| Library / Tipiṭaka / තිපිටක • Tipiṭaka / පරිවාරපාළි • Parivārapāḷi |
16. සංසට්‌ඨවාරො
16. Saṃsaṭṭhavāro
306. අධිකරණන්‌ති වා සමථාති වා ඉමෙ ධම්‌මා සංසට්‌ඨා උදාහු විසංසට්‌ඨා? ලබ්‌භා ච පනිමෙසං ධම්‌මානං විනිබ්‌භුජිත්‌වා විනිබ්‌භුජිත්‌වා 1 නානාකරණං පඤ්‌ඤාපෙතුන්‌ති?
306. Adhikaraṇanti vā samathāti vā ime dhammā saṃsaṭṭhā udāhu visaṃsaṭṭhā? Labbhā ca panimesaṃ dhammānaṃ vinibbhujitvā vinibbhujitvā 2 nānākaraṇaṃ paññāpetunti?
අධිකරණන්‌ති වා සමථාති වා ඉමෙ ධම්‌මා විසංසට්‌ඨා, නො සංසට්‌ඨා. ලබ්‌භා ච පනිමෙසං ධම්‌මානං විනිබ්‌භුජිත්‌වා විනිබ්‌භුජිත්‌වා නානාකරණං පඤ්‌ඤාපෙතුන්‌ති. සො – ‘‘මා හෙව’’න්‌තිස්‌ස වචනීයො. අධිකරණන්‌ති වා සමථාති වා ඉමෙ ධම්‌මා සංසට්‌ඨා, නො විසංසට්‌ඨා. නො ච ලබ්‌භා 3 ඉමෙසං ධම්‌මානං විනිබ්‌භුජිත්‌වා විනිබ්‌භුජිත්‌වා නානාකරණං පඤ්‌ඤාපෙතුං. තං කිස්‌ස හෙතු? නනු වුත්‌තං භගවතා – ‘‘චත්‌තාරිමානි, භික්‌ඛවෙ, අධිකරණානි, සත්‌ත සමථා. අධිකරණා සමථෙහි සම්‌මන්‌ති, සමථා අධිකරණෙහි සම්‌මන්‌ති. එවං, ඉමෙ ධම්‌මා සංසට්‌ඨා නො විසංසට්‌ඨා; නො ච ලබ්‌භා ඉමෙසං ධම්‌මානං විනිබ්‌භුජිත්‌වා විනිබ්‌භුජිත්‌වා නානාකරණං පඤ්‌ඤාපෙතු’’න්‌ති.
Adhikaraṇanti vā samathāti vā ime dhammā visaṃsaṭṭhā, no saṃsaṭṭhā. Labbhā ca panimesaṃ dhammānaṃ vinibbhujitvā vinibbhujitvā nānākaraṇaṃ paññāpetunti. So – ‘‘mā heva’’ntissa vacanīyo. Adhikaraṇanti vā samathāti vā ime dhammā saṃsaṭṭhā, no visaṃsaṭṭhā. No ca labbhā 4 imesaṃ dhammānaṃ vinibbhujitvā vinibbhujitvā nānākaraṇaṃ paññāpetuṃ. Taṃ kissa hetu? Nanu vuttaṃ bhagavatā – ‘‘cattārimāni, bhikkhave, adhikaraṇāni, satta samathā. Adhikaraṇā samathehi sammanti, samathā adhikaraṇehi sammanti. Evaṃ, ime dhammā saṃsaṭṭhā no visaṃsaṭṭhā; no ca labbhā imesaṃ dhammānaṃ vinibbhujitvā vinibbhujitvā nānākaraṇaṃ paññāpetu’’nti.
සංසට්‌ඨවාරො නිට්‌ඨිතො සොළසමො.
Saṃsaṭṭhavāro niṭṭhito soḷasamo.
Footnotes:
Related texts:
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / සංසට්‌ඨවාරකථාවණ්‌ණනා • Saṃsaṭṭhavārakathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / සංසට්‌ඨවාරාදිවණ්‌ණනා • Saṃsaṭṭhavārādivaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / සංසට්‌ඨවාරාදිවණ්‌ණනා • Saṃsaṭṭhavārādivaṇṇanā
