত্তাপী সততং সমিতং আরদ্ধৰীরিযো পহিতত্তোতি ৰুচ্চতী’’তি। এতমত্থং ভগৰা অৰোচ। তত্থেতং ইতি ৰুচ্চতি –
‘‘Sayānassa cepi , bhikkhave, bhikkhuno jāgarassa abhijjhā vigatā hoti byāpādo…pe… thinamiddhaṃ… uddhaccakukkuccaṃ… vicikicchā pahīnā hoti, āraddhaṃ hoti vīriyaṃ asallīnaṃ, upaṭṭhitā sati asammuṭṭhā, passaddho kāyo asāraddho, samāhitaṃ cittaṃ ekaggaṃ. Sayānopi, bhikkhave, bhikkhu jāgaro evaṃbhūto ātāpī ottāpī satataṃ samitaṃ āraddhavīriyo pahitattoti vuccatī’’ti. Etamatthaṃ bhagavā avoca. Tatthetaṃ iti vuccati –
‘‘যতং চরে যতং তিট্ঠে, যতং অচ্ছে যতং সযে।
‘‘Yataṃ care yataṃ tiṭṭhe, yataṃ acche yataṃ saye;
‘‘উদ্ধং তিরিযং অপাচীনং, যাৰতা জগতো গতি।
‘‘Uddhaṃ tiriyaṃ apācīnaṃ, yāvatā jagato gati;
সমৰেক্খিতা চ ধম্মানং, খন্ধানং উদযব্বযং॥
Samavekkhitā ca dhammānaṃ, khandhānaṃ udayabbayaṃ.
‘‘এৰং ৰিহারিমাতাপিং, সন্তৰুত্তিমনুদ্ধতং।
‘‘Evaṃ vihārimātāpiṃ, santavuttimanuddhataṃ;
চেতোসমথসামীচিং, সিক্খমানং সদা সতং।
Cetosamathasāmīciṃ, sikkhamānaṃ sadā sataṃ;
সততং পহিতত্তোতি, আহু ভিক্খুং তথাৰিধ’’ন্তি॥
Satataṃ pahitattoti, āhu bhikkhuṃ tathāvidha’’nti.
অযম্পি অত্থো ৰুত্তো ভগৰতা, ইতি মে সুতন্তি। দ্ৰাদসমং।
Ayampi attho vutto bhagavatā, iti me sutanti. Dvādasamaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / ইতিৰুত্তক-অট্ঠকথা • Itivuttaka-aṭṭhakathā / ১২. সম্পন্নসীলসুত্তৰণ্ণনা • 12. Sampannasīlasuttavaṇṇanā
