5. самбасаад̣̇анийяасуд̇д̇аван̣н̣анаа

саарибуд̇д̇асийханаад̣̇аван̣н̣анаа

141. звам̣ мз суд̇анд̇и самбасаад̣̇анийяасуд̇д̇ам̣. д̇ад̇рааяамануд̇д̇аанабад̣̇аван̣н̣анаа – наал̣анд̣̇ааяанд̇и наал̣анд̣̇аад̇и звам̣наамагз наг̇арз, д̇ам̣ наг̇арам̣ г̇ожараг̇аамам̣ гад̇ваа. баавааригамб̣аванзд̇и д̣̇уссабаавааригасздтино амб̣аванз. д̇ам̣ гира д̇асса уяяаанам̣ ахоси. со бхаг̇авад̇о д̇хаммад̣̇зсанам̣ суд̇ваа бхаг̇авад̇и басанно д̇асмим̣ уяяаанз гудилзн̣аман̣д̣абаад̣̇ибадиман̣д̣ид̇ам̣ бхаг̇авад̇о вихаарам̣ гад̇ваа нияяаад̇зси. со вихааро ж̇ийвагамб̣аванам̣ вияа ‘‘баавааригамб̣авана’’нд̇взва сан̇кяам̣ г̇ад̇о, д̇асмим̣ баавааригамб̣аванз вихарад̇ийд̇и ад̇т̇о. бхаг̇аванд̇ам̣ зд̇ад̣̇авожа – ‘‘звам̣басанно ахам̣, бханд̇з, бхаг̇авад̇ий’’д̇и. гасмаа звам̣ авожа? ад̇д̇ано уббаннасоманассабавзд̣̇анад̇т̇ам̣.

д̇ад̇рааяаманубуб̣б̣игат̇аа – т̇зро гира д̇ам̣д̣̇ивасам̣ гаалассзва сарийраббадиж̇аг̇г̇анам̣ гад̇ваа сунивад̇т̇аниваасано бад̇д̇ажийварамаад̣̇ааяа баасаад̣̇игзхи абхигганд̇аад̣̇ийхи д̣̇звамануссаанам̣ басаад̣̇ам̣ ааваханд̇о наал̣анд̣̇аваасийнам̣ хид̇асукамануб̣руухаяанд̇о бин̣д̣ааяа бависид̇ваа бажчаабхад̇д̇ам̣ бин̣д̣абаад̇абадигганд̇о вихаарам̣ г̇анд̇ваа сад̇т̇у вад̇д̇ам̣ д̣̇ассзд̇ваа сад̇т̇ари г̇анд̇хагудим̣ бавидтз сад̇т̇аарам̣ ванд̣̇ид̇ваа ад̇д̇ано д̣̇иваадтаанам̣ аг̇амааси. д̇ад̇т̇а сад̣̇д̇хивихаариганд̇зваасигзсу вад̇д̇ам̣ д̣̇ассзд̇ваа бадигганд̇зсу д̣̇иваадтаанам̣ саммаж̇ж̇ид̇ваа жаммагкан̣д̣ам̣ бан̃н̃абзд̇ваа уд̣̇агад̇умб̣ад̇о уд̣̇агзна хад̇т̇абаад̣̇з сийд̇алз гад̇ваа д̇исанд̇хибаллан̇гам̣ аабхуж̇ид̇ваа гаалабарижчзд̣̇ам̣ гад̇ваа паласамаабад̇д̇им̣ самаабаж̇ж̇и.

со яат̇аабарижчиннагаалавасзна самаабад̇д̇ид̇о вудтааяа ад̇д̇ано г̇ун̣з ануссарид̇умаарад̣̇д̇хо. ат̇асса г̇ун̣з ануссарад̇о сийлам̣ аабаат̇амааг̇ад̇ам̣. д̇ад̇о бадибаадияаава самаад̇хи бан̃н̃аа вимуд̇д̇и вимуд̇д̇ин̃аан̣ад̣̇ассанам̣ батамам̣ жхаанам̣ д̣̇уд̇ияам̣ жхаанам̣ д̇ад̇ияам̣ жхаанам̣ жад̇уд̇т̇ам̣ жхаанам̣ аагаасаанан̃жааяад̇анасамаабад̇д̇и вин̃н̃аанан̃жааяад̇анасамаабад̇д̇и аагин̃жан̃н̃ааяад̇анасамаабад̇д̇и нзвасан̃н̃аанаасан̃н̃ааяад̇анасамаабад̇д̇и вибассанаан̃аан̣ам̣ маномаяид̣̇д̇хин̃аан̣ам̣ ид̣̇д̇хивид̇хан̃аан̣ам̣ д̣̇иб̣б̣асод̇ан̃аан̣ам̣ жзд̇обарияан̃аан̣ам̣ буб̣б̣зниваасаануссад̇ин̃аан̣ам̣ д̣̇иб̣б̣ажагкун̃аан̣ам̣…бз… сод̇аабад̇д̇имаг̇г̇о сод̇аабад̇д̇ипалам̣…бз… арахад̇д̇амаг̇г̇о арахад̇д̇апалам̣ ад̇т̇абадисамбхид̣̇аа д̇хаммабадисамбхид̣̇аа нируд̇д̇ибадисамбхид̣̇аа бадибхаанабадисамбхид̣̇аа саавагабаарамийн̃аан̣ам̣. ид̇о бадтааяа габбасад̇асахассаад̇хигасса асан̇кязяяасса убари аномад̣̇ассийб̣уд̣̇д̇хасса баад̣̇амуулз гад̇ам̣ абхинийхаарам̣ аад̣̇им̣ гад̇ваа ад̇д̇ано г̇ун̣з ануссарад̇о яаава нисиннабаллан̇гаа г̇ун̣аа убадтахим̣су.

звам̣ т̇зро ад̇д̇ано г̇ун̣з ануссарамаано г̇ун̣аанам̣ бамаан̣ам̣ ваа барижчзд̣̇ам̣ ваа д̣̇адтум̣ наасагки. со жинд̇зси – ‘‘маяхам̣ д̇аава бад̣̇зсан̃аан̣з тид̇асса саавагасса г̇ун̣аанам̣ бамаан̣ам̣ ваа барижчзд̣̇о ваа над̇т̇и. ахам̣ бана яам̣ сад̇т̇аарам̣ уд̣̇д̣̇исса баб̣б̣аж̇ид̇о, гийд̣̇исаа ну ко д̇асса г̇ун̣аа’’д̇и д̣̇асаб̣аласса г̇ун̣з ануссарид̇ум̣ аарад̣̇д̇хо. со бхаг̇авад̇о сийлам̣ ниссааяа, самаад̇хим̣ бан̃н̃ам̣ вимуд̇д̇им̣ вимуд̇д̇ин̃аан̣ад̣̇ассанам̣ ниссааяа, жад̇д̇ааро сад̇ибадтаанз ниссааяа, жад̇д̇ааро саммаббад̇хаанз жад̇д̇ааро ид̣̇д̇хибаад̣̇з жад̇д̇ааро маг̇г̇з жад̇д̇аари палаани жад̇ассо бадисамбхид̣̇аа жад̇уяонибарижчзд̣̇аган̃аан̣ам̣ жад̇д̇ааро арияавам̣сз ниссааяа д̣̇асаб̣аласса г̇ун̣з ануссарид̇умаарад̣̇д̇хо.

д̇ат̇аа бан̃жа бад̇хаанияан̇г̇аани, бан̃жан̇г̇игам̣саммаасамаад̇хим̣, бан̃жинд̣̇рияаани, бан̃жа б̣алаани, бан̃жа ниссаран̣ияаа д̇хаад̇уяо, бан̃жа вимуд̇д̇ааяад̇анаани, бан̃жа вимуд̇д̇ибарибаажанияаа бан̃н̃аа, ча сааран̣ийяз д̇хаммз, ча ануссад̇идтаанаани, ча г̇ааравз, ча ниссаран̣ияаа д̇хаад̇уяо, ча сад̇ад̇авихаарз, ча ануд̇д̇арияаани, ча ниб̣б̣зд̇хабхааг̇ияаа бан̃н̃аа, ча абхин̃н̃аа, ча асаад̇хааран̣ан̃аан̣аани, сад̇д̇а абарихаанияз д̇хаммз, сад̇д̇а арияад̇ханаани, сад̇д̇а б̣ож̇жхан̇г̇з, сад̇д̇а саббурисад̇хаммз, сад̇д̇а ниж̇ж̇аравад̇т̇ууни, сад̇д̇а бан̃н̃аа, сад̇д̇а д̣̇агкин̣зяяабуг̇г̇алз, сад̇д̇а кийн̣аасаваб̣алаани, адта бан̃н̃аабадилаабхахзд̇уу, адта саммад̇д̇аани, адта логад̇хаммаад̇иггамз, адта аарамбхавад̇т̇ууни, адта агкан̣ад̣̇зсанаа, адта махаабурисавид̇аггз, адта абхибхааяад̇анаани, адта вимогкз, нава яонисоманасигаарамуулагз д̇хаммз, нава баарисуд̣̇д̇хибад̇хаанияан̇г̇аани, нава сад̇д̇ааваасад̣̇зсанаа, нава аагхаад̇аббадивинаяз, нава бан̃н̃аа, нава наанад̇д̇аани, нава анубуб̣б̣авихаарз, д̣̇аса наат̇агаран̣з д̇хаммз, д̣̇аса гасин̣ааяад̇анаани, д̣̇аса гусалагаммабат̇з, д̣̇аса д̇ат̇ааг̇ад̇аб̣алаани, д̣̇аса саммад̇д̇аани, д̣̇аса арияаваасз, д̣̇аса асзгкад̇хаммз, згаад̣̇аса мзд̇д̇аанисам̣сз, д̣̇ваад̣̇аса д̇хаммажаггаагаарз, д̇зраса д̇худ̇ан̇г̇аг̇ун̣з , жуд̣̇д̣̇аса б̣уд̣̇д̇хан̃аан̣аани, бан̃жад̣̇аса вимуд̇д̇ибарибаажанияз д̇хаммз, сол̣асавид̇хам̣ аанаабаанассад̇им̣, адтаараса б̣уд̣̇д̇хад̇хаммз, згуунавийсад̇и бажжавзгкан̣ан̃аан̣аани, жад̇ужад̇д̇аалийса н̃аан̣авад̇т̇ууни, баробан̣н̣ааса гусалад̇хаммз, сад̇д̇асад̇д̇ад̇и н̃аан̣авад̇т̇ууни, жад̇увийсад̇игодисад̇асахассасамаабад̇д̇исан̃жарамахааваж̇иран̃аан̣ам̣ ниссааяа д̣̇асаб̣аласса г̇ун̣з ануссарид̇ум̣ аарабхи.

д̇асмим̣язва жа д̣̇иваадтаанз нисинноязва убари ‘‘абарам̣ бана, бханд̇з, зд̇ад̣̇аануд̇д̇арияа’’нд̇и ааг̇амиссанд̇и сол̣аса абарамбарияад̇хаммаа, д̇зби ниссааяа ануссарид̇ум̣ аарабхи. со ‘‘гусалабан̃н̃ад̇д̇ияам̣ ануд̇д̇аро маяхам̣ сад̇т̇аа, ааяад̇анабан̃н̃ад̇д̇ияам̣ ануд̇д̇аро, г̇аб̣бхаавагганд̇ияам̣ ануд̇д̇аро, аад̣̇зсанаавид̇хаасу ануд̇д̇аро, д̣̇ассанасамаабад̇д̇ияам̣ ануд̇д̇аро, буг̇г̇алабан̃н̃ад̇д̇ияам̣ ануд̇д̇аро, бад̇хаанз ануд̇д̇аро, бадибад̣̇аасу ануд̇д̇аро, бхассасамаажаарз ануд̇д̇аро, бурисасийласамаажаарз ануд̇д̇аро, анусаасанийвид̇хаасу ануд̇д̇аро, барабуг̇г̇алавимуд̇д̇ин̃аан̣з ануд̇д̇аро, сассад̇аваад̣̇зсу ануд̇д̇аро, буб̣б̣зниваасан̃аан̣з ануд̇д̇аро, д̣̇иб̣б̣ажагкун̃аан̣з ануд̇д̇аро, ид̣̇д̇хивид̇хз ануд̇д̇аро, иминаа жа иминаа жа ануд̇д̇аро’’д̇и звам̣ д̣̇асаб̣аласса г̇ун̣з ануссаранд̇о бхаг̇авад̇о г̇ун̣аанам̣ нзва анд̇ам̣, на бамаан̣ам̣ басси. т̇зро ад̇д̇аноби д̇аава г̇ун̣аанам̣ анд̇ам̣ ваа бамаан̣ам̣ ваа наад̣̇д̣̇аса, бхаг̇авад̇о г̇ун̣аанам̣ гим̣ бассиссад̇и? яасса яасса хи бан̃н̃аа махад̇ий н̃аан̣ам̣ висад̣̇ам̣, со со б̣уд̣̇д̇хаг̇ун̣з маханд̇ад̇о сад̣̇д̣̇ахад̇и. логияамахааж̇ано уггаасид̇вааби кибид̇вааби ‘‘намо б̣уд̣̇д̇хаана’’нд̇и ад̇д̇ано ад̇д̇ано убаниссаяз тад̇ваа б̣уд̣̇д̇хаанам̣ г̇ун̣з ануссарад̇и. саб̣б̣алогияамахааж̇анад̇о зго сод̇аабанно б̣уд̣̇д̇хаг̇ун̣з маханд̇ад̇о сад̣̇д̣̇ахад̇и. сод̇аабаннаанам̣ сад̇ад̇оби сахассад̇оби зго сагад̣̇ааг̇аамий. сагад̣̇ааг̇аамийнам̣ сад̇ад̇оби сахассад̇оби зго анааг̇аамий. анааг̇аамийнам̣ сад̇ад̇оби сахассад̇оби зго арахаа б̣уд̣̇д̇хаг̇ун̣з маханд̇ад̇о сад̣̇д̣̇ахад̇и. авасзсаараханд̇зхи асийд̇и махаат̇зраа б̣уд̣̇д̇хаг̇ун̣з маханд̇ад̇о сад̣̇д̣̇аханд̇и. асийд̇имахаат̇зрзхи жад̇д̇ааро махаат̇зраа. жад̇уухи махаат̇зрзхи д̣̇вз аг̇г̇асаавагаа. д̇зсуби саарибуд̇д̇ад̇т̇зро, саарибуд̇д̇ад̇т̇зрад̇оби зго бажжзгаб̣уд̣̇д̇хо б̣уд̣̇д̇хаг̇ун̣з маханд̇ад̇о сад̣̇д̣̇ахад̇и. сажз бана сагалажаггаваал̣аг̇аб̣бхз сан̇гхаадиган̣н̣зна сан̇гхаадиган̣н̣ам̣ бахарияамаанаа нисиннаа бажжзгаб̣уд̣̇д̇хаа б̣уд̣̇д̇хаг̇ун̣з ануссарзяяум̣, д̇зхи саб̣б̣зхиби зго саб̣б̣ан̃н̃уб̣уд̣̇д̇хова б̣уд̣̇д̇хаг̇ун̣з маханд̇ад̇о сад̣̇д̣̇ахад̇и.

сзяяат̇ааби наама махааж̇ано ‘‘махаасамуд̣̇д̣̇о г̇амбхийро уд̇д̇аано’’д̇и ж̇аананад̇т̇ам̣ яод̇д̇аани ваддзяяа, д̇ад̇т̇а гожи б̣яаамаббамаан̣ам̣ яод̇д̇ам̣ ваддзяяа, гожи д̣̇вз б̣яаамам̣, гожи д̣̇асаб̣яаамам̣, гожи вийсад̇иб̣яаамам̣, гожи д̇им̣саб̣яаамам̣, гожи жад̇д̇аалийсаб̣яаамам̣, гожи бан̃н̃аасаб̣яаамам̣, гожи сад̇аб̣яаамам̣, гожи сахассаб̣яаамам̣ , гожи жад̇ураасийд̇иб̣яаамасахассам̣. д̇з наавам̣ ааруяха, самуд̣̇д̣̇амаж̇жхз уг̇г̇ад̇абаб̣б̣ад̇аад̣̇имхи ваа тад̇ваа ад̇д̇ано ад̇д̇ано яод̇д̇ам̣ од̇аарзяяум̣, д̇зсу яасса яод̇д̇ам̣ б̣яаамамад̇д̇ам̣, со б̣яаамамад̇д̇адтаанзязва уд̣̇агам̣ ж̇аанаад̇и…бз… яасса жад̇ураасийд̇иб̣яаамасахассам̣, со жад̇ураасийд̇иб̣яаамасахассадтаанзязва уд̣̇агам̣ ж̇аанаад̇и. барад̇о уд̣̇агам̣ зд̇д̇аганд̇и на ж̇аанаад̇и. махаасамуд̣̇д̣̇з бана на д̇ад̇д̇агам̣язва уд̣̇агам̣, ат̇а ко ананд̇амабаримаан̣ам̣. жад̇ураасийд̇ияож̇анасахассам̣ г̇амбхийро хи махаасамуд̣̇д̣̇о, звамзва згаб̣яаамаяод̇д̇ад̇о бадтааяа наваб̣яаамаяод̇д̇зна н̃аад̇ауд̣̇агам̣ вияа логияамахааж̇анзна д̣̇идтаб̣уд̣̇д̇хаг̇ун̣аа взд̣̇ид̇аб̣б̣аа. д̣̇асаб̣яаамаяод̇д̇зна д̣̇асаб̣яаамадтаанз н̃аад̇ауд̣̇агам̣ вияа сод̇аабаннзна д̣̇идтаб̣уд̣̇д̇хаг̇ун̣аа. вийсад̇иб̣яаамаяод̇д̇зна вийсад̇иб̣яаамадтаанз н̃аад̇ауд̣̇агам̣ вияа сагад̣̇ааг̇ааминаа д̣̇идтаб̣уд̣̇д̇хаг̇ун̣аа. д̇им̣саб̣яаамаяод̇д̇зна д̇им̣саб̣яаамадтаанз н̃аад̇ауд̣̇агам̣ вияа анааг̇ааминаа д̣̇идтаб̣уд̣̇д̇хаг̇ун̣аа. жад̇д̇аалийсаб̣яаамаяод̇д̇зна жад̇д̇аалийсаб̣яаамадтаанз н̃аад̇ауд̣̇агам̣ вияа арахад̇аа д̣̇идтаб̣уд̣̇д̇хаг̇ун̣аа. бан̃н̃аасаб̣яаамаяод̇д̇зна бан̃н̃аасаб̣яаамадтаанз н̃аад̇ауд̣̇агам̣ вияа асийд̇имахаат̇зрзхи д̣̇идтаб̣уд̣̇д̇хаг̇ун̣аа. сад̇аб̣яаамаяод̇д̇зна сад̇аб̣яаамадтаанз н̃аад̇ауд̣̇агам̣ вияа жад̇уухи махаат̇зрзхи д̣̇идтаб̣уд̣̇д̇хаг̇ун̣аа. сахассаб̣яаамаяод̇д̇зна сахассаб̣яаамадтаанз н̃аад̇ауд̣̇агам̣ вияа махаамог̇г̇аллаанад̇т̇зрзна д̣̇идтаб̣уд̣̇д̇хаг̇ун̣аа. жад̇ураасийд̇иб̣яаамасахассаяод̇д̇зна жад̇ураасийд̇иб̣яаамасахассадтаанз н̃аад̇ауд̣̇агам̣ вияа д̇хаммасзнаабад̇инаа саарибуд̇д̇ад̇т̇зрзна д̣̇идтаб̣уд̣̇д̇хаг̇ун̣аа. д̇ад̇т̇а яат̇аа со бурисо махаасамуд̣̇д̣̇з уд̣̇агам̣ наама на зд̇д̇агам̣язва, ананд̇амабаримаан̣анд̇и г̇ан̣хаад̇и, звамзва ааяасмаа саарибуд̇д̇о д̇хамманваязна анваяаб̣уд̣̇д̇хияаа анумаанзна наяаг̇г̇аахзна саавагабаарамийн̃аан̣з тад̇ваа д̣̇асаб̣аласса г̇ун̣з ануссаранд̇о ‘‘б̣уд̣̇д̇хаг̇ун̣аа ананд̇аа абаримаан̣аа’’д̇и сад̣̇д̣̇ахи.

т̇зрзна хи д̣̇идтаб̣уд̣̇д̇хаг̇ун̣зхи д̇хамманваязна г̇ахзд̇аб̣б̣аб̣уд̣̇д̇хаг̇ун̣ааязва б̣ахуд̇араа. яат̇аа гат̇ам̣ вияа? яат̇аа ид̇о нава ид̇о наваад̇и адтаараса яож̇анаани авад̇т̇арид̇ваа г̇ажчанд̇ияаа жанд̣̇абхааг̇ааяа махаанад̣̇ияаа бурисо суужибаасзна уд̣̇агам̣ г̇ан̣хзяяа, суужибаасзна г̇ахид̇ауд̣̇агад̇о аг̇г̇ахид̇амзва б̣аху ход̇и. яат̇аа ваа бана бурисо махаабат̇авид̇о ан̇г̇улияаа бам̣сум̣ г̇ан̣хзяяа, ан̇г̇улияаа г̇ахид̇абам̣суд̇о авасзсабам̣суязва б̣аху ход̇и. яат̇аа ваа бана бурисо махаасамуд̣̇д̣̇аабхимуким̣ ан̇г̇улим̣ гарзяяа, ан̇г̇улиабхимукауд̣̇агад̇о авасзсам̣ уд̣̇агам̣язва б̣аху ход̇и. яат̇аа жа бурисо аагаасаабхимуким̣ ан̇г̇улим̣ гарзяяа, ан̇г̇улиабхимукааагаасад̇о сзсааагаасаббад̣̇зсова б̣аху ход̇и. звам̣ т̇зрзна д̣̇идтаб̣уд̣̇д̇хаг̇ун̣зхи ад̣̇идтаа г̇ун̣аава б̣ахууд̇и взд̣̇ид̇аб̣б̣аа. вуд̇д̇амби жзд̇ам̣ –

‘‘б̣уд̣̇д̇хоби б̣уд̣̇д̇хасса бхан̣зяяа ван̣н̣ам̣,

габбамби жз ан̃н̃амабхаасамаано;

кийязт̇а габбо жирад̣̇ийгхаманд̇арз,

ван̣н̣о на кийязт̇а д̇ат̇ааг̇ад̇ассаа’’д̇и.

звам̣ т̇зрасса ад̇д̇ано жа сад̇т̇у жа г̇ун̣з ануссарад̇о яамагамахаанад̣̇иймахогхо вияа аб̣бханд̇арз бийд̇исоманассам̣ авад̇т̇арамаанам̣ ваад̇о вияа бхасд̇ам̣, уб̣бхиж̇ж̇ид̇ваа уг̇г̇ад̇ауд̣̇агам̣ вияа махаарахад̣̇ам̣ сагаласарийрам̣ буурзд̇и. д̇ад̇о т̇зрасса ‘‘субад̇т̇ид̇аа вад̇а мз бад̇т̇анаа, сулад̣̇д̇хаа мз баб̣б̣аж̇ж̇аа, яваахам̣ звам̣вид̇хасса сад̇т̇у санд̇игз баб̣б̣аж̇ид̇о’’д̇и ааваж̇ж̇анд̇асса б̣алавад̇арам̣ бийд̇исоманассам̣ уббаж̇ж̇и.

ат̇а т̇зро ‘‘гассаахам̣ имам̣ бийд̇исоманассам̣ аарожзяяа’’нд̇и жинд̇знд̇о ан̃н̃о гожи саман̣о ваа б̣раахман̣о ваа д̣̇зво ваа мааро ваа б̣рахмаа ваа мама имам̣ басаад̣̇ам̣ анужчавигам̣ гад̇ваа бадиг̇г̇ахзд̇ум̣ на сагкиссад̇и, ахам̣ имам̣ соманассам̣ сад̇т̇уноязва бавзд̣̇зяяаами, сад̇т̇аава мз бадиг̇г̇ан̣хид̇ум̣ сагкиссад̇и, со хи д̇идтад̇у мама бийд̇исоманассам̣, маад̣̇исасса саман̣асад̇асса ваа саман̣асахассасса ваа саман̣асад̇асахассасса ваа соманассам̣ бавзд̣̇знд̇асса саб̣б̣зсам̣ манам̣ г̇ан̣ханд̇о бадиг̇г̇ахзд̇ум̣ саггод̇и. сзяяат̇ааби наама адтаараса яож̇анаани авад̇т̇арамаанам̣ г̇ажчанд̇им̣ жанд̣̇абхааг̇амахаанад̣̇им̣ гусумбхаа ваа ганд̣̇араа ваа самбадижчид̇ум̣ на саггонд̇и, махаасамуд̣̇д̣̇ова д̇ам̣ самбадижчад̇и. махаасамуд̣̇д̣̇о хи д̇идтад̇у жанд̣̇абхааг̇аа, зваруубаанам̣ над̣̇ийнам̣ сад̇амби сахассамби сад̇асахассамби самбадижчад̇и, на жасса д̇зна уунад̇д̇ам̣ ваа буурад̇д̇ам̣ ваа бан̃н̃ааяад̇и, звамзва сад̇т̇аа маад̣̇исасса саман̣асад̇асса саман̣асахассасса саман̣асад̇асахассасса ваа бийд̇исоманассам̣ бавзд̣̇знд̇асса саб̣б̣зсам̣ манам̣ г̇ан̣ханд̇о бадиг̇г̇ахзд̇ум̣ саггод̇и. сзсаа саман̣аб̣раахман̣аад̣̇аяо жанд̣̇абхааг̇ам̣ гусумбхаганд̣̇араа вияа мама соманассам̣ самбадижчид̇ум̣ на саггонд̇и . ханд̣̇аахам̣ мама бийд̇исоманассам̣ сад̇т̇унова аарожзмийд̇и баллан̇гам̣ виниб̣бхуж̇ид̇ваа жаммагкан̣д̣ам̣ бабподзд̇ваа аад̣̇ааяа сааяанхасамаяз бубпаанам̣ ван̣дад̇о чиж̇ж̇ид̇ваа баг̇гхаран̣агаалз сад̇т̇аарам̣ убасан̇гамид̇ваа ад̇д̇ано соманассам̣ бавзд̣̇знд̇о звам̣басанно ахам̣, бханд̇зд̇иаад̣̇имааха. д̇ад̇т̇а звам̣басаннод̇и звам̣ уббаннасад̣̇д̇хо, звам̣ сад̣̇д̣̇ахаамийд̇и ад̇т̇о. бхияяобхин̃н̃ад̇арод̇и бхияяад̇аро абхин̃н̃аад̇о, бхияяад̇араабхин̃н̃о ваа, уд̇д̇арид̇аран̃аан̣од̇и ад̇т̇о. самб̣од̇хияанд̇и саб̣б̣ан̃н̃уд̇ан̃н̃аан̣з арахад̇д̇амаг̇г̇ан̃аан̣з ваа, арахад̇д̇амаг̇г̇знзва хи б̣уд̣̇д̇хаг̇ун̣аа ниббад̣̇зсаа г̇ахид̇аа хонд̇и. д̣̇вз хи аг̇г̇асаавагаа арахад̇д̇амаг̇г̇знзва саавагабаарамийн̃аан̣ам̣ бадилабханд̇и. бажжзгаб̣уд̣̇д̇хаа бажжзгаб̣од̇хин̃аан̣ам̣. б̣уд̣̇д̇хаа саб̣б̣ан̃н̃уд̇ан̃н̃аан̣ан̃жзва сагалз жа б̣уд̣̇д̇хаг̇ун̣з. саб̣б̣ан̃хи нзсам̣ арахад̇д̇амаг̇г̇знзва иж̇жхад̇и. д̇асмаа арахад̇д̇амаг̇г̇ан̃аан̣ам̣ самб̣од̇хи наама ход̇и. д̇зна уд̇д̇арид̇аро бхаг̇авад̇аа над̇т̇и. д̇знааха ‘‘бхаг̇авад̇аа бхияяобхин̃н̃ад̇аро яад̣̇ид̣̇ам̣ самб̣од̇хияа’’нд̇и.

142. ул̣аараад̇и сздтаа. аяан̃хи ул̣аарасад̣̇д̣̇о ‘‘ул̣аараани каад̣̇анийяаани каад̣̇анд̇ий’’д̇иаад̣̇ийсу (ма. ни. 1.366) мад̇хурз ааг̇ажчад̇и. ‘‘ул̣аарааяа калу бхавам̣, важчааяано , саман̣ам̣ г̇од̇амам̣ басам̣сааяа басам̣сад̇ий’’д̇иаад̣̇ийсу (ма. ни. 3.280) сздтз. ‘‘аббамаан̣о ул̣ааро обхаасо’’д̇иаад̣̇ийсу (д̣̇ий. ни. 2.32) вибулз. свааяамид̇ха сздтз ааг̇ад̇о. д̇зна вуд̇д̇ам̣ – ‘‘ул̣аараад̇и сздтаа’’д̇и. аасабхийд̇и усабхасса ваажаасад̣̇исий ажалаа асамбавзд̇хий. згам̣со г̇ахид̇од̇и ануссавзна ваа аажарияабарамбарааяа ваа ид̇игирааяа ваа бидагасамбад̣̇аанзна ваа аагаарабаривид̇аггзна ваа д̣̇идтиниж̇жхаанагканд̇ияаа ваа д̇аггахзд̇у ваа наяахзд̇у ваа агат̇зд̇ваа бажжагкад̇о н̃аан̣зна бадивиж̇жхид̇ваа вияа згам̣со г̇ахид̇о, саннидтаанагат̇аава гат̇ид̇аад̇и ад̇т̇о.

сийханаад̣̇од̇и сздтанаад̣̇о, нзва д̣̇анд̇хааяанд̇зна на г̇аг̇г̇арааяанд̇зна сийхзна вияа уд̇д̇аманаад̣̇о над̣̇ид̇од̇и ад̇т̇о. гим̣ д̇з саарибуд̇д̇аад̇и имам̣ д̣̇зсанам̣ гасмаа аарабхийд̇и? ануяог̇ад̣̇аабанад̇т̇ам̣. згажжо хи сийханаад̣̇ам̣ над̣̇ид̇ваа ад̇д̇ано сийханаад̣̇з ануяог̇ам̣ д̣̇аад̇ум̣ на саггод̇и, нигхам̣санам̣ нагкамад̇и, лзбз бад̇ид̇амаггадо вияа ход̇и. яат̇аа д̇хамамаанам̣ абарисуд̣̇д̇халохам̣ жхааяид̇ваа жхаамаан̇г̇ааро ход̇и, звам̣ жхааман̇г̇ааро вияа ход̇и . зго сийханаад̣̇з ануяог̇ам̣ д̣̇аабияамаано д̣̇аад̇ум̣ саггод̇и, нигхам̣санам̣ камад̇и, д̇хамамаанам̣ нид̣̇д̣̇осаж̇аад̇аруубам̣ вияа ад̇хигад̇арам̣ собхад̇и, д̇аад̣̇исо т̇зро. д̇зна нам̣ бхаг̇аваа ‘‘ануяог̇агкамо аяа’’нд̇и н̃ад̇ваа сийханаад̣̇з ануяог̇ад̣̇аабанад̇т̇ам̣ имамби д̣̇зсанам̣ аарабхи.

д̇ад̇т̇а саб̣б̣з д̇зд̇и саб̣б̣з д̇з д̇аяаа. звам̣сийлаад̇иаад̣̇ийсу логияалогуд̇д̇аравасзна сийлаад̣̇ийни бужчад̇и. д̇зсам̣ вид̇т̇аарагат̇аа махаабад̣̇аанз гат̇ид̇аава.

гим̣ бана д̇з, саарибуд̇д̇а, яз д̇з бхависсанд̇ийд̇и ад̇ийд̇аа жа д̇аава нируд̣̇д̇хаа, абан̣н̣ад̇д̇игабхаавам̣ г̇ад̇аа д̣̇ийбасикаа вияа ниб̣б̣уд̇аа, звам̣ нируд̣̇д̇хз абан̣н̣ад̇д̇игабхаавам̣ г̇ад̇з д̇вам̣ гат̇ам̣ ж̇ааниссаси, анааг̇ад̇аб̣уд̣̇д̇хаанам̣ бана г̇ун̣аа гинд̇и д̇аяаа ад̇д̇ано жид̇д̇зна барижчинд̣̇ид̇ваа вид̣̇ид̇аад̇и бужчанд̇о звамааха. гим̣ бана д̇з, саарибуд̇д̇а, ахам̣ зд̇арахийд̇и анааг̇ад̇ааби б̣уд̣̇д̇хаа аж̇аад̇аа аниб̣б̣ад̇д̇аа ануббаннаа, д̇зби гат̇ам̣ д̇вам̣ ж̇ааниссаси? д̇зсан̃хи ж̇аананам̣ абад̣̇з аагаасз бад̣̇ад̣̇ассанам̣ вияа ход̇и. ид̣̇аани маяаа сад̣̇д̇хим̣ згавихаарз васаси, згад̇о бхигкааяа жараси, д̇хаммад̣̇зсанаагаалз д̣̇агкин̣абассз нисийд̣̇аси, гим̣ бана маяхам̣ г̇ун̣аа ад̇д̇ано жзд̇асаа барижчинд̣̇ид̇ваа вид̣̇ид̇аа д̇аяаад̇и ануяун̃ж̇анд̇о звамааха.

т̇зро бана бужчид̇з бужчид̇з ‘‘но хзд̇ам̣, бханд̇з’’д̇и бадигкибад̇и. т̇зрасса жа вид̣̇ид̇амби ад̇т̇и авид̣̇ид̇амби ад̇т̇и, гим̣ со ад̇д̇ано вид̣̇ид̇адтаанз бадигкзбам̣ гарод̇и, авид̣̇ид̇адтаанзд̇и? вид̣̇ид̇адтаанз на гарод̇и, авид̣̇ид̇адтаанзязва гарод̇ийд̇и. т̇зро гира ануяог̇з аарад̣̇д̇хзязва ан̃н̃ааси. на аяам̣ ануяог̇о саавагабаарамийн̃аан̣з, саб̣б̣ан̃н̃уд̇ан̃н̃аан̣з аяам̣ ануяог̇од̇и ад̇д̇ано саавагабаарамийн̃аан̣з бадигкзбам̣ агад̇ваа авид̣̇ид̇адтаанз саб̣б̣ан̃н̃уд̇ан̃н̃аан̣з бадигкзбам̣ гарод̇и. д̇зна ид̣̇амби д̣̇ийбзд̇и ‘‘бхаг̇аваа маяхам̣ ад̇ийд̇аанааг̇ад̇абажжуббаннаанам̣ б̣уд̣̇д̇хаанам̣ сийласамаад̇хибан̃н̃аавимуд̇д̇игааран̣аж̇аананасамад̇т̇ам̣ саб̣б̣ан̃н̃уд̇ан̃н̃аан̣ам̣ над̇т̇ий’’д̇и.

зд̇т̇аад̇и зд̇зсу ад̇ийд̇аад̣̇ибхзд̣̇зсу б̣уд̣̇д̇хзсу. ат̇а гин̃жарахийд̇и ат̇а гасмаа звам̣ н̃аан̣з асад̇и д̇аяаа звам̣ гат̇ид̇анд̇и вад̣̇ад̇и.

143. д̇хамманваяод̇и д̇хаммасса бажжагкад̇о н̃аан̣асса ануяог̇ам̣ ануг̇анд̇ваа уббаннам̣ анумаанан̃аан̣ам̣ наяаг̇г̇аахо вид̣̇ид̇о. саавагабаарамийн̃аан̣з тад̇ваава иминаава аагаарзна ж̇аанаами бхаг̇аваад̇и вад̣̇ад̇и. т̇зрасса хи наяаг̇г̇аахо аббамаан̣о абарияанд̇о. яат̇аа саб̣б̣ан̃н̃уд̇ан̃н̃аан̣асса бамаан̣ам̣ ваа барияанд̇о ваа над̇т̇и, звам̣ д̇хаммасзнаабад̇ино наяаг̇г̇аахасса. д̇зна со ‘‘иминаа звам̣вид̇хо, иминаа ануд̇д̇аро сад̇т̇аа’’д̇и ж̇аанаад̇и. т̇зрасса хи наяаг̇г̇аахо саб̣б̣ан̃н̃уд̇ан̃н̃аан̣аг̇ад̇иго зва. ид̣̇аани д̇ам̣ наяаг̇г̇аахам̣ баагадам̣ гаад̇ум̣ убамааяа д̣̇ассзнд̇о сзяяат̇ааби, бханд̇зд̇иаад̣̇имааха. д̇ад̇т̇а яасмаа маж̇жхимабад̣̇зсз наг̇арасса уд̣̇д̇хаабабаагаараад̣̇ийни т̇ираани ваа хонд̇у, д̣̇уб̣б̣алаани ваа, саб̣б̣асо ваа бана маа хонд̇у, жораасан̇гаа на ход̇и, д̇асмаа д̇ам̣ аг̇г̇ахзд̇ваа бажжанд̇иманаг̇аранд̇и ааха. д̣̇ал̣худ̣̇д̇хаабанд̇и т̇ирабаагаарабаад̣̇ам̣. д̣̇ал̣хабаагаарад̇оран̣анд̇и т̇ирабаагааран̃жзва т̇ирабидтасан̇гхаадан̃жа. згад̣̇вааранд̇и гасмаа ааха? б̣ахуд̣̇ваарз хи наг̇арз б̣ахуухи бан̣д̣ид̇ад̣̇овааригзхи бхавид̇аб̣б̣ам̣. згад̣̇ваарз згова ваддад̇и. т̇зрасса жа бан̃н̃ааяа сад̣̇исо ан̃н̃о над̇т̇и. д̇асмаа ад̇д̇ано бан̣д̣ид̇абхаавасса обаммад̇т̇ам̣ згам̣язва д̣̇овааригам̣ д̣̇ассзд̇ум̣ згад̣̇ваара’’нд̇и ааха. бан̣д̣ид̇од̇и бан̣д̣ижжзна саманнааг̇ад̇о. б̣яад̇д̇од̇и взяяад̇д̇иязна саманнааг̇ад̇о висад̣̇ан̃аан̣о. мзд̇хаавийд̇и таануббад̇д̇игабан̃н̃аасан̇каад̇ааяа мзд̇хааяа саманнааг̇ад̇о. анубарияааяабат̇анд̇и анубарияааяанаамагам̣ баагаарамаг̇г̇ам̣. баагаарасанд̇хинд̇и д̣̇виннам̣ идтагаанам̣ абаг̇ад̇адтаанам̣. баагааравиваранд̇и баагаарасса чиннадтаанам̣.

