| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
6. сам̣саббанийяасуд̇д̇ам̣
6. Saṃsappanīyasuttaṃ
216. ‘‘сам̣саббанийяабарияааяам̣ во, бхигкавз, д̇хаммабарияааяам̣ д̣̇зсзссаами. д̇ам̣ сун̣аат̇а, саад̇хугам̣ манаси гарот̇а; бхаасиссаамий’’д̇и. ‘‘звам̣, бханд̇з’’д̇и ко д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –
216. ‘‘Saṃsappanīyapariyāyaṃ vo, bhikkhave, dhammapariyāyaṃ desessāmi. Taṃ suṇātha, sādhukaṃ manasi karotha; bhāsissāmī’’ti. ‘‘Evaṃ, bhante’’ti kho te bhikkhū bhagavato paccassosuṃ. Bhagavā etadavoca –
‘‘гад̇амо жа, бхигкавз, сам̣саббанийяабарияааяо д̇хаммабарияааяо? гаммассагаа, бхигкавз, сад̇д̇аа гаммад̣̇ааяаад̣̇аа гаммаяоний гаммаб̣анд̇хуу гаммабадисаран̣аа, яам̣ гаммам̣ гаронд̇и – галяаан̣ам̣ ваа баабагам̣ ваа – д̇асса д̣̇ааяаад̣̇аа бхаванд̇и.
‘‘Katamo ca, bhikkhave, saṃsappanīyapariyāyo dhammapariyāyo? Kammassakā, bhikkhave, sattā kammadāyādā kammayonī kammabandhū kammapaṭisaraṇā, yaṃ kammaṃ karonti – kalyāṇaṃ vā pāpakaṃ vā – tassa dāyādā bhavanti.
‘‘ид̇ха , бхигкавз, згажжо баан̣аад̇ибаад̇ий ход̇и луд̣̇д̣̇о лохид̇абаан̣и хад̇абахад̇з нивидто, ад̣̇аяаабанно саб̣б̣абаан̣абхууд̇зсу. со сам̣саббад̇и гааязна, сам̣саббад̇и ваажааяа, сам̣саббад̇и манасаа. д̇асса ж̇имхам̣ гааяагаммам̣ ход̇и, ж̇имхам̣ важийгаммам̣, ж̇имхам̣ маногаммам̣, ж̇имхаа г̇ад̇и, ж̇имхубабад̇д̇и.
‘‘Idha , bhikkhave, ekacco pāṇātipātī hoti luddo lohitapāṇi hatapahate niviṭṭho, adayāpanno sabbapāṇabhūtesu. So saṃsappati kāyena, saṃsappati vācāya, saṃsappati manasā. Tassa jimhaṃ kāyakammaṃ hoti, jimhaṃ vacīkammaṃ, jimhaṃ manokammaṃ, jimhā gati, jimhupapatti.
‘‘ж̇имхаг̇ад̇игасса ко банаахам̣, бхигкавз, ж̇имхубабад̇д̇игасса д̣̇виннам̣ г̇ад̇ийнам̣ ан̃н̃ад̇арам̣ г̇ад̇им̣ вад̣̇аами – яз ваа зганд̇ад̣̇угкаа нираяаа яаа ваа сам̣саббаж̇аад̇игаа д̇иражчаанаяони. гад̇амаа жа саа, бхигкавз, сам̣саббаж̇аад̇игаа д̇иражчаанаяони? ахи вижчигаа сад̇абад̣̇ий нагулаа б̣ил̣аараа муусигаа улуугаа, яз ваа банан̃н̃зби гзжи д̇иражчаанаяонигаа сад̇д̇аа мануссз д̣̇исваа сам̣саббанд̇и. ид̇и ко, бхигкавз, бхууд̇аа бхууд̇асса убабад̇д̇и ход̇и. яам̣ гарод̇и д̇зна убабаж̇ж̇ад̇и. убабаннамзнам̣ пассаа пусанд̇и. звамахам̣, бхигкавз, ‘гаммад̣̇ааяаад̣̇аа сад̇д̇аа’д̇и вад̣̇аами.
‘‘Jimhagatikassa kho panāhaṃ, bhikkhave, jimhupapattikassa dvinnaṃ gatīnaṃ aññataraṃ gatiṃ vadāmi – ye vā ekantadukkhā nirayā yā vā saṃsappajātikā tiracchānayoni. Katamā ca sā, bhikkhave, saṃsappajātikā tiracchānayoni? Ahi vicchikā satapadī nakulā biḷārā mūsikā ulūkā, ye vā panaññepi keci tiracchānayonikā sattā manusse disvā saṃsappanti. Iti kho, bhikkhave, bhūtā bhūtassa upapatti hoti. Yaṃ karoti tena upapajjati. Upapannamenaṃ phassā phusanti. Evamahaṃ, bhikkhave, ‘kammadāyādā sattā’ti vadāmi.
