| Library / Tipiṭaka / திபிடக • Tipiṭaka / பஞ்சபகரண-மூலடீகா • Pañcapakaraṇa-mūlaṭīkā |
5. ஸங்ஸட்ட²வாரவண்ணனா
5. Saṃsaṭṭhavāravaṇṇanā
351-368. ஸங்ஸட்ட²வாரே பச்சனீயே ‘‘நவிப்பயுத்தே படிஸந்தி⁴ நத்தீ²’’தி இத³ங் வத்து²விரஹிதாய படிஸந்தி⁴யா விஸுங் அனுத்³த⁴ரணதோ வுத்தங். படிச்சவாராதீ³ஸு ஹி ஸஹஜாதஸ்ஸ பச்சயபா⁴வத³ஸ்ஸனத்த²ங் ஸவத்து²கா படிஸந்தி⁴ உத்³த⁴டா, ஸா இதா⁴பி அதி⁴பதிபுரேஜாதாஸேவனேஸு நகம்மனவிபாகனஜா²னநவிப்பயுத்தேஸு ந லப்³ப⁴தி, அஞ்ஞேஸு ச அனுலோமதோ பச்சனீயதோ ச லப்³ப⁴மானபச்சயேஸு லப்³ப⁴தீதி இமஸ்ஸ விஸேஸஸ்ஸ த³ஸ்ஸனத்த²ங் உத்³த⁴டாதி. ஸேஸா தேரஸ ந லப்³ப⁴ந்தீதி எத்த² ‘‘ஸேஸா சுத்³த³ஸா’’தி ப⁴விதப்³ப³ங். ந ஜா²னே ஏகந்தி அஹேதுகபஞ்சவிஞ்ஞாணவஸேனாதி பஞ்சவிஞ்ஞாணானங் ஹேதுபச்சயவிரஹிதமத்தத³ஸ்ஸனத்த²ங் அஹேதுகக்³க³ஹணங் கதந்தி த³ட்ட²ப்³ப³ங், ‘‘நமக்³கே³ ஏகந்தி அஹேதுககிரியவஸேனா’’தி வுத்தங், ‘‘அஹேதுகவிபாககிரியவஸேனா’’தி ப⁴விதப்³ப³ங்.
351-368. Saṃsaṭṭhavāre paccanīye ‘‘navippayutte paṭisandhi natthī’’ti idaṃ vatthuvirahitāya paṭisandhiyā visuṃ anuddharaṇato vuttaṃ. Paṭiccavārādīsu hi sahajātassa paccayabhāvadassanatthaṃ savatthukā paṭisandhi uddhaṭā, sā idhāpi adhipatipurejātāsevanesu nakammanavipākanajhānanavippayuttesu na labbhati, aññesu ca anulomato paccanīyato ca labbhamānapaccayesu labbhatīti imassa visesassa dassanatthaṃ uddhaṭāti. Sesā terasa na labbhantīti ettha ‘‘sesā cuddasā’’ti bhavitabbaṃ. Na jhāne ekanti ahetukapañcaviññāṇavasenāti pañcaviññāṇānaṃ hetupaccayavirahitamattadassanatthaṃ ahetukaggahaṇaṃ katanti daṭṭhabbaṃ, ‘‘namagge ekanti ahetukakiriyavasenā’’ti vuttaṃ, ‘‘ahetukavipākakiriyavasenā’’ti bhavitabbaṃ.
369-391. ஹெட்டா² வுத்தனயேனேவாதி படிச்சவாரே அனுலோமபச்சனீயே வுத்தனயேன. ‘‘நஹேதுபச்சயுப்பன்னேஸு அஹேதுகமோஹோவ ஜா²னமக்³க³பச்சயங் லப⁴தி, ஸேஸா ந லப⁴ந்தீ’’தி வுத்தங், ஸேஸேஸு பன பஞ்சவிஞ்ஞாணவஜ்ஜாஹேதுகக்க²ந்தா⁴ தங்ஸமுட்டா²னா பச்சயுப்பன்னத⁴ம்மா ஜா²னபச்சயங் லப⁴ந்தி, ந பச்சனீயானுலோமே த்³வின்னங் பச்சயானங் அனுலோமேன ஸஹ யோஜனா அத்தீ²தி ஜா²னமக்³க³பச்சயங் ஸஹிதங் லப⁴தீதி ச ந ஸக்கா வத்துங், தஸ்மா ‘‘அஹேதுகமோஹோவ மக்³க³பச்சயங் லப⁴தீ’’தி வத்தப்³ப³ங்.
369-391. Heṭṭhāvuttanayenevāti paṭiccavāre anulomapaccanīye vuttanayena. ‘‘Nahetupaccayuppannesu ahetukamohova jhānamaggapaccayaṃ labhati, sesā na labhantī’’ti vuttaṃ, sesesu pana pañcaviññāṇavajjāhetukakkhandhā taṃsamuṭṭhānā paccayuppannadhammā jhānapaccayaṃ labhanti, na paccanīyānulome dvinnaṃ paccayānaṃ anulomena saha yojanā atthīti jhānamaggapaccayaṃ sahitaṃ labhatīti ca na sakkā vattuṃ, tasmā ‘‘ahetukamohova maggapaccayaṃ labhatī’’ti vattabbaṃ.
ஸங்ஸட்ட²வாரவண்ணனா நிட்டி²தா.
Saṃsaṭṭhavāravaṇṇanā niṭṭhitā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / பட்டா²னபாளி • Paṭṭhānapāḷi / 1. குஸலத்திகங் • 1. Kusalattikaṃ
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 5. ஸங்ஸட்ட²வாரவண்ணனா • 5. Saṃsaṭṭhavāravaṇṇanā