жзд̇асо убаггилзсзд̇и бан̃жа нийваран̣аани жид̇д̇ам̣ убаггилзсзнд̇и гилидтам̣ гаронд̇и убад̇аабзнд̇и виб̣аад̇хзнд̇и, д̇асмаа ‘‘жзд̇асо убаггилзсаа’’д̇и вужжанд̇и. бан̃н̃ааяа д̣̇уб̣б̣алийгаран̣зд̇и нийваран̣аа уббаж̇ж̇амаанаа ануббаннааяа бан̃н̃ааяа уббаж̇ж̇ид̇ум̣ на д̣̇знд̇и, уббаннааяа бан̃н̃ааяа вад̣дхид̇ум̣ на д̣̇знд̇и, д̇асмаа ‘‘бан̃н̃ааяа д̣̇уб̣б̣алийгаран̣аа’’д̇и вужжанд̇и. суббад̇идтид̇ажид̇д̇аад̇и жад̇уусу сад̇ибадтаанзсу судту табид̇ажид̇д̇аа худ̇ваа. сад̇д̇а б̣ож̇жхан̇г̇з яат̇аабхууд̇анд̇и сад̇д̇а б̣ож̇жхан̇г̇з яат̇аасабхаавзна бхаавзд̇ваа. ануд̇д̇арам̣ саммаасамб̣од̇хинд̇и арахад̇д̇ам̣ саб̣б̣ан̃н̃уд̇ан̃н̃аан̣ам̣ ваа бадивиж̇жхим̣сууд̇и д̣̇ассзд̇и.

абижзд̇т̇а сад̇ибадтаанаад̇и вибассанаа. самб̣ож̇жхан̇г̇аа маг̇г̇о. ануд̇д̇араасаммаасамб̣од̇хи арахад̇д̇ам̣. сад̇ибадтаанаад̇и ваа маг̇г̇аад̇и ваа б̣ож̇жхан̇г̇амиссагаа. саммаасамб̣од̇хи арахад̇д̇амзва. д̣̇ийгхабхаан̣агамахаасийвад̇т̇зро банааха ‘‘сад̇ибадтаанз вибассанаад̇и г̇ахзд̇ваа б̣ож̇жхан̇г̇з маг̇г̇о жа саб̣б̣ан̃н̃уд̇ан̃н̃аан̣ан̃жаад̇и г̇ахид̇з сунд̣̇аро бан̃хо бхавзяяа, на банзвам̣ г̇ахид̇а’’нд̇и. ид̇и т̇зро саб̣б̣ан̃н̃уб̣уд̣̇д̇хаанам̣ нийваран̣аббахаанз сад̇ибадтаанабхааванааяа самб̣од̇хияан̃жа маж̇жхз бхиннасуван̣н̣араж̇ад̇аанам̣ вияа наанад̇д̇аабхаавам̣ д̣̇ассзд̇и.

ид̇ха тад̇ваа убамаа сам̣санд̣̇зд̇аб̣б̣аа – ааяасмаа хи саарибуд̇д̇о бажжанд̇анаг̇арам̣ д̣̇ассзси, баагаарам̣ д̣̇ассзси, барияааяабат̇ам̣ д̣̇ассзси, д̣̇ваарам̣ д̣̇ассзси, бан̣д̣ид̇ад̣̇овааригам̣ д̣̇ассзси, наг̇арам̣ бавзсанаганигкаманагз ол̣ааригз баан̣з д̣̇ассзси, бан̣д̣ид̇ад̣̇овааригасса д̇зсам̣ баан̣аанам̣ баагадабхааван̃жа д̣̇ассзси. д̇ад̇т̇а гим̣ гзна сад̣̇исанд̇и жз. наг̇арам̣ вияа хи ниб̣б̣аанам̣, баагааро вияа сийлам̣, барияааяабат̇о вияа хирий, д̣̇ваарам̣ вияа арияамаг̇г̇о, бан̣д̣ид̇ад̣̇оваариго вияа д̇хаммасзнаабад̇и, наг̇араббависанаганигкаманагаол̣ааригабаан̣аа вияа ад̇ийд̇аанааг̇ад̇абажжуббаннаа б̣уд̣̇д̇хаа, д̣̇овааригасса д̇зсам̣ баан̣аанам̣ баагадабхааво вияа ааяасмад̇о саарибуд̇д̇асса ад̇ийд̇аанааг̇ад̇абажжуббаннаб̣уд̣̇д̇хаанам̣ сийласамат̇аад̣̇ийхи баагадабхааво. зд̇д̇аавад̇аа т̇зрзна бхаг̇аваа звамахам̣ саавагабаарамийн̃аан̣з тад̇ваа д̇хамманваязна наяаг̇г̇аахзна ж̇аанаамийд̇и ад̇д̇ано сийханаад̣̇асса ануяог̇о д̣̇инно ход̇и.

144. ид̇хаахам̣, бханд̇з, язна бхаг̇аваад̇и имам̣ д̣̇зсанам̣ гасмаа аарабхи ? саавагабаарамийн̃аан̣асса нибпад̇д̇ид̣̇ассанад̇т̇ам̣. аяан̃хзд̇т̇а ад̇хиббааяо, бхаг̇аваа ахам̣ саавагабаарамийн̃аан̣ам̣ бадилабханд̇о бан̃жанавуд̇ибаасан̣д̣з на ан̃н̃ам̣ згамби саман̣ам̣ ваа б̣раахман̣ам̣ ваа убасан̇гамид̇ваа саавагабаарамийн̃аан̣амби бадилабхим̣, д̇умхзязва убасан̇гамид̇ваа д̇умхз баяирубаасанд̇о бадилабхинд̇и. д̇ад̇т̇а ид̇хаад̇и нибаад̇амад̇д̇ам̣. убасан̇гамим̣ д̇хаммасаванааяаад̇и д̇умхз убасан̇гаманд̇о банаахам̣ на жийвараад̣̇ихзд̇у убасан̇гаманд̇о, д̇хаммасаванад̇т̇ааяа убасан̇гаманд̇о. звам̣ убасан̇гамид̇ваа саавагабаарамийн̃аан̣ам̣ бадилабхим̣. гад̣̇аа бана т̇зро д̇хаммасаванад̇т̇ааяа убасан̇гаманд̇од̇и. суугаракад̇алзн̣з бхааг̇инзяяад̣̇ийгханакабариб̣б̣ааж̇агасса взд̣̇анаабариг̇г̇ахасуд̇д̇анд̇агат̇анад̣̇ивасз (ма. ни. 2.205) убасан̇гаманд̇о, д̇ад̣̇ааязва саавагабаарамийн̃аан̣ам̣ бадилабхийд̇и. д̇ам̣д̣̇ивасан̃хи т̇зро д̇аалаван̣дам̣ г̇ахзд̇ваа бхаг̇аванд̇ам̣ б̣ийж̇амаано тид̇о д̇ам̣ д̣̇зсанам̣ суд̇ваа д̇ад̇т̇зва саавагабаарамийн̃аан̣ам̣ хад̇т̇аг̇ад̇ам̣ агааси. уд̇д̇аруд̇д̇арам̣ бан̣ийд̇абан̣ийд̇анд̇и уд̇д̇аруд̇д̇аран̃жзва бан̣ийд̇абан̣ийд̇ан̃жа гад̇ваа д̣̇зсзси. ган̣хасуггасаббадибхааг̇анд̇и ган̣хан̃жзва сугган̃жа. д̇ан̃жа ко саббадибхааг̇ам̣ савибагкам̣ гад̇ваа. ган̣хам̣ бадиб̣аахид̇ваа суггам̣, суггам̣ бадиб̣аахид̇ваа ган̣ханд̇и звам̣ саббадибхааг̇ам̣ гад̇ваа ган̣хасуггам̣ д̣̇зсзси, ган̣хам̣ д̣̇зсзнд̇оби жа сауссаахам̣ савибаагам̣ д̣̇зсзси, суггам̣ д̣̇зсзнд̇оби сауссаахам̣ савибаагам̣ д̣̇зсзси.

д̇асмим̣ д̇хаммз абхин̃н̃аа ид̇хзгажжам̣ д̇хаммам̣ д̇хаммзсу нидтамаг̇аманд̇и д̇асмим̣ д̣̇зсид̇з д̇хаммз згажжам̣ д̇хаммам̣ наама саавагабаарамийн̃аан̣ам̣ сан̃ж̇аанид̇ваа д̇хаммзсу нидтамаг̇амам̣. гад̇амзсу д̇хаммзсууд̇и? жад̇усажжад̇хаммзсу. зд̇т̇ааяам̣ т̇зрасаллаабо, гаал̣аваллаваасий сумад̇т̇зро д̇аава вад̣̇ад̇и ‘‘жад̇усажжад̇хаммзсу ид̣̇аани нидтаг̇аманагааран̣ам̣ над̇т̇и. ассаж̇имахаасаавагасса хи д̣̇идтад̣̇ивасзязва со батамамаг̇г̇зна жад̇усажжад̇хаммзсу нидтам̣ г̇ад̇о, абарабхааг̇з суугаракад̇алзн̣ад̣̇ваарз убари д̇ийхи маг̇г̇зхи жад̇усажжад̇хаммзсу нидтам̣ г̇ад̇о, имасмим̣ бана таанз ‘д̇хаммзсуу’д̇и б̣уд̣̇д̇хаг̇ун̣зсу нидтам̣ г̇ад̇о’’д̇и. логанд̇араваасий жуул̣асийвад̇т̇зро бана ‘‘саб̣б̣ам̣ д̇ат̇зва вад̇ваа имасмим̣ бана таанз ‘д̇хаммзсуу’д̇и арахад̇д̇з нидтам̣ г̇ад̇о’’д̇и ааха. д̣̇ийгхабхаан̣агад̇ибидагамахаасийвад̇т̇зро бана ‘‘д̇ат̇зва буримаваад̣̇ам̣ вад̇ваа имасмим̣ бана таанз ‘д̇хаммзсуу’д̇и саавагабаарамийн̃аан̣з нидтам̣ г̇ад̇о’’д̇и вад̇ваа ‘‘б̣уд̣̇д̇хаг̇ун̣аа бана наяад̇о ааг̇ад̇аа’’д̇и ааха.

сад̇т̇ари басийд̣̇инд̇и звам̣ саавагабаарамийн̃аан̣ад̇хаммзсу нидтам̣ г̇анд̇ваа бхияяосомад̇д̇ааяа ‘‘саммаасамб̣уд̣̇д̇хо вад̇а со бхаг̇аваа’’д̇и сад̇т̇ари басийд̣̇им̣. сваагкаад̇о бхаг̇авад̇аа д̇хаммод̇и судту агкаад̇о сугат̇ид̇о нияяааниго маг̇г̇о палад̇т̇ааяа нияяаад̇и рааг̇ад̣̇осамоханиммад̣̇анасамад̇т̇о.

суббадибанно сан̇гход̇и б̣уд̣̇д̇хасса бхаг̇авад̇о саавагасан̇гхоби ван̇гаад̣̇ид̣̇осавирахид̇ам̣ саммаабадибад̣̇ам̣ бадибаннад̇д̇аа суббадибаннод̇и басанномхи бхаг̇авад̇ийд̇и д̣̇ассзд̇и.

гусалад̇хаммад̣̇зсанааван̣н̣анаа

145. ид̣̇аани д̣̇иваадтаанз нисийд̣̇ид̇ваа самаабаж̇ж̇ид̇з сол̣аса абараабарияад̇хаммз д̣̇ассзд̇ум̣ абарам̣ бана бханд̇з зд̇ад̣̇аануд̇д̇арияанд̇и д̣̇зсанам̣ аарабхи. д̇ад̇т̇а ануд̇д̇арияанд̇и ануд̇д̇арабхааво. яат̇аа бхаг̇аваа д̇хаммам̣ д̣̇зсзд̇ийд̇и яат̇аа язнаагаарзна яааяа д̣̇зсанааяа бхаг̇аваа д̇хаммам̣ д̣̇зсзд̇и, саа д̇умхаагам̣ д̣̇зсанаа ануд̇д̇араад̇и вад̣̇ад̇и. гусалзсу д̇хаммзсууд̇и д̇ааяа д̣̇зсанааяа д̣̇зсид̇зсу гусалзсу д̇хаммзсуби бхаг̇аваава ануд̇д̇арод̇и д̣̇ийбзд̇и. яаа ваа саа д̣̇зсанаа, д̇ассаа бхуумим̣ д̣̇ассзнд̇оби ‘‘гусалзсу д̇хаммзсуу’’д̇и ааха. д̇ад̇римз гусалаа д̇хаммаад̇и д̇ад̇ра гусалзсу д̇хаммзсууд̇и вуд̇д̇абад̣̇з имз гусалаа д̇хаммаа наамаад̇и взд̣̇ид̇аб̣б̣аа. д̇ад̇т̇а аарог̇яадтзна, анаваж̇ж̇адтзна, госалласамбхууд̇адтзна, нид̣̇д̣̇арат̇адтзна, сукавибаагадтзнаад̇и бан̃жад̇хаа гусалам̣ взд̣̇ид̇аб̣б̣ам̣. д̇зсу ж̇аад̇агабарияааяам̣ бад̇ваа аарог̇яадтзна гусалам̣ ваддад̇и. суд̇д̇анд̇абарияааяам̣ бад̇ваа анаваж̇ж̇адтзна. абхид̇хаммабарияааяам̣ бад̇ваа госалласамбхууд̇анид̣̇д̣̇арат̇асукавибаагадтзна. имасмим̣ бана таанз б̣аахид̇игасуд̇д̇анд̇абарияааязна (ма. ни. 2.358) анаваж̇ж̇адтзна гусалам̣ д̣̇адтаб̣б̣ам̣.

жад̇д̇ааро сад̇ибадтаанаад̇и жуд̣̇д̣̇асавид̇хзна гааяаанубассанаасад̇ибадтаанам̣, нававид̇хзна взд̣̇анаанубассанаасад̇ибадтаанам̣ , сол̣асавид̇хзна жид̇д̇аанубассанаасад̇ибадтаанам̣, бан̃жавид̇хзна д̇хаммаанубассанаасад̇ибадтаананд̇и звам̣ наанаанаязхи вибхаж̇ид̇ваа самат̇авибассанаамаг̇г̇авасзна логияалогуд̇д̇арамиссагаа жад̇д̇ааро сад̇ибадтаанаа д̣̇зсид̇аа. паласад̇ибадтаанам̣ бана ид̇ха анад̇хиббзд̇ам̣. жад̇д̇ааро саммаббад̇хаанаад̇и баг̇г̇ахадтзна згалагкан̣аа, гижжавасзна наанаагижжаа. ‘‘ид̇ха бхигку ануббаннаанам̣ баабагаанам̣ агусалаанам̣ д̇хаммаанам̣ ануббаад̣̇ааяаа’’д̇иаад̣̇инаа наязна самат̇авибассанаамаг̇г̇авасзна логияалогуд̇д̇арамиссагаава жад̇д̇ааро саммаббад̇хаанаа д̣̇зсид̇аа. жад̇д̇ааро ид̣̇д̇хибаад̣̇аад̇и иж̇жханадтзна згасан̇г̇ахаа, чанд̣̇аад̣̇ивасзна наанаасабхааваа. ‘‘ид̇ха бхигку чанд̣̇асамаад̇хибад̇хаанасан̇каарасаманнааг̇ад̇ам̣ ид̣̇д̇хибаад̣̇ам̣ бхаавзд̇ий’’д̇иаад̣̇инаа наязна самат̇авибассанаамаг̇г̇авасзна логияалогуд̇д̇арамиссагаава жад̇д̇ааро ид̣̇д̇хибаад̣̇аа д̣̇зсид̇аа.

бан̃жинд̣̇рияаанийд̇и аад̇хибад̇зяяадтзна згалагкан̣аани, ад̇химогкаад̣̇исабхаававасзна наанаасабхааваани. самат̇авибассанаамаг̇г̇авасзнзва жа логияалогуд̇д̇арамиссагаани сад̣̇д̇хаад̣̇ийни бан̃жинд̣̇рияаани д̣̇зсид̇аани. бан̃жа б̣алаанийд̇и убад̇т̇амбханадтзна агамбияадтзна ваа згасан̇г̇ахаани, салагкан̣зна наанаасабхааваани . самат̇авибассанаамаг̇г̇авасзнзва логияалогуд̇д̇арамиссагаани сад̣̇д̇хаад̣̇ийни бан̃жа б̣алаани д̣̇зсид̇аани. сад̇д̇а б̣ож̇жхан̇г̇аад̇и нияяаанадтзна згасан̇г̇ахаа, убадтаанаад̣̇инаа салагкан̣зна наанаасабхааваа. самат̇авибассанаа маг̇г̇авасзнзва логияалогуд̇д̇арамиссагаа сад̇д̇а б̣ож̇жхан̇г̇аа д̣̇зсид̇аа.

арияо адтан̇г̇иго маг̇г̇од̇и хзд̇удтзна згасан̇г̇ахо, д̣̇ассанаад̣̇инаа салагкан̣зна наанаасабхааво. самат̇авибассанаамаг̇г̇авасзнзва логияалогуд̇д̇арамиссаго арияо адтан̇г̇иго маг̇г̇о д̣̇зсид̇од̇и ад̇т̇о.

