| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā |
੫. ਸਂਸਟ੍ਠવਾਰવਣ੍ਣਨਾ
5. Saṃsaṭṭhavāravaṇṇanā
੩੫੧-੩੬੮. ਸਾਤਿ ਸવਤ੍ਥੁਕਾ ਪਟਿਸਨ੍ਧਿ। ਇਧਾਪੀਤਿ ਇਮਸ੍ਮਿਂ ਸਂਸਟ੍ਠવਾਰੇਪਿ। ਅਧਿਪਤਿਪੁਰੇਜਾਤਾਸੇવਨੇਸੁ ਅਨੁਲੋਮਤੋ ਨਕਮ੍ਮਨવਿਪਾਕਨਝਾਨਨવਿਪ੍ਪਯੁਤ੍ਤੇਸੁ ਪਚ੍ਚਨੀਯਤੋ ਠਿਤੇਸੁ ਨ ਲਬ੍ਭਤਿ, ਅਞ੍ਞੇਸੁ ਸਹਜਾਤਾਦੀਸੁ ਅਨੁਲੋਮਤੋ ਹੇਤੁਆਦੀਸੁ ਪਚ੍ਚਨੀਯਤੋ ਚ ਅਨੁਲੋਮਤੋ ਚ ਠਿਤੇਸੁ ਲਬ੍ਭਤੀਤਿ। ਤੇਨਾਹ ‘‘ਲਬ੍ਭਮਾਨਪਚ੍ਚਯੇਸੂ’’ਤਿ। ਇਮਸ੍ਸ વਿਸੇਸਸ੍ਸਾਤਿ ਇਮਸ੍ਸ ਯਥਾવੁਤ੍ਤਸ੍ਸ વਿਸੇਸਸ੍ਸ ਦਸ੍ਸਨਤ੍ਥਂ ਉਦ੍ਧਟਾ, ਤਸ੍ਮਾ ਤਾਦਿਸਸ੍ਸ વਿਸੇਸਸ੍ਸ ਦਸ੍ਸੇਤਬ੍ਬਸ੍ਸ ਅਭਾવਤੋ વਤ੍ਥੁવਿਰਹਿਤਾ ਪਟਿਸਨ੍ਧਿ ਅਨੁਦ੍ਧਟਾ, ਨ વਿਪ੍ਪਯੁਤ੍ਤੇ ਪਚ੍ਚਨੀਯਤੋ ਠਿਤੇ ਅਭਾવਤੋਤਿ ਅਤ੍ਥੋ। ਹੇਤੁਪਚ੍ਚਯવਿਰਹਿਤਮਤ੍ਤਦਸ੍ਸਨਤ੍ਥਨ੍ਤਿ ਇਮਿਨਾ ਭੂਤਕਥਨਂ ਅਹੇਤੁਕਗ੍ਗਹਣਂ ਨ ਬ੍ਯਭਿਚਾਰਨਿવਤ੍ਤਨਨ੍ਤਿ ਦਸ੍ਸੇਤਿ। ‘‘ਅਹੇਤੁਕવਿਪਾਕਕਿਰਿਯવਸੇਨਾ’’ਤਿ ਭવਿਤਬ੍ਬਂ ਹੇਤੁਪਰਿਯਨ੍ਤਤ੍ਤਾ ਮਗ੍ਗਸ੍ਸ।
351-368. Sāti savatthukā paṭisandhi. Idhāpīti imasmiṃ saṃsaṭṭhavārepi. Adhipatipurejātāsevanesu anulomato nakammanavipākanajhānanavippayuttesu paccanīyato ṭhitesu na labbhati, aññesu sahajātādīsu anulomato hetuādīsu paccanīyato ca anulomato ca ṭhitesu labbhatīti. Tenāha ‘‘labbhamānapaccayesū’’ti. Imassa visesassāti imassa yathāvuttassa visesassa dassanatthaṃ uddhaṭā, tasmā tādisassa visesassa dassetabbassa abhāvato vatthuvirahitā paṭisandhi anuddhaṭā, na vippayutte paccanīyato ṭhite abhāvatoti attho. Hetupaccayavirahitamattadassanatthanti iminā bhūtakathanaṃ ahetukaggahaṇaṃ na byabhicāranivattananti dasseti. ‘‘Ahetukavipākakiriyavasenā’’ti bhavitabbaṃ hetupariyantattā maggassa.
