| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੯. ਸਂਸਾਰਪਞ੍ਹੋ
9. Saṃsārapañho
੯. ਰਾਜਾ ਆਹ ‘‘ਭਨ੍ਤੇ ਨਾਗਸੇਨ, ਯਂ ਪਨੇਤਂ ਬ੍ਰੂਸਿ ‘ਸਂਸਾਰੋ’ਤਿ, ਕਤਮੋ ਸੋ ਸਂਸਾਰੋ’’ਤਿ? ‘‘ਇਧ, ਮਹਾਰਾਜ, ਜਾਤੋ ਇਧੇવ ਮਰਤਿ, ਇਧ ਮਤੋ ਅਞ੍ਞਤ੍ਰ ਉਪ੍ਪਜ੍ਜਤਿ, ਤਹਿਂ ਜਾਤੋ ਤਹਿਂ ਯੇવ ਮਰਤਿ, ਤਹਿਂ ਮਤੋ ਅਞ੍ਞਤ੍ਰ ਉਪ੍ਪਜ੍ਜਤਿ, ਏવਂ ਖੋ, ਮਹਾਰਾਜ, ਸਂਸਾਰੋ ਹੋਤੀ’’ਤਿ। ‘‘ਓਪਮ੍ਮਂ ਕਰੋਹੀ’’ਤਿ। ‘‘ਯਥਾ, ਮਹਾਰਾਜ, ਕੋਚਿਦੇવ ਪੁਰਿਸੋ ਪਕ੍ਕਂ ਅਮ੍ਬਂ ਖਾਦਿਤ੍વਾ ਅਟ੍ਠਿਂ ਰੋਪੇਯ੍ਯ, ਤਤੋ ਮਹਨ੍ਤੋ ਅਮ੍ਬਰੁਕ੍ਖੋ ਨਿਬ੍ਬਤ੍ਤਿਤ੍વਾ ਫਲਾਨਿ ਦਦੇਯ੍ਯ, ਅਥ ਸੋ ਪੁਰਿਸੋ ਤਤੋਪਿ ਪਕ੍ਕਂ ਅਮ੍ਬਂ ਖਾਦਿਤ੍વਾ ਅਟ੍ਠਿਂ ਰੋਪੇਯ੍ਯ, ਤਤੋਪਿ ਮਹਨ੍ਤੋ ਅਮ੍ਬਰੁਕ੍ਖੋ ਨਿਬ੍ਬਤ੍ਤਿਤ੍વਾ ਫਲਾਨਿ ਦਦੇਯ੍ਯ, ਏવਮੇਤੇਸਂ ਰੁਕ੍ਖਾਨਂ ਕੋਟਿ ਨ ਪਞ੍ਞਾਯਤਿ, ਏવਮੇવ ਖੋ, ਮਹਾਰਾਜ, ਇਧ ਜਾਤੋ ਇਧੇવ ਮਰਤਿ, ਇਧ ਮਤੋ ਅਞ੍ਞਤ੍ਰ ਉਪ੍ਪਜ੍ਜਤਿ, ਤਹਿਂ ਜਾਤੋ ਤਹਿਂ ਯੇવ ਮਰਤਿ, ਤਹਿਂ ਮਤੋ ਅਞ੍ਞਤ੍ਰ ਉਪ੍ਪਜ੍ਜਤਿ, ਏવਂ ਖੋ, ਮਹਾਰਾਜ, ਸਂਸਾਰੋ ਹੋਤੀ’’ਤਿ।
9. Rājā āha ‘‘bhante nāgasena, yaṃ panetaṃ brūsi ‘saṃsāro’ti, katamo so saṃsāro’’ti? ‘‘Idha, mahārāja, jāto idheva marati, idha mato aññatra uppajjati, tahiṃ jāto tahiṃ yeva marati, tahiṃ mato aññatra uppajjati, evaṃ kho, mahārāja, saṃsāro hotī’’ti. ‘‘Opammaṃ karohī’’ti. ‘‘Yathā, mahārāja, kocideva puriso pakkaṃ ambaṃ khāditvā aṭṭhiṃ ropeyya, tato mahanto ambarukkho nibbattitvā phalāni dadeyya, atha so puriso tatopi pakkaṃ ambaṃ khāditvā aṭṭhiṃ ropeyya, tatopi mahanto ambarukkho nibbattitvā phalāni dadeyya, evametesaṃ rukkhānaṃ koṭi na paññāyati, evameva kho, mahārāja, idha jāto idheva marati, idha mato aññatra uppajjati, tahiṃ jāto tahiṃ yeva marati, tahiṃ mato aññatra uppajjati, evaṃ kho, mahārāja, saṃsāro hotī’’ti.
‘‘ਕਲ੍ਲੋਸਿ, ਭਨ੍ਤੇ ਨਾਗਸੇਨਾ’’ਤਿ।
‘‘Kallosi, bhante nāgasenā’’ti.
ਸਂਸਾਰਪਞ੍ਹੋ ਨવਮੋ।
Saṃsārapañho navamo.
