| Library / Tipiṭaka / तिपिटक • Tipiṭaka / अङ्गुत्तरनिकाय (अट्ठकथा) • Aṅguttaranikāya (aṭṭhakathā) |
६. संसप्पनीयसुत्तवण्णना
6. Saṃsappanīyasuttavaṇṇanā
२१६. छट्ठे संसप्पनीयपरियायं वो, भिक्खवे, धम्मपरियायन्ति संसप्पनस्स कारणं देसनासङ्खातं धम्मदेसनं। संसप्पतीति तं कम्मं करोन्तो आसप्पति परिसप्पति विप्फन्दति। जिम्हा गतीति तेन कम्मेन यं गतिं गमिस्सति, सा जिम्हा होति। जिम्हुपपत्तीति तस्स यं गतिं उपपज्जिस्सति, सापि जिम्हाव होति। संसप्पजातिकाति संसप्पनसभावा। भूता भूतस्स उपपत्ति होतीति भूतस्मा सभावतो विज्जमानकम्मा सत्तस्स निब्बत्ति होति। फस्सा फुसन्तीति विपाकफस्सा फुसन्ति।
216. Chaṭṭhe saṃsappanīyapariyāyaṃ vo, bhikkhave, dhammapariyāyanti saṃsappanassa kāraṇaṃ desanāsaṅkhātaṃ dhammadesanaṃ. Saṃsappatīti taṃ kammaṃ karonto āsappati parisappati vipphandati. Jimhāgatīti tena kammena yaṃ gatiṃ gamissati, sā jimhā hoti. Jimhupapattīti tassa yaṃ gatiṃ upapajjissati, sāpi jimhāva hoti. Saṃsappajātikāti saṃsappanasabhāvā. Bhūtā bhūtassa upapatti hotīti bhūtasmā sabhāvato vijjamānakammā sattassa nibbatti hoti. Phassā phusantīti vipākaphassā phusanti.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya / ६. संसप्पनीयसुत्तं • 6. Saṃsappanīyasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / १-५३६. पठमनिरयसग्गसुत्तादिवण्णना • 1-536. Paṭhamanirayasaggasuttādivaṇṇanā
