| Library / Tipiṭaka / തിപിടക • Tipiṭaka / പഞ്ചപകരണ-അട്ഠകഥാ • Pañcapakaraṇa-aṭṭhakathā |
൧൯. സമ്പയുത്തപച്ചയനിദ്ദേസവണ്ണനാ
19. Sampayuttapaccayaniddesavaṇṇanā
൧൯. സമ്പയുത്തപച്ചയനിദ്ദേസേ പാളി ഉത്താനത്ഥാ ഏവ. അയം പന സമ്പയുത്തപച്ചയോ നാമ സങ്ഖേപതോ സബ്ബേപി അരൂപിനോ ഖന്ധാ. പഭേദതോ പനേസ ജാതിതോ കുസലാദീനം, ഭൂമിതോ ച കാമാവചരാദീനം വസേന അനേകധാ ഭിജ്ജതീതി ഏവമേത്ഥ നാനപ്പകാരഭേദതോ വിഞ്ഞാതബ്ബോ വിനിച്ഛയോ. ഏവം ഭിന്നേ പനേത്ഥ ചതുഭൂമകേസുപി കുസലക്ഖന്ധേസു ഏകോ ഖന്ധോ തിണ്ണം ഖന്ധാനം, തയോ ഏകസ്സ, ദ്വേ ദ്വിന്നന്തി ഏവം സബ്ബേപി അഞ്ഞമഞ്ഞം സമ്പയുത്തപച്ചയേന പച്ചയോ. അകുസലവിപാകകിരിയക്ഖന്ധേസുപി ഏസേവ നയോതി ഏവമേത്ഥ പച്ചയുപ്പന്നതോപി വിഞ്ഞാതബ്ബോ വിനിച്ഛയോതി.
19. Sampayuttapaccayaniddese pāḷi uttānatthā eva. Ayaṃ pana sampayuttapaccayo nāma saṅkhepato sabbepi arūpino khandhā. Pabhedato panesa jātito kusalādīnaṃ, bhūmito ca kāmāvacarādīnaṃ vasena anekadhā bhijjatīti evamettha nānappakārabhedato viññātabbo vinicchayo. Evaṃ bhinne panettha catubhūmakesupi kusalakkhandhesu eko khandho tiṇṇaṃ khandhānaṃ, tayo ekassa, dve dvinnanti evaṃ sabbepi aññamaññaṃ sampayuttapaccayena paccayo. Akusalavipākakiriyakkhandhesupi eseva nayoti evamettha paccayuppannatopi viññātabbo vinicchayoti.
സമ്പയുത്തപച്ചയനിദ്ദേസവണ്ണനാ.
Sampayuttapaccayaniddesavaṇṇanā.
Related texts:
തിപിടക (മൂല) • Tipiṭaka (Mūla) / അഭിധമ്മപിടക • Abhidhammapiṭaka / പട്ഠാനപാളി • Paṭṭhānapāḷi / (൨) പച്ചയനിദ്ദേസോ • (2) Paccayaniddeso
