| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā |
੫. ਸਂਸਟ੍ਠવਾਰવਣ੍ਣਨਾ
5. Saṃsaṭṭhavāravaṇṇanā
੩੫੧-੩੬੮. ਸਂਸਟ੍ਠવਾਰੇ ਪਚ੍ਚਨੀਯੇ ‘‘ਨવਿਪ੍ਪਯੁਤ੍ਤੇ ਪਟਿਸਨ੍ਧਿ ਨਤ੍ਥੀ’’ਤਿ ਇਦਂ વਤ੍ਥੁવਿਰਹਿਤਾਯ ਪਟਿਸਨ੍ਧਿਯਾ વਿਸੁਂ ਅਨੁਦ੍ਧਰਣਤੋ વੁਤ੍ਤਂ। ਪਟਿਚ੍ਚવਾਰਾਦੀਸੁ ਹਿ ਸਹਜਾਤਸ੍ਸ ਪਚ੍ਚਯਭਾવਦਸ੍ਸਨਤ੍ਥਂ ਸવਤ੍ਥੁਕਾ ਪਟਿਸਨ੍ਧਿ ਉਦ੍ਧਟਾ, ਸਾ ਇਧਾਪਿ ਅਧਿਪਤਿਪੁਰੇਜਾਤਾਸੇવਨੇਸੁ ਨਕਮ੍ਮਨવਿਪਾਕਨਝਾਨਨવਿਪ੍ਪਯੁਤ੍ਤੇਸੁ ਨ ਲਬ੍ਭਤਿ, ਅਞ੍ਞੇਸੁ ਚ ਅਨੁਲੋਮਤੋ ਪਚ੍ਚਨੀਯਤੋ ਚ ਲਬ੍ਭਮਾਨਪਚ੍ਚਯੇਸੁ ਲਬ੍ਭਤੀਤਿ ਇਮਸ੍ਸ વਿਸੇਸਸ੍ਸ ਦਸ੍ਸਨਤ੍ਥਂ ਉਦ੍ਧਟਾਤਿ। ਸੇਸਾ ਤੇਰਸ ਨ ਲਬ੍ਭਨ੍ਤੀਤਿ ਏਤ੍ਥ ‘‘ਸੇਸਾ ਚੁਦ੍ਦਸਾ’’ਤਿ ਭવਿਤਬ੍ਬਂ। ਨ ਝਾਨੇ ਏਕਨ੍ਤਿ ਅਹੇਤੁਕਪਞ੍ਚવਿਞ੍ਞਾਣવਸੇਨਾਤਿ ਪਞ੍ਚવਿਞ੍ਞਾਣਾਨਂ ਹੇਤੁਪਚ੍ਚਯવਿਰਹਿਤਮਤ੍ਤਦਸ੍ਸਨਤ੍ਥਂ ਅਹੇਤੁਕਗ੍ਗਹਣਂ ਕਤਨ੍ਤਿ ਦਟ੍ਠਬ੍ਬਂ, ‘‘ਨਮਗ੍ਗੇ ਏਕਨ੍ਤਿ ਅਹੇਤੁਕਕਿਰਿਯવਸੇਨਾ’’ਤਿ વੁਤ੍ਤਂ, ‘‘ਅਹੇਤੁਕવਿਪਾਕਕਿਰਿਯવਸੇਨਾ’’ਤਿ ਭવਿਤਬ੍ਬਂ।
351-368. Saṃsaṭṭhavāre paccanīye ‘‘navippayutte paṭisandhi natthī’’ti idaṃ vatthuvirahitāya paṭisandhiyā visuṃ anuddharaṇato vuttaṃ. Paṭiccavārādīsu hi sahajātassa paccayabhāvadassanatthaṃ savatthukā paṭisandhi uddhaṭā, sā idhāpi adhipatipurejātāsevanesu nakammanavipākanajhānanavippayuttesu na labbhati, aññesu ca anulomato paccanīyato ca labbhamānapaccayesu labbhatīti imassa visesassa dassanatthaṃ uddhaṭāti. Sesā terasa na labbhantīti ettha ‘‘sesā cuddasā’’ti bhavitabbaṃ. Na jhāne ekanti ahetukapañcaviññāṇavasenāti pañcaviññāṇānaṃ hetupaccayavirahitamattadassanatthaṃ ahetukaggahaṇaṃ katanti daṭṭhabbaṃ, ‘‘namagge ekanti ahetukakiriyavasenā’’ti vuttaṃ, ‘‘ahetukavipākakiriyavasenā’’ti bhavitabbaṃ.