ид̇ха, бханд̇з, бхигку аасаваанам̣ каяаад̇и ид̣̇ам̣ гимад̇т̇ам̣ аарад̣̇д̇хам̣? саасанасса барияосаанад̣̇ассанад̇т̇ам̣. саасанасса хи на гзвалам̣ маг̇г̇знзва барияосаанам̣ ход̇и, арахад̇д̇апалзна бана ход̇и. д̇асмаа д̇ам̣ д̣̇ассзд̇ум̣ ид̣̇амаарад̣̇д̇ханд̇и взд̣̇ид̇аб̣б̣ам̣. зд̇ад̣̇аануд̇д̇арияам̣, бханд̇з, гусалзсу д̇хаммзсууд̇и бханд̇з яаа аяам̣ гусалзсу д̇хаммзсу звам̣д̣̇зсанаа, зд̇ад̣̇аануд̇д̇арияам̣. д̇ам̣ бхаг̇аваад̇и д̇ам̣ д̣̇зсанам̣ бхаг̇аваа асзсам̣ сагалам̣ абхиж̇аанаад̇и. д̇ам̣ бхаг̇авад̇од̇и д̇ам̣ д̣̇зсанам̣ бхаг̇авад̇о асзсам̣ абхиж̇аанад̇о. уд̇д̇ари абхин̃н̃зяяам̣ над̇т̇ийд̇и д̇ад̣̇уд̇д̇ари абхиж̇аанид̇аб̣б̣ам̣ над̇т̇и, аяам̣ наама ид̇о ан̃н̃о д̇хаммо ваа буг̇г̇ало ваа яам̣ бхаг̇аваа на ж̇аанаад̇ийд̇и ид̣̇ам̣ над̇т̇и. яад̣̇абхиж̇аанам̣ ан̃н̃о саман̣о ваад̇и яам̣ д̇умхзхи анабхин̃н̃аад̇ам̣, д̇ам̣ ан̃н̃о саман̣о ваа б̣раахман̣о ваа абхиж̇аананд̇о бхаг̇авад̇аа бхияяобхин̃н̃ад̇аро асса, ад̇хигад̇арабан̃н̃о бхавзяяа. яад̣̇ид̣̇ам̣ гусалзсу д̇хаммзсууд̇и зд̇т̇а яад̣̇ид̣̇анд̇и нибаад̇амад̇д̇ам̣, гусалзсу д̇хаммзсу бхаг̇авад̇аа уд̇д̇арид̇аро над̇т̇ийд̇и аяамзд̇т̇ад̇т̇о. ид̇и бхаг̇аваава гусалзсу д̇хаммзсу ануд̇д̇арод̇и д̣̇ассзнд̇о ‘‘иминааби гааран̣зна звам̣басанно ахам̣, бханд̇з, бхаг̇авад̇ий’’д̇и д̣̇ийбзд̇и. ид̇о барзсу абарам̣ банаад̇иаад̣̇ийсу висзсамад̇д̇амзва ван̣н̣аяиссаама. буримаваарасад̣̇исам̣ бана вуд̇д̇анаязнзва взд̣̇ид̇аб̣б̣ам̣.

ааяад̇анабан̣н̣ад̇д̇ид̣̇зсанааван̣н̣анаа

146. ааяад̇анабан̣н̣ад̇д̇ийсууд̇и ааяад̇анабан̃н̃аабанаасу. ид̣̇аани д̇аа ааяад̇анабан̃н̃ад̇д̇ияо д̣̇ассзнд̇о чаяимаани, бханд̇зд̇иаад̣̇имааха. ааяад̇анагат̇аа банзсаа висуд̣̇д̇химаг̇г̇з вид̇т̇аарзна гат̇ид̇аа, д̇зна на д̇ам̣ вид̇т̇аараяиссаама, д̇асмаа д̇ад̇т̇а вуд̇д̇анаязнзва саа вид̇т̇аарад̇о взд̣̇ид̇аб̣б̣аа.

зд̇ад̣̇аануд̇д̇арияам̣ , бханд̇з, ааяад̇анабан̣н̣ад̇д̇ийсууд̇и яааяам̣ ааяад̇анабан̣н̣ад̇д̇ийсу аж̇жхад̇д̇игаб̣аахирававад̇т̇аанаад̣̇ивасзна звам̣ д̣̇зсанаа, зд̇ад̣̇аануд̇д̇арияам̣. сзсам̣ вуд̇д̇анаяамзва.

г̇аб̣бхаавагганд̇ид̣̇зсанааван̣н̣анаа

147. г̇аб̣бхаавагганд̇ийсууд̇и г̇аб̣бхоггаманзсу. д̇аа г̇аб̣бхаавагганд̇ияо д̣̇ассзнд̇о жад̇ассо имаа, бханд̇зд̇иаад̣̇имааха. д̇ад̇т̇а асамбаж̇аанод̇и аж̇аананд̇о саммуул̣хо худ̇ваа. маад̇угужчим̣ оггамад̇ийд̇и бадисанд̇хивасзна бависад̇и. таад̇ийд̇и васад̇и. нигкамад̇ийд̇и нигкаманд̇оби асамбаж̇аано саммуул̣хова нигкамад̇и. аяам̣ батамаад̇и аяам̣ багад̇илогияамануссаанам̣ батамаа г̇аб̣бхаавагганд̇и.

самбаж̇аано маад̇угужчим̣ оггамад̇ийд̇и оггаманд̇о самбаж̇аано асаммуул̣хо худ̇ваа оггамад̇и.

аяам̣ д̣̇уд̇ияаад̇и аяам̣ асийд̇имахаат̇зраанам̣ саавагаанам̣ д̣̇уд̇ияаа г̇аб̣бхаавагганд̇и. д̇з хи бависанд̇аава ж̇аананд̇и, васанд̇аа жа нигкаманд̇аа жа на ж̇аананд̇и.

аяам̣ д̇ад̇ияаад̇и аяам̣ д̣̇виннан̃жа аг̇г̇асаавагаанам̣ бажжзгаб̣од̇хисад̇д̇аанан̃жа д̇ад̇ияаа г̇аб̣бхаавагганд̇и. д̇з гира гаммаж̇зхи ваад̇зхи ад̇хосираа уд̣̇д̇хам̣баад̣̇аа анзгасад̇аборисз бабаад̇з вияа яонимукз кид̇д̇аа д̇аал̣ажчиг̇г̇ал̣зна хад̇т̇ий вияа самб̣аад̇хзна яонимукзна нигкамамаанаа ананд̇ам̣ д̣̇угкам̣ баабун̣анд̇и. д̇зна нзсам̣ ‘‘маяам̣ нигкамамхаа’’д̇и самбаж̇аанад̇аа на ход̇и. звам̣ буурид̇абаарамийнамби жа сад̇д̇аанам̣ зваруубз таанз маханд̇ам̣ д̣̇угкам̣ уббаж̇ж̇ад̇ийд̇и аламзва г̇аб̣бхааваасз ниб̣б̣инд̣̇ид̇ум̣ алам̣ вираж̇ж̇ид̇ум̣.

аяам̣ жад̇уд̇т̇аад̇и аяам̣ саб̣б̣ан̃н̃уб̣од̇хисад̇д̇аанам̣ васзна жад̇уд̇т̇аа г̇аб̣бхаавагганд̇и. саб̣б̣ан̃н̃уб̣од̇хисад̇д̇аа хи маад̇угужчисмим̣ бадисанд̇хим̣ г̇ан̣ханд̇ааби ж̇аананд̇и, д̇ад̇т̇а васанд̇ааби ж̇аананд̇и, нигкаманд̇ааби ж̇аананд̇и, нигкаманагаалзби жа д̇з гаммаж̇аваад̇аа уд̣̇д̇хам̣баад̣̇з ад̇хосирз гад̇ваа кибид̇ум̣ на саггонд̇и, д̣̇вз хад̇т̇з басаарзд̇ваа агкийни уммийлзд̇ваа тид̇агаава нигкаманд̇и. бхаваг̇г̇ам̣ убаад̣̇ааяа авийжианд̇арз ан̃н̃о д̇ийсу гаалзсу самбаж̇аано наама над̇т̇и табзд̇ваа саб̣б̣ан̃н̃уб̣од̇хисад̇д̇з. д̇знзва нзсам̣ маад̇угужчим̣ оггаманагаалз жа нигкаманагаалз жа д̣̇асасахассилогад̇хаад̇у гамбад̇ийд̇и. сзсамзд̇т̇а вуд̇д̇анаязнзва взд̣̇ид̇аб̣б̣ам̣.

аад̣̇зсанавид̇хаад̣̇зсанааван̣н̣анаа

148. аад̣̇зсанавид̇хаасууд̇и аад̣̇зсанагодтаасзсу. ид̣̇аани д̇аа аад̣̇зсанавид̇хаа д̣̇ассзнд̇о жад̇ассо имаад̇иаад̣̇имааха. нимид̇д̇зна аад̣̇исад̇ийд̇и ааг̇ад̇анимид̇д̇зна г̇ад̇анимид̇д̇зна тид̇анимид̇д̇зна ваа ид̣̇ам̣ наама бхависсад̇ийд̇и гат̇зд̇и.

д̇ад̇рид̣̇ам̣ вад̇т̇у – зго рааж̇аа д̇иссо муд̇д̇аа г̇ахзд̇ваа бурохид̇ам̣ бужчи ‘‘гим̣ мз, аажарияа, хад̇т̇з’’д̇и? со ид̇о жид̇о жа ологзси. д̇зна жа самаязна згаа сараб̣уу ‘‘магкигам̣ г̇ахзссаамий’’д̇и багканд̣̇и, г̇ахан̣агаалз магкигаа балаад̇аа, со магкигааяа муд̇д̇ад̇д̇аа ‘‘муд̇д̇аа махаарааж̇аа’’д̇и ааха. муд̇д̇аа д̇аава ход̇у, гад̇и муд̇д̇аад̇и? со буна нимид̇д̇ам̣ ологзси. ат̇а авид̣̇уурз гуггудо д̇игкад̇д̇ум̣ сад̣̇д̣̇ам̣ нижчаарзси. б̣раахман̣о ‘‘д̇иссо махаарааж̇аа’’д̇и ааха. звам̣ згажжо ааг̇ад̇анимид̇д̇зна гат̇зд̇и. зд̇знубааязна г̇ад̇атид̇ани мид̇д̇зхиби гат̇анам̣ взд̣̇ид̇аб̣б̣ам̣.

амануссаананд̇и яагкабисаажаад̣̇ийнам̣. д̣̇звад̇аананд̇и жаад̇умахаарааж̇игаад̣̇ийнам̣. сад̣̇д̣̇ам̣ суд̇ваад̇и ан̃н̃асса жид̇д̇ам̣ н̃ад̇ваа гат̇знд̇аанам̣ сад̣̇д̣̇ам̣ суд̇ваа. вид̇аггавибпаарасад̣̇д̣̇анд̇и вид̇аггавибпааравасзна уббаннам̣ виббалабанд̇аанам̣ суд̇д̇абамад̇д̇аад̣̇ийнам̣ сад̣̇д̣̇ам̣. суд̇ваад̇и д̇ам̣ сад̣̇д̣̇ам̣ суд̇ваа. яам̣ вид̇аггаяад̇о д̇асса со сад̣̇д̣̇о уббанно, д̇асса васзна ‘‘звамби д̇з мано’’д̇и аад̣̇исад̇и. маносан̇каараа бан̣ихид̇аад̇и жид̇д̇асан̇каараа судтабид̇аа. вид̇аггзссад̇ийд̇и вид̇аггаяиссад̇и бавад̇д̇зссад̇ийд̇и баж̇аанаад̇и. ж̇аананд̇о жа ааг̇аманзна ж̇аанаад̇и, буб̣б̣абхааг̇зна ж̇аанаад̇и, анд̇осамаабад̇д̇ияам̣ жид̇д̇ам̣ ологзд̇ваа ж̇аанаад̇и. ааг̇аманзна ж̇аанаад̇и наама гасин̣абаригаммагаалзязва язнаагаарзна зса гасин̣абхааванам̣ аарад̣̇д̇хо батамаж̇жхаанам̣ ваа…бз… жад̇уд̇т̇аж̇жхаанам̣ ваа адтасамаабад̇д̇ияо ваа ниб̣б̣ад̇д̇зссад̇ийд̇и ж̇аанаад̇и. буб̣б̣абхааг̇зна ж̇аанаад̇и наама самат̇авибассанааяа аарад̣̇д̇хааязва ж̇аанаад̇и, язнаагаарзна зса вибассанам̣ аарад̣̇д̇хо сод̇аабад̇д̇имаг̇г̇ам̣ ваа ниб̣б̣ад̇д̇зссад̇и, сагад̣̇ааг̇аамимаг̇г̇ам̣ ваа ниб̣б̣ад̇д̇зссад̇и, анааг̇аамимаг̇г̇ам̣ ваа ниб̣б̣ад̇д̇зссад̇и, арахад̇д̇амаг̇г̇ам̣ ваа ниб̣б̣ад̇д̇зссад̇ийд̇и ж̇аанаад̇и. анд̇осамаабад̇д̇ияам̣ жид̇д̇ам̣ ологзд̇ваа ж̇аанаад̇и наама язнаагаарзна имасса маносан̇каараа судтабид̇аа, имасса наама жид̇д̇асса ананд̇араа имам̣ наама вид̇аггам̣ вид̇аггзссад̇и. ид̇о вудтид̇асса зд̇асса хаанабхааг̇ияо ваа самаад̇хи бхависсад̇и, тид̇ибхааг̇ияо ваа висзсабхааг̇ияо ваа ниб̣б̣зд̇хабхааг̇ияо ваа абхин̃н̃ааяо ваа ниб̣б̣ад̇д̇зссад̇ийд̇и ж̇аанаад̇и.

д̇ад̇т̇а бут̇уж̇ж̇ано жзд̇обарияан̃аан̣алаабхий бут̇уж̇ж̇анаанам̣язва жид̇д̇ам̣ ж̇аанаад̇и, на арияаанам̣. ариязсуби хздтимо хздтимо убаримасса убаримасса жид̇д̇ам̣ на ж̇аанаад̇и, убаримо бана хздтимасса ж̇аанаад̇и. зд̇зсу жа сод̇аабанно сод̇аабад̇д̇ипаласамаабад̇д̇им̣ самаабаж̇ж̇ад̇и. сагад̣̇ааг̇аамий, анааг̇аамий, арахаа, арахад̇д̇апаласамаабад̇д̇им̣ самаабаж̇ж̇ад̇и. убаримо хздтимам̣ на самаабаж̇ж̇ад̇и. д̇зсан̃хи хздтимаа хздтимаа самаабад̇д̇и д̇ад̇рубабад̇д̇иязва ход̇и. д̇ат̇зва д̇ам̣ ход̇ийд̇и ид̣̇ам̣ згам̣сзна д̇ат̇зва ход̇и. жзд̇обарияан̃аан̣авасзна н̃аад̇ан̃хи ан̃н̃ат̇аабхаавий наама над̇т̇и. сзсам̣ буриманаязнзва яож̇зд̇аб̣б̣ам̣.

д̣̇ассанасамаабад̇д̇ид̣̇зсанааван̣н̣анаа

149. аад̇аббаманвааяаад̇иаад̣̇и б̣рахмаж̇аалз вид̇т̇аарид̇амзва. аяам̣ банзд̇т̇а сан̇кзбо, аад̇аббанд̇и вийрияам̣. д̇ад̣̇зва бад̣̇ахид̇аб̣б̣ад̇о бад̇хаанам̣. ануяун̃ж̇ид̇аб̣б̣ад̇о ануяог̇о. аббамаад̣̇анд̇и сад̇иавиббаваасам̣. саммааманасигааранд̇и анижжз анижжанд̇иаад̣̇ивасзна бавад̇д̇ам̣ убааяаманасигаарам̣. жзд̇осамаад̇хинд̇и батамаж̇жхаанасамаад̇хим̣. аяам̣ батамаа д̣̇ассанасамаабад̇д̇ийд̇и аяам̣ д̣̇вад̇д̇им̣ саагаарам̣ бадигуулад̇о манасигад̇ваа бадигуулад̣̇ассанавасзна уббаад̣̇ид̇аа батамаж̇жхаанасамаабад̇д̇и батамаа д̣̇ассанасамаабад̇д̇и наама, сажз бана д̇ам̣ жхаанам̣ баад̣̇агам̣ гад̇ваа сод̇аабанно ход̇и, аяам̣ ниббарияааязнзва батамаа д̣̇ассанасамаабад̇д̇и.

ад̇иггамма жаад̇и ад̇иггамид̇ваа жа. чавимам̣салохид̇анд̇и чавин̃жа мам̣сан̃жа лохид̇ан̃жа. адтим̣ бажжавзгкад̇ийд̇и адти адтийд̇и бажжавзгкад̇и. адти адтийд̇и бажжавзгкид̇ваа уббаад̣̇ид̇аа адтиаарамман̣аа д̣̇иб̣б̣ажагкубаад̣̇агаж̇жхаанасамаабад̇д̇и д̣̇уд̇ияаа д̣̇ассанасамаабад̇д̇и наама. сажз бана д̇ам̣ жхаанам̣ баад̣̇агам̣ гад̇ваа сагад̣̇ааг̇аамимаг̇г̇ам̣ ниб̣б̣ад̇д̇зд̇и. аяам̣ ниббарияааязна д̣̇уд̇ияаа д̣̇ассанасамаабад̇д̇и. гаал̣аваллаваасий сумад̇т̇зро бана ‘‘яаава д̇ад̇ияамаг̇г̇аа ваддад̇ий’’д̇и ааха.

вин̃н̃аан̣асод̇анд̇и вин̃н̃аан̣амзва. убхаяад̇о аб̣б̣ожчиннанд̇и д̣̇вийхиби бхааг̇зхи ажчиннам̣. ид̇ха логз бад̇идтид̇ан̃жаад̇и чанд̣̇арааг̇авасзна имасмин̃жа логз бад̇идтид̇ам̣. д̣̇уд̇ияабад̣̇зби зсзва наяо. гаммам̣ ваа гаммад̇о убаг̇ажчанд̇ам̣ ид̇ха логз бад̇идтид̇ам̣ наама. гаммабхавам̣ аагад̣дханд̇ам̣ баралогз бад̇идтид̇ам̣ наама. иминаа гим̣ гат̇ид̇ам̣? сзгкабут̇уж̇ж̇анаанам̣ жзд̇обарияан̃аан̣ам̣ гат̇ид̇ам̣. сзгкабут̇уж̇ж̇анаанан̃хи жзд̇обарияан̃аан̣ам̣ д̇ад̇ияаа д̣̇ассанасамаабад̇д̇и наама.

ид̇ха логз аббад̇идтид̇ан̃жаад̇и нижчанд̣̇арааг̇ад̇д̇аа ид̇халогз жа аббад̇идтид̇ам̣. д̣̇уд̇ияабад̣̇зби зсзва наяо. гаммам̣ ваа гаммад̇о на убаг̇ажчанд̇ам̣ ид̇ха логз аббад̇идтид̇ам̣ наама. гаммабхавам̣ анаагад̣дханд̇ам̣ баралогз аббад̇идтид̇ам̣ наама. иминаа гим̣ гат̇ид̇ам̣? кийн̣аасавасса жзд̇обарияан̃аан̣ам̣ гат̇ид̇ам̣. кийн̣аасавасса хи жзд̇обарияан̃аан̣ам̣ жад̇уд̇т̇аа д̣̇ассанасамаабад̇д̇и наама.

