| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੨. ਸਮ੍ਪਯੁਤ੍ਤਕਥਾવਣ੍ਣਨਾ
2. Sampayuttakathāvaṇṇanā
੪੭੩-੪੭੪. ਇਦਾਨਿ ਸਮ੍ਪਯੁਤ੍ਤਕਥਾ ਨਾਮ ਹੋਤਿ। ਤਤ੍ਥ ਯਸ੍ਮਾ ਤਿਲਮ੍ਹਿ ਤੇਲਂ વਿਯ ਨ વੇਦਨਾਦਯੋ ਸਞ੍ਞਾਦੀਸੁ ਅਨੁਪવਿਟ੍ਠਾ, ਤਸ੍ਮਾ ‘‘ਨਤ੍ਥਿ ਕੇਚਿ ਧਮ੍ਮਾ ਕੇਹਿਚਿ ਧਮ੍ਮੇਹਿ ਸਮ੍ਪਯੁਤ੍ਤਾ, ਏવਂ ਸਨ੍ਤੇ ਞਾਣਸਮ੍ਪਯੁਤ੍ਤਨ੍ਤਿਆਦਿ ਨਿਰਤ੍ਥਕਂ ਹੋਤੀ’’ਤਿ ਯੇਸਂ ਲਦ੍ਧਿ, ਸੇਯ੍ਯਥਾਪਿ ਰਾਜਗਿਰਿਕਸਿਦ੍ਧਤ੍ਥਿਕਾਨਞ੍ਞੇવ; ਤੇ ਸਨ੍ਧਾਯ ਅਞ੍ਞੇਨੇવਤ੍ਥੇਨ ਸਮ੍ਪਯੁਤ੍ਤਤਂ ਦਸ੍ਸੇਤੁਂ ਪੁਚ੍ਛਾ ਸਕવਾਦਿਸ੍ਸ, ਅਤ੍ਤਨੋ ਲਦ੍ਧਿવਸੇਨ ਪਟਿਞ੍ਞਾ ਇਤਰਸ੍ਸ। ਸੇਸਮਿਧਾਪਿ ਹੇਟ੍ਠਾ વੁਤ੍ਤਨਯਤ੍ਤਾ ਉਤ੍ਤਾਨਤ੍ਥਮੇવ। ਯੋ ਪਨੇਸ ਪਰવਾਦਿਨਾ ‘‘ਯਥਾ ਤਿਲਮ੍ਹਿ ਤੇਲ’’ਨ੍ਤਿਆਦਿਕੋ ਉਪਮਾਪਞ੍ਹੋ ਆਹਟੋ, ਸੋ ਯਸ੍ਮਾ વੇਦਨਾਸਞ੍ਞਾਨਂ વਿਯ ਤਿਲਤੇਲਾਨਂ ਲਕ੍ਖਣਤੋ ਨਾਨਤ੍ਤવવਤ੍ਥਾਨਂ ਨਤ੍ਥਿ। ਸਬ੍ਬੇਸੁਪਿ ਹਿ ਤਿਲਅਟ੍ਠਿਤਚੇਸੁ ਤਿਲੋਤਿ વੋਹਾਰਮਤ੍ਤਂ, ਤੇਨੇવ ਤਿਲਂ ਨਿਬ੍ਬਤ੍ਤੇਤ੍વਾ ਗਹਿਤੇ ਪੁਰਿਮਸਣ੍ਠਾਨੇਨ ਤਿਲੋ ਨਾਮ ਨ ਪਞ੍ਞਾਯਤਿ, ਤਸ੍ਮਾ ਅਨਾਹਟਸਦਿਸੋવ ਹੋਤੀਤਿ।
473-474. Idāni sampayuttakathā nāma hoti. Tattha yasmā tilamhi telaṃ viya na vedanādayo saññādīsu anupaviṭṭhā, tasmā ‘‘natthi keci dhammā kehici dhammehi sampayuttā, evaṃ sante ñāṇasampayuttantiādi niratthakaṃ hotī’’ti yesaṃ laddhi, seyyathāpi rājagirikasiddhatthikānaññeva; te sandhāya aññenevatthena sampayuttataṃ dassetuṃ pucchā sakavādissa, attano laddhivasena paṭiññā itarassa. Sesamidhāpi heṭṭhā vuttanayattā uttānatthameva. Yo panesa paravādinā ‘‘yathā tilamhi tela’’ntiādiko upamāpañho āhaṭo, so yasmā vedanāsaññānaṃ viya tilatelānaṃ lakkhaṇato nānattavavatthānaṃ natthi. Sabbesupi hi tilaaṭṭhitacesu tiloti vohāramattaṃ, teneva tilaṃ nibbattetvā gahite purimasaṇṭhānena tilo nāma na paññāyati, tasmā anāhaṭasadisova hotīti.
ਸਮ੍ਪਯੁਤ੍ਤਕਥਾવਣ੍ਣਨਾ।
Sampayuttakathāvaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੬੪) ੨. ਸਮ੍ਪਯੁਤ੍ਤਕਥਾ • (64) 2. Sampayuttakathā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੨. ਸਮ੍ਪਯੁਤ੍ਤਕਥਾવਣ੍ਣਨਾ • 2. Sampayuttakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੨. ਸਮ੍ਪਯੁਤ੍ਤਕਥਾવਣ੍ਣਨਾ • 2. Sampayuttakathāvaṇṇanā