੩੬੯-੩੯੧. ਹੇਟ੍ਠਾ વੁਤ੍ਤਨਯੇਨੇવਾਤਿ ਪਟਿਚ੍ਚવਾਰੇ ਅਨੁਲੋਮਪਚ੍ਚਨੀਯੇ વੁਤ੍ਤਨਯੇਨ। ‘‘ਨਹੇਤੁਪਚ੍ਚਯੁਪ੍ਪਨ੍ਨੇਸੁ ਅਹੇਤੁਕਮੋਹੋવ ਝਾਨਮਗ੍ਗਪਚ੍ਚਯਂ ਲਭਤਿ, ਸੇਸਾ ਨ ਲਭਨ੍ਤੀ’’ਤਿ વੁਤ੍ਤਂ, ਸੇਸੇਸੁ ਪਨ ਪਞ੍ਚવਿਞ੍ਞਾਣવਜ੍ਜਾਹੇਤੁਕਕ੍ਖਨ੍ਧਾ ਤਂਸਮੁਟ੍ਠਾਨਾ ਪਚ੍ਚਯੁਪ੍ਪਨ੍ਨਧਮ੍ਮਾ ਝਾਨਪਚ੍ਚਯਂ ਲਭਨ੍ਤਿ, ਨ ਪਚ੍ਚਨੀਯਾਨੁਲੋਮੇ ਦ੍વਿਨ੍ਨਂ ਪਚ੍ਚਯਾਨਂ ਅਨੁਲੋਮੇਨ ਸਹ ਯੋਜਨਾ ਅਤ੍ਥੀਤਿ ਝਾਨਮਗ੍ਗਪਚ੍ਚਯਂ ਸਹਿਤਂ ਲਭਤੀਤਿ ਚ ਨ ਸਕ੍ਕਾ વਤ੍ਤੁਂ, ਤਸ੍ਮਾ ‘‘ਅਹੇਤੁਕਮੋਹੋવ ਮਗ੍ਗਪਚ੍ਚਯਂ ਲਭਤੀ’’ਤਿ વਤ੍ਤਬ੍ਬਂ।
369-391. Heṭṭhāvuttanayenevāti paṭiccavāre anulomapaccanīye vuttanayena. ‘‘Nahetupaccayuppannesu ahetukamohova jhānamaggapaccayaṃ labhati, sesā na labhantī’’ti vuttaṃ, sesesu pana pañcaviññāṇavajjāhetukakkhandhā taṃsamuṭṭhānā paccayuppannadhammā jhānapaccayaṃ labhanti, na paccanīyānulome dvinnaṃ paccayānaṃ anulomena saha yojanā atthīti jhānamaggapaccayaṃ sahitaṃ labhatīti ca na sakkā vattuṃ, tasmā ‘‘ahetukamohova maggapaccayaṃ labhatī’’ti vattabbaṃ.
ਸਂਸਟ੍ਠવਾਰવਣ੍ਣਨਾ ਨਿਟ੍ਠਿਤਾ।
Saṃsaṭṭhavāravaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਪਟ੍ਠਾਨਪਾਲ਼ਿ • Paṭṭhānapāḷi / ੧. ਕੁਸਲਤ੍ਤਿਕਂ • 1. Kusalattikaṃ
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੫. ਸਂਸਟ੍ਠવਾਰવਣ੍ਣਨਾ • 5. Saṃsaṭṭhavāravaṇṇanā