абижа д̣̇вад̇д̇им̣саагаарз аарад̣̇д̇хавибассанааби батамаа д̣̇ассанасамаабад̇д̇и. адтиаарамман̣з аарад̣̇д̇хавибассанаа д̣̇уд̇ияаа д̣̇ассанасамаабад̇д̇и. сзгкабут̇уж̇ж̇анаанам̣ жзд̇обарияан̃аан̣ам̣ кийн̣аасавасса жзд̇обарияан̃аан̣анд̇и ид̣̇ам̣ бад̣̇ад̣̇ваяам̣ нижжаламзва. абаро наяо батамаж̇жхаанам̣ батамаа д̣̇ассанасамаабад̇д̇и . д̣̇уд̇ияаж̇жхаанам̣ д̣̇уд̇ияаа. д̇ад̇ияаж̇жхаанам̣ д̇ад̇ияаа. жад̇уд̇т̇аж̇жхаанам̣ жад̇уд̇т̇аа д̣̇ассанасамаабад̇д̇и. д̇ат̇аа батамамаг̇г̇о батамаа д̣̇ассанасамаабад̇д̇и. д̣̇уд̇ияамаг̇г̇о д̣̇уд̇ияаа. д̇ад̇ияамаг̇г̇о д̇ад̇ияаа. жад̇уд̇т̇амаг̇г̇о жад̇уд̇т̇аа д̣̇ассанасамаабад̇д̇ийд̇и. сзсамзд̇т̇а буриманаязнзва яож̇зд̇аб̣б̣ам̣.

буг̇г̇алабан̣н̣ад̇д̇ид̣̇зсанааван̣н̣анаа

150. буг̇г̇алабан̣н̣ад̇д̇ийсууд̇и логавохааравасзна ‘‘сад̇д̇о буг̇г̇ало наро босо’’д̇и звам̣ бан̃н̃аабзд̇аб̣б̣аасу логабан̃н̃ад̇д̇ийсу. б̣уд̣̇д̇хаанан̃хи д̣̇вз гат̇аа саммуд̇игат̇аа, барамад̇т̇агат̇аад̇и бодтабаад̣̇асуд̇д̇з (д̣̇ий. ни. адта. 1.439-443) вид̇т̇аарид̇аа.

д̇ад̇т̇а буг̇г̇алабан̣н̣ад̇д̇ийсууд̇и аяам̣ саммуд̇игат̇аа. ид̣̇аани яз буг̇г̇алз бан̃н̃абзнд̇о буг̇г̇алабан̣н̣ад̇д̇ийсу бхаг̇аваа ануд̇д̇аро ход̇и, д̇з д̣̇ассзнд̇о сад̇д̇имз бханд̇з буг̇г̇алаа. убхад̇обхааг̇авимуд̇д̇од̇иаад̣̇имааха. д̇ад̇т̇а убхад̇обхааг̇авимуд̇д̇од̇и д̣̇вийхи бхааг̇зхи вимуд̇д̇о, аруубасамаабад̇д̇ияаа руубагааяад̇о вимуд̇д̇о, маг̇г̇зна наамагааяад̇о. со жад̇уннам̣ аруубасамаабад̇д̇ийнам̣ згзгад̇о вудтааяа сан̇каарз саммасид̇ваа арахад̇д̇аббад̇д̇аанам̣, жад̇уннам̣, нирод̇хаа вудтааяа арахад̇д̇аббад̇д̇аанааг̇аамино жа васзна бан̃жавид̇хо ход̇и.

баал̣и банзд̇т̇а ‘‘гад̇амо жа буг̇г̇ало убхад̇обхааг̇авимуд̇д̇о? ид̇хзгажжо буг̇г̇ало адтавимогкз гааязна пусид̇ваа вихарад̇и, бан̃н̃ааяа жасса д̣̇исваа аасаваа баригкийн̣аа хонд̇ий’’д̇и (д̇хаад̇у. 24) звам̣ адтавимогкалаабхино васзна ааг̇ад̇аа. бан̃н̃ааяа вимуд̇д̇од̇и бан̃н̃аавимуд̇д̇о. со сугкавибассаго жа, жад̇уухи жхаанзхи вудтааяа арахад̇д̇ам̣ бад̇д̇аа жад̇д̇ааро жаад̇и имзсам̣ васзна бан̃жавид̇хова ход̇и.

баал̣и банзд̇т̇а адтавимогкабадигкзбавасзнзва ааг̇ад̇аа. яат̇ааха ‘‘на хзва ко адта вимогкз гааязна пусид̇ваа вихарад̇и. бан̃н̃ааяа жасса д̣̇исваа аасаваа баригкийн̣аа хонд̇и. аяам̣ вужжад̇и буг̇г̇ало бан̃н̃аавимуд̇д̇о’’д̇и (д̇хаад̇у. 25).

пудтанд̇ам̣ сажчи гарод̇ийд̇и гааяасагки. со жхаанапассам̣ батамам̣ пусад̇и, бажчаа нирод̇хам̣ ниб̣б̣аанам̣ сажчигарод̇и, со сод̇аабад̇д̇ипаладтам̣ аад̣̇им̣ гад̇ваа яаава арахад̇д̇амаг̇г̇адтаа чаб̣б̣ид̇хо ход̇ийд̇и взд̣̇ид̇аб̣б̣о. д̇знзвааха ‘‘ид̇хзгажжо буг̇г̇ало адта вимогкз гааязна пусид̇ваа вихарад̇и, бан̃н̃ааяа жасса д̣̇исваа згажжз аасаваа баригкийн̣аа хонд̇и. аяам̣ вужжад̇и буг̇г̇ало гааяасагкий’’д̇и (д̇хаад̇у. 26).

д̣̇идтанд̇ам̣ бад̇д̇од̇и д̣̇идтиббад̇д̇о. д̇ад̇рид̣̇ам̣ сан̇кзбалагкан̣ам̣, д̣̇угкаа сан̇каараа суко нирод̇ход̇и н̃аад̇ам̣ ход̇и д̣̇идтам̣ вид̣̇ид̇ам̣ сажчигад̇ам̣ бассид̇ам̣ бан̃н̃ааяаад̇и д̣̇идтиббад̇д̇о. вид̇т̇аарад̇о банзсоби гааяасагки вияа чаб̣б̣ид̇хо ход̇и. д̇знзвааха – ‘‘ид̇хзгажжо буг̇г̇ало ид̣̇ам̣ д̣̇угканд̇и яат̇аабхууд̇ам̣ баж̇аанаад̇и…бз… аяам̣ д̣̇угканирод̇хаг̇ааминий бадибад̣̇аад̇и яат̇аабхууд̇ам̣ баж̇аанаад̇и, д̇ат̇ааг̇ад̇аббавзд̣̇ид̇аа жасса д̇хаммаа бан̃н̃ааяа вод̣̇идтаа хонд̇и вожарид̇аа, бан̃н̃ааяа жасса д̣̇исваа згажжз аасаваа баригкийн̣аа хонд̇и. аяам̣ вужжад̇и буг̇г̇ало д̣̇идтиббад̇д̇о’’д̇и (д̇хаад̇у. 27).

сад̣̇д̇хааяа вимуд̇д̇од̇и сад̣̇д̇хаавимуд̇д̇о. соби вуд̇д̇анаязнзва чаб̣б̣ид̇хо ход̇и. д̇знзвааха – ‘‘ид̇хзгажжо буг̇г̇ало ид̣̇ам̣ д̣̇угканд̇и яат̇аабхууд̇ам̣ баж̇аанаад̇и, аяам̣ д̣̇угкасамуд̣̇аяод̇и яат̇аабхууд̇ам̣ баж̇аанаад̇и, аяам̣ д̣̇угканирод̇ход̇и яат̇аабхууд̇ам̣ баж̇аанаад̇и, аяам̣ д̣̇угканирод̇хаг̇ааминий бадибад̣̇аад̇и яат̇аабхууд̇ам̣ баж̇аанаад̇и, д̇ат̇ааг̇ад̇аббавзд̣̇ид̇аа жасса д̇хаммаа бан̃н̃ааяа вод̣̇идтаа хонд̇и вожарид̇аа, бан̃н̃ааяа жасса д̣̇исваа згажжз аасаваа баригкийн̣аа хонд̇и но жа ко яат̇аа д̣̇идтиббад̇д̇асса. аяам̣ вужжад̇и буг̇г̇ало сад̣̇д̇хаавимуд̇д̇о’’д̇и (д̇хаад̇у. 28). зд̇зсу хи сад̣̇д̇хаавимуд̇д̇асса буб̣б̣абхааг̇амаг̇г̇агкан̣з сад̣̇д̣̇аханд̇асса вияа, огаббзнд̇асса вияа, ад̇химужжанд̇асса вияа жа гилзсагкаяо ход̇и. д̣̇идтиббад̇д̇асса буб̣б̣абхааг̇амаг̇г̇агкан̣з гилзсажчзд̣̇агам̣ н̃аан̣ам̣ ад̣̇анд̇хам̣ д̇икин̣ам̣ суурам̣ худ̇ваа вахад̇и. д̇асмаа яат̇аа наама наад̇ид̇икин̣зна асинаа гад̣̇алим̣ чинд̣̇анд̇асса чиннадтаанам̣ на мадтам̣ ход̇и, аси на сийгхам̣ вахад̇и, сад̣̇д̣̇о суяяад̇и, б̣алавад̇аро вааяаамо гаад̇аб̣б̣о ход̇и, зваруубаа сад̣̇д̇хаавимуд̇д̇асса буб̣б̣абхааг̇амаг̇г̇абхааванаа. яат̇аа бана ад̇инисид̇зна асинаа гад̣̇алим̣ чинд̣̇анд̇асса чиннадтаанам̣ мадтам̣ ход̇и, аси сийгхам̣ вахад̇и, сад̣̇д̣̇о на суяяад̇и, б̣алавад̇арам̣ вааяаамагижжам̣ на ход̇и, зваруубаа бан̃н̃аавимуд̇д̇асса буб̣б̣абхааг̇амаг̇г̇абхааванаа взд̣̇ид̇аб̣б̣аа.

д̇хаммам̣ ануссарад̇ийд̇и д̇хаммаанусаарий. д̇хаммод̇и бан̃н̃аа, бан̃н̃аабуб̣б̣ан̇г̇амам̣ маг̇г̇ам̣ бхаавзд̇ийд̇и ад̇т̇о. сад̣̇д̇хаанусааримхиби зсзва наяо, убхобзд̇з сод̇аабад̇д̇имаг̇г̇адтааязва. вуд̇д̇амби жзд̇ам̣ ‘‘яасса буг̇г̇аласса сод̇аабад̇д̇ипаласажчигирияааяа бадибаннасса бан̃н̃инд̣̇рияам̣ ад̇химад̇д̇ам̣ ход̇и, бан̃н̃ааваахим̣ бан̃н̃аабуб̣б̣ан̇г̇амам̣ арияамаг̇г̇ам̣ бхаавзд̇и. аяам̣ вужжад̇и буг̇г̇ало д̇хаммаанусаарий’’д̇и.

д̇ат̇аа ‘‘яасса буг̇г̇аласса сод̇аабад̇д̇ипаласажчигирияааяа бадибаннасса сад̣̇д̇хинд̣̇рияам̣ ад̇химад̇д̇ам̣ ход̇и , сад̣̇д̇хааваахим̣ сад̣̇д̇хаабуб̣б̣ан̇г̇амам̣ арияамаг̇г̇ам̣ бхаавзд̇и. аяам̣ вужжад̇и буг̇г̇ало сад̣̇д̇хаанусаарий’’д̇и. аяамзд̇т̇а сан̇кзбо, вид̇т̇аарад̇о банзсаа убхад̇обхааг̇авимуд̇д̇аад̣̇игат̇аа висуд̣̇д̇химаг̇г̇з бан̃н̃аабхааванаад̇хигаарз вуд̇д̇аа. д̇асмаа д̇ад̇т̇а вуд̇д̇анаязнзва взд̣̇ид̇аб̣б̣аа. сзсамид̇хааби буриманаязнзва яож̇зд̇аб̣б̣ам̣.

бад̇хаанад̣̇зсанааван̣н̣анаа

151. бад̇хаанзсууд̇и ид̇ха бад̣̇аханавасзна ‘‘сад̇д̇а б̣ож̇жхан̇г̇аа бад̇хаанаа’’д̇и вуд̇д̇аа. д̇зсам̣ вид̇т̇аарагат̇аа махаасад̇ибадтаанз вуд̇д̇анаязнзва взд̣̇ид̇аб̣б̣аа. сзсамид̇хааби буриманаязнзва яож̇зд̇аб̣б̣ам̣.

бадибад̣̇аад̣̇зсанааван̣н̣анаа

152. д̣̇угкабадибад̣̇аад̣̇ийсу аяам̣ вид̇т̇ааранаяо – ‘‘д̇ад̇т̇а гад̇амаа д̣̇угкабадибад̣̇аа д̣̇анд̇хаабхин̃н̃аа бан̃н̃аа? д̣̇угкзна гасирзна самаад̇хим̣ уббаад̣̇знд̇асса д̣̇анд̇хам̣ д̇ам̣ таанам̣ абхиж̇аананд̇асса яаа бан̃н̃аа баж̇аананаа…бз… амохо д̇хаммавижаяо саммаад̣̇идти, аяам̣ вужжад̇и д̣̇угкабадибад̣̇аа д̣̇анд̇хаабхин̃н̃аа бан̃н̃аа. д̇ад̇т̇а гад̇амаа д̣̇угкабадибад̣̇аа киббаабхин̃н̃аа бан̃н̃аа? д̣̇угкзна гасирзна самаад̇хим̣ уббаад̣̇знд̇асса киббам̣ д̇ам̣ таанам̣ абхиж̇аананд̇асса яаа бан̃н̃аа баж̇аананаа…бз… саммаад̣̇идти, аяам̣ вужжад̇и д̣̇угкабадибад̣̇аа киббаабхин̃н̃аа бан̃н̃аа. д̇ад̇т̇а гад̇амаа сукабадибад̣̇аа д̣̇анд̇хаабхин̃н̃аа бан̃н̃аа? агижчзна агасирзна самаад̇хим̣ уббаад̣̇знд̇асса д̣̇анд̇хам̣ д̇ам̣ таанам̣ абхиж̇аананд̇асса яаа бан̃н̃аа баж̇аананаа…бз… саммаад̣̇идти, аяам̣ вужжад̇и сукабадибад̣̇аа д̣̇анд̇хаабхин̃н̃аа бан̃н̃аа. д̇ад̇т̇а гад̇амаа сукабадибад̣̇аа киббаабхин̃н̃аа бан̃н̃аа? агижчзна агасирзна самаад̇хим̣ уббаад̣̇знд̇асса киббам̣ д̇ам̣ таанам̣ абхиж̇аананд̇асса яаа бан̃н̃аа баж̇аананаа…бз… саммаад̣̇идти, аяам̣ вужжад̇и сукабадибад̣̇аа киббаабхин̃н̃аа бан̃н̃аа’’д̇и (вибха. 801). аяамзд̇т̇а сан̇кзбо, вид̇т̇ааро бана висуд̣̇д̇химаг̇г̇з вуд̇д̇о. сзсамид̇хааби буриманаязнзва яож̇зд̇аб̣б̣ам̣.

бхассасамаажаараад̣̇иван̣н̣анаа

153. на жзва мусааваад̣̇уубасан̃хид̇анд̇и бхассасамаажаарз тид̇оби гат̇аамаг̇г̇ам̣ анубажчинд̣̇ид̇ваа гат̇знд̇оби ид̇хзгажжо бхигку на жзва мусааваад̣̇уубасан̃хид̇ам̣ бхаасад̇и. адта анарияавохаарз важ̇ж̇зд̇ваа адта арияавохаараяуд̇д̇амзва бхаасад̇и. на жа взбхууд̇ияанд̇и бхассасамаажаарз тид̇оби бхзд̣̇агараваажам̣ на бхаасад̇и. на жа бзсун̣ияанд̇и д̇ассааязвзд̇ам̣ взважанам̣. взбхууд̇ияаваажаа хи бияабхаавасса сун̃н̃агаран̣ад̇о ‘‘бзсун̣ияа’’нд̇и вужжад̇и. наамамзвассаа зд̇анд̇и махаасийвад̇т̇зро авожа. на жа саарамбхаж̇анд̇и саарамбхаж̇аа жа яаа ваажаа, д̇ан̃жа на бхаасад̇и. ‘‘д̇вам̣ д̣̇уссийло’’д̇и вуд̇д̇з, ‘‘д̇вам̣ д̣̇уссийло д̇аваажарияо д̣̇уссийло’’д̇и ваа, ‘‘д̇уяхам̣ аабад̇д̇ий’’д̇и вуд̇д̇з, ‘‘ахам̣ бин̣д̣ааяа жарид̇ваа баадалибуд̇д̇ам̣ г̇ад̇о’’д̇иаад̣̇инаа наязна б̣ахид̣̇д̇хаа вигкзбагат̇аабавад̇д̇ам̣ ваа гаран̣уд̇д̇арияаваажам̣ на бхаасад̇и. ж̇аяаабзгкод̇и ж̇аяабурзгкааро худ̇ваа, яат̇аа хад̇т̇аго сагяабуд̇д̇о д̇ид̇т̇ияаа наама д̇хаммзнаби ад̇хаммзнаби ж̇зд̇аб̣б̣аад̇и сажжаалигам̣ яам̣гин̃жи бхаасад̇и, звам̣ ж̇аяаабзгко ж̇аяабурзгкааро худ̇ваа на бхаасад̇ийд̇и ад̇т̇о. манд̇аа манд̇аа жа ваажам̣ бхаасад̇ийд̇и зд̇т̇а манд̇аад̇и вужжад̇и бан̃н̃аа, манд̇ааяа бан̃н̃ааяа. буна манд̇аад̇и убабаригкид̇ваа. ид̣̇ам̣ вуд̇д̇ам̣ ход̇и, бхассасамаажаарз тид̇о д̣̇ивасабхааг̇амби гат̇знд̇о бан̃н̃ааяа убабаригкид̇ваа яуд̇д̇агат̇амзва гат̇зд̇ийд̇и. нид̇хаанавад̇инд̇и хад̣̇аязби нид̣̇ахид̇аб̣б̣аяуд̇д̇ам̣. гаалзнаад̇и яуд̇д̇абад̇д̇агаалзна.

