| Library / Tipiṭaka / తిపిటక • Tipiṭaka / పరివారపాళి • Parivārapāḷi |
౮. సంసట్ఠవారో
8. Saṃsaṭṭhavāro
౩౫౧. సమ్ముఖావినయోతి వా సతివినయోతి వా – ఇమే ధమ్మా సంసట్ఠా ఉదాహు విసంసట్ఠా? లబ్భా చ పనిమేసం ధమ్మానం వినిబ్భుజిత్వా వినిబ్భుజిత్వా నానాకరణం పఞ్ఞాపేతుం? సమ్ముఖావినయోతి వా అమూళ్హవినయోతి వా…పే॰… సమ్ముఖావినయోతి వా పటిఞ్ఞాతకరణన్తి వా… సమ్ముఖావినయోతి వా యేభుయ్యసికాతి వా… సమ్ముఖావినయోతి వా తస్సపాపియసికాతి వా… సమ్ముఖావినయోతి వా తిణవత్థారకోతి – ఇమే ధమ్మా సంసట్ఠా ఉదాహు విసంసట్ఠా ? లబ్భా చ పనిమేసం ధమ్మానం వినిబ్భుజిత్వా వినిబ్భుజిత్వా నానాకరణం పఞ్ఞాపేతుం?
351. Sammukhāvinayoti vā sativinayoti vā – ime dhammā saṃsaṭṭhā udāhu visaṃsaṭṭhā? Labbhā ca panimesaṃ dhammānaṃ vinibbhujitvā vinibbhujitvā nānākaraṇaṃ paññāpetuṃ? Sammukhāvinayoti vā amūḷhavinayoti vā…pe… sammukhāvinayoti vā paṭiññātakaraṇanti vā… sammukhāvinayoti vā yebhuyyasikāti vā… sammukhāvinayoti vā tassapāpiyasikāti vā… sammukhāvinayoti vā tiṇavatthārakoti – ime dhammā saṃsaṭṭhā udāhu visaṃsaṭṭhā ? Labbhā ca panimesaṃ dhammānaṃ vinibbhujitvā vinibbhujitvā nānākaraṇaṃ paññāpetuṃ?
సమ్ముఖావినయోతి వా సతివినయోతి వా – ఇమే ధమ్మా సంసట్ఠా, నో విసంసట్ఠా; న చ లబ్భా ఇమేసం ధమ్మానం వినిబ్భుజిత్వా వినిబ్భుజిత్వా నానాకరణం పఞ్ఞాపేతుం. సమ్ముఖావినయోతి వా అమూళ్హవినయోతి వా…పే॰… సమ్ముఖావినయోతి వా పటిఞ్ఞాతకరణన్తి వా… సమ్ముఖావినయోతి వా యేభుయ్యసికాతి వా… సమ్ముఖావినయోతి వా తస్సపాపియసికాతి వా… సమ్ముఖావినయోతి వా తిణవత్థారకోతి వా – ఇమే ధమ్మా సంసట్ఠా, నో విసంసట్ఠా; న చ లబ్భా ఇమేసం ధమ్మానం వినిబ్భుజిత్వా వినిబ్భుజిత్వా నానాకరణం పఞ్ఞాపేతుం.
Sammukhāvinayoti vā sativinayoti vā – ime dhammā saṃsaṭṭhā, no visaṃsaṭṭhā; na ca labbhā imesaṃ dhammānaṃ vinibbhujitvā vinibbhujitvā nānākaraṇaṃ paññāpetuṃ. Sammukhāvinayoti vā amūḷhavinayoti vā…pe… sammukhāvinayoti vā paṭiññātakaraṇanti vā… sammukhāvinayoti vā yebhuyyasikāti vā… sammukhāvinayoti vā tassapāpiyasikāti vā… sammukhāvinayoti vā tiṇavatthārakoti vā – ime dhammā saṃsaṭṭhā, no visaṃsaṭṭhā; na ca labbhā imesaṃ dhammānaṃ vinibbhujitvā vinibbhujitvā nānākaraṇaṃ paññāpetuṃ.
Related texts:
అట్ఠకథా • Aṭṭhakathā / వినయపిటక (అట్ఠకథా) • Vinayapiṭaka (aṭṭhakathā) / పరివార-అట్ఠకథా • Parivāra-aṭṭhakathā / అధికరణనిదానాదివణ్ణనా • Adhikaraṇanidānādivaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / పాచిత్యాదియోజనాపాళి • Pācityādiyojanāpāḷi / అధికరణనిదానాదివణ్ణనా • Adhikaraṇanidānādivaṇṇanā
