| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
9. сам̣саарабан̃хо
9. Saṃsārapañho
9. рааж̇аа ааха ‘‘бханд̇з нааг̇асзна, яам̣ банзд̇ам̣ б̣рууси ‘сам̣сааро’д̇и, гад̇амо со сам̣сааро’’д̇и? ‘‘ид̇ха, махаарааж̇а, ж̇аад̇о ид̇хзва марад̇и, ид̇ха мад̇о ан̃н̃ад̇ра уббаж̇ж̇ад̇и, д̇ахим̣ ж̇аад̇о д̇ахим̣ язва марад̇и, д̇ахим̣ мад̇о ан̃н̃ад̇ра уббаж̇ж̇ад̇и, звам̣ ко, махаарааж̇а, сам̣сааро ход̇ий’’д̇и. ‘‘обаммам̣ гарохий’’д̇и. ‘‘яат̇аа, махаарааж̇а, гожид̣̇зва бурисо баггам̣ амб̣ам̣ каад̣̇ид̇ваа адтим̣ робзяяа, д̇ад̇о маханд̇о амб̣аругко ниб̣б̣ад̇д̇ид̇ваа палаани д̣̇ад̣̇зяяа, ат̇а со бурисо д̇ад̇оби баггам̣ амб̣ам̣ каад̣̇ид̇ваа адтим̣ робзяяа, д̇ад̇оби маханд̇о амб̣аругко ниб̣б̣ад̇д̇ид̇ваа палаани д̣̇ад̣̇зяяа, звамзд̇зсам̣ ругкаанам̣ годи на бан̃н̃ааяад̇и, звамзва ко, махаарааж̇а, ид̇ха ж̇аад̇о ид̇хзва марад̇и, ид̇ха мад̇о ан̃н̃ад̇ра уббаж̇ж̇ад̇и, д̇ахим̣ ж̇аад̇о д̇ахим̣ язва марад̇и, д̇ахим̣ мад̇о ан̃н̃ад̇ра уббаж̇ж̇ад̇и, звам̣ ко, махаарааж̇а, сам̣сааро ход̇ий’’д̇и.
9. Rājā āha ‘‘bhante nāgasena, yaṃ panetaṃ brūsi ‘saṃsāro’ti, katamo so saṃsāro’’ti? ‘‘Idha, mahārāja, jāto idheva marati, idha mato aññatra uppajjati, tahiṃ jāto tahiṃ yeva marati, tahiṃ mato aññatra uppajjati, evaṃ kho, mahārāja, saṃsāro hotī’’ti. ‘‘Opammaṃ karohī’’ti. ‘‘Yathā, mahārāja, kocideva puriso pakkaṃ ambaṃ khāditvā aṭṭhiṃ ropeyya, tato mahanto ambarukkho nibbattitvā phalāni dadeyya, atha so puriso tatopi pakkaṃ ambaṃ khāditvā aṭṭhiṃ ropeyya, tatopi mahanto ambarukkho nibbattitvā phalāni dadeyya, evametesaṃ rukkhānaṃ koṭi na paññāyati, evameva kho, mahārāja, idha jāto idheva marati, idha mato aññatra uppajjati, tahiṃ jāto tahiṃ yeva marati, tahiṃ mato aññatra uppajjati, evaṃ kho, mahārāja, saṃsāro hotī’’ti.
‘‘галлоси, бханд̇з нааг̇асзнаа’’д̇и.
‘‘Kallosi, bhante nāgasenā’’ti.
сам̣саарабан̃хо навамо.
Saṃsārapañho navamo.
