| Library / Tipiṭaka / ติปิฎก • Tipiṭaka / กถาวตฺถุปาฬิ • Kathāvatthupāḷi |
๗. สตฺตมวโคฺค
7. Sattamavaggo
(๖๔) ๒. สมฺปยุตฺตกถา
(64) 2. Sampayuttakathā
๔๗๓. นตฺถิ เกจิ ธมฺมา เกหิจิ ธเมฺมหิ สมฺปยุตฺตาติ? อามนฺตาฯ นนุ อตฺถิ เกจิ ธมฺมา เกหิจิ ธเมฺมหิ สหคตา สหชาตา สํสฎฺฐา เอกุปฺปาทา เอกนิโรธา เอกวตฺถุกา เอการมฺมณาติ? อามนฺตาฯ หญฺจิ อตฺถิ เกจิ ธมฺมา เกหิจิ ธเมฺมหิ สหคตา สหชาตา สํสฎฺฐา เอกุปฺปาทา เอกนิโรธา เอกวตฺถุกา เอการมฺมณา, โน จ วต เร วตฺตเพฺพ – ‘‘นตฺถิ เกจิ ธมฺมา เกหิจิ ธเมฺมหิ สมฺปยุตฺตา’’ติฯ
473. Natthi keci dhammā kehici dhammehi sampayuttāti? Āmantā. Nanu atthi keci dhammā kehici dhammehi sahagatā sahajātā saṃsaṭṭhā ekuppādā ekanirodhā ekavatthukā ekārammaṇāti? Āmantā. Hañci atthi keci dhammā kehici dhammehi sahagatā sahajātā saṃsaṭṭhā ekuppādā ekanirodhā ekavatthukā ekārammaṇā, no ca vata re vattabbe – ‘‘natthi keci dhammā kehici dhammehi sampayuttā’’ti.
เวทนากฺขโนฺธ สญฺญากฺขเนฺธน สหชาโตติ? อามนฺตาฯ หญฺจิ เวทนากฺขโนฺธ สญฺญากฺขเนฺธน สหชาโต, เตน วต เร วตฺตเพฺพ – ‘‘เวทนากฺขโนฺธ สญฺญากฺขเนฺธน สมฺปยุโตฺต’’ติฯ
Vedanākkhandho saññākkhandhena sahajātoti? Āmantā. Hañci vedanākkhandho saññākkhandhena sahajāto, tena vata re vattabbe – ‘‘vedanākkhandho saññākkhandhena sampayutto’’ti.
เวทนากฺขโนฺธ สงฺขารกฺขเนฺธน… วิญฺญาณกฺขเนฺธน สหชาโตติ? อามนฺตาฯ หญฺจิ เวทนากฺขโนฺธ วิญฺญาณกฺขเนฺธน สหชาโต, เตน วต เร วตฺตเพฺพ – ‘‘เวทนากฺขโนฺธ วิญฺญาณกฺขเนฺธน สมฺปยุโตฺต’’ติฯ
Vedanākkhandho saṅkhārakkhandhena… viññāṇakkhandhena sahajātoti? Āmantā. Hañci vedanākkhandho viññāṇakkhandhena sahajāto, tena vata re vattabbe – ‘‘vedanākkhandho viññāṇakkhandhena sampayutto’’ti.
สญฺญากฺขโนฺธ … สงฺขารกฺขโนฺธ… วิญฺญาณกฺขโนฺธ เวทนาขเนฺธน… สญฺญากฺขเนฺธน… สงฺขารกฺขเนฺธน สหชาโตติ? อามนฺตาฯ หญฺจิ วิญฺญาณกฺขโนฺธ สงฺขารกฺขเนฺธน สหชาโต , เตน วต เร วตฺตเพฺพ – ‘‘วิญฺญาณกฺขโนฺธ สงฺขารกฺขเนฺธน สมฺปยุโตฺต’’ติฯ
Saññākkhandho … saṅkhārakkhandho… viññāṇakkhandho vedanākhandhena… saññākkhandhena… saṅkhārakkhandhena sahajātoti? Āmantā. Hañci viññāṇakkhandho saṅkhārakkhandhena sahajāto , tena vata re vattabbe – ‘‘viññāṇakkhandho saṅkhārakkhandhena sampayutto’’ti.
๔๗๔. ยถา ติลมฺหิ เตลํ อนุคตํ อนุปวิฎฺฐํ, อุจฺฉุมฺหิ รโส อนุคโต อนุปวิโฎฺฐ; เอวเมว เต ธมฺมา เตหิ ธเมฺมหิ อนุคตา อนุปวิฎฺฐาติ? น เหวํ วตฺตเพฺพ…เป.…ฯ
474. Yathā tilamhi telaṃ anugataṃ anupaviṭṭhaṃ, ucchumhi raso anugato anupaviṭṭho; evameva te dhammā tehi dhammehi anugatā anupaviṭṭhāti? Na hevaṃ vattabbe…pe….
สมฺปยุตฺตกถา นิฎฺฐิตาฯ
Sampayuttakathā niṭṭhitā.
Related texts:
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๒. สมฺปยุตฺตกถาวณฺณนา • 2. Sampayuttakathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-มูลฎีกา • Pañcapakaraṇa-mūlaṭīkā / ๒. สมฺปยุตฺตกถาวณฺณนา • 2. Sampayuttakathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-อนุฎีกา • Pañcapakaraṇa-anuṭīkā / ๒. สมฺปยุตฺตกถาวณฺณนา • 2. Sampayuttakathāvaṇṇanā