звам̣ бхаасид̇аа хи ваажаа амусаа жзва ход̇и абисун̣аа жа апарусаа жа асатаа жа асампаббалаабаа жа. зваруубаа жа аяам̣ ваажаа жад̇усажжаниссид̇аад̇иби сигкад̇д̇аяаниссид̇аад̇иби д̣̇асагат̇аавад̇т̇униссид̇аад̇иби д̇зрасад̇худ̇ан̇г̇аниссид̇аад̇иби сад̇д̇ад̇д̇им̣саб̣од̇хибагкияад̇хамманиссид̇аад̇иби маг̇г̇аниссид̇аад̇иби вужжад̇и. д̇знааха зд̇ад̣̇аануд̇д̇арияам̣, бханд̇з, бхассасамаажаарзд̇и д̇ам̣ буриманаязнзва яож̇зд̇аб̣б̣ам̣.

сажжо жасса сад̣̇д̇хо жаад̇и сийлаажаарз тид̇о бхигку сажжо жа бхавзяяа сажжагат̇о сад̣̇д̇хо жа сад̣̇д̇хаасамбанно. нану хздтаа сажжам̣ гат̇ид̇амзва, ид̇ха гасмаа буна вуд̇д̇анд̇и? хздтаа ваажаасажжам̣ гат̇ид̇ам̣. сийлаажаарз тид̇о бана бхигку анд̇амасо хасанагат̇ааяаби мусааваад̣̇ам̣ на гарод̇ийд̇и д̣̇ассзд̇ум̣ ид̇ха вуд̇д̇ам̣. ид̣̇аани со д̇хаммзна самзна ж̇ийвид̇ам̣ габбзд̇ийд̇и д̣̇ассанад̇т̇ам̣ на жа гухагод̇иаад̣̇и вуд̇д̇ам̣. д̇ад̇т̇а ‘‘гухаго’’д̇иаад̣̇ийни б̣рахмаж̇аалз вид̇т̇аарид̇аани.

инд̣̇риязсу г̇уд̇д̇ад̣̇вааро, бхож̇анз мад̇д̇ан̃н̃ууд̇и часу инд̣̇риязсу г̇уд̇д̇ад̣̇вааро бхож̇анзби бамаан̣ан̃н̃уу. самагаарийд̇и самажаарий, гааязна ваажааяа манасаа жа гааяаван̇гаад̣̇ийни бахааяа самам̣ жарад̇ийд̇и ад̇т̇о. ж̇ааг̇арияаануяог̇амануяуд̇д̇од̇и рад̇д̇инд̣̇ивам̣ ча годтаасз гад̇ваа ‘‘д̣̇ивасам̣ жан̇гамзна нисаж̇ж̇ааяаа’’д̇и вуд̇д̇анаязнзва ж̇ааг̇арияаануяог̇ам̣ яуд̇д̇аббаяуд̇д̇о вихарад̇и. ад̇анд̣̇ид̇од̇и нид̇д̇анд̣̇ий гааяааласияавирахид̇о. аарад̣̇д̇хавийрияод̇и гааяигавийриязнааби аарад̣̇д̇хавийрияо ход̇и, г̇ан̣асан̇г̇ан̣игам̣ винод̣̇зд̇ваа жад̇уусу ирияаабат̇зсу адтааараб̣бхавад̇т̇увасзна згавихаарий. жзд̇асигавийриязнааби аарад̣̇д̇хавийрияо ход̇и, гилзсасан̇г̇ан̣игам̣ бахааяа винод̣̇зд̇ваа адтасамаабад̇д̇ивасзна згавихаарий. аби жа яат̇аа д̇ат̇аа гилзсуббад̇д̇им̣ ниваарзнд̇о жзд̇асигавийриязна аарад̣̇д̇хавийрияо ход̇и. жхааяийд̇и аарамман̣алагкан̣уубаниж̇жхаанавасзна жхааяий. сад̇имаад̇и жирагад̇аад̣̇иануссаран̣асамад̇т̇ааяа сад̇ияаа саманнааг̇ад̇о.

галяаан̣абадибхаанод̇и вааггаран̣асамбанно жзва ход̇и бадибхаанасамбанно жа. яуд̇д̇абадибхаано ко бана ход̇и но муд̇д̇абадибхаано. сийласамаажаарасмин̃хи тид̇абхигку муд̇д̇абадибхаано на ход̇и, яуд̇д̇абадибхаано бана ход̇и ван̇г̇ийсад̇т̇зро вияа. г̇ад̇имаад̇и г̇аманасамад̇т̇ааяа бан̃н̃ааяа саманнааг̇ад̇о. д̇хид̇имаад̇и д̇хааран̣асамад̇т̇ааяа бан̃н̃ааяа саманнааг̇ад̇о. мад̇имаад̇и зд̇т̇а бана мад̇ийд̇и бан̃н̃ааяа наамамзва, д̇асмаа бан̃н̃аваад̇и ад̇т̇о. ид̇и д̇ийхиби имзхи бад̣̇зхи бан̃н̃аава гат̇ид̇аа. д̇ад̇т̇а хздтаа саман̣ад̇хаммагаран̣авийрияам̣ гат̇ид̇ам̣, ид̇ха б̣уд̣̇д̇хаважанаг̇ан̣ханавийрияам̣. д̇ат̇аа хздтаа вибассанаабан̃н̃аа гат̇ид̇аа, ид̇ха б̣уд̣̇д̇хаважанаг̇ан̣ханабан̃н̃аа. на жа гаамзсу г̇ид̣̇д̇ход̇и вад̇т̇угаамагилзсагаамзсу аг̇ид̣̇д̇хо. сад̇о жа нибаго жаад̇и абхигганд̇абадигганд̇аад̣̇ийсу сад̇д̇асу таанзсу сад̇ияаа жзва н̃аан̣зна жа саманнааг̇ад̇о жарад̇ийд̇и ад̇т̇о. нзбагганд̇и бан̃н̃аа, д̇ааяа саманнааг̇ад̇ад̇д̇аа нибагод̇и вуд̇д̇о. сзсамид̇хааби буриманаязнзва яож̇зд̇аб̣б̣ам̣.

анусаасанавид̇хаад̣̇иван̣н̣анаа

154. бажжад̇д̇ам̣ яонисо манасигаараад̇и ад̇д̇ано убааяаманасигаарзна. яат̇аанусидтам̣ д̇ат̇аа бадибаж̇ж̇амаанод̇и яат̇аа маяаа анусидтам̣ анусаасаний д̣̇иннаа, д̇ат̇аа бадибаж̇ж̇амаано. д̇ин̣н̣ам̣ сам̣яож̇анаанам̣ баригкаяаад̇иаад̣̇и вуд̇д̇ад̇т̇амзва. сзсамид̇хааби буриманаязнзва яож̇зд̇аб̣б̣ам̣.

155. барабуг̇г̇алавимуд̇д̇ин̃аан̣зд̇и сод̇аабаннаад̣̇ийнам̣ барабуг̇г̇алаанам̣ д̇зна д̇зна маг̇г̇зна гилзсавимуд̇д̇ин̃аан̣з. сзсамид̇хааби буриманаязнзва яож̇зд̇аб̣б̣ам̣.

156. амуд̇раасим̣ звам̣наамод̇и зго буб̣б̣зниваасам̣ ануссаранд̇о наамаг̇од̇д̇ам̣ барияаад̣̇ияамаано г̇ажчад̇и. зго суд̣̇д̇хаканд̇хзязва ануссарад̇и, зго хи саггод̇и, зго на саггод̇и. д̇ад̇т̇а яо саггод̇и, д̇асса васзна аг̇г̇ахзд̇ваа асаггонд̇асса васзна г̇ахид̇ам̣. асаггонд̇о бана гим̣ гарод̇и? суд̣̇д̇хаканд̇хзязва ануссаранд̇о г̇анд̇ваа анзгаж̇аад̇исад̇асахассамад̇т̇агз тад̇ваа наамаг̇од̇д̇ам̣ барияаад̣̇ияамаано од̇арад̇и. д̇ам̣ д̣̇ассзнд̇о звам̣наамод̇иаад̣̇имааха . со звамаахаад̇и со д̣̇идтиг̇ад̇иго звамааха. д̇ад̇т̇а гин̃жааби сассад̇од̇и вад̇ваа ‘‘д̇з жа сад̇д̇аа сам̣саранд̇ий’’д̇и вад̣̇анд̇асса важанам̣ буб̣б̣аабаравируд̣̇д̇хам̣ ход̇и. д̣̇идтиг̇ад̇игад̇д̇аа банзса зд̇ам̣ на саллагкзси. д̣̇идтиг̇ад̇игасса хи таанам̣ ваа нияамо ваа над̇т̇и. имам̣ г̇ахзд̇ваа имам̣ виссаж̇ж̇зд̇и, имам̣ виссаж̇ж̇зд̇ваа имам̣ г̇ан̣хаад̇ийд̇и б̣рахмаж̇аалз вид̇т̇аарид̇амзвзд̇ам̣. аяам̣ д̇ад̇ияо сассад̇аваад̣̇од̇и т̇зро лаабхиссзва васзна д̇аяо сассад̇аваад̣̇з ааха. бхаг̇авад̇аа бана д̇аггийваад̣̇амби г̇ахзд̇ваа б̣рахмаж̇аалз жад̇д̇ааро вуд̇д̇аа. зд̇зсам̣ бана д̇ин̣н̣ам̣ ваад̣̇аанам̣ вид̇т̇аарагат̇аа б̣рахмаж̇аалз (д̣̇ий. ни. адта. 1.30) вуд̇д̇анаязнзва взд̣̇ид̇аб̣б̣аа. сзсамид̇хааби буриманаязнзва вид̇т̇аарзд̇аб̣б̣ам̣.

157. г̇ан̣анааяа ваад̇и бин̣д̣аг̇ан̣анааяа. сан̇каанзнаад̇и ажчид̣̇д̣̇агавасзна маног̇ан̣анааяа. убхаяат̇ааби бин̣д̣аг̇ан̣анамзва д̣̇ассзд̇и. ид̣̇ам̣ вуд̇д̇ам̣ ход̇и, вассаанам̣ сад̇авасзна сахассавасзна сад̇асахассавасзна годивасзна бин̣д̣ам̣ гад̇вааби зд̇д̇агаани вассасад̇аанийд̇и ваа зд̇д̇агаа вассагодияод̇и ваа звам̣ сан̇каад̇ум̣ на саггаа. д̇умхз бана ад̇д̇ано д̣̇асаннам̣ баарамийнам̣ буурид̇ад̇д̇аа саб̣б̣ан̃н̃уд̇ан̃н̃аан̣асса суббадивид̣̇д̇хад̇д̇аа яасмаа во анааваран̣ан̃аан̣ам̣ суурам̣ вахад̇и. д̇асмаа д̣̇зсанаан̃аан̣агусалад̇ам̣ бурагкад̇ваа вассаг̇ан̣анааяаби барияанд̇игам̣ гад̇ваа габбаг̇ан̣анааяаби барижчинд̣̇ид̇ваа зд̇д̇аганд̇и д̣̇ассзт̇аад̇и д̣̇ийбзд̇и. баал̣ияад̇т̇о банзд̇т̇а вуд̇д̇анаяоязва. сзсамид̇хааби буриманаязнзва яож̇зд̇аб̣б̣ам̣.

158. зд̇ад̣̇аануд̇д̇арияам̣, бханд̇з, сад̇д̇аанам̣ жуд̇уубабаад̇ан̃аан̣зд̇и бханд̇з яааби аяам̣ сад̇д̇аанам̣ жуд̇ибадисанд̇хивасзна н̃аан̣ад̣̇зсанаа, сааби д̇умхаагам̣язва ануд̇д̇араа. ад̇ийд̇аб̣уд̣̇д̇хааби звамзва д̣̇зсзсум̣. анааг̇ад̇ааби звамзва д̣̇зсзссанд̇и. д̇умхз д̇зсам̣ ад̇ийд̇аанааг̇ад̇аб̣уд̣̇д̇хаанам̣ н̃аан̣зна сам̣санд̣̇ид̇ваава д̣̇зсаяид̇т̇а. ‘‘иминааби гааран̣зна звам̣басанно ахам̣ бханд̇з бхаг̇авад̇ий’’д̇и д̣̇ийбзд̇и. баал̣ияад̇т̇о банзд̇т̇а вид̇т̇аарид̇оязва.

159. саасаваа саубад̇хигаад̇и сад̣̇осаа саубаарамбхаа. но арияаад̇и вужжад̇ийд̇и арияид̣̇д̇хийд̇и на вужжад̇и. анаасаваа анубад̇хигаад̇и нид̣̇д̣̇осаа анубаарамбхаа. арияаад̇и вужжад̇ийд̇и арияид̣̇д̇хийд̇и вужжад̇и. аббадигууласан̃н̃ий д̇ад̇т̇а вихарад̇ийд̇и гат̇ам̣ аббадигууласан̃н̃ий д̇ад̇т̇а вихарад̇ийд̇и? бадигуулз сад̇д̇з мзд̇д̇ам̣ парад̇и, сан̇каарз д̇хаад̇усан̃н̃ам̣ убасам̣харад̇и. яат̇ааха ‘‘гат̇ам̣ бадигуулз аббадигууласан̃н̃ий вихарад̇и (бади. ма. 3.97)? анидтасмим̣ вад̇т̇усмим̣ мзд̇д̇ааяа ваа парад̇и, д̇хаад̇уд̇о ваа убасам̣харад̇ий’’д̇и. бадигууласан̃н̃ий д̇ад̇т̇а вихарад̇ийд̇и аббадигуулз сад̇д̇з асубхасан̃н̃ам̣ парад̇и, сан̇каарз анижжасан̃н̃ам̣ убасам̣харад̇и. яат̇ааха ‘‘гат̇ам̣ аббадигуулз бадигууласан̃н̃ий вихарад̇и? идтасмим̣ вад̇т̇усмим̣ асубхааяа ваа парад̇и, анижжад̇о ваа убасам̣харад̇ий’’д̇и. звам̣ сзсабад̣̇зсуби ад̇т̇о взд̣̇ид̇аб̣б̣о.

убзгкаго д̇ад̇т̇а вихарад̇ийд̇и идтз араж̇ж̇анд̇о анидтз ад̣̇уссанд̇о яат̇аа ан̃н̃з асамабзгканзна мохам̣ уббаад̣̇знд̇и, звам̣ ануббаад̣̇знд̇о часу аарамман̣зсу чал̣ан̇г̇убзгкааяа убзгкаго вихарад̇и. зд̇ад̣̇аануд̇д̇арияам̣, бханд̇з, ид̣̇д̇хивид̇хаасууд̇и, бханд̇з, яаа аяам̣ д̣̇вийсу ид̣̇д̇хийсу звам̣д̣̇зсанаа, зд̇ад̣̇аануд̇д̇арияам̣. д̇ам̣ бхаг̇аваад̇и д̇ам̣ д̣̇зсанам̣ бхаг̇аваа асзсам̣ сагалам̣ абхиж̇аанаад̇и. д̇ам̣ бхаг̇авад̇од̇и д̇ам̣ д̣̇зсанам̣ бхаг̇авад̇о асзсам̣ абхиж̇аанад̇о. уд̇д̇ари абхин̃н̃зяяам̣ над̇т̇ийд̇и уд̇д̇ари абхиж̇аанид̇аб̣б̣ам̣ над̇т̇и. аяам̣ наама ид̇о ан̃н̃о д̇хаммо ваа буг̇г̇ало ваа яам̣ бхаг̇аваа на ж̇аанаад̇и ид̣̇ам̣ над̇т̇и. яад̣̇абхиж̇аанам̣ ан̃н̃о саман̣о ваа б̣раахман̣о ваад̇и яам̣ д̇умхзхи анабхин̃н̃аад̇ам̣ ан̃н̃о саман̣о ваа б̣раахман̣о ваа абхиж̇аананд̇о бхаг̇авад̇аа бхияяобхин̃н̃ад̇аро асса, ад̇хигад̇арабан̃н̃о бхавзяяа. яад̣̇ид̣̇ам̣ ид̣̇д̇хивид̇хаасууд̇и зд̇т̇а яад̣̇ид̣̇анд̇и нибаад̇амад̇д̇ам̣. ид̣̇д̇хивид̇хаасу бхаг̇авад̇аа уд̇д̇арид̇аро над̇т̇и. ад̇ийд̇аб̣уд̣̇д̇хааби хи имаа д̣̇вз ид̣̇д̇хияо д̣̇зсзсум̣, анааг̇ад̇ааби имаава д̣̇зсзссанд̇и. д̇умхзби д̇зсам̣ н̃аан̣зна сам̣санд̣̇ид̇ваа имаава д̣̇зсаяид̇т̇а. ид̇и бхаг̇аваа ид̣̇д̇хивид̇хаасу ануд̇д̇арод̇и д̣̇ассзнд̇о ‘‘иминааби гааран̣зна звам̣басанно ахам̣, бханд̇з, бхаг̇авад̇ий’’д̇и д̣̇ийбзд̇и. зд̇д̇аавад̇аа яз д̇хаммасзнаабад̇и д̣̇иваадтаанз нисийд̣̇ид̇ваа сол̣аса абарамбарияад̇хаммз саммаси, д̇зва д̣̇ассид̇аа хонд̇и.

ан̃н̃ат̇аасад̇т̇уг̇ун̣ад̣̇ассанаад̣̇иван̣н̣анаа

160. ид̣̇аани абарзнаби аагаарзна бхаг̇авад̇о г̇ун̣з д̣̇ассзнд̇о яам̣ д̇ам̣ бханд̇зд̇иаад̣̇имааха. д̇ад̇т̇а сад̣̇д̇хзна гулабуд̇д̇знаад̇и сад̣̇д̇хаа гулабуд̇д̇аа наама ад̇ийд̇аанааг̇ад̇абажжуббаннаа б̣од̇хисад̇д̇аа. д̇асмаа яам̣ саб̣б̣ан̃н̃уб̣од̇хисад̇д̇зна бад̇д̇аб̣б̣анд̇и вуд̇д̇ам̣ ход̇и. гим̣ бана д̇зна бад̇д̇аб̣б̣ам̣? нава логуд̇д̇арад̇хаммаа. аарад̣̇д̇хавийриязнаад̇иаад̣̇ийсу ‘‘вийрияам̣ т̇аамо’’д̇иаад̣̇ийни саб̣б̣аанзва вийрияавзважанаани. д̇ад̇т̇а аарад̣̇д̇хавийриязнаад̇и баг̇г̇ахид̇авийриязна. т̇аамавад̇аад̇и т̇аамасамбаннзна т̇иравийриязна. бурисат̇аамзнаад̇и д̇зна т̇аамавад̇аа яам̣ бурисат̇аамзна бад̇д̇аб̣б̣анд̇и вуд̇д̇ам̣ ход̇и. ананд̇арабад̣̇ад̣̇ваязби зсзва наяо. бурисад̇хораяхзнаад̇и яаа асамад̇хурзхи б̣уд̣̇д̇хзхи вахид̇аб̣б̣аа д̇хураа, д̇ам̣ д̇хурам̣ ваханасамад̇т̇зна махаабурисзна. ануббад̇д̇ам̣ д̇ам̣ бхаг̇авад̇аад̇и д̇ам̣ саб̣б̣ам̣ ад̇ийд̇аанааг̇ад̇аб̣уд̣̇д̇хзхи бад̇д̇аб̣б̣ам̣, саб̣б̣амзва ануббад̇д̇ам̣, бхаг̇авад̇о згаг̇ун̣оби ууно над̇т̇ийд̇и д̣̇ассзд̇и. гаамзсу гаамасукаллигаануяог̇анд̇и вад̇т̇угаамзсу гаамасукаллигаануяог̇ам̣. яат̇аа ан̃н̃з гзн̣ияаж̇адилаад̣̇аяо саман̣аб̣раахман̣аа ‘‘го ж̇аанаад̇и баралогам̣ . суко имиссаа бариб̣б̣ааж̇игааяа муд̣̇угааяа ломасааяа б̣аахааяа сампассо’’д̇и мол̣иб̣анд̇хаахи бариб̣б̣ааж̇игаахи барижаарзнд̇и самбад̇д̇ам̣ самбад̇д̇ам̣ руубаад̣̇иаарамман̣ам̣ анубхавамаанаа гаамасукамануяуд̇д̇аа, на звамануяуд̇д̇од̇и д̣̇ассзд̇и.

