| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
сам̣садтаваараад̣̇иван̣н̣анаа
Saṃsaṭṭhavārādivaṇṇanā
306. ад̇хигаран̣анд̇и ваа самат̇аад̇и ваа имз д̇хаммаа сам̣садтаад̇иаад̣̇и самат̇аанам̣ ад̇хигаран̣зсу зва яат̇аарахам̣ бавад̇д̇им̣, ад̇хигаран̣аани винаа д̇зсам̣ висум̣ адтаанан̃жа д̣̇ассзд̇ум̣ вуд̇д̇ам̣. виниб̣бхуж̇ид̇ваа наанаагаран̣ам̣ бан̃н̃аабзд̇унд̇и ад̇хигаран̣ад̇о самат̇зхи вияож̇зд̇ваа асам̣садтз гад̇ваа наанаагаран̣ам̣ ан̃н̃аман̃н̃ам̣ асам̣садтад̇ааяа тид̇абхаавасан̇каад̇ам̣ наанад̇д̇ам̣ бан̃н̃аабзд̇ум̣ ад̇хигаран̣авуубасамагкан̣з зва д̇зсам̣ асам̣саг̇г̇ам̣ бан̃н̃аабзд̇ум̣ гим̣ саггаад̇и бужчад̇и.
306.Adhikaraṇantivā samathāti vā ime dhammā saṃsaṭṭhātiādi samathānaṃ adhikaraṇesu eva yathārahaṃ pavattiṃ, adhikaraṇāni vinā tesaṃ visuṃ aṭṭhānañca dassetuṃ vuttaṃ. Vinibbhujitvā nānākaraṇaṃ paññāpetunti adhikaraṇato samathehi viyojetvā asaṃsaṭṭhe katvā nānākaraṇaṃ aññamaññaṃ asaṃsaṭṭhatāya ṭhitabhāvasaṅkhātaṃ nānattaṃ paññāpetuṃ adhikaraṇavūpasamakkhaṇe eva tesaṃ asaṃsaggaṃ paññāpetuṃ kiṃ sakkāti pucchati.
ад̇хигаран̣анд̇иаад̣̇и г̇аараяхаваад̣̇ад̣̇ассанам̣. со маа хзванд̇и яо звам̣ вад̣̇ад̇и, со ‘‘маа звам̣ вад̣̇аа’’д̇и важанийяо асса, на жа лаб̣бхад̇и самат̇аанам̣ ан̃н̃ад̇ра ад̇хигаран̣аа вуубасамалагкан̣анд̇и бахаанаавад̇т̇аанасан̇каад̇ам̣ наанаагаран̣ам̣ бадигкибад̇и. лагкан̣ад̇о бана ад̇хигаран̣зхи самат̇аанам̣ наанаагаран̣ам̣ ад̇т̇зваад̇и д̣̇адтаб̣б̣ам̣. самат̇аа ад̇хигаран̣зхи самманд̇ийд̇и абалоганаад̣̇ийхи жад̇уухи гижжаад̇хигаран̣зхи саб̣б̣зби самат̇аа нидтаанам̣ г̇ажчанд̇и, наан̃н̃зхийд̇и имамад̇т̇ам̣ санд̇хааяа вуд̇д̇ам̣. д̇знзва вагкад̇и ‘‘саммукаавинаяо виваад̣̇аад̇хигаран̣зна на саммад̇и. ануваад̣̇а…бз… аабад̇д̇аад̇хигаран̣зна на саммад̇и, гижжаад̇хигаран̣зна саммад̇ий’’д̇иаад̣̇и (бари. 311).
Adhikaraṇantiādi gārayhavādadassanaṃ. So mā hevanti yo evaṃ vadati, so ‘‘mā evaṃ vadā’’ti vacanīyo assa, na ca labbhati samathānaṃ aññatra adhikaraṇā vūpasamalakkhaṇanti pahānāvatthānasaṅkhātaṃ nānākaraṇaṃ paṭikkhipati. Lakkhaṇato pana adhikaraṇehi samathānaṃ nānākaraṇaṃ atthevāti daṭṭhabbaṃ. Samathā adhikaraṇehi sammantīti apalokanādīhi catūhi kiccādhikaraṇehi sabbepi samathā niṭṭhānaṃ gacchanti, nāññehīti imamatthaṃ sandhāya vuttaṃ. Teneva vakkhati ‘‘sammukhāvinayo vivādādhikaraṇena na sammati. Anuvāda…pe… āpattādhikaraṇena na sammati, kiccādhikaraṇena sammatī’’tiādi (pari. 311).
307-313. виваад̣̇аад̇хигаран̣ам̣ гад̇ихи самат̇зхи саммад̇ийд̇иаад̣̇иго саммад̇ивааро. д̇ад̣̇ананд̇аро саммад̇инасаммад̇ивааро жа ад̇хигаран̣зхи самат̇аанам̣ сам̣садтад̇ам̣, висам̣садтад̇ан̃жа д̣̇ассзд̇ум̣ вуд̇д̇о. самат̇аа самат̇зхи самманд̇ийд̇иаад̣̇иго самат̇аад̇хигаран̣авааро самат̇аанам̣ ан̃н̃аман̃н̃ам̣, ад̇хигаран̣зхи жа ад̇хигаран̣аанан̃жа ан̃н̃аман̃н̃ам̣, самат̇зхи жа вуубасамаавуубасамам̣ д̣̇ассзд̇ум̣ вуд̇д̇о.
