| Library / Tipiṭaka / তিপিটক • Tipiṭaka / পঞ্চপকরণ-অনুটীকা • Pañcapakaraṇa-anuṭīkā |
৬. সম্পযুত্তৰারৰণ্ণনা
6. Sampayuttavāravaṇṇanā
৩৯২-৪০০. সদিসং সম্পযুত্তন্তি ‘‘যং সদিসং, তং সংসট্ঠ’’ন্তি ৰুচ্চমানং সম্পযুত্তং ন হোতি ‘‘সংসট্ঠা যোজিতা হযা’’তিআদীসু। অসংসট্ঠং ৰোকিণ্ণন্তি যং ন সংসট্ঠং অন্তরন্তরা উপ্পজ্জমানেন ৰোকিণ্ণম্পি ৰিমিস্সতায সম্পযুত্তন্তি ৰুচ্চমানং, তং সংসট্ঠং ন হোতি ‘‘যা সা ৰীমংসা…পে॰… কোসজ্জসম্পযুত্তা’’তিআদীসু। এৰং অসম্পযুত্তস্সপি সংসট্ঠপরিযাযো অসংসট্ঠস্স চ সম্পযুত্তপরিযাযো অত্থীতি তদুভযং ইতরেতরং নিযমেতীতি দস্সনত্থং ৰারদ্ৰযদেসনাতি দস্সেন্তো আহ ‘‘উভযং…পে॰… নিযামকং হোতী’’তি, সংসট্ঠসদ্দো হি ৰোকিণ্ণট্ঠো নত্থি, সম্পযুত্তসদ্দো চ সদিসত্থো, তস্মা যথা সংসট্ঠসদ্দো সম্পযুত্তসদ্দাপেক্খো সদিসত্থতো ৰিনিৰত্তিত্ৰা একুপ্পাদাদিসভাৰমেৰ অত্থং বোধেতি, এৰং সম্পযুত্তসদ্দোপি সংসট্ঠসদ্দাপেক্খো ৰোকিণ্ণট্ঠতো ৰিনিৰত্তিত্ৰাতি অঞ্ঞমঞ্ঞাপেক্খস্স সদ্দদ্ৰযস্স অঞ্ঞমঞ্ঞনিযামকতা ৰেদিতব্বা।
392-400. Sadisaṃ sampayuttanti ‘‘yaṃ sadisaṃ, taṃ saṃsaṭṭha’’nti vuccamānaṃ sampayuttaṃ na hoti ‘‘saṃsaṭṭhā yojitā hayā’’tiādīsu. Asaṃsaṭṭhaṃ vokiṇṇanti yaṃ na saṃsaṭṭhaṃ antarantarā uppajjamānena vokiṇṇampi vimissatāya sampayuttanti vuccamānaṃ, taṃ saṃsaṭṭhaṃ na hoti ‘‘yā sā vīmaṃsā…pe… kosajjasampayuttā’’tiādīsu. Evaṃ asampayuttassapi saṃsaṭṭhapariyāyo asaṃsaṭṭhassa ca sampayuttapariyāyo atthīti tadubhayaṃ itaretaraṃ niyametīti dassanatthaṃ vāradvayadesanāti dassento āha ‘‘ubhayaṃ…pe… niyāmakaṃ hotī’’ti, saṃsaṭṭhasaddo hi vokiṇṇaṭṭho natthi, sampayuttasaddo ca sadisattho, tasmā yathā saṃsaṭṭhasaddo sampayuttasaddāpekkho sadisatthato vinivattitvā ekuppādādisabhāvameva atthaṃ bodheti, evaṃ sampayuttasaddopi saṃsaṭṭhasaddāpekkho vokiṇṇaṭṭhato vinivattitvāti aññamaññāpekkhassa saddadvayassa aññamaññaniyāmakatā veditabbā.
সম্পযুত্তৰারৰণ্ণনা নিট্ঠিতা।
Sampayuttavāravaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / পট্ঠানপাল়ি • Paṭṭhānapāḷi / ১. কুসলত্তিকং • 1. Kusalattikaṃ
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ৬. সম্পযুত্তৰারৰণ্ণনা • 6. Sampayuttavāravaṇṇanā