хийнанд̇и лаамагам̣. г̇амманд̇и г̇аамаваасийнам̣ д̇хаммам̣. бот̇уж̇ж̇аниганд̇и бут̇уж̇ж̇анзхи сзвид̇аб̣б̣ам̣. анарияанд̇и на нид̣̇д̣̇осам̣. на ваа ариязхи сзвид̇аб̣б̣ам̣. анад̇т̇асан̃хид̇анд̇и анад̇т̇асам̣яуд̇д̇ам̣. ад̇д̇агиламат̇аануяог̇анд̇и ад̇д̇ано аад̇аабанабарид̇аабанаануяог̇ам̣. д̣̇угканд̇и д̣̇угкаяуд̇д̇ам̣, д̣̇угкамам̣ ваа. яат̇аа згз саман̣аб̣раахман̣аа гаамасукаллигаануяог̇ам̣ бариваж̇ж̇зссаамаад̇и гааяагиламат̇ам̣ ануд̇хааванд̇и, д̇ад̇о мун̃жиссаамаад̇и гаамасукам̣ ануд̇хааванд̇и, на звам̣ бхаг̇аваа. бхаг̇аваа бана убхо зд̇з анд̇з важ̇ж̇зд̇ваа яаа саа ‘‘ад̇т̇и, бхигкавз, маж̇жхимаа бадибад̣̇аа д̇ат̇ааг̇ад̇зна абхисамб̣уд̣̇д̇хаа жагкугаран̣ий’’д̇и звам̣ вуд̇д̇аа саммаабадибад̇д̇и, д̇амзва бадибанно. д̇асмаа ‘‘на жа ад̇д̇агиламат̇аануяог̇а’’нд̇иаад̣̇имааха.

аабхижзд̇асигаананд̇и абхижзд̇асигаанам̣, гаамааважаражид̇д̇аани ад̇иггамид̇ваа тид̇аананд̇и ад̇т̇о. д̣̇идтад̇хаммасукавихаараананд̇и имасмим̣язва ад̇д̇абхаавз сукавихаараанам̣. бодтабаад̣̇асуд̇д̇анд̇асмин̃хи саббийд̇игад̣̇уд̇ияаж̇жхаанапаласамаабад̇д̇и гат̇ид̇аа (д̣̇ий. ни. 1.432). баасаад̣̇игасуд̇д̇анд̇з саха маг̇г̇зна вибассанаабаад̣̇агаж̇жхаанам̣. д̣̇асуд̇д̇арасуд̇д̇анд̇з жад̇уд̇т̇аж̇жхаанигапаласамаабад̇д̇и. имасмим̣ самбасаад̣̇анийяз д̣̇идтад̇хаммасукавихаараж̇жхаанаани гат̇ид̇аани. нигаамалаабхийд̇и яат̇аагаамалаабхий. агижчалаабхийд̇и ад̣̇угкалаабхий. агасиралаабхийд̇и вибулалаабхий.

ануяог̇ад̣̇аанаббагаараван̣н̣анаа

161. згиссаа логад̇хаад̇уяаад̇и д̣̇асасахассилогад̇хаад̇уяаа. д̇ийн̣и хи кзд̇д̇аани – ж̇аад̇икзд̇д̇ам̣ аан̣аакзд̇д̇ам̣ висаяакзд̇д̇ам̣. д̇ад̇т̇а ж̇аад̇икзд̇д̇ам̣ наама д̣̇асасахассий логад̇хаад̇у. саа хи д̇ат̇ааг̇ад̇асса маад̇угужчим̣ оггаманагаалз нигкаманагаалз самб̣од̇хигаалз д̇хаммажаггаббавад̇д̇анз ааяусан̇каароссаж̇ж̇анз бариниб̣б̣аанз жа гамбад̇и. годисад̇асахассажаггаваал̣ам̣ бана аан̣аакзд̇д̇ам̣ наама. аадаанаадияаморабарид̇д̇ад̇хаж̇аг̇г̇абарид̇д̇арад̇анабарид̇д̇аад̣̇ийнан̃хи зд̇т̇а аан̣аа вад̇д̇ад̇и. висаяакзд̇д̇асса бана баримаан̣ам̣ над̇т̇и, б̣уд̣̇д̇хаанан̃хи ‘‘яаавад̇агам̣ н̃аан̣ам̣, д̇аавад̇агам̣ н̃зяяам̣, яаавад̇агам̣ н̃зяяам̣ д̇аавад̇агам̣ н̃аан̣ам̣, н̃аан̣абарияанд̇игам̣ н̃зяяам̣, н̃зяяабарияанд̇игам̣ н̃аан̣а’’нд̇и (махаани. 55) важанад̇о ависаяо наама над̇т̇и.

имзсу бана д̇ийсу кзд̇д̇зсу табзд̇ваа имам̣ жаггаваал̣ам̣ ан̃н̃асмим̣ жаггаваал̣з б̣уд̣̇д̇хаа уббаж̇ж̇анд̇ийд̇и суд̇д̇ам̣ над̇т̇и, нуббан̃ж̇анд̇ийд̇и бана ад̇т̇и. д̇ийн̣и бидагаани винаяабидагам̣, суд̇д̇анд̇абидагам̣ абхид̇хаммабидагам̣. д̇иссо сан̇г̇ийд̇ияо махаагассабад̇т̇зрасса сан̇г̇ийд̇и, яасад̇т̇зрасса сан̇г̇ийд̇и, мог̇г̇алибуд̇д̇ад̇иссад̇т̇зрасса сан̇г̇ийд̇ийд̇и. имаа д̇иссо сан̇г̇ийд̇ияо аарул̣хз д̇збидагз б̣уд̣̇д̇хаважанз ‘‘имам̣ жаггаваал̣ам̣ мун̃жид̇ваа ан̃н̃ад̇т̇а б̣уд̣̇д̇хаа уббаж̇ж̇анд̇ий’’д̇и суд̇д̇ам̣ над̇т̇и, нуббаж̇ж̇анд̇ийд̇и бана ад̇т̇и.

абуб̣б̣ам̣ ажариманд̇и абурз абажчаа згад̇о нуббаж̇ж̇анд̇и, бурз ваа бажчаа ваа уббаж̇ж̇анд̇ийд̇и вуд̇д̇ам̣ ход̇и. д̇ад̇т̇а б̣од̇хибаллан̇гз ‘‘б̣од̇хим̣ абад̇ваа на удтахиссаамий’’д̇и нисиннагаалад̇о бадтааяа яаава маад̇угужчисмим̣ бадисанд̇хиг̇г̇ахан̣ам̣, д̇аава буб̣б̣зд̇и на взд̣̇ид̇аб̣б̣ам̣. б̣од̇хисад̇д̇асса хи бадисанд̇хиг̇г̇ахан̣з д̣̇асасахассажаггаваал̣агамбанзнзва кзд̇д̇абариг̇г̇ахо гад̇о. ан̃н̃асса б̣уд̣̇д̇хасса уббад̇д̇иби ниваарид̇аа ход̇и. бариниб̣б̣аанад̇о бадтааяа жа яаава саасабамад̇д̇ааби д̇хаад̇уяо д̇идтанд̇и, д̇аава бажчаад̇и на взд̣̇ид̇аб̣б̣ам̣. д̇хаад̇уусу хи тид̇аасу б̣уд̣̇д̇хааби тид̇аава хонд̇и. д̇асмаа зд̇т̇анд̇арз ан̃н̃асса б̣уд̣̇д̇хасса уббад̇д̇и ниваарид̇аава ход̇и. д̇хаад̇убариниб̣б̣аанз бана ж̇аад̇з ан̃н̃асса б̣уд̣̇д̇хасса уббад̇д̇и на ниваарид̇аа.

д̇ибидагаанд̇арад̇хаанагат̇аа

д̇ийн̣и анд̇арад̇хаанаани наама барияад̇д̇ианд̇арад̇хаанам̣, бадивзд̇хаанд̇арад̇хаанам̣, бадибад̇д̇ианд̇арад̇хаананд̇и. д̇ад̇т̇а барияад̇д̇ийд̇и д̇ийн̣и бидагаани. бадивзд̇ход̇и сажжаббадивзд̇хо. бадибад̇д̇ийд̇и бадибад̣̇аа. д̇ад̇т̇а бадивзд̇хо жа бадибад̇д̇и жа ход̇иби на ход̇иби. згасмин̃хи гаалз бадивзд̇хагараа бхигкуу б̣ахуу хонд̇и, зса бхигку бут̇уж̇ж̇анод̇и ан̇г̇улим̣ басаарзд̇ваа д̣̇ассзд̇аб̣б̣о ход̇и. имасмим̣язва д̣̇ийбз згаваарам̣ бут̇уж̇ж̇анабхигку наама наахоси. бадибад̇д̇ибуурагааби гад̣̇аажи б̣ахуу хонд̇и, гад̣̇аажи аббаа. ид̇и бадивзд̇хо жа бадибад̇д̇и жа ход̇иби на ход̇иби. саасанадтид̇ияаа бана барияад̇д̇и бамаан̣ам̣. бан̣д̣ид̇о хи д̇збидагам̣ суд̇ваа д̣̇взби буурзд̇и.

яат̇аа амхаагам̣ б̣од̇хисад̇д̇о аал̣аарасса санд̇игз бан̃жаабхин̃н̃аа сад̇д̇а жа самаабад̇д̇ияо ниб̣б̣ад̇д̇зд̇ваа нзвасан̃н̃аанаасан̃н̃ааяад̇анасамаабад̇д̇ияаа баригаммам̣ бужчи, со на ж̇аанаамийд̇и ааха. д̇ад̇о уд̣̇агасса санд̇игам̣ г̇анд̇ваа ад̇хиг̇ад̇ависзсам̣ сам̣санд̣̇ид̇ваа нзвасан̃н̃аанаасан̃н̃ааяад̇анасса баригаммам̣ бужчи, со аажигки, д̇асса важанасамананд̇арамзва махаасад̇д̇о д̇ам̣ жхаанам̣ самбаад̣̇зси, звамзва бан̃н̃аваа бхигку барияад̇д̇им̣ суд̇ваа д̣̇взби буурзд̇и. д̇асмаа барияад̇д̇ияаа тид̇ааяа саасанам̣ тид̇ам̣ ход̇и. яад̣̇аа бана саа анд̇арад̇хааяад̇и, д̇ад̣̇аа батамам̣ абхид̇хаммабидагам̣ нассад̇и. д̇ад̇т̇а бадтаанам̣ саб̣б̣абатамам̣ анд̇арад̇хааяад̇и. ануггамзна бажчаа д̇хаммасан̇г̇ахо , д̇асмим̣ анд̇арахид̇з ид̇арзсу д̣̇вийсу бидагзсу тид̇зсуби саасанам̣ тид̇амзва ход̇и.

д̇ад̇т̇а суд̇д̇анд̇абидагз анд̇арад̇хааяамаанз батамам̣ ан̇г̇уд̇д̇аранигааяо згаад̣̇асагад̇о бадтааяа яаава згагаа анд̇арад̇хааяад̇и, д̇ад̣̇ананд̇арам̣ сам̣яуд̇д̇анигааяо жаггабзяяаалад̇о бадтааяа яаава огхад̇аран̣аа анд̇арад̇хааяад̇и. д̇ад̣̇ананд̇арам̣ маж̇жхиманигааяо инд̣̇рияабхааванад̇о бадтааяа яаава муулабарияааяаа анд̇арад̇хааяад̇и. д̇ад̣̇ананд̇арам̣ д̣̇ийгханигааяо д̣̇асуд̇д̇арад̇о бадтааяа яаава б̣рахмаж̇аалаа анд̇арад̇хааяад̇и. згиссааби д̣̇виннамби г̇аат̇аанам̣ бужчаа ад̣̇д̇хаанам̣ г̇ажчад̇и, саасанам̣ д̇хаарзд̇ум̣ на саггод̇и, сабхияабужчаа аал̣авагабужчаа вияа жа. зд̇аа гира гассабаб̣уд̣̇д̇хагаалигаа анд̇араа саасанам̣ д̇хаарзд̇ум̣ наасагким̣су.

д̣̇вийсу бана бидагзсу анд̇арахид̇зсуби винаяабидагз тид̇з саасанам̣ д̇идтад̇и. бариваарагканд̇хагзсу анд̇арахид̇зсу убхад̇овибхан̇г̇з тид̇з тид̇амзва ход̇и. убхад̇овибхан̇г̇з анд̇арахид̇з маад̇игааяаби тид̇ааяа тид̇амзва ход̇и. маад̇игааяа анд̇арахид̇ааяа баад̇имогкабаб̣б̣аж̇ж̇ааубасамбад̣̇аасу тид̇аасу саасанам̣ д̇идтад̇и. лин̇г̇ам̣ ад̣̇д̇хаанам̣ г̇ажчад̇и. сзд̇авад̇т̇асаман̣авам̣со бана гассабаб̣уд̣̇д̇хагаалад̇о бадтааяа саасанам̣ д̇хаарзд̇ум̣ наасагки. бадисамбхид̣̇аабад̇д̇зхи вассасахассам̣ адтааси. чал̣абхин̃н̃зхи вассасахассам̣. д̇звиж̇ж̇зхи вассасахассам̣. сугкавибассагзхи вассасахассам̣. баад̇имогкзхи вассасахассам̣ адтааси. бажчимагасса бана сажжаббадивзд̇хад̇о бажчимагасса сийлабхзд̣̇ад̇о бадтааяа саасанам̣ осаггид̇ам̣ наама ход̇и. д̇ад̇о бадтааяа ан̃н̃асса б̣уд̣̇д̇хасса уббад̇д̇и на ниваарид̇аа.

саасанаанд̇арахид̇аван̣н̣анаа

д̇ийн̣и бариниб̣б̣аанаани наама гилзсабариниб̣б̣аанам̣ канд̇хабариниб̣б̣аанам̣ д̇хаад̇убариниб̣б̣аананд̇и. д̇ад̇т̇а гилзсабариниб̣б̣аанам̣ б̣од̇хибаллан̇гз ахоси. канд̇хабариниб̣б̣аанам̣ гусинаарааяам̣. д̇хаад̇убариниб̣б̣аанам̣ анааг̇ад̇з бхависсад̇и. саасанасса гира осагганагаалз имасмим̣ д̇амб̣абан̣н̣ид̣̇ийбз д̇хаад̇уяо саннибад̇ид̇ваа махаажзд̇ияам̣ г̇амиссанд̇и. махаажзд̇ияад̇о нааг̇ад̣̇ийбз рааж̇ааяад̇анажзд̇ияам̣. д̇ад̇о махааб̣од̇хибаллан̇гам̣ г̇амиссанд̇и. нааг̇абхаванад̇оби д̣̇звалогад̇оби б̣рахмалогад̇оби д̇хаад̇уяо махааб̣од̇хибаллан̇гамзва г̇амиссанд̇и. саасабамад̇д̇ааби д̇хаад̇уяо на анд̇араа нассиссанд̇и. саб̣б̣ад̇хаад̇уяо махааб̣од̇хибаллан̇гз раасибхууд̇аа суван̣н̣агканд̇хо вияа згаг̇гханаа худ̇ваа чаб̣б̣ан̣н̣арасмияо виссаж̇ж̇зссанд̇и.

д̇аа д̣̇асасахассилогад̇хаад̇ум̣ париссанд̇и, д̇ад̇о д̣̇асасахассажаггаваал̣ад̣̇звад̇аа саннибад̇ид̇ваа ‘‘аж̇ж̇а сад̇т̇аа бариниб̣б̣аад̇и, аж̇ж̇а саасанам̣ осаггад̇и, бажчимад̣̇ассанам̣ д̣̇аани ид̣̇ам̣ амхаага’’нд̇и д̣̇асаб̣аласса бариниб̣б̣уд̇ад̣̇ивасад̇о маханд̇ад̇арам̣ гаарун̃н̃ам̣ гариссанд̇и. табзд̇ваа анааг̇аамикийн̣аасавз авасзсаа сагабхаавзна санд̇хаарзд̇ум̣ на сагкиссанд̇и. д̇хаад̇уусу д̇зж̇од̇хаад̇у удтахид̇ваа яаава б̣рахмалогаа уг̇г̇ажчиссад̇и. саасабамад̇д̇ааяаби д̇хаад̇уяаа сад̇и згаж̇аалаа бхависсад̇и. д̇хаад̇уусу барияаад̣̇аанам̣ г̇ад̇аасу убажчиж̇ж̇иссад̇и. звам̣ маханд̇ам̣ аанубхаавам̣ д̣̇ассзд̇ваа д̇хаад̇уусу анд̇арахид̇аасу саасанам̣ анд̇арахид̇ам̣ наама ход̇и.