307-313.Vivādādhikaraṇaṃ katihi samathehi sammatītiādiko sammativāro. Tadanantaro sammatinasammativāro ca adhikaraṇehi samathānaṃ saṃsaṭṭhataṃ, visaṃsaṭṭhatañca dassetuṃ vutto. Samathā samathehi sammantītiādiko samathādhikaraṇavāro samathānaṃ aññamaññaṃ, adhikaraṇehi ca adhikaraṇānañca aññamaññaṃ, samathehi ca vūpasamāvūpasamaṃ dassetuṃ vutto.
314. самудтаабзд̇ивааро бана ад̇хигаран̣зхи ад̇хигаран̣аанам̣ уббад̇д̇иббагаарад̣̇ассанад̇т̇ам̣ вуд̇д̇о. на гад̇амам̣ ад̇хигаран̣анд̇и ад̇д̇ано самбхавамад̇д̇зна згамби ад̇хигаран̣ам̣ на самудтаабзд̇ийд̇и ад̇т̇о. гат̇ан̃жарахи самудтаабзд̇ийд̇и ааха ‘‘аби жаа’’д̇иаад̣̇и. д̇ад̇т̇а ж̇ааяанд̇ийд̇и ананд̇арамзва ануббаж̇ж̇ид̇ваа барамбарабажжаяаа ж̇ааяанд̇ийд̇и ад̇хиббааяо. ‘‘д̇хаммо ад̇хаммо’’д̇иаад̣̇инаа убхиннам̣ буг̇г̇алаанам̣ виваад̣̇абажжаяаа ан̃н̃аман̃н̃акзмабхан̇г̇аа хонд̇и, д̇аббажжаяаа д̇зсам̣ багкам̣ бариязсанзна галахам̣ вад̣дханд̇аанам̣ виваад̣̇о ган̃жи махаабарисам̣ сан̇гхабарин̣ааяагам̣ лаж̇ж̇им̣ ааг̇амма вуубасамам̣ г̇ажчад̇и. д̇ат̇аа авуубасаманд̇з бана виваад̣̇о гамзна вад̣дхид̇ваа сагалзби сан̇гхз виваад̣̇ам̣ самудтаабзд̇и, д̇ад̇о ануваад̣̇аад̣̇ийнийд̇и звам̣ барамбараггамзна вуубасамагааран̣аабхаавз жад̇д̇аари ад̇хигаран̣аани ж̇ааяанд̇и. д̇ам̣ санд̇хааяааха ‘‘сан̇гхо вивад̣̇ад̇и виваад̣̇аад̇хигаран̣а’’нд̇и. сан̇гхасса вивад̣̇ад̇о яо виваад̣̇о, д̇ам̣ виваад̣̇аад̇хигаран̣ам̣ ход̇ийд̇и ад̇т̇о. зса наяо сзсзсуби.
314. Samuṭṭhāpetivāro pana adhikaraṇehi adhikaraṇānaṃ uppattippakāradassanatthaṃ vutto. Na katamaṃ adhikaraṇanti attano sambhavamattena ekampi adhikaraṇaṃ na samuṭṭhāpetīti attho. Kathañcarahi samuṭṭhāpetīti āha ‘‘api cā’’tiādi. Tattha jāyantīti anantarameva anuppajjitvā paramparapaccayā jāyantīti adhippāyo. ‘‘Dhammo adhammo’’tiādinā ubhinnaṃ puggalānaṃ vivādapaccayā aññamaññakhemabhaṅgā honti, tappaccayā tesaṃ pakkhaṃ pariyesanena kalahaṃ vaḍḍhantānaṃ vivādo kañci mahāparisaṃ saṅghapariṇāyakaṃ lajjiṃ āgamma vūpasamaṃ gacchati. Tathā avūpasamante pana vivādo kamena vaḍḍhitvā sakalepi saṅghe vivādaṃ samuṭṭhāpeti, tato anuvādādīnīti evaṃ paramparakkamena vūpasamakāraṇābhāve cattāri adhikaraṇāni jāyanti. Taṃ sandhāyāha ‘‘saṅgho vivadati vivādādhikaraṇa’’nti. Saṅghassa vivadato yo vivādo, taṃ vivādādhikaraṇaṃ hotīti attho. Esa nayo sesesupi.
сам̣садтаваараад̣̇иван̣н̣анаа нидтид̇аа.
Saṃsaṭṭhavārādivaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi
16. сам̣садтавааро • 16. Saṃsaṭṭhavāro
17. саммад̇ивааро • 17. Sammativāro
18. самманд̇и на самманд̇ивааро • 18. Sammanti na sammantivāro
19. самат̇аад̇хигаран̣авааро • 19. Samathādhikaraṇavāro
20. самудтаабанавааро • 20. Samuṭṭhāpanavāro
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā
сам̣садтаваарагат̇ааван̣н̣анаа • Saṃsaṭṭhavārakathāvaṇṇanā
самат̇аад̇хигаран̣аваарагат̇ааван̣н̣анаа • Samathādhikaraṇavārakathāvaṇṇanā
самудтаабанаваарагат̇ааван̣н̣анаа • Samuṭṭhāpanavārakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / сам̣садтаваараад̣̇иван̣н̣анаа • Saṃsaṭṭhavārādivaṇṇanā