‘‘ид̇ха бана, бхигкавз, згажжо ад̣̇иннаад̣̇ааяий ход̇и…бз… гаамзсумижчаажаарий ход̇и… мусааваад̣̇ий ход̇и… бисун̣аваажо ход̇и… парусаваажо ход̇и… сампаббалаабий ход̇и… абхиж̇жхаалу ход̇и… б̣яаабаннажид̇д̇о ход̇и… мижчаад̣̇идтиго ход̇и вибарийд̇ад̣̇ассано – ‘над̇т̇и д̣̇иннам̣…бз… саяам̣ абхин̃н̃аа сажчигад̇ваа бавзд̣̇знд̇ий’д̇и. со сам̣саббад̇и гааязна, сам̣саббад̇и ваажааяа, сам̣саббад̇и манасаа. д̇асса ж̇имхам̣ гааяагаммам̣ ход̇и, ж̇имхам̣ важийгаммам̣, ж̇имхам̣ маногаммам̣, ж̇имхаа г̇ад̇и, ж̇имхубабад̇д̇и .
‘‘Idha pana, bhikkhave, ekacco adinnādāyī hoti…pe… kāmesumicchācārī hoti… musāvādī hoti… pisuṇavāco hoti… pharusavāco hoti… samphappalāpī hoti… abhijjhālu hoti… byāpannacitto hoti… micchādiṭṭhiko hoti viparītadassano – ‘natthi dinnaṃ…pe… sayaṃ abhiññā sacchikatvā pavedentī’ti. So saṃsappati kāyena, saṃsappati vācāya, saṃsappati manasā. Tassa jimhaṃ kāyakammaṃ hoti, jimhaṃ vacīkammaṃ, jimhaṃ manokammaṃ, jimhā gati, jimhupapatti .
‘‘ж̇имхаг̇ад̇игасса ко банаахам̣, бхигкавз, ж̇имхубабад̇д̇игасса д̣̇виннам̣ г̇ад̇ийнам̣ ан̃н̃ад̇арам̣ г̇ад̇им̣ вад̣̇аами – яз ваа зганд̇ад̣̇угкаа нираяаа яаа ваа сам̣саббаж̇аад̇игаа д̇иражчаанаяони. гад̇амаа жа саа, бхигкавз, сам̣саббаж̇аад̇игаа д̇иражчаанаяони ? ахи вижчигаа сад̇абад̣̇ий нагулаа б̣ил̣аараа муусигаа улуугаа, яз ваа банан̃н̃зби гзжи д̇иражчаанаяонигаа сад̇д̇аа мануссз д̣̇исваа сам̣саббанд̇и. ид̇и ко, бхигкавз, бхууд̇аа бхууд̇асса убабад̇д̇и ход̇и, яам̣ гарод̇и д̇зна убабаж̇ж̇ад̇и. убабаннамзнам̣ пассаа пусанд̇и. звамахам̣, бхигкавз, ‘гаммад̣̇ааяаад̣̇аа сад̇д̇аа’д̇и вад̣̇аами. гаммассагаа, бхигкавз, сад̇д̇аа гаммад̣̇ааяаад̣̇аа гаммаяоний гаммаб̣анд̇хуу гаммабадисаран̣аа, яам̣ гаммам̣ гаронд̇и – галяаан̣ам̣ ваа баабагам̣ ваа – д̇асса д̣̇ааяаад̣̇аа бхаванд̇и.
‘‘Jimhagatikassa kho panāhaṃ, bhikkhave, jimhupapattikassa dvinnaṃ gatīnaṃ aññataraṃ gatiṃ vadāmi – ye vā ekantadukkhā nirayā yā vā saṃsappajātikā tiracchānayoni. Katamā ca sā, bhikkhave, saṃsappajātikā tiracchānayoni ? Ahi vicchikā satapadī nakulā biḷārā mūsikā ulūkā, ye vā panaññepi keci tiracchānayonikā sattā manusse disvā saṃsappanti. Iti kho, bhikkhave, bhūtā bhūtassa upapatti hoti, yaṃ karoti tena upapajjati. Upapannamenaṃ phassā phusanti. Evamahaṃ, bhikkhave, ‘kammadāyādā sattā’ti vadāmi. Kammassakā, bhikkhave, sattā kammadāyādā kammayonī kammabandhū kammapaṭisaraṇā, yaṃ kammaṃ karonti – kalyāṇaṃ vā pāpakaṃ vā – tassa dāyādā bhavanti.
‘‘ид̇ха, бхигкавз, згажжо баан̣аад̇ибаад̇ам̣ бахааяа баан̣аад̇ибаад̇аа бадивирад̇о ход̇и нихид̇ад̣̇ан̣д̣о нихид̇асад̇т̇о, лаж̇ж̇ий д̣̇аяаабанно саб̣б̣абаан̣абхууд̇ахид̇аанугамбий вихарад̇и. со на сам̣саббад̇и гааязна, на сам̣саббад̇и ваажааяа, на сам̣саббад̇и манасаа. д̇асса уж̇у гааяагаммам̣ ход̇и, уж̇у важийгаммам̣, уж̇у маногаммам̣, уж̇у г̇ад̇и, уж̇убабад̇д̇и.
‘‘Idha, bhikkhave, ekacco pāṇātipātaṃ pahāya pāṇātipātā paṭivirato hoti nihitadaṇḍo nihitasattho, lajjī dayāpanno sabbapāṇabhūtahitānukampī viharati. So na saṃsappati kāyena, na saṃsappati vācāya, na saṃsappati manasā. Tassa uju kāyakammaṃ hoti, uju vacīkammaṃ, uju manokammaṃ, uju gati, ujupapatti.
‘‘уж̇уг̇ад̇игасса ко банаахам̣, бхигкавз, уж̇убабад̇д̇игасса д̣̇виннам̣ г̇ад̇ийнам̣ ан̃н̃ад̇арам̣ г̇ад̇им̣ вад̣̇аами – яз ваа зганд̇асукаа саг̇г̇аа яаани ваа бана д̇аани ужжаагулаани кад̇д̇ияамахаасаалагулаани ваа б̣раахман̣амахаасаалагулаани ваа г̇ахабад̇имахаасаалагулаани ваа ад̣дхаани махад̣̇д̇ханаани махаабхог̇аани бахууд̇аж̇аад̇аруубараж̇ад̇аани бахууд̇авид̇д̇уубагаран̣аани бахууд̇ад̇ханад̇хан̃н̃аани. ид̇и ко, бхигкавз, бхууд̇аа бхууд̇асса убабад̇д̇и ход̇и. яам̣ гарод̇и д̇зна убабаж̇ж̇ад̇и. убабаннамзнам̣ пассаа пусанд̇и. звамахам̣, бхигкавз, ‘гаммад̣̇ааяаад̣̇аа сад̇д̇аа’д̇и вад̣̇аами.
‘‘Ujugatikassa kho panāhaṃ, bhikkhave, ujupapattikassa dvinnaṃ gatīnaṃ aññataraṃ gatiṃ vadāmi – ye vā ekantasukhā saggā yāni vā pana tāni uccākulāni khattiyamahāsālakulāni vā brāhmaṇamahāsālakulāni vā gahapatimahāsālakulāni vā aḍḍhāni mahaddhanāni mahābhogāni pahūtajātarūparajatāni pahūtavittūpakaraṇāni pahūtadhanadhaññāni. Iti kho, bhikkhave, bhūtā bhūtassa upapatti hoti. Yaṃ karoti tena upapajjati. Upapannamenaṃ phassā phusanti. Evamahaṃ, bhikkhave, ‘kammadāyādā sattā’ti vadāmi.
‘‘ид̇ха бана, бхигкавз, згажжо ад̣̇иннаад̣̇аанам̣ бахааяа ад̣̇иннаад̣̇аанаа бадивирад̇о ход̇и…бз… гаамзсумижчаажаараа бадивирад̇о ход̇и… мусааваад̣̇ам̣ бахааяа мусааваад̣̇аа бадивирад̇о ход̇и… бисун̣ам̣ ваажам̣ бахааяа бисун̣ааяа ваажааяа бадивирад̇о ход̇и… парусам̣ ваажам̣ бахааяа парусааяа ваажааяа бадивирад̇о ход̇и… сампаббалаабам̣ бахааяа сампаббалаабаа бадивирад̇о ход̇и… анабхиж̇жхаалу ход̇и… аб̣яаабаннажид̇д̇о ход̇и… саммаад̣̇идтиго ход̇и авибарийд̇ад̣̇ассано – ‘ад̇т̇и д̣̇иннам̣…бз… яз иман̃жа логам̣ баран̃жа логам̣ саяам̣ абхин̃н̃аа сажчигад̇ваа бавзд̣̇знд̇ий’д̇и. со на сам̣саббад̇и гааязна, на сам̣саббад̇и ваажааяа, на сам̣саббад̇и манасаа. д̇асса уж̇у гааяагаммам̣ ход̇и, уж̇у важийгаммам̣, уж̇у маногаммам̣, уж̇у г̇ад̇и, уж̇убабад̇д̇и.
‘‘Idha pana, bhikkhave, ekacco adinnādānaṃ pahāya adinnādānā paṭivirato hoti…pe… kāmesumicchācārā paṭivirato hoti… musāvādaṃ pahāya musāvādā paṭivirato hoti… pisuṇaṃ vācaṃ pahāya pisuṇāya vācāya paṭivirato hoti… pharusaṃ vācaṃ pahāya pharusāya vācāya paṭivirato hoti… samphappalāpaṃ pahāya samphappalāpā paṭivirato hoti… anabhijjhālu hoti… abyāpannacitto hoti… sammādiṭṭhiko hoti aviparītadassano – ‘atthi dinnaṃ…pe… ye imañca lokaṃ parañca lokaṃ sayaṃ abhiññā sacchikatvā pavedentī’ti. So na saṃsappati kāyena, na saṃsappati vācāya, na saṃsappati manasā. Tassa uju kāyakammaṃ hoti, uju vacīkammaṃ, uju manokammaṃ, uju gati, ujupapatti.
‘‘уж̇уг̇ад̇игасса ко бана ахам̣, бхигкавз, уж̇убабад̇д̇игасса д̣̇виннам̣ г̇ад̇ийнам̣ ан̃н̃ад̇арам̣ г̇ад̇им̣ вад̣̇аами – яз ваа зганд̇асукаа саг̇г̇аа яаани ваа бана д̇аани ужжаагулаани кад̇д̇ияамахаасаалагулаани ваа б̣раахман̣амахаасаалагулаани ваа г̇ахабад̇имахаасаалагулаани ваа ад̣дхаани махад̣̇д̇ханаани махаабхог̇аани бахууд̇аж̇аад̇аруубараж̇ад̇аани бахууд̇авид̇д̇уубагаран̣аани бахууд̇ад̇ханад̇хан̃н̃аани. ид̇и ко, бхигкавз, бхууд̇аа бхууд̇асса убабад̇д̇и ход̇и. яам̣ гарод̇и д̇зна убабаж̇ж̇ад̇и. убабаннамзнам̣ пассаа пусанд̇и. звамахам̣, бхигкавз, ‘гаммад̣̇ааяаад̣̇аа сад̇д̇аа’д̇и вад̣̇аами.
‘‘Ujugatikassa kho pana ahaṃ, bhikkhave, ujupapattikassa dvinnaṃ gatīnaṃ aññataraṃ gatiṃ vadāmi – ye vā ekantasukhā saggā yāni vā pana tāni uccākulāni khattiyamahāsālakulāni vā brāhmaṇamahāsālakulāni vā gahapatimahāsālakulāni vā aḍḍhāni mahaddhanāni mahābhogāni pahūtajātarūparajatāni pahūtavittūpakaraṇāni pahūtadhanadhaññāni. Iti kho, bhikkhave, bhūtā bhūtassa upapatti hoti. Yaṃ karoti tena upapajjati. Upapannamenaṃ phassā phusanti. Evamahaṃ, bhikkhave, ‘kammadāyādā sattā’ti vadāmi.
‘‘гаммассагаа , бхигкавз, сад̇д̇аа гаммад̣̇ааяаад̣̇аа гаммаяоний гаммаб̣анд̇хуу гаммабадисаран̣аа, яам̣ гаммам̣ гаронд̇и – галяаан̣ам̣ ваа баабагам̣ ваа – д̇асса д̣̇ааяаад̣̇аа бхаванд̇и. аяам̣ ко со, бхигкавз, сам̣саббанийяабарияааяо д̇хаммабарияааяо’’д̇и. чадтам̣.
‘‘Kammassakā , bhikkhave, sattā kammadāyādā kammayonī kammabandhū kammapaṭisaraṇā, yaṃ kammaṃ karonti – kalyāṇaṃ vā pāpakaṃ vā – tassa dāyādā bhavanti. Ayaṃ kho so, bhikkhave, saṃsappanīyapariyāyo dhammapariyāyo’’ti. Chaṭṭhaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 6. сам̣саббанийяасуд̇д̇аван̣н̣анаа • 6. Saṃsappanīyasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-536. батаманираяасаг̇г̇асуд̇д̇аад̣̇иван̣н̣анаа • 1-536. Paṭhamanirayasaggasuttādivaṇṇanā