੩੬੯-੩੯੧. ‘‘ਹੇਤੁਮ੍ਹਿ ਅਨੁਲੋਮਤੋ ਠਿਤੇ ਝਾਨਮਗ੍ਗਾ ਪਚ੍ਚਨੀਯਤੋ ਨ ਲਬ੍ਭਨ੍ਤੀ’’ਤਿਆਦਿ ਯਂ ਇਧ ਅਟ੍ਠਕਥਾਯਂ વੁਤ੍ਤਂ, ਤਂ ਹੇਤੁਪਚ੍ਚਯਾਦਿવਸੇਨ ਉਪ੍ਪਜ੍ਜਮਾਨੋ ਧਮ੍ਮੋ ਚਤ੍ਤਾਰੋ ਸਬ੍ਬਟ੍ਠਾਨਿਕਾ ਆਹਾਰਿਨ੍ਦ੍ਰਿਯਝਾਨਮਗ੍ਗਾ ਚਾਤਿ ਇਮੇ ਅਟ੍ਠ ਪਚ੍ਚਯੇ ਅਲਭਨ੍ਤੋ ਨਾਮ ਨਤ੍ਥੀਤਿ ਇਮਿਨਾ ਪਟਿਚ੍ਚવਾਰੇ ਅਨੁਲੋਮਪਚ੍ਚਨੀਯવਣ੍ਣਨਾਯਂ વੁਤ੍ਤੇਨ ਨਯੇਨ વੇਦਿਤੁਂ ਸਕ੍ਕਾਤਿ ਆਹ ‘‘ਪਟਿਚ੍ਚવਾਰੇ…ਪੇ॰… ਨਯੇਨਾ’’ਤਿ। ਸੇਸੇਸੂਤਿ ਅਹੇਤੁਕਮੋਹવਜ੍ਜਾਹੇਤੁਕੇਸੁ ਪਞ੍ਚવਿਞ੍ਞਾਣਾ…ਪੇ॰… ਝਾਨਪਚ੍ਚਯਂ ਲਭਨ੍ਤਿ, ਤਸ੍ਮਾ ‘‘ਅਹੇਤੁਕਮੋਹੋવ ਝਾਨਮਗ੍ਗਪਚ੍ਚਯਂ ਲਭਤੀ’’ਤਿ ਨ ਸਕ੍ਕਾ વਤ੍ਤੁਂ, ਕਿਞ੍ਚ ਪਚ੍ਚਨੀਯਾਨੁਲੋਮੇ ਦ੍વਿਨ੍ਨਂ ਪਚ੍ਚਯਾਨਂ ਅਨੁਲੋਮੇਨ ਅਨੁਲੋਮવਸੇਨ ਸਹ ਯੋਜਨਾ ਨਤ੍ਥਿ ਏਕੇਕਸ੍ਸੇવ ਯੋਜਨਾਯ ਆਗਤਤ੍ਤਾ, ਤਸ੍ਮਾ ਅਹੇਤੁਕਮੋਹੋવ ਮਗ੍ਗਪਚ੍ਚਯਂ ਲਭਤੀਤਿ ਏવਮੇਤ੍ਥ ਯੋਜਨਾ વੇਦਿਤਬ੍ਬਾ।
369-391. ‘‘Hetumhi anulomato ṭhite jhānamaggā paccanīyato na labbhantī’’tiādi yaṃ idha aṭṭhakathāyaṃ vuttaṃ, taṃ hetupaccayādivasena uppajjamāno dhammo cattāro sabbaṭṭhānikā āhārindriyajhānamaggā cāti ime aṭṭha paccaye alabhanto nāma natthīti iminā paṭiccavāre anulomapaccanīyavaṇṇanāyaṃ vuttena nayena vedituṃ sakkāti āha ‘‘paṭiccavāre…pe… nayenā’’ti. Sesesūti ahetukamohavajjāhetukesu pañcaviññāṇā…pe… jhānapaccayaṃ labhanti, tasmā ‘‘ahetukamohova jhānamaggapaccayaṃ labhatī’’ti na sakkā vattuṃ, kiñca paccanīyānulome dvinnaṃ paccayānaṃ anulomena anulomavasena saha yojanā natthi ekekasseva yojanāya āgatattā, tasmā ahetukamohova maggapaccayaṃ labhatīti evamettha yojanā veditabbā.
ਸਂਸਟ੍ਠવਾਰવਣ੍ਣਨਾ ਨਿਟ੍ਠਿਤਾ।
Saṃsaṭṭhavāravaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਪਟ੍ਠਾਨਪਾਲ਼ਿ • Paṭṭhānapāḷi / ੧. ਕੁਸਲਤ੍ਤਿਕਂ • 1. Kusalattikaṃ
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੫. ਸਂਸਟ੍ਠવਾਰવਣ੍ਣਨਾ • 5. Saṃsaṭṭhavāravaṇṇanā
