| Library / Tipiṭaka / д̇ибидага • Tipiṭaka / бариваарабаал̣и • Parivārapāḷi |
8. самужжаяавааро
8. Samuccayavāro
200. мзт̇унам̣ д̇хаммам̣ бадисзванабажжаяаа гад̇и аабад̇д̇ияо аабаж̇ж̇ад̇и? мзт̇унам̣ д̇хаммам̣ бадисзванабажжаяаа жад̇ассо аабад̇д̇ияо аабаж̇ж̇ад̇и. агкааяид̇з сарийрз мзт̇унам̣ д̇хаммам̣ бадисзвад̇и, аабад̇д̇и баарааж̇игасса; язбхуяязна кааяид̇з сарийрз мзт̇унам̣ д̇хаммам̣ бадисзвад̇и, аабад̇д̇и т̇уллажжаяасса; ваддагад̇з мукз ажчубанд̇ам̣ ан̇г̇аж̇аад̇ам̣ бавзсзд̇и, аабад̇д̇и д̣̇уггадасса; ж̇ад̇умадтагз баажид̇д̇ияам̣ – мзт̇унам̣ д̇хаммам̣ бадисзванабажжаяаа имаа жад̇ассо аабад̇д̇ияо аабаж̇ж̇ад̇и. д̇аа аабад̇д̇ияо жад̇уннам̣ вибад̇д̇ийнам̣ гад̇и вибад̇д̇ияо бхаж̇анд̇и? сад̇д̇аннам̣ аабад̇д̇игканд̇хаанам̣ гад̇ихи аабад̇д̇игканд̇хзхи сан̇г̇ахид̇аа? чаннам̣ аабад̇д̇исамудтаанаанам̣ гад̇ихи самудтаанзхи самудтанд̇и? жад̇уннам̣ ад̇хигаран̣аанам̣ гад̇амам̣ ад̇хигаран̣ам̣? сад̇д̇аннам̣ самат̇аанам̣ гад̇ихи самат̇зхи самманд̇и? д̇аа аабад̇д̇ияо жад̇уннам̣ вибад̇д̇ийнам̣ д̣̇вз вибад̇д̇ияо бхаж̇анд̇и – сияаа сийлавибад̇д̇им̣ сияаа аажааравибад̇д̇им̣. сад̇д̇аннам̣ аабад̇д̇игканд̇хаанам̣ жад̇уухи аабад̇д̇игканд̇хзхи сан̇г̇ахид̇аа – сияаа баарааж̇игаабад̇д̇игканд̇хзна, сияаа т̇уллажжаяаабад̇д̇игканд̇хзна, сияаа баажид̇д̇ияаабад̇д̇игканд̇хзна, сияаа д̣̇уггадаабад̇д̇игканд̇хзна. чаннам̣ аабад̇д̇исамудтаанаанам̣ згзна самудтаанзна самудтанд̇и – гааяад̇о жа жид̇д̇ад̇о жа самудтанд̇и, на ваажад̇о. жад̇уннам̣ ад̇хигаран̣аанам̣, аабад̇д̇аад̇хигаран̣ам̣. сад̇д̇аннам̣ самат̇аанам̣, д̇ийхи самат̇зхи самманд̇и – сияаа саммукаавинаязна жа, бадин̃н̃аад̇агаран̣зна жа, сияаа саммукаавинаязна жа д̇ин̣авад̇т̇аарагзна жа…бз….
200. Methunaṃ dhammaṃ paṭisevanapaccayā kati āpattiyo āpajjati? Methunaṃ dhammaṃ paṭisevanapaccayā catasso āpattiyo āpajjati. Akkhāyite sarīre methunaṃ dhammaṃ paṭisevati, āpatti pārājikassa; yebhuyyena khāyite sarīre methunaṃ dhammaṃ paṭisevati, āpatti thullaccayassa; vaṭṭakate mukhe acchupantaṃ aṅgajātaṃ paveseti, āpatti dukkaṭassa; jatumaṭṭhake pācittiyaṃ – methunaṃ dhammaṃ paṭisevanapaccayā imā catasso āpattiyo āpajjati. Tā āpattiyo catunnaṃ vipattīnaṃ kati vipattiyo bhajanti? Sattannaṃ āpattikkhandhānaṃ katihi āpattikkhandhehi saṅgahitā? Channaṃ āpattisamuṭṭhānānaṃ katihi samuṭṭhānehi samuṭṭhanti? Catunnaṃ adhikaraṇānaṃ katamaṃ adhikaraṇaṃ? Sattannaṃ samathānaṃ katihi samathehi sammanti? Tā āpattiyo catunnaṃ vipattīnaṃ dve vipattiyo bhajanti – siyā sīlavipattiṃ siyā ācāravipattiṃ. Sattannaṃ āpattikkhandhānaṃ catūhi āpattikkhandhehi saṅgahitā – siyā pārājikāpattikkhandhena, siyā thullaccayāpattikkhandhena, siyā pācittiyāpattikkhandhena, siyā dukkaṭāpattikkhandhena. Channaṃ āpattisamuṭṭhānānaṃ ekena samuṭṭhānena samuṭṭhanti – kāyato ca cittato ca samuṭṭhanti, na vācato. Catunnaṃ adhikaraṇānaṃ, āpattādhikaraṇaṃ. Sattannaṃ samathānaṃ, tīhi samathehi sammanti – siyā sammukhāvinayena ca, paṭiññātakaraṇena ca, siyā sammukhāvinayena ca tiṇavatthārakena ca…pe….
анаад̣̇арияам̣ бадижжа уд̣̇агз ужжаарам̣ ваа бассаавам̣ ваа кзл̣ам̣ ваа гаран̣абажжаяаа гад̇и аабад̇д̇ияо аабаж̇ж̇ад̇и? анаад̣̇арияам̣ бадижжа уд̣̇агз ужжаарам̣ ваа бассаавам̣ ваа кзл̣ам̣ ваа гаран̣абажжаяаа згам̣ аабад̇д̇им̣ аабаж̇ж̇ад̇и. д̣̇уггадам̣ – анаад̣̇арияам̣ бадижжа уд̣̇агз ужжаарам̣ ваа бассаавам̣ ваа кзл̣ам̣ ваа гаран̣абажжаяаа имам̣ згам̣ аабад̇д̇им̣ аабаж̇ж̇ад̇и. саа аабад̇д̇и жад̇уннам̣ вибад̇д̇ийнам̣ гад̇и вибад̇д̇ияо бхаж̇ад̇и? сад̇д̇аннам̣ аабад̇д̇игканд̇хаанам̣ гад̇ихи аабад̇д̇игканд̇хзхи сан̇г̇ахид̇аа? чаннам̣ аабад̇д̇исамудтаанаанам̣ гад̇ихи самудтаанзхи самудтаад̇и? жад̇уннам̣ ад̇хигаран̣аанам̣ гад̇амам̣ ад̇хигаран̣ам̣? сад̇д̇аннам̣ самат̇аанам̣ гад̇ихи самат̇зхи саммад̇и? саа аабад̇д̇и жад̇уннам̣ вибад̇д̇ийнам̣ згам̣ вибад̇д̇им̣ бхаж̇ад̇и – аажааравибад̇д̇им̣. сад̇д̇аннам̣ аабад̇д̇игканд̇хаанам̣ згзна аабад̇д̇игканд̇хзна сан̇г̇ахид̇аа – д̣̇уггадаабад̇д̇игканд̇хзна. чаннам̣ аабад̇д̇исамудтаанаанам̣ згзна самудтаанзна самудтаад̇и – гааяад̇о жа жид̇д̇ад̇о жа самудтаад̇и, на ваажад̇о. жад̇уннам̣ ад̇хигаран̣аанам̣, аабад̇д̇аад̇хигаран̣ам̣. сад̇д̇аннам̣ самат̇аанам̣ д̇ийхи самат̇зхи саммад̇и – сияаа саммукаавинаязна жа бадин̃н̃аад̇агаран̣зна жа, сияаа саммукаавинаязна жа д̇ин̣авад̇т̇аарагзна жаад̇и.
Anādariyaṃ paṭicca udake uccāraṃ vā passāvaṃ vā kheḷaṃ vā karaṇapaccayā kati āpattiyo āpajjati? Anādariyaṃ paṭicca udake uccāraṃ vā passāvaṃ vā kheḷaṃ vā karaṇapaccayā ekaṃ āpattiṃ āpajjati. Dukkaṭaṃ – anādariyaṃ paṭicca udake uccāraṃ vā passāvaṃ vā kheḷaṃ vā karaṇapaccayā imaṃ ekaṃ āpattiṃ āpajjati. Sā āpatti catunnaṃ vipattīnaṃ kati vipattiyo bhajati? Sattannaṃ āpattikkhandhānaṃ katihi āpattikkhandhehi saṅgahitā? Channaṃ āpattisamuṭṭhānānaṃ katihi samuṭṭhānehi samuṭṭhāti? Catunnaṃ adhikaraṇānaṃ katamaṃ adhikaraṇaṃ? Sattannaṃ samathānaṃ katihi samathehi sammati? Sā āpatti catunnaṃ vipattīnaṃ ekaṃ vipattiṃ bhajati – ācāravipattiṃ. Sattannaṃ āpattikkhandhānaṃ ekena āpattikkhandhena saṅgahitā – dukkaṭāpattikkhandhena. Channaṃ āpattisamuṭṭhānānaṃ ekena samuṭṭhānena samuṭṭhāti – kāyato ca cittato ca samuṭṭhāti, na vācato. Catunnaṃ adhikaraṇānaṃ, āpattādhikaraṇaṃ. Sattannaṃ samathānaṃ tīhi samathehi sammati – siyā sammukhāvinayena ca paṭiññātakaraṇena ca, siyā sammukhāvinayena ca tiṇavatthārakena cāti.
самужжаяавааро нидтид̇о адтамо.
Samuccayavāro niṭṭhito aṭṭhamo.
адтабажжаяаваараа нидтид̇аа.
Aṭṭhapaccayavārā niṭṭhitā.
махаавибхан̇г̇з сол̣асамахааваараа нидтид̇аа.
Mahāvibhaṅge soḷasamahāvārā niṭṭhitā.
бхигкувибхан̇г̇амахаавааро нидтид̇о.
Bhikkhuvibhaṅgamahāvāro niṭṭhito.
