| Library / Tipiṭaka / තිපිටක • Tipiṭaka / අපදානපාළි • Apadānapāḷi |
6. සම්‌පසාදකත්‌ථෙරඅපදානං
6. Sampasādakattheraapadānaṃ
24.
24.
‘‘‘නමො තෙ බුද්‌ධ වීරත්‌ථු, විප්‌පමුත්‌තොසි සබ්‌බධි;
‘‘‘Namo te buddha vīratthu, vippamuttosi sabbadhi;
25.
25.
‘‘සිද්‌ධත්‌ථො තස්‌ස බ්‍යාකාසි, ලොකෙ අප්‌පටිපුග්‌ගලො;
‘‘Siddhattho tassa byākāsi, loke appaṭipuggalo;
‘මහොදධිසමො සඞ්‌ඝො, අප්‌පමෙය්‍යො අනුත්‌තරො.
‘Mahodadhisamo saṅgho, appameyyo anuttaro.
26.
26.
‘‘‘තත්‌ථ ත්‌වං විරජෙ ඛෙත්‌තෙ, අනන්‌තඵලදායකෙ;
‘‘‘Tattha tvaṃ viraje khette, anantaphaladāyake;
27.
27.
‘‘ඉදං වත්‌වාන සබ්‌බඤ්‌ඤූ, ලොකජෙට්‌ඨො නරාසභො;
‘‘Idaṃ vatvāna sabbaññū, lokajeṭṭho narāsabho;
මමෙව අනුසාසිත්‌වා, වෙහාසං නභමුග්‌ගමි.
Mameva anusāsitvā, vehāsaṃ nabhamuggami.
28.
28.
‘‘අචිරං ගතමත්‌තම්‌හි, සබ්‌බඤ්‌ඤුම්‌හි නරාසභෙ;
‘‘Aciraṃ gatamattamhi, sabbaññumhi narāsabhe;
මරණං සමනුප්‌පත්‌තො, තුසිතං උපපජ්‌ජහං.
Maraṇaṃ samanuppatto, tusitaṃ upapajjahaṃ.
29.
29.
‘‘තදාහං විරජෙ ඛෙත්‌තෙ, අනන්‌තඵලදායකෙ;
‘‘Tadāhaṃ viraje khette, anantaphaladāyake;
සඞ්‌ඝෙ චිත්‌තං පසාදෙත්‌වා, කප්‌පං සග්‌ගම්‌හි මොදහං.
Saṅghe cittaṃ pasādetvā, kappaṃ saggamhi modahaṃ.
30.
30.
‘‘චතුන්‌නවුතිතො කප්‌පෙ, පසාදමලභිං තදා;
‘‘Catunnavutito kappe, pasādamalabhiṃ tadā;
දුග්‌ගතිං නාභිජානාමි, පසාදස්‌ස ඉදං ඵලං.
Duggatiṃ nābhijānāmi, pasādassa idaṃ phalaṃ.
31.
31.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා සම්‌පසාදකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā sampasādako thero imā gāthāyo abhāsitthāti.
සම්‌පසාදකත්‌ථෙරස්‌සාපදානං ඡට්‌ඨං.
Sampasādakattherassāpadānaṃ chaṭṭhaṃ.
Footnotes:
