| Library / Tipiṭaka / តិបិដក • Tipiṭaka / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) |
៦. សំសប្បនីយសុត្តវណ្ណនា
6. Saṃsappanīyasuttavaṇṇanā
២១៦. ឆដ្ឋេ សំសប្បនីយបរិយាយំ វោ, ភិក្ខវេ, ធម្មបរិយាយន្តិ សំសប្បនស្ស ការណំ ទេសនាសង្ខាតំ ធម្មទេសនំ។ សំសប្បតីតិ តំ កម្មំ ករោន្តោ អាសប្បតិ បរិសប្បតិ វិប្ផន្ទតិ។ ជិម្ហា គតីតិ តេន កម្មេន យំ គតិំ គមិស្សតិ, សា ជិម្ហា ហោតិ។ ជិម្ហុបបត្តីតិ តស្ស យំ គតិំ ឧបបជ្ជិស្សតិ, សាបិ ជិម្ហាវ ហោតិ។ សំសប្បជាតិកាតិ សំសប្បនសភាវា។ ភូតា ភូតស្ស ឧបបត្តិ ហោតីតិ ភូតស្មា សភាវតោ វិជ្ជមានកម្មា សត្តស្ស និព្ពត្តិ ហោតិ។ ផស្សា ផុសន្តីតិ វិបាកផស្សា ផុសន្តិ។
216. Chaṭṭhe saṃsappanīyapariyāyaṃ vo, bhikkhave, dhammapariyāyanti saṃsappanassa kāraṇaṃ desanāsaṅkhātaṃ dhammadesanaṃ. Saṃsappatīti taṃ kammaṃ karonto āsappati parisappati vipphandati. Jimhāgatīti tena kammena yaṃ gatiṃ gamissati, sā jimhā hoti. Jimhupapattīti tassa yaṃ gatiṃ upapajjissati, sāpi jimhāva hoti. Saṃsappajātikāti saṃsappanasabhāvā. Bhūtā bhūtassa upapatti hotīti bhūtasmā sabhāvato vijjamānakammā sattassa nibbatti hoti. Phassā phusantīti vipākaphassā phusanti.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ៦. សំសប្បនីយសុត្តំ • 6. Saṃsappanīyasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ១-៥៣៦. បឋមនិរយសគ្គសុត្តាទិវណ្ណនា • 1-536. Paṭhamanirayasaggasuttādivaṇṇanā