яаава на звам̣ анд̇арад̇хааяад̇и, д̇аава ажаримам̣ наама ход̇и. звам̣ абуб̣б̣ам̣ ажаримам̣ уббаж̇ж̇зяяум̣, нзд̇ам̣ таанам̣ виж̇ж̇ад̇и. гасмаа бана абуб̣б̣ам̣ ажаримам̣ нуббаж̇ж̇анд̇ийд̇и? анажчарияад̇д̇аа. б̣уд̣̇д̇хаа хи ажчарияамануссаа. яат̇ааха – ‘‘згабуг̇г̇ало, бхигкавз, логз уббаж̇ж̇амаано уббаж̇ж̇ад̇и ажчарияамануссо. гад̇амо згабуг̇г̇ало? д̇ат̇ааг̇ад̇о арахам̣ саммаасамб̣уд̣̇д̇хо’’д̇и (а. ни. 1.172). яад̣̇и жа д̣̇вз ваа жад̇д̇ааро ваа адта ваа сол̣аса ваа згад̇о уббаж̇ж̇зяяум̣, анажчарияаа бхавзяяум̣. згасмин̃хи вихаарз д̣̇виннам̣ жзд̇ияаанамби лаабхасаггааро ул̣ааро на ход̇и. бхигкууби б̣ахуд̇ааяа на ажчарияаа ж̇аад̇аа, звам̣ б̣уд̣̇д̇хааби бхавзяяум̣, д̇асмаа нуббаж̇ж̇анд̇и. д̣̇зсанааяа жа висзсаабхаавад̇о. яан̃хи сад̇ибадтаанаад̣̇ибхзд̣̇ам̣ д̇хаммам̣ зго д̣̇зсзд̇и. ан̃н̃зна уббаж̇ж̇ид̇вааби сова д̣̇зсзд̇аб̣б̣о сияаа, д̇ад̇о анажчарияо сияаа. згасмим̣ бана д̇хаммам̣ д̣̇зсзнд̇з д̣̇зсанааби ажчарияаа ход̇и, виваад̣̇абхаавад̇о жа. б̣ахуусу хи б̣уд̣̇д̇хзсу уббаннзсу б̣ахуунам̣ аажарияаанам̣ анд̇зваасигаа вияа амхаагам̣ б̣уд̣̇д̇хо баасаад̣̇иго, амхаагам̣ б̣уд̣̇д̇хо мад̇хурассаро лаабхий бун̃н̃аваад̇и вивад̣̇зяяум̣. д̇асмааби звам̣ нуббаж̇ж̇анд̇и. аби жзд̇ам̣ гааран̣ам̣ милинд̣̇аран̃н̃ааби будтзна нааг̇асзнад̇т̇зрзна вид̇т̇аарид̇амзва. вуд̇д̇ан̃хи д̇ад̇т̇а –

бханд̇з, нааг̇асзна, бхаасид̇амби хзд̇ам̣ бхаг̇авад̇аа ‘‘адтаанамзд̇ам̣, бхигкавз, анавагаасо, яам̣ згиссаа логад̇хаад̇уяаа д̣̇вз араханд̇о саммаасамб̣уд̣̇д̇хаа абуб̣б̣ам̣ ажаримам̣ уббаж̇ж̇зяяум̣, нзд̇ам̣ таанам̣ виж̇ж̇ад̇ий’’д̇и. д̣̇зсаяанд̇аа жа, бханд̇з нааг̇асзна, саб̣б̣зби д̇ат̇ааг̇ад̇аа сад̇д̇ад̇им̣са б̣од̇хибагкияз д̇хаммз д̣̇зсзнд̇и, гат̇аяамаанаа жа жад̇д̇аари арияасажжаани гат̇знд̇и, сигкаабзнд̇аа жа д̇ийсу сигкаасу сигкаабзнд̇и, анусаасамаанаа жа аббамаад̣̇аббадибад̇д̇ияам̣ анусаасанд̇и. яад̣̇и, бханд̇з нааг̇асзна, саб̣б̣зсамби д̇ат̇ааг̇ад̇аанам̣ згаа д̣̇зсанаа згаа гат̇аа згасигкаа згаанусаасаний, гзна гааран̣зна д̣̇вз д̇ат̇ааг̇ад̇аа згагкан̣з нуббаж̇ж̇анд̇и. згзнаби д̇аава б̣уд̣̇д̇хуббаад̣̇зна аяам̣ лого обхаасаж̇аад̇о, яад̣̇и д̣̇уд̇ияо б̣уд̣̇д̇хо бхавзяяа, д̣̇виннам̣ бабхааяа аяам̣ лого бхияяосомад̇д̇ааяа обхаасаж̇аад̇о бхавзяяа, овад̣̇амаанаа жа д̣̇вз д̇ат̇ааг̇ад̇аа сукам̣ овад̣̇зяяум̣, анусаасамаанаа жа сукам̣ анусаасзяяум̣, д̇ад̇т̇а мз гааран̣ам̣ д̣̇зсзхи, яат̇аахам̣ ниссам̣саяо бхавзяяа’’нд̇и.

аяам̣, махаарааж̇а, д̣̇асасахассий логад̇хаад̇у згаб̣уд̣̇д̇хад̇хааран̣ий, згассзва д̇ат̇ааг̇ад̇асса г̇ун̣ам̣ д̇хаарзд̇и, яад̣̇и д̣̇уд̇ияо б̣уд̣̇д̇хо уббаж̇ж̇зяяа, нааяам̣ д̣̇асасахассий логад̇хаад̇у д̇хаарзяяа, жалзяяа, гамбзяяа, намзяяа, он̣амзяяа, винамзяяа, вигирзяяа, вид̇хамзяяа, вид̣̇д̇хам̣сзяяа, на таанамубаг̇ажчзяяа.

яат̇аа, махаарааж̇а, нааваа згабурисасанд̇хааран̣ий бхавзяяа, згабурисз абхируул̣хз саа нааваа самубаад̣̇игаа бхавзяяа, ат̇а д̣̇уд̇ияо бурисо ааг̇ажчзяяа д̇аад̣̇исо ааяунаа ван̣н̣зна ваязна бамаан̣зна гисат̇уулзна саб̣б̣ан̇г̇абажжан̇г̇зна, со д̇ам̣ наавам̣ абхируухзяяа, аби ну саа, махаарааж̇а, нааваа д̣̇виннамби д̇хаарзяяаад̇и? на хи, бханд̇з, жалзяяа, гамбзяяа, намзяяа, он̣амзяяа, винамзяяа, вигирзяяа, вид̇хамзяяа, вид̣̇д̇хам̣сзяяа, на таанамубаг̇ажчзяяа осийд̣̇зяяа уд̣̇агзд̇и. звамзва ко, махаарааж̇а, аяам̣ д̣̇асасахассий логад̇хаад̇у згаб̣уд̣̇д̇хад̇хааран̣ий, згассзва д̇ат̇ааг̇ад̇асса г̇ун̣ам̣ д̇хаарзд̇и, яад̣̇и д̣̇уд̇ияо б̣уд̣̇д̇хо уббаж̇ж̇зяяа, нааяам̣ д̣̇асасахассий логад̇хаад̇у д̇хаарзяяа…бз… на таанамубаг̇ажчзяяа.

яат̇аа ваа бана, махаарааж̇а, бурисо яаавад̣̇ад̇т̇ам̣ бхож̇анам̣ бхун̃ж̇зяяа чаад̣̇знд̇ам̣ яаава ган̣тамабхибуураяид̇ваа, со д̇хаад̇о бийн̣ид̇о барибун̣н̣о ниранд̇аро д̇анд̣̇ийгад̇о анон̣амид̇ад̣̇ан̣д̣аж̇аад̇о бунад̣̇зва д̇аавад̇агам̣ бхож̇анам̣ бхун̃ж̇зяяа, аби ну ко со, махаарааж̇а, бурисо сукид̇о бхавзяяаад̇и? на хи, бханд̇з , сагим̣ бхуд̇д̇ова марзяяаад̇и; звамзва ко, махаарааж̇а, аяам̣ д̣̇асасахассий логад̇хаад̇у згаб̣уд̣̇д̇хад̇хааран̣ий …бз… на таанамубаг̇ажчзяяаад̇и.

гим̣ ну ко, бханд̇з нааг̇асзна, ад̇ид̇хаммабхаарзна бат̇авий жалад̇ийд̇и? ид̇ха, махаарааж̇а, д̣̇вз сагадаа рад̇анабуурид̇аа бхавзяяум̣ яаава мукасамаа, згасмаа сагадад̇о рад̇анам̣ г̇ахзд̇ваа згасмим̣ сагадз аагирзяяум̣, аби ну ко д̇ам̣, махаарааж̇а, сагадам̣ д̣̇виннамби сагадаанам̣ рад̇анам̣ д̇хаарзяяаад̇и? на хи, бханд̇з, наабхиби д̇асса палзяяа, арааби д̇асса бхиж̇ж̇зяяум̣, нзмиби д̇асса обад̇зяяа, агкоби д̇асса бхиж̇ж̇зяяаад̇и. гим̣ ну ко, махаарааж̇а, ад̇ирад̇анабхаарзна сагадам̣ бхиж̇ж̇ад̇ийд̇и? аама, бханд̇з,д̇и. звамзва ко, махаарааж̇а, ад̇ид̇хаммабхаарзна бат̇авий жалад̇и.

абижа, махаарааж̇а, имам̣ гааран̣ам̣ б̣уд̣̇д̇хаб̣алабарид̣̇ийбанааяа осаарид̇ам̣ ан̃н̃амби д̇ад̇т̇а ад̇ируубам̣ гааран̣ам̣ сун̣охи, язна гааран̣зна д̣̇вз саммаасамб̣уд̣̇д̇хаа згагкан̣з нуббаж̇ж̇анд̇и. яад̣̇и, махаарааж̇а, д̣̇вз саммаасамб̣уд̣̇д̇хаа згагкан̣з уббаж̇ж̇зяяум̣, д̇зсам̣ барисааяа виваад̣̇о уббаж̇ж̇зяяа ‘‘д̇умхаагам̣ б̣уд̣̇д̇хо амхаагам̣ б̣уд̣̇д̇хо’’д̇и, убхад̇о багкаж̇аад̇аа бхавзяяум̣. яат̇аа, махаарааж̇а, д̣̇виннам̣ б̣алаваамажжаанам̣ барисааяа виваад̣̇о уббаж̇ж̇зяяа ‘‘д̇умхаагам̣ амажжо амхаагам̣ амажжо’’д̇и, убхад̇о багкаж̇аад̇аа хонд̇и; звамзва ко, махаарааж̇а, яад̣̇и д̣̇вз саммаасамб̣уд̣̇д̇хаа згагкан̣з уббаж̇ж̇зяяум̣, д̇зсам̣ барисааяа виваад̣̇о уббаж̇ж̇зяяа ‘‘д̇умхаагам̣ б̣уд̣̇д̇хо, амхаагам̣ б̣уд̣̇д̇хо’’д̇и, убхад̇о багкаж̇аад̇аа бхавзяяум̣, ид̣̇ам̣ д̇аава, махаарааж̇а, згам̣ гааран̣ам̣, язна гааран̣зна д̣̇вз саммаасамб̣уд̣̇д̇хаа згагкан̣з нуббаж̇ж̇анд̇и.

абарамби, махаарааж̇а, уд̇д̇арим̣ гааран̣ам̣ сун̣охи, язна гааран̣зна д̣̇вз саммаасамб̣уд̣̇д̇хаа згагкан̣з нуббаж̇ж̇анд̇и. яад̣̇и, махаарааж̇а, д̣̇вз саммаасамб̣уд̣̇д̇хаа згагкан̣з уббаж̇ж̇зяяум̣, ‘‘аг̇г̇о б̣уд̣̇д̇хо’’д̇и яам̣ важанам̣, д̇ам̣ мижчаа бхавзяяа, ‘‘ж̇здто б̣уд̣̇д̇хо’’д̇и, сздто б̣уд̣̇д̇ход̇и, висидто б̣уд̣̇д̇ход̇и, уд̇д̇амо б̣уд̣̇д̇ход̇и, баваро б̣уд̣̇д̇ход̇и, асамо б̣уд̣̇д̇ход̇и , асамасамо б̣уд̣̇д̇ход̇и, аббадимо б̣уд̣̇д̇ход̇и, аббадибхааг̇о б̣уд̣̇д̇ход̇и, аббадибуг̇г̇ало б̣уд̣̇д̇ход̇и яам̣ важанам̣, д̇ам̣ мижчаа бхавзяяа. имамби ко д̇вам̣, махаарааж̇а, гааран̣ам̣ ад̇т̇ад̇о самбадижча, язна гааран̣зна д̣̇вз саммаасамб̣уд̣̇д̇хаа згагкан̣з нуббаж̇ж̇анд̇и.

абижа ко, махаарааж̇а, б̣уд̣̇д̇хаанам̣ бхаг̇аванд̇аанам̣ сабхаавабагад̇и зсаа, яам̣ згоязва б̣уд̣̇д̇хо логз уббаж̇ж̇ад̇и. гасмаа гааран̣аа? маханд̇ад̇ааяа саб̣б̣ан̃н̃уб̣уд̣̇д̇хаг̇ун̣аанам̣, яам̣ ан̃н̃амби, махаарааж̇а, маханд̇ам̣ ход̇и, д̇ам̣ згам̣язва ход̇и. бат̇авий, махаарааж̇а, маханд̇ий, саа згааязва. сааг̇аро маханд̇о, со згоязва. синзру г̇ирирааж̇аа маханд̇о, со згоязва. аагаасо маханд̇о, со згоязва. сагго маханд̇о, со згоязва. мааро маханд̇о , со згоязва. махааб̣рахмаа маханд̇о, со згоязва. д̇ат̇ааг̇ад̇о арахам̣ саммаасамб̣уд̣̇д̇хо маханд̇о, со згоязва логасмим̣. яад̇т̇а д̇з уббаж̇ж̇анд̇и, д̇ад̇т̇а ан̃н̃зсам̣ огаасо на ход̇и. д̇асмаа, махаарааж̇а, д̇ат̇ааг̇ад̇о арахам̣ саммаасамб̣уд̣̇д̇хо згоязва логз уббаж̇ж̇ад̇ийд̇и. сугат̇ид̇о, бханд̇з нааг̇асзна, бан̃хо обаммзхи гааран̣зхийд̇и (ми. ба. 5.1.1).

д̇хаммасса жаануд̇хамманд̇и нававид̇хасса логуд̇д̇арад̇хаммасса ануд̇хаммам̣ буб̣б̣абхааг̇аббадибад̣̇ам̣. сахад̇хаммигод̇и сагааран̣о. ваад̣̇аануваад̣̇од̇и ваад̣̇оязва.

ажчарияааб̣бхуд̇аван̣н̣анаа

162. ааяасмаа уд̣̇ааяийд̇и д̇аяо т̇зраа уд̣̇ааяий наама – лаал̣уд̣̇ааяий, гаал̣уд̣̇ааяий, махаауд̣̇ааяийд̇и. ид̇ха махаауд̣̇ааяий ад̇хиббзд̇о. д̇асса гира имам̣ суд̇д̇ам̣ аад̣̇ид̇о бадтааяа яаава барияосаанаа сун̣анд̇асса аб̣бханд̇арз бан̃жаван̣н̣аа бийд̇и уббаж̇ж̇ид̇ваа баад̣̇абидтид̇о сийсамад̇т̇агам̣ г̇ажчад̇и, сийсамад̇т̇агад̇о баад̣̇абидтим̣ ааг̇ажчад̇и, убхад̇о бадтааяа маж̇жхам̣ од̇арад̇и, маж̇жхад̇о бадтааяа убхад̇о г̇ажчад̇и. со ниранд̇арам̣ бийд̇ияаа пудасарийро б̣алавасоманассзна д̣̇асаб̣аласса г̇ун̣ам̣ гат̇знд̇о ажчарияам̣ бханд̇зд̇иаад̣̇имааха. аббижчад̇аад̇и нид̇д̇ан̣хад̇аа. санд̇удтид̇аад̇и жад̇уусу бажжаязсу д̇ийхаагаарзхи санд̇осо. саллзкад̇аад̇и саб̣б̣агилзсаанам̣ салликид̇абхааво. яад̇ра хи наамаад̇и яо наама. на ад̇д̇аанам̣ баад̇угариссад̇ийд̇и ад̇д̇ано г̇ун̣з на аави гариссад̇и. бадаагам̣ барихарзяяунд̇и ‘‘го амхзхи сад̣̇исо ад̇т̇ий’’д̇и вад̣̇анд̇аа бадаагам̣ угкибид̇ваа наал̣анд̣̇ам̣ вижарзяяум̣.

басса ко д̇вам̣, уд̣̇ааяи, д̇ат̇ааг̇ад̇асса аббижчад̇аад̇и басса уд̣̇ааяи яаад̣̇исий д̇ат̇ааг̇ад̇асса аббижчад̇аад̇и т̇зрасса важанам̣ самбадижчанд̇о ааха. гим̣ бана бхаг̇аваа нзва ад̇д̇аанам̣ баад̇угарод̇и, на ад̇д̇ано г̇ун̣ам̣ гат̇зд̇ийд̇и жз? на, на гат̇зд̇и. аббижчад̇аад̣̇ийхи гат̇зд̇аб̣б̣ам̣, жийвараад̣̇ихзд̇ум̣ на гат̇зд̇и. д̇знзвааха – ‘‘басса ко д̇вам̣, уд̣̇ааяи, д̇ат̇ааг̇ад̇асса аббижчад̇аа’’д̇иаад̣̇и. б̣уж̇жханагасад̇д̇ам̣ бана ааг̇амма взнзяяавасзна гат̇зд̇и. яат̇ааха –

‘‘на мз аажарияо ад̇т̇и, сад̣̇исо мз на виж̇ж̇ад̇и;

сад̣̇звагасмим̣ логасмим̣, над̇т̇и мз бадибуг̇г̇ало’’д̇и. (махаава. 11);

звам̣ д̇ат̇ааг̇ад̇асса г̇ун̣ад̣̇ийбигаа б̣ахуу г̇аат̇ааби суд̇д̇анд̇ааби вид̇т̇аарзд̇аб̣б̣аа.

163. абхигкан̣ам̣ бхаасзяяаасийд̇и бунаббунам̣ бхаасзяяааси. буб̣б̣ан̣хасамаяз мз гат̇ид̇анд̇и маа маж̇жханхигаад̣̇ийсу на гат̇аяид̇т̇а. аж̇ж̇а ваа мз гат̇ид̇анд̇и маа барад̣̇ивасаад̣̇ийсу на гат̇аяид̇т̇аад̇и ад̇т̇о. бавзд̣̇зсийд̇и гат̇зси. имасса взяяаагаран̣ассаад̇и ниг̇г̇аат̇агад̇д̇аа ид̣̇ам̣ суд̇д̇ам̣ ‘‘взяяаагаран̣а’’нд̇и вуд̇д̇ам̣. ад̇хиважананд̇и наамам̣. ид̣̇ам̣ бана ‘‘ид̇и хид̣̇а’’нд̇и бадтааяа бад̣̇ам̣ сан̇г̇ийд̇игаарзхи табид̇ам̣. сзсам̣ саб̣б̣ад̇т̇а уд̇д̇аанад̇т̇амзваад̇и.

суман̇г̇алавилаасинияаа д̣̇ийгханигааяадтагат̇ааяа

самбасаад̣̇анийяасуд̇д̇аван̣н̣анаа нидтид̇аа.