| Library / Tipiṭaka / д̇ибидага • Tipiṭaka / абад̣̇аанабаал̣и • Apadānapāḷi |
6. самбасаад̣̇агад̇т̇зраабад̣̇аанам̣
6. Sampasādakattheraapadānaṃ
24.
24.
‘‘‘намо д̇з б̣уд̣̇д̇ха вийрад̇т̇у, виббамуд̇д̇оси саб̣б̣ад̇хи;
‘‘‘Namo te buddha vīratthu, vippamuttosi sabbadhi;
б̣яасанамхи 1 ануббад̇д̇о, д̇асса мз саран̣ам̣ бхава’.
Byasanamhi 2 anuppatto, tassa me saraṇaṃ bhava’.
25.
25.
‘‘сид̣̇д̇хад̇т̇о д̇асса б̣яаагааси, логз аббадибуг̇г̇ало;
‘‘Siddhattho tassa byākāsi, loke appaṭipuggalo;
‘маход̣̇ад̇хисамо сан̇гхо, аббамзяяо ануд̇д̇аро.
‘Mahodadhisamo saṅgho, appameyyo anuttaro.
26.
26.
‘‘‘д̇ад̇т̇а д̇вам̣ вираж̇з кзд̇д̇з, ананд̇апалад̣̇ааяагз;
‘‘‘Tattha tvaṃ viraje khette, anantaphaladāyake;
сан̇гхз жид̇д̇ам̣ басаад̣̇зд̇ваа, суб̣ийж̇ам̣ вааба 3 робаяа.
Saṅghe cittaṃ pasādetvā, subījaṃ vāpa 4 ropaya.
27.
27.
‘‘ид̣̇ам̣ вад̇ваана саб̣б̣ан̃н̃уу, логаж̇здто нараасабхо;
‘‘Idaṃ vatvāna sabbaññū, lokajeṭṭho narāsabho;
мамзва анусаасид̇ваа, взхаасам̣ набхамуг̇г̇ами.
Mameva anusāsitvā, vehāsaṃ nabhamuggami.
28.
28.
‘‘ажирам̣ г̇ад̇амад̇д̇амхи, саб̣б̣ан̃н̃умхи нараасабхз;
‘‘Aciraṃ gatamattamhi, sabbaññumhi narāsabhe;
маран̣ам̣ самануббад̇д̇о, д̇усид̇ам̣ убабаж̇ж̇ахам̣.
Maraṇaṃ samanuppatto, tusitaṃ upapajjahaṃ.
29.
29.
‘‘д̇ад̣̇аахам̣ вираж̇з кзд̇д̇з, ананд̇апалад̣̇ааяагз;
‘‘Tadāhaṃ viraje khette, anantaphaladāyake;
сан̇гхз жид̇д̇ам̣ басаад̣̇зд̇ваа, габбам̣ саг̇г̇амхи мод̣̇ахам̣.
Saṅghe cittaṃ pasādetvā, kappaṃ saggamhi modahaṃ.
30.
30.
‘‘жад̇уннавуд̇ид̇о габбз, басаад̣̇амалабхим̣ д̇ад̣̇аа;
‘‘Catunnavutito kappe, pasādamalabhiṃ tadā;
д̣̇уг̇г̇ад̇им̣ наабхиж̇аанаами, басаад̣̇асса ид̣̇ам̣ палам̣.
Duggatiṃ nābhijānāmi, pasādassa idaṃ phalaṃ.
31.
31.
‘‘бадисамбхид̣̇аа жад̇ассо…бз… гад̇ам̣ б̣уд̣̇д̇хасса саасанам̣’’.
‘‘Paṭisambhidā catasso…pe… kataṃ buddhassa sāsanaṃ’’.
ид̇т̇ам̣ суд̣̇ам̣ ааяасмаа самбасаад̣̇аго т̇зро имаа г̇аат̇ааяо абхаасид̇т̇аад̇и.
Itthaṃ sudaṃ āyasmā sampasādako thero imā gāthāyo abhāsitthāti.
самбасаад̣̇агад̇т̇зрассаабад̣̇аанам̣ чадтам̣.
Sampasādakattherassāpadānaṃ chaṭṭhaṃ.
Footnotes:
