| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
10. самбасаад̣̇аналагкан̣асад̣̇д̇хаабан̃хо
10. Sampasādanalakkhaṇasaddhāpañho
10. рааж̇аа ааха ‘‘бханд̇з нааг̇асзна, гим̣лагкан̣аа сад̣̇д̇хаа’’д̇и? ‘‘самбасаад̣̇аналагкан̣аа жа, махаарааж̇а, сад̣̇д̇хаа, самбагканд̣̇аналагкан̣аа жаа’’д̇и. ‘‘гат̇ам̣, бханд̇з, самбасаад̣̇аналагкан̣аа сад̣̇д̇хаа’’д̇и? ‘‘сад̣̇д̇хаа ко, махаарааж̇а, уббаж̇ж̇амаанаа нийваран̣з вигкамбхзд̇и, винийваран̣ам̣ жид̇д̇ам̣ ход̇и ажчам̣ виббасаннам̣ анаавилам̣. звам̣ ко, махаарааж̇а, самбасаад̣̇аналагкан̣аа сад̣̇д̇хаа’’д̇и.
10. Rājā āha ‘‘bhante nāgasena, kiṃlakkhaṇā saddhā’’ti? ‘‘Sampasādanalakkhaṇā ca, mahārāja, saddhā, sampakkhandanalakkhaṇā cā’’ti. ‘‘Kathaṃ, bhante, sampasādanalakkhaṇā saddhā’’ti? ‘‘Saddhā kho, mahārāja, uppajjamānā nīvaraṇe vikkhambheti, vinīvaraṇaṃ cittaṃ hoti acchaṃ vippasannaṃ anāvilaṃ. Evaṃ kho, mahārāja, sampasādanalakkhaṇā saddhā’’ti.
‘‘обаммам̣ гарохий’’д̇и. ‘‘яат̇аа, махаарааж̇а, рааж̇аа жаггавад̇д̇ий жад̇уран̇г̇инияаа сзнааяа сад̣̇д̇хим̣ ад̣̇д̇хаанамаг̇г̇аббадибанно барид̇д̇ам̣ уд̣̇агам̣ д̇арзяяа, д̇ам̣ уд̣̇агам̣ хад̇т̇ийхи жа ассзхи жа рат̇зхи жа бад̇д̇ийхи жа кубхид̇ам̣ бхавзяяа аавилам̣ лул̣ид̇ам̣ галалийбхууд̇ам̣. уд̇д̇ин̣н̣о жа рааж̇аа жаггавад̇д̇ий мануссз аан̣аабзяяа ‘баанийяам̣, бхан̣з, аахарат̇а, бивиссаамий’д̇и, ран̃н̃о жа уд̣̇агаббасаад̣̇аго ман̣и бхавзяяа. ‘звам̣ д̣̇зваа’д̇и ко д̇з мануссаа ран̃н̃о жаггавад̇д̇исса бадиссуд̇ваа д̇ам̣ уд̣̇агаббасаад̣̇агам̣ ман̣им̣ уд̣̇агз багкибзяяум̣, д̇асмим̣ уд̣̇агз багкид̇д̇амад̇д̇з сан̇касзваалабан̣агам̣ виг̇ажчзяяа, гад̣̇д̣̇амо жа саннисийд̣̇зяяа, ажчам̣ бхавзяяа уд̣̇агам̣ виббасаннам̣ анаавилам̣. д̇ад̇о ран̃н̃о жаггавад̇д̇исса баанийяам̣ убанаамзяяум̣ ‘бивад̇у, д̣̇зва, баанийяа’нд̇и.
‘‘Opammaṃ karohī’’ti. ‘‘Yathā, mahārāja, rājā cakkavattī caturaṅginiyā senāya saddhiṃ addhānamaggappaṭipanno parittaṃ udakaṃ tareyya, taṃ udakaṃ hatthīhi ca assehi ca rathehi ca pattīhi ca khubhitaṃ bhaveyya āvilaṃ luḷitaṃ kalalībhūtaṃ. Uttiṇṇo ca rājā cakkavattī manusse āṇāpeyya ‘pānīyaṃ, bhaṇe, āharatha, pivissāmī’ti, rañño ca udakappasādako maṇi bhaveyya. ‘Evaṃ devā’ti kho te manussā rañño cakkavattissa paṭissutvā taṃ udakappasādakaṃ maṇiṃ udake pakkhipeyyuṃ, tasmiṃ udake pakkhittamatte saṅkhasevālapaṇakaṃ vigaccheyya, kaddamo ca sannisīdeyya, acchaṃ bhaveyya udakaṃ vippasannaṃ anāvilaṃ. Tato rañño cakkavattissa pānīyaṃ upanāmeyyuṃ ‘pivatu, deva, pānīya’nti.
‘‘яат̇аа, махаарааж̇а, уд̣̇агам̣, звам̣ жид̇д̇ам̣ д̣̇адтаб̣б̣ам̣, яат̇аа д̇з мануссаа, звам̣ яог̇ааважаро д̣̇адтаб̣б̣о, яат̇аа сан̇касзваалабан̣агам̣ гад̣̇д̣̇амо жа, звам̣ гилзсаа д̣̇адтаб̣б̣аа. яат̇аа уд̣̇агаббасаад̣̇аго ман̣и, звам̣ сад̣̇д̇хаа д̣̇адтаб̣б̣аа, яат̇аа уд̣̇агаббасаад̣̇агз ман̣имхи уд̣̇агз багкид̇д̇амад̇д̇з сан̇касзваалабан̣агам̣ виг̇ажчзяяа, гад̣̇д̣̇амо жа саннисийд̣̇зяяа, ажчам̣ бхавзяяа уд̣̇агам̣ виббасаннам̣ анаавилам̣, звамзва ко, махаарааж̇а, сад̣̇д̇хаа уббаж̇ж̇амаанаа нийваран̣з вигкамбхзд̇и, винийваран̣ам̣ жид̇д̇ам̣ ход̇и ажчам̣ виббасаннам̣ анаавилам̣, звам̣ ко, махаарааж̇а, самбасаад̣̇аналагкан̣аа сад̣̇д̇хаа’’д̇и.
‘‘Yathā, mahārāja, udakaṃ, evaṃ cittaṃ daṭṭhabbaṃ, yathā te manussā, evaṃ yogāvacaro daṭṭhabbo, yathā saṅkhasevālapaṇakaṃ kaddamo ca, evaṃ kilesā daṭṭhabbā. Yathā udakappasādako maṇi, evaṃ saddhā daṭṭhabbā, yathā udakappasādake maṇimhi udake pakkhittamatte saṅkhasevālapaṇakaṃ vigaccheyya, kaddamo ca sannisīdeyya, acchaṃ bhaveyya udakaṃ vippasannaṃ anāvilaṃ, evameva kho, mahārāja, saddhā uppajjamānā nīvaraṇe vikkhambheti, vinīvaraṇaṃ cittaṃ hoti acchaṃ vippasannaṃ anāvilaṃ, evaṃ kho, mahārāja, sampasādanalakkhaṇā saddhā’’ti.
‘‘галлоси, бханд̇з нааг̇асзнаа’’д̇и.
‘‘Kallosi, bhante nāgasenā’’ti.
самбасаад̣̇аналагкан̣асад̣̇д̇хаабан̃хо д̣̇асамо.
Sampasādanalakkhaṇasaddhāpañho dasamo.
